鐵牛台灣牛肉麵 (翡翠中心)

營業中

休息中

一直都好想試呢間野，但係好多人排隊，所以去到而家先試到。原來呢佢係有得禁guru囉飛嘅，不過我哋蠢，去到先禁，等咗成 25分鐘左右。佢lunch time係有set嘅，我哋嗌咗一個紅燒牛麵同埋鹽酥雞面。餐嘅價格大約係50幾至到60幾嘅，係包嘢飲嘅，但珍珠奶茶就要加錢，得啲檸茶奶茶先係唔使加錢嘅啫。紅燒牛肉麵就係好似平時咁，正正常常啦，睇落去好似好濃味咁，其實唔會好鹹嘅。但係麵同牛肉都唔算好多，食完感覺都仲係好空虛，男仔就一定唔會飽。鹽酥雞麵都係差唔多， 總結一句就係食完都覺得唔算好飽。

最近工作繁忙，喺中環食完晚餐，又要上返Office做嘢即刻諗下有咩餐廳上菜快又好味先！聽朋友講鐵牛都幾好味，所以就嚟咗試吓驟眼見，夜晚都唔算多人。店員好快就安排我哋入座，仲要有得坐卡位我唔客氣啦，即刻嗌嘢食先見到主廚私房牛肉乾拌麵有牛筋又有牛肉，好似好豐富，咁所以就決定叫嚟食！拌麵係用牛肉湯嘅汁嚟撈，好重口味，啱哂我！如果覺得唔夠味仲有一大碗湯汁係隔離，可以用嚟撈，包保夠濃！牛肉方面都煮得好淋，不過略為可惜嘅係個麵唔係太夠熱，如果唔係就perfect池。另外，仲叫咗個鹽酥雞便當食。個人覺得鹽酥雞唔係好夠鹹，下次可能會試其他便當。伴碟反而值得稱讚，有豆乾、菜同埋下一隻鹵蛋 因為怕唔夠飽，仲嗌左個滷肉茄子成餐飯最正莫過於呢碟茄子，夠味又非常多汁食多碟都仲得最後，主食加錢就會有埋飲品，我就加咗$18要咗個百香果QQ冰茶。我發現呢度飲品都唔差，杯冰茶唔係淨係果汁，係真係有茶味。入邊仲有椰果同珍珠，非常滿足

喺中環做完運動，隨便在附近搵食。 鐵牛在往中半山自動扶梯出口旁，非常方便。今晚就食佢啦。晚上8:30去到，食客很少，可坐在窗旁卡位。招牌紅燒牛肉麵 - 一嚟到即急不及待試一口熱湯，入口先飲到藥材味，之後就係鹹味了。牛肉同埋麵都OK。 吃麵時不用配上一口湯，已很夠味。如果湯底不是這麼鹹就 perfect.紅燒牛腩配黃金地瓜飯 - 紅燒牛腩比紅燒牛肉麵無咁鹹。地瓜飯非常足料，滿滿地瓜，而且鮮甜。 本人覺得比牛肉麵還要好吃肉燥伴青菜- 整個生菜都被油浸住。 肉燥味一般。整體今次點的東西都很油，偏咸。 看來之前做的運動白廢了。 😭希望店家可以減鹽減油，就比較健康了。

搵食途中路經半山行人電梯，見到一間台灣牛肉麵專門店。入去坐低，已經聞到非常香既牛肉味，諗都唔使諗，叫左紅燒牛肉麵，朋友就試奮起湖燒雞腿排便當。先講便當，雞尚算入味，飯面有少許肉燥，再加上三款配菜，味道比想像中好，個汁值得一讚，好好味。主角紅燒牛肉麵，湯底非常濃既五香味道，麵質好爽又彈牙。牛肉十分入味，完全腍晒同帶少少根，好好食，我真係連湯都全部飲晒！ 順帶一提，呢度有台灣啤酒賣，可惜要返工所以無得飲😊下次再試

每次lunch諗唔到食咩都會黎鐵牛 抵食而且味道唔差 只係一定要早d黎或者拎定飛 如果唔係等好耐 佢地半自助 有位入到去先比錢order 野食就會送到你枱 餐廳都有少少嘈啦 未必適合傾計 不過中環食lunch 都要快靚正嫁啦! 多人食牛肉麵 我都覺得唔錯嘅 但我就鍾情鹽酥雞滷肉飯 佢d鹽酥雞好夠脆而且唔會凍曬 唔會太鹹 加埋d滷肉食到成碗飯嫁 份量又足 加埋d小伴菜 好滿足 性價比好高 加埋杯洛神花菜 $70有找 係中環普通食個飯都唔只啦 抵食呀!!

