鐵牛台灣牛肉麵 (翡翠中心)

營業中

休息中

中環的午飯時間如常排長龍，幸好不消一會就有位啦！午餐餐牌的選擇也很多，首先當然要點最有人氣的鐵牛招牌紅燒牛肉麵啦！鐵牛的台灣麵麵質仍然是如此彈牙煙韌！紅燒牛肉麵的湯底香濃，牛骨味重，但不會太咸或過於濃烈。而牛肉的份量也不少，牛腱筋肉的肉質軟稔之餘還非常入味！另外我們點的是香蔥麻辣擔擔軟骨拌麵，擔擔拌麵的花生醬和辣味十足，愈吃愈開胃！但豬軟骨就比較一般，略嫌比較多骨而且肉質厚實。雖然台灣麵的麵質還是一級棒，但麻辣擔擔的湯汁吃到最後會有點過於油膩。除了主食，我們還在正價餐牌上加了小街綜合滷味拼盤。拼盤有滷水豬耳、滷蛋和滷水豬大腸，每樣的咸度都很適中，豬耳份量很多又很爽口，滷蛋是有鐵蛋的感覺，而豬大腸只有四片但很好吃！飲品方面是點了可以選擇走冰和少冰的珍珠奶茶。可惜走冰還是有數塊冰，而少冰亦略嫌冰塊有點過多。幸好的是茶味很香濃，小顆珍珠不會很甜同時亦充滿嚼勁！

每次搭中環扶手電梯，都會見到玻璃窗入面嘅人食得好滋味。所以今次決定晚餐就試吓呢一間開始多分店嘅鐵牛。-裡面環境其實有啲似仙跡岩，幾乎老少咸宜。接待員比左一本畫冊般的menu比我地，都幾精美，就點番d台灣老字號食物1）紅燒牛筋腩麵2）鹽酥雞便當由於我地唔食豬肉，所以飯就走滷肉；怕白飯單調所以我再加個小茄子（又係走肉燥）-10分鐘左右，野食就到齊👍牛肉麵：湯底不太濃身，加上牛筋牛腩都炆得剛好。su兩啖麵，有台灣味道！推介（註：小朋友係《飯/麵》之間揀左牛肉麵食)-鹽酥雞便當：有d乾，而幸好係便當所以其他配菜救得番。另外小茄子係非常好味，醬油好重，所以如果配呢個飯係「啱啱好」。-芋香珍奶：珍珠不大粒亦不多；而始終比起台式飲料店嘅質素，味道不太突出，而嘉許呢間餐廳有呢d選擇👍-回頭率：50%如果同屋企人/朋友/同事食，我覺得會回來試不同set，而驚喜不大。服務、食物賣相、質素亦係standard。可幸地方大，不用等位，上菜時間100分

中環食lunch 動不動就要$80這家店lunch 永遠人頭湧湧的 排最少15mins或以上最大的原因是價格吧 lunch set 60$一個面加飲料 環境座的很舒服 在中環很難找吧重點是食物 真的好吃我跟友人都點了招牌牛肉湯麵 說能跟台灣的相比真的沒誇大湯底是獨家的牛肉湯 很濃（但沒雜質，最怕這種）嘗到有點中藥味 很好喝牛楠牛根份量很大 女生都食不完 很軟 很好吃還點了鹽酥雞 外脆內軟 也是必點飲料點了珍珠奶茶 正常 點了小甜 這家一定要點小甜 可能跟台灣一樣 飲料都是偏甜的

又到Happy Friday既時間，當然唔會帶飯要同同事出去食lunch係出面日曬雨淋排佐一陣之後決定轉戰樓上，睇下呢間鐵牛有冇位，等佐10幾分鐘，終於可以坐低。等位既時候門口既姐姐已經係咁推介鐵牛既米線非常好食，所以坐低之後毫無猶疑，要佐招牌牛肉麵（轉米線，要+3），配番杯台式飲品---熱珍珠奶茶我本身好鍾意食牛（牛腩，牛筋，牛雜咩都鍾意食），呢度啲牛肉燜得好淋好入味，份量亦唔會少。至於店員瘋狂推介既米線亦到非常好食，幼身，滑，配搭牛肉同湯底每一口都有牛既味道！份量足！希望可以改善既地方就係菜可以多少少 熱珍珠奶茶就中規中矩，如果有機會再來會選擇叫其他嘢飲：）

