鐵牛台灣牛肉麵 (翡翠中心)

營業中

休息中

那天和朋友在完全沒有idea for dinner之時，在電梯橋見到鐵牛，便衝衝落去。朋友和我也是台灣牛肉麵控，所以超興奮🤗幸好沒有失望而回😊😊我們各點了牛肉麵，湯底很夠味，麵質很好，牛肉很好味👍🏻👍🏻另點了墨丸，很好味👍🏻👍🏻👍🏻再每人一杯珍珠奶茶（走冰）⋯⋯嘩！不得了，口味剛剛好，沒太甜，沒太淡服務生有些是台灣人，所以有一種在台灣被招待的感覺，非常棒。或者是我那天好運吧！真的令我有點驚喜及滿足的感覺！讚👍🏻👍🏻只是洗手間有再進步空間😅

因為同媽咪一齊放假於是帶佢去豪食台灣野 聽朋友講呢間鐵牛嘅牛肉麵好好味 就同佢一齊試下七點幾去到爆曬場，等左一陣先入得。由於好肚餓，兩個人共叫咗兩碗麵加兩個小食媽咪揀咗推介既主廚私房牛肉麵黎到先飲一啖湯 好香濃既牛腩湯底 面都好彈口，煙韌、軟硬度啱啱好我就叫咗麻辣大塊牛肉麵 一上枱就聞到好香嘅麻辣味 加埋少少酸菜 辣中大一點酸 幾特別我更鍾意食呢個麻辣湯底 配面食一流因為兩個都太鍾意食牛，於是叫多咗個牛三寶拼盤小食入面有牛肉、牛腩同牛筋 基本上同牛肉麵嘅餸差唔多啱晒勁鍾意食牛嘅我哋三款我最鍾意食牛筋 好林好入味再嚟一個香口嘅鹽酥小拼盤有花枝丸、黃金梅子脆薯同埋鹽酥雞個花枝丸真係好好味外脆內彈口 如果可以想叫多一份花枝丸可惜食唔晒另外脆薯都好特別入面係番薯 外面有少少梅粉 食落去酸酸甜甜又炸又香口唔錯最後叫咗兩杯野飲 荔枝紅茶同埋芋香珍珠奶茶 荔枝紅茶比較甜 芋香珍珠奶茶甜度岩岩好，好香芋頭味總括而言 性價比好高，食物同環境質素唔錯 埋單每人唔使200蚊唔錯

去完中環既大館順便食個晚飯鐵牛係中環已經有分店當然要試下招牌既主廚私房牛肉麵湯底濃郁，麵質煙韌牛肉分量頗多，但完全唔會韌非常容易入口鮮蕃茄牛肉米粉湯底用上了鮮蕃茄，味濃很喜歡它的新竹米粉，食落好有口感 木魚炸豆腐每次食鐵牛都會點外層香脆內軟滑，口感很有層次加上濃濃的醬汁，一流梅子脆薯薯條好厚身而且炸得香脆，最愛係佢鋪上面既梅子粉，帶微酸涼拌青瓜酸酸地十分香胃，青瓜爽脆鹽酥雞配小香腸台式小香腸係我最愛，鹽厚雞炸得香脆嫩滑桂花烏龍茶，好清，最岩用黎清下d油膩感杯芽珍珠奶茶，珍珠Q彈，而且有好多杯芽

突然想念台北夜市，來個街頭小食全餐😻壞孩子不吃正餐🤭.🔺夜市小香腸 $38這個推，加上蒜片夾著吃好配🥢不過有點少。🔺涼拌小黃瓜 $29總要吃點綠綠的，所以介紹好吃的黃瓜🥒，醬料拌得入味，涼吃覺得心理好平衡。🔺黃金梅子蕃薯 $35炸物喜歡這個，不過我一般把梅子粉搖走，我不喜歡梅子粉。炸蕃薯🍠是我的最愛。