那天晚上，颱風將近，我們下班後都仍然賭一賭這間餐廳會否提早關門，因為當晚我們需要留在公司過夜，晚飯也是要吃的。幸好餐廳還在營業，當然客人很少。這是同事介紹來吃的，那我就要了台灣湯麵的招牌紅燒牛肉麵($63。麵的份量不多，有點不夠飽；麵質正常發揮；湯底味道不錯，濃度適中；牛肉有4-5件，份量十足；味道合格)，再要一杯珍珠奶茶(跟餐+$18。珍珠可以再更加彈牙；奶茶濃度就正常，不濃不淡)，還要了一份台灣小食，麻辣豬爽耳($38。挺爽口，正常辣度，不夠麻)。同事就要了台灣便當的逢甲鹽酥雞滷肉便當($59。看到滷肉都有一定的油脂，而鹽酥雞就有6小件，味道就正常發揮)，和一杯珍珠奶茶(跟餐+$18)再加胚芽(+$5)。餐廳裡的食物都均是正正常常，沒有特別驚喜，不過不失。平均每人$100左右，價錢合理。

台灣快餐素來都好受香港人歡迎，一嚟口味方便接近，而且味道比較濃。今日就同朋友去食呢間出名嘅台式快餐 － 鐵牛。其實今次都唔係第一次去食，不過中午依然係排滿等候嘅客人。點餐程序係剔紙然後俾錢，食物好快就會送到你指定嘅檯面。🇹🇼今日就叫咗一個鹽酥雞套餐，再加配珍珠奶茶。成個套餐除咗主菜鹽酥雞，亦有三碟小配菜同埋鹵肉飯。先講鹽酥雞，其實都炸得幾酥脆，可惜鹽味唔算足，同埋雞肉肉質比較似雞胸位，油脂唔太夠。反而三碟小配菜係比較出色，用嚟做飯嘅佐料係一流。鹵肉飯亦都比較平淡，汁唔夠而肉唔夠肥。除咗鹽酥雞套餐，朋友叫咗個紅燒牛腩餐，賣相非常好之餘，根據佢嘅形容味道亦非常好！整體我認為質素當然未稱得上上佳，但係論速度服務，都可算係中上嘅。不過聽講佢嘅牛肉麵先係主打，亦素有好評，有興麵絕對可以一試！味道 ⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️性價比 ⭐️⭐️⭐️

好耐之前食過鐵牛一次🙌🏻食完覺得好味又幾抵食🤔今次經過中環又見到，發現佢都開左幾間分店，就決定再試下睇下水準有冇下降😝🍴奮起湖燒雞腿排肉燥乾拌麵 $70雞排份量好大😍由於係雞脾位，肉質嫩滑，加上雞皮煎得香脆，而個汁似燒汁甜甜地幾好食👍🏻肉燥拌麵正正常常，幼麵煮得軟硬適中，可惜肉燥太少而且偏鹹🙈不過好在汁夠多唔會話好dry，欣賞佢有埋青瓜伴碟，夠fresh😚鐵牛算係價錢抵份量大嘅台灣菜，尤其係中環黎講😝大家經過可以一試😚佢尖沙咀旺角都有分店🤓

牛肉麵味道不錯，份量少，我不嫌疑。麵唔係好夠淋湯底好味，牛肉夠淋，肉質鮮嫩，真係好好味，可惜份量少，一碗唔夠飽就叫多一味逢甲鹽酥雞，很抱歉，無雞味，無肉汁。失望！跟大家建議，食牛一定要試鐵牛；溫馨提示：付款時會給你一張已有兩個印的積分卡，每百元一個印，儲滿適量印章可換雨傘