行中環突然間好想食D熱食, 朋友介紹依間食台灣牛肉麵~ 先到櫃枱買單, 服務員就會端上餐點! 水是自助的 , 餐牌好色彩濃厚 ~點了紅燒牛筋腩麵 $62 同魚酥皮蛋豆腐 $36個麵煙韌有咬勁, 而個腩都嫩口! 最鐘意個湯, 真係味力沒法擋 ! 雖然不能吃辣, 但還是試加混了朋友兩大匙的麻辣湯, 很是滋味, 整碗湯都幾乎想喝光了 ✌魚穌皮蛋豆腐都值得一讚, 木魚同個汁配上清清的涷豆腐唔會好濃, 唔駛送飯都得... 難得食到一間好味嘅台灣店下次要試下其他野先

Happy Friday!又係我哋成隊同事出去食lunch嘅時候啦！由於我哋食晏嘅時候係所有辦公室都一齊放飯嘅時候，我哋四周圍都搵唔到位，結果就去咗呢一間新開嘅鐵牛到食佢係一間台式餐廳，門口個侍應姐姐好風趣，但係我哋都等左一段時間，不過有得坐冇所謂啦我嗌左個紅燒牛腩湯米 佢個牛腩炆得十分林，好好味而個米粉好幼細，唔係出邊嗰啲米粉，佢幼到好似粉絲咁個湯底亦都好出色，我嗌左一杯檸檬冬瓜茶，啲冰好大粒，唔係好夠飲。整體上呢一個餐廳幾出色，午餐我覺得係中環來講係抵食嘅。不過啲音響可以細聲小小。

Not exactly the most amazing Taiwanese noodles I’ve had but definitely great value for the dollar!I had the Lunch Set H, Fresh Tomato with Braised Beef Tendon and Brisket Noodle Soup. The tomato soup was the highlight of the dish. The tomatoes were very juicy and sweet. The beef tendon was soft and brisket was cooked well. The noodles were a bit too rough in my opinion. Basic drink was included in the lunch set and I added $20 for the Pickled Cucumber which was crunchy and fresh. The sauce was

鐵牛一直都係我top3我最喜愛既餐廳。除左性價比好高外，佢既分店都好多，而且最緊要好好食。去得鐵牛緊係唔少得佢既招牌牛肉麵啦，佢每間分店都可以保持一樣既味道，真係唔錯，牛肉好冧好好味，而且麵條好煙韌仲好彈牙。保持返一貫水平鐵牛仲有一個好處就係出餐極快好快就滿枱野食呢個滷味拼盤，岩晒我呢啲鐘意食滷味既人士，好似返到台灣咁呢到既蕃茄麵都認真唔錯，配上台灣當地美食，鹽酥雞，首先蕃茄湯既蕃茄味好濃，而且麵條都汲收左鮮茄味，所以每條麵都有濃濃既蕃茄味，而且無出面濃濃味精味，連湯都可以飲埋。而鹽酥雞亦都好香脆，唔會好重味好乾，啲肉亦都無炸到老晒，唔錯唔錯最尾一杯冬瓜茶，唔太甜，剛剛好

中環最近新開既台灣菜，一於黎試一試佢。樓下就係茶木，可以話係硬碰硬。中午時間黎到超多人，我地3個人即刻拎飛先，呢度係要人齊先入得架。都等左一段時間，最終要打橫坐係一邊梳化位。有啲迫，同咪肥少少都坐唔到。講返野食，我叫左逢甲鹽酥雞滷肉便當。一黎到時覺得鹽酥雞份量比相像中少，後來食完就覺得好飽，對面個男仔食剩添啊。有3碟小前菜，油左少少，但都幾好味。飯上有滷肉，更香口惹味，又唔會過咸。鹽酥雞炸得啱啱好，唔會好厚粉，但食完有啲熱氣。總括黎講台灣野係比較濃味，間中黎食下就唔錯，呢度仲要唔洗加一，性價比高過樓下茶木好多。

Happy Friday當然要收工同朋友晚餐直落啦。牙齒岩岩好番，唔方便食熱氣野。友人提意中環鐵牛。呢到勝在地理位置方便，旁邊係上山電梯，向下落樓梯就有蘭佳坊。晚飯後飲兩杯岩曬😋黎到鐵牛，當然要食招牌牛肉麵。老實講，同正宗台灣牛肉麵依然有段距離。但無論麵質、湯底定牛肉，係香港既水平都算中上。價格合理，係中環食店黎講，性價比高。雖然唔可以食太多熱氣野，但面對台灣小食，都係忍唔到手。最後點左梅子粉炸薯同鹽酥雞。份量剛剛好，唔會太油膩。