流行台式飲品熱潮，台式食店都相繼在香港落戶地道台式食店之一，我不得不介紹 鐵牛餐廳採用了台灣食店的經營方式，先點餐付款，後有菜式送上餐廳內侍應也有台灣人，讓食客能體驗台灣文化芝士花枝丸（$38）不用我說，也見到芝士的豐富，香濃芝味，加上炸花枝丸，外層脆，內有粒粒花枝，香而有咬口令人不禁一讚肉燥小茄子🍆$36、滷大腸拼豬爽耳 $45肉燥並不肥膩，入口香濃，加上醬汁，令茄子更惹味滷大腸拼豬爽耳，豬爽耳夠爽口，滷水香而入味，閒談小食的確不錯牛肉麵是店內特色、首選菜式之一 （$62）湯底香濃，有著其獨特配料的香味，牛肉大塊而不韌，入口腍身，牛味依然濃郁台式便當🍱台式風味濃，紅燒牛腩配地瓜飯就更為飽肚特別喜愛這裡的珍珠奶茶，奶香茶滑，真的飲得到台灣的味道

今晚同朋友食台灣菜，就揀左係中環嘅台式牛肉麵！成餐飯我最鐘意嘅係係個魚酥皮蛋豆腐小食, 滑豆腐加上唔澀的皮蛋,上面仲要有d木魚碎, 單係個賣相都覺得好味, 一食仲要停唔到口, 非常適合送飯! 強烈推薦大家黎食的時候試下呢個小食。另外點左雞腿排便當, 雞扒份量剛好, 但鎖唔到太多肉汁所以較乾, 相對普通一點。便當附送3款配菜, 分別係生菜,酸青瓜同滷水蛋，味道都幾好。便當中較為特出是滷肉飯, 加上皮蛋豆腐一齊食就更加分。朋友點左招牌紅燒牛肉面, 面質唔錯, 牛肉很林，若果湯底再濃d 就更好，可能我比較重口味🤣。飲品方面點左係菜單推介的香芋珍珠奶茶同冬瓜茶, 味道都ok。人均消費大概80，好抵食啊！

有一段時間冇去台北，都幾掛住台灣的味道，今日來到中環出名的鐵牛滿足下自己個胃，沿中環扶手梯上，好容易就見到餐廳，來到餐廳裝潢簡潔明亮，餐廳地方都好夠大，人都幾多，店員提到畫完餐紙後在收銀處點餐。點幾個小食試下先：香滷滑牛筋 $48，非常推薦，牛筋好腍好入味，配上飯或者拌麵都一流。肉燥拌青菜 $35肉燥份量多，青菜翠綠油潤，湯汁豐富，入口味道香濃，菜新鮮。肉燥小茄子 $36色澤深，睇落好夠味道，入口果然入味，質感腍軟，配上點肉燥，配飯最適合不過。好耐冇食過新竹米粉，加3蚊就可以轉，今日食香酥排骨肉燥乾拌麵 $62 換新竹米粉 +$3。拌麵、排骨和湯都是分開上的，新竹米粉極幼身，口感好好，肉燥沒有想像中濃味，排骨炸得酥脆，裏面肉質有的腍軟，有的較韌，有點失望。巨峰葡萄梳打 $35清凉冰爽，葡萄味豐富，有椰果喺底。

之前食過旺角既「鐵牛」印象麻麻今次就試試中環新開的分店餐廳主要賣主食和飲品別期望有台式甜品食台灣菜當然要吃它們的牛肉麵，試了原味湯底和蕃茄湯底兩款主打：《招牌紅燒牛肉麵 $62》湯底不油膩而且好香濃沒有太咸麵條口感實在，令人彼有飽肚感紅燒牛肉好腍身而且加入了雪菜吊更香和提味《鮮蕃茄牛筋腩麵 $69》牛腩比牛筋多而牛腩沒有預期中的軟腍亦欠牛肉味所以如果想吃牛筋的朋有可以另點淨牛筋一碟鮮茄湯底味道真實完全不會有茄醬或茄膏的人工蕃茄味此湯底味道天然清香吃麵連湯入口都沒有口渴或咸味麵條方面+$3轉了新竹米粉新竹米粉份量彼多口感爽口而且比一般米粉幼身掛湯非常《奮起湖燒雞腿扒肉燥乾拌麵 $68》（+$3換新竹米粉）個人認為吃拌麵用新竹米粉比用台灣麵更美味新竹米粉更吸汁入味拌上肉燥和湯很不錯但可惜燒雞腿扒肉質乾硬令人失望因為媽媽今天吃素所以點了一份《養生素食便當 配 黃金地瓜飯 $59》黃金地瓜即是甜蕃薯，味道清甜蕃薯粥和蕃薯飯是很台式的家常便飯但可惜這裡的米飯較乾實不太推介便當飯類點了多款小食但只覺得其中幾款比較好吃《香滷滑牛筋 $48》好軟腍入味，啖啖骨膠原《肉燥小茄子 $36》茄子皮燒得微脆口