食物味道: 出乎意料地好味，我覺得湯麵嘅湯底尤其重要，呢方面鐵牛做得到家，尤其係拌麵個牛肉湯底，簡直係一個濃郁嘅牛肉汁，蕃茄湯底雖然冇加入鮮蕃茄喺面頭，但味道鮮，唔似加工蕃茄膏，至於珍珠奶茶就過得去，始終唔係專科，未算係好好味。食物份量: 偏少價錢: 中上，一分錢 一分貨環境: 餐廳旁邊有兩扇大窗，非常光猛，可以望到中環行人自動電梯，感覺寫意。服務: 店員都很有禮貌，上菜速度都幾快回頭指數(10分滿分): 10

中環區想平平地食餐飯選擇有限，唔想食快餐又想坐得舒服d,就去左鐵牛。點左洛神花雞肉飯套餐，涼菜之中茄子令人幾驚喜，軟熟而且入味，又唔太油，洛神花汁酸酸甜甜好開胃，果三朵係原整嘅花黎，成朵都食得，淋淋地幾好味，雞肉外皮香脆，肉質唔鞋，白飯質素高幾好食，一碗好嘅飯係一餐最基本又最重要嘅左邊係芋香奶奶，芋頭味就稍弱，好淡紫色，反而右邊百香果qq果茶味道就幾夠，好解渴。珍珠稍為硬，但咬落有d甜味，夾翻少糖飲品平衡翻

呢間台式餐廳長期好多人排隊，如果要試就12:00pm 前去就最好啦😬1️⃣鐵牛招牌紅燒牛肉湯麵🍜 $60湯底嘅味道較淡，牛肉則有驚喜🤩軟腍之餘，仲幾入味👍🏻而且唔會黏住啲牙🦷麵質偏硬身，唔會有爽口彈牙嘅感覺，尚算可以。🙆🏻‍♀️好味指數: 6.75/10 2️⃣台灣家鄉滷肉便當🍱 $46滷肉用咗半肥瘦嘅豬肉丁，肥美多汁又唔會過於油膩。飯🍚好香軟煙靭。🙆🏻‍♀️好味指數: 6.65/10 -💡中環食午餐來講算幾平下，不過食物質素尚算中規中矩👍🏻

自己喺中環返工，要周圍搵lunch試新嘢都好煩，一過咗12:15，間間餐廳都大排長龍亦要齊人先有得入，其實呢間鐵牛都唔例外，不過勝在排隊唔需要太耐，通常等15至20分鐘都可以入到去！而我點解話比樓下嗰間好食，因為呢間份量足，價錢亦合理，樓下嗰間午餐性價比不算高！呢間餐廳仲有個特色～有得借充電器，午餐付費方式亦好多紅燒牛肉麵：牛肉分量多，牛肉炆得夠林，唔會太硬，牛腩湯底味濃，麵亦夠彈牙鹽酥雞湯麵：鹽酥雞味道適中，炸得香脆，粉漿唔會太厚，雞粒唔會太油，食過兩次都keep到水準鹽酥排骨滷肉飯：呢個排骨比較乾身，可能排骨薄，粉漿厚既關係凍珍珠奶茶：珍珠夠咬囗彈牙，而佢提供外賣杯，飲唔晒仲可以攞走

夜晚來食無咩人排隊，唔洗等就即刻有得入去。招牌牛肉面：面質唔錯，彈牙，牛肉林身。有台灣的味道，湯底都好濃鹽酥雞肉燥飯 ：肉燥肥瘦都岩岩好，好有油香，剩係肉燥都食到一碗飯 鹽酥雞 炸得唔錯 入面仲有少少汁唔會太乾身 

食豬扒滷肉飯！酥脆、大份、抵食，岩晒肉控既你！碗滷肉飯唔算秘製，但又唔可以話超hea，會買三個小食，啱晒想試晒好多嘢嘅人，無唔洗悶嘛。不過豬扒就唔錯，外皮咬落好脆口。評價唔會話好差，便當都多人食，食落都滿足。另外叫左小食鹽酥雞，就份量少左d啦～招牌紅燒牛味肉麵當必食啦。湯底到而家都仲食得出有少少藥材，唔會好頸渴。牛肉就一時時，肥瘦就有時未必均等。麵就一如往常爽口，滿意。整體而言，鐵牛味道正宗、免加一、有效率取勝！唔洗排隊的話，會豪不猶豫地去食。