「牛肉麵」作為台灣經典，耐不耐就飛轉寶島的香港人又點會錯過，連帶專門店也漸多，包括這間「鐵牛」，密密攻港。 門口的招牌寫著：「鐵一般的熱血，最原始的感動」，甚有台灣風的口號。我們好像很少說這樣肉麻的句子 XD 年初小弟遊台北期間，吃了不少米芝蓮牛肉麵店，對地道牛肉麵叫做有些心得。不論牛肉、湯頭、麵質、配菜等幾個環節，都是重要且互相呼應，缺一不可。 地道牛肉麵店少不了自助醬料架，放辣醬、紙巾、酸菜之類。「鐵牛」也有個，放醋、辣椒醬、鹽、豉油， 也齊備杯、水、紙巾等， 卻欠了牛肉麵的神髓：酸菜。對我這個極愛吃酸菜的怪人來說，是個何等大的打擊！ 我光顧的是中環店，落地玻璃，非常光猛。窗台上放植物攞設，感覺柔和放鬆： 放眼看出去是中環街景，是「重慶森林」王菲與梁朝偉的那一段天橋： 麵店採用半自助形式。首先是入坐，由店員帶位： 餐牌看得出花了心思，做得像一本故事書， 賞心悅目。逐頁生動地介紹食物， 讓視覺帶動味蕾。 打開餐牌，除牛肉麵外，也有其他地道小食，例如鹽酥雞、夜市小吃等，做得像本地圖，有走訪夜市的感覺。 揀好食物，剔在點餐紙上，自行到收銀櫃檯付款。食物準備好後，就會送到你座

劣食指數：★★☆☆☆人總是反叛，喜歡反其道而行。來到中環這間主打牛肉麵的台式餐廳，偏偏就選擇了牛肉麵以外的其他菜式。先來的是鹽酥雞，中規中矩，不提也罷。第一道主菜是洛神甜醋雞肉便當，根本就是一道「咕嚕肉」，充滿色素醬汁以為加了幾朵洛神花就能夠瞞騙人類的味蕾？太天真了。咬了一口雞肉，突然有點似曾相識的感覺，咦！不是剛才吃的鹽酥雞嗎？接着這個拌麵的名字就厲害了，甚麼「奮起湖燒雞腿」，在菜式前加個地方名反而成了負累。是由當地直送嗎？應該不是。根據當地的做法嗎？好像也不是。雞腿浸着醬油，加上芝麻和蔥，過量的調味。反而簡單的肉燥拌麵卻成了一道清泉，來得清新、自然。至於伴隨的那碗清湯，是參考了廣東人「一乾三濕」的傳統嗎？飲品方面，台式飲品一直都有過甜的缺點，懂得喝台式奶茶的都會叫少冰少甜。兩款奶茶的味道不錯，但可惜珍珠太細，失去了嚼頭、不夠口感。背道而馳少不免都會碰壁，但我們都喜歡成為那些「包拗頸」的小眾，不喜歡跟隨主流，說俗一點應該就是「犯賤」。

係中環晚餐搵間平小小既餐廳選擇唔多 原本打算去茶木 點知都係要等位 由於太肚餓關係 得知樓上都有台灣野食 就上左黎鐵牛D 位都幾闊落 選擇都好多 都係大路台灣野食 選擇困難症既我諗左好耐叫左碗半筋半肉麵 再加杯凍珍珠奶茶 先講碗麵 個牛湯都幾重牛味 麵係幼身既 我就比較鐘意粗麵多 牛筋有d un 唔夠腍 仲有小小酸味 麻麻地 牛肉就正正常常冇咩賣點 至於杯珍奶 唔似台式口味 似港式 有苦澀味 珍珠唔夠煙un 有小小失望 好彩跟set 唔算貴基於位於中環 價格味道合理 都叫合格啦

今日朋友話要食牛肉麵，我地一共3個人，因為怕無位所以我哋2個人去攞位先，點知要等齊人至可以入座，都算。齊人之後被迫同另外3個人share一張4人枱，我問帶位個姐姐點可以坐到3個人一邊，佢話坐唔到就再等下張，態度奇差。之後6人座底，‘肩並肩’起左2度人牆，一D冷氣都吹唔到，張枱細到D嘢食都放唔落。一邊食一邊滴汗，食慾大減，最後因爲個麵都唔好食，我只可以食到唔夠一半。走個陣，後面枱竟然加張圓櫈坐7個 ？牛肉麵： 湯好啖，麵唔爽，牛肉麻麻珍珠奶茶：珍珠硬，奶茶D冰溶左一半所以無茶味 （送餐個哥哥攞住我地3杯嘢飲都唔一次放底，行開返唻3次，我杯奶茶遊完成間餐廳至俾我，乜都溶）

Came here at lunch time, got forced to seated one side of the bench, 3 people at one side and share with another 3. Elbow to elbow all the way. Air con is on but not enough. The worse lunch experience ever, definitely not worth the hassle as the noodle is not tasty anyways.