今日同男朋友去中環行街行到半山電梯附近就有啲肚餓咁就梗係搵嘢食醫肚啦點知比我見到一間係其他區都有嘅鐵牛原來佢係中環開咗分店！好正啊 所以就即刻衝咗入去我就叫咗杯芋香珍珠奶茶男朋友就叫咗焦糖珍珠奶茶其實同出面啲台式飲品店唔會差太遠珍珠都是q彈的之後叫左啲小食 叫咗麻辣豬耳 花枝丸同埋炸豆腐全部都好正 尤其係炸豆腐 真係冇諗過咁好食有少少似日本個種炸豆腐 唔係平時中菜嘅炸豆腐之後就叫咗個 主廚私房牛肉麵 同埋紅燒牛筋腩兩碗面嘅麵質都好彈牙 而且勁大碗重要啲牛筋全部都住到好林食完真係捧住個肚走 呢間野真係抵食每人都只係百零蚊都已經食到咁多野

去台灣都好鍾意食牛肉麵, 林東芳, 清真黃, 永康等等, 都係好愛既牛肉麵食店.  係香港開既牛肉麵店唔算好多, 鐵牛算係我經常幫襯既店之一, 主要係食物環境都非常好, 今次等我影低我最愛點既食物啦!我記得第一次黎鐵牛既時候, 只係一張ORDER紙, 未有呢本咁靚既MENU, 而家呢本MENU好靚, 見到好多野都想試呀!每位客人都會有一張ORDER紙俾你, 揀好TICK好就拎出去收銀處俾錢落單, 咁野食就會送到架喇~每次黎都會叫呢碗紅燒牛筋腩麵, 湯底濃係我鍾意既原因, 唔係好油果隻濃, 份量夠我既伴侶就點左牛肉乾拌麵, 類似日式沾麵既食法小吃有鹽酥小拼盤, 入面有蕃薯, 雞粒, 同花枝丸;  蕃薯係我侶伴既最愛, 次次都點呢個仲有值得推介既小香腸, 好有台灣既味道皮蛋豆腐亦都唔錯, 凍凍既冷盤, 一樣美味呀!飲品係走甜既珍珠奶茶, 茶香以上都係我好推介既美食, 有興趣可以去試下啊~  店長仲係台灣人黎架!

今日喺中環收工。行經呢頭先發現貼有喺中環開咗分店。之前已經聽過鐵牛。但由於經常要排長龍所以仲未有機會試。今日見呢間唔使排隊便入去試下。餐單選擇可謂非常之多，基本上臺灣最出名嘅小食同主食同飲品都有。首先點左兩杯飲品分別係洛神花茶，以及係冬花茶冬瓜茶。小食方面點咗滷大腸豬耳，鹽酥雞香腸欲，肉燥小茄子，小碗滷肉飯，另外點咗兩碗面，包括小香腸肉燥乾拌麵，同台紅燒牛肉麵。鹽酥雞好正宗外脆內軟。肉燥燒茄子，色香味俱全，伴上肉燥，味道一流。我最欣賞肉燥乾拌麵。麵身質地非常有咬口。肉燥亦夠曬鹵水味用來拌麵一流。試咗朋友嘅紅燒牛肉麵，湯底充滿濃厚嘅牛肉味。整體而言，若果想食臺灣嘅小食，呢度一應俱全。位置又夠曬寬敞，會再返嚟食

