150
35
14
| 餐廳: | 鐵板燒海賀 |
|---|---|
| 優惠: |
於此國泰夥伴餐廳用餐賺里 ! 國泰會員用餐消費最高可賺取HKD4=3里數。受有關條款約束。 |
|
條款及細則:
|
|
|
|
港鐵尖沙咀/尖東站 B1/ N5 出口
繼續閱讀
電話號碼
29722888
開飯介紹
鉄板焼 海賀 坐落於尖沙咀新地標The ONE，為香港首間源自日本的鐵板燒日本料理。
鉄板焼 海賀 除誠意獻上一系列鐵板美饌、壽司、卷物及刺身外，還提供頭盤、天婦羅、飯麵類、湯類及甜品等滋味佳餚，保證為賓客帶來無盡驚喜。
食材由日本每天空運扺港，所取得之材料，特別是日本和牛及海鮮，絕對是頂級揀手正貨。
繼續閱讀
附加資料
來自東京銀座的鐵板燒海賀，位於尖沙咀潮流地標the ONE，每天以日本空運到港的食材炮製出賞心悅目的菜式。 客人除了可以享用即席獻製的頂級和牛, 海鮮以及其他和風菜式，亦可以在高雅的壽司吧細味師傅以新鮮食材研製的 omakase 醉心於海賀的料理的同時，亦別忘了細賞窗外的維港景致.
營業時間
今日營業
12:00 - 15:00
18:00 - 22:00
星期一至日
12:00 - 15:00
18:00 - 22:00
*午餐最後落單時間: 14:30 晚餐最後落單時間: 21:00
以上資料只供參考, 請與餐廳確認詳情
有關獎賞計劃
優惠
| 餐廳: | 鐵板燒海賀 |
|---|---|
| 優惠: | 國泰會員用餐消費最高可賺取HKD4=3里數。受有關條款約束。 |
|
條款及細則:
|
|
|
|
相關文章
見到班朋友成日去食鐵板燒，睇到d相都流哂口水，未食過關係一直想去食，初時以為會好貴，無千幾蚊落唔到樓果d。朋友介紹我去The One 【鐵板燒海賀】望到維港靚view又有高質廚師發板海鮮食，食到前菜、6道菜加甜品都係$680一位，6點菜有鮑魚、有蝦、有肉有湯咁，見幾抵食就試試～入到去環境好舒服，加上多角度維港靚景，夜晚食個景仲靚，店員服務態度好好，上餐後會介紹每道菜資料同食法🥗前菜三點店員介紹要由左至右食起，蟹籽豆腐、高糖蕃茄、熟蝦藻物，由淡至濃味，前菜精緻又開胃🦐香煎琵琶蝦大大隻琵琶蝦見到都心心眼，廚師係枱前煎，一邊煎一邊聞到香味，聲色藝都好吸引，新鮮海鮮只用上簡單調味都已經好好食，碟邊嘅醬汁係用蝦熬製而成，用脆片點嚟食好驚喜！濃濃蝦味！好似食緊蝦膏咁！🍲濃湯煮羽太、伴日本香蔥油用包裝煮滾袋湯充滿日本風味，湯面綠色係日本香蔥油，廚師用3種不同蔥製成，增加湯風味。飲落係好香蔥油同魚湯味，羽太都好滑溜🔥鐵板活鮑魚即叫即劏南非大鮑魚，上枱時仲好生猛郁嚟郁去，大隻過我手掌！上碟時店員講解活鮑魚先會連肝臟，食落似鵝肝味。鮑魚超彈牙！咁大隻食到好滿足！讚一讚海苔汁令鮑魚鮮味更出肉類有美國牛柳同日本愛媛縣產雞扒，每碟分別配有：自家製蒜片、芥末籽、黑椒、玫瑰鹽調味，按口味自行揀選🐷西班牙豬鞍唔食牛關係轉咗食豬鞍，豬鞍真係唔係間間都整得好食，過熟會好硬，依到嘅豬鞍真係煮得剛剛好，保留到嫩肉感加上入口即溶脂肪更添滑溜，我就覺得點芥末籽好夾🐥日本愛媛縣雞扒雞皮煎到好香口，油脂分布平均，雞肉超滑溜！加黑椒、玫瑰鹽食好惹味，自家製蒜片激讚！鐘意食蒜嘅我真係當薯片食，脆卜卜勁香蒜味🧆黑松露帶子焗飯大大隻燒香帶子、超香黑松露加菇飯，每粒飯都撈滿醬汁非常入味，一碗剛好唔會過飽浪費食物🍜鯛魚湯冰見烏冬濃濃魚湯底加彈滑烏冬，鐘意飲湯嘅我我直頭飲哂碗湯，飲完暖笠笠，好滋補咁～🫘甜品是日甜品係抹茶tiramisu同南瓜紅豆糖水，抹菜tiramisu好香蛋味，加上淡淡抹菜味好好味。南瓜紅豆糖水甜甜地作為飯後甜品幫助消化🍸Oriental Pearl $138Signature cocktail 梗要試下，西柚、檸檬、蛋白+Gin而成，酸酸甜甜好易入口，粉橙色層仲好靚～好啱打卡🍹Refreshing Lychee $108荔枝味特飲～荔枝加薄荷葉梳打，清新中帶甜，好啱食鐵板燒飲鐵板燒海賀 📍地址：尖沙咀彌敦道100號The ONE 19樓