今晚收工同同事起中環覓食去左鐵牛食台灣菜之前都食過其他分店知道佢性價比高 食物質素又幾好自己選完要出去落單我要左奮起湖燒雞腿排便當份量真係好大份滷肉大粒得黎又夠香肉係半肥瘦 唔太油膩送飯食一流雞腿嫩滑 個汁甜甜地外皮燒過下 幾好食有埋生菜同滷蛋真係100分同事要左招牌牛肉麵我食左塊牛肉 真係好稔 唔黏牙而且好有牛味綜合滷味拼盤 有豬耳豬腸滷蛋最鍾意個豬耳 爽脆彈牙而且滷得好入味肉燥小茄子呢個都要比100分炒得好香好juicy唔會太濃味 好食飲埋杯胚芽珍珠奶茶（跟餐+18）夠哂滿足台灣控必去！

好嘢～ 港島區終於有鐵牛食！唔使過海， 仲要o係公司附近！ 呢日返工即刻衝去食～紅燒牛筋腩麵 $62湯 keep 到水準，夠想濃！ 最後雖然好飽，但都會忍唔住飲晒d 湯！麵夠彈牙，牛肉份量都唔少。番茄大塊牛肉麵 $69 酸酸甜甜番茄湯底夠濃，夠開胃，飲得出裡面有好多番茄～ 足料炸花枝丸 $32本來已經炸得香，點埋d辣粉食更香！！！好芝味芝士鹽酥雞 $42炸香鹽酥雞上面淋上伴溶芝士，好邪惡～肉燥伴生菜 $35好味！ 肉燥夠香～逢甲鹽酥雞 $36唔錯，跟埋甜酸醬，點咗食仲更加好味，差d忍唔住叫多份！魚酥皮蛋豆腐 $36必食！ 以為豆腐皮蛋咁普通o既小食應該周圍都差不多，點知呢個魚酥皮蛋豆腐超好食！好滑豆腐上面出咗有皮蛋外，仲有甜甜地o即燒汁，上面再撒上木魚乾同肉鬆！ 點會唔好食？！冬瓜茶 $16 + 洛神花茶 $22 + 芋香奶茶 $18

呢間台灣野應該係新開嘅，環境頗新淨又舒服。5個同事嚟吃午餐等左5-10分鐘左右就有位，等位期間見到餐廳門口foamboard上有個女仔，有點好奇她是否某某台灣明星，或只是個小職員呢？但估唔到係半自助形式，要先落單俾錢，職員之後會送餐過嚟。大部份人都點左招牌紅燒牛肉麵（午餐當中都有其他便當選擇嘅），另配珍珠奶茶。紅燒牛肉麵湯底okay（但我係比較喜歡味道再濃一點），牛肉份量都滿意，只係麵身比較硬。珍珠奶茶呢，佢用左細粒珍珠，所以咬落無咁彈牙。Overall感覺不過不失，都值得再嘗試嘅😋

中環近排新開左一間台灣菜，主打牛肉麵，之前只有九龍區先有，近日港島區都開左分店，岩哂我，所以即刻約埋同事來食lunch!店面非常闊落，坐得好舒服。呢度需要到櫃臺先落order，然後店員就會親自送上😀菜式選擇非常之多，我就叫左麻辣牛根楠麵，黎到份量十足，呢隻辣絕對會令人上隱，麵質彈牙，每一條麵都吸收哂湯汁精華，牛根腩十分軟淋，非常入味，香味宜人 必食推介！食台灣野點可以唔叫小食，我就叫左兩份，夜市小香腸，腸烤得外皮脆脆，肉汁滿滿，配上蒜片，味道更加濃郁入味！黃金梅子脆薯，呢個係餐廳既推薦，炸到金黃色既脆薯，帶有梅子既香味，唔會有油膩感！珍珠奶茶絕對唔少得，珍珠q彈，茶底香濃 唔會死甜 正！