繼續閱讀
今晚朋友約左車車嚟到E間位於尖沙咀The One嘅鐵板燒食晚飯, 環境寛敞舒適, 居高臨下, 除左可以飽覽尖沙咀嘅景色, 更可以眺望維多利亞海港, 建議黃昏入座, 可以觀賞浪漫嘅日落同迷夜色🍸Oriental PearlGin based cocktail, 入口帶果香味, 酸酸甜甜好岩女士飲🍸Monkey 47 GinGin酒再加上sparking water同rock，清新解渴, 夏日必備⭐無花果蟹肉沙律清爽嘅沙律加上清甜嘅無花果配醋汁令胃口大增⭐特上刺身三點是日刺身有帆立貝／深海池魚／拖羅／赤身, 每款都好新鮮好厚切⭐鵝肝香煎鵝肝用左意大利黑醋調味, 食落軟綿富油香, 與麵包同食減少油膩感⭐西澳洲龍蝦用上龍蝦自身嘅蝦膏嚟炒龍蝦, 食落肉質爽彈, 啖啖鮮味⭐鮑魚香煎南非鮑魚配上鮮海苔同鮑魚肝, 鮑魚超大隻同新鮮, 口感煙韌有嚼勁⭐A4宫崎牛未食已經聞到陣陣油香, 配上芥末籽／炸蒜片／海鹽／玫瑰鹽, 入口油膩甘香, 柔軟多汁, 就咁食已經好好味⭐愛媛縣產雞肉除左牛肉, 佢地嘅雞肉都相當出名,用上愛媛縣產嘅走地雞肉, 食落肥瘦通中, 肉嫩鮮甜⭐黑松露和牛炒飯炒飯有兩款可以選擇, 分別係黑松露和牛同櫻花蝦, 車車同朋友就揀左各一, 黑松露和牛食落好香黑松露味, 但又唔會搶左和牛嘅鮮味, 炒飯炒得幾乾身, 粒粒分明唔油膩, 味道不錯 ⭐櫻花蝦炒飯中意咸香味嘅朋友仔不妨試下櫻花蝦, 滿滿嘅櫻花蝦配搭炒飯, 食落咸咸香香好惹味⭐漬物⭐味噌湯食飽飽飲埋個熱辣辣嘅湯就perfect池啦⭐甜品今晚嘅甜品係綠茶提拉米蘇, 食落幾濃綠茶味, 唔會太甜, 配埋杯餐後茶一邊欣賞迷人夜色, 的確係幾嘆
繼續閱讀
520正日去咗食鐵板燒❤️位於the one 19樓，呢到除咗鐵板燒吧枱，仲有窗邊位可俯瞰整個尖沙咀夜景，非常浪漫💕鐵板燒套餐有三款，今次品嘗了中價位嘅套餐😋🍽️海賀季節精選二人套餐🍽️🌺無花果蟹肉沙律無花果、蟹肉都係我鐘意嘅，好啱口味，蟹肉都幾多，微酸開胃🥢特上刺身三點有帶子、油甘魚、赤身，全部都好新鮮啖啖肉🉐🍴鵝肝鵝肝油份豐富，配多士真係好正🤤有黑醋汁吊味+解膩👍🏻🉐🦞西澳龍蝦龍蝦好靚啖啖肉，質地爽口，師傅技巧純熟，煮得剛好，用上龍蝦頭蝦膏去煎煮，非常惹味，超好食🉐🍴南非鮑魚呢個鮑魚真係超得！師傅經驗豐富，煮得剛剛好，口感質地不會韌，有鮑魚咬口感，好鮮味，配海苔醬微鹹好食🉐🐄A4宮崎牛平時食和牛好怕油膩，但呢到嘅又覺得可接受，有鹽、黑椒、芥辣去調味解膩，份量剛好🍚炒飯有黑松露和牛/櫻花蝦選擇，每樣要咗一款試吓，用上日本蛋，色澤較橙黃蛋味十足，兩款都炒得好香、粒粒分明黑松露和牛微鹹，有黑松露特別香；櫻花蝦則較淡味，清淡少少一樣好食🥢漬物🥣味噌湯- 甜品 -🍵抹茶提拉米蘇好滑不太甜🫘南瓜紅豆湯南瓜唔係煲到腍嗰種，有咬口，紅豆湯不太甜，仲有紅豆粒粒有口感- 咖啡或茶 -🕙食咗1.5小時💰$2980/海賀季節精選二人套餐🚩鐵板燒海賀 (尖沙咀)📍尖沙咀彌敦道100號The ONE 19樓
繼續閱讀
網上見到呢一間鐵板燒好多人食，如果想望住師傅親手烹調食物，又想望住尖沙咀維港靚景景慢慢嘆，鯊仔推薦呢間俾大家~鐵板燒海賀源自日本升級飲食集團Granada，為香港首間源自日本嘅鐵板燒料理，亦係香港澳門米芝蓮指南2014推介餐廳，今次試咗佢哋嘅Taste Of The Season Menu。🥢 Taste Of The Season Menu $680位套餐非常豐富，包括前菜三點、香煎琵琶蝦、濃湯煮羽太伴日本香蔥油、鐵板活鮑魚、美國牛柳、愛媛縣產雞肉、鯛魚湯冰見烏冬同甜品，另外再包咖啡或茶。其中香煎琵琶蝦、鐵板活鮑魚同美國牛柳最為驚喜，香煎琵琶蝦外觀非常吸引，琵琶蝦肉質嫩滑，帶有淡淡海鮮味，亦好欣賞菜色調味，醬汁非常清爽，略帶點酸味，食落非常舒爽，亦能夠平衡海鮮的鮮味和油膩感。鐵板活鮑魚經燒烤過，外觀幾吸引，鮑魚肉質有彈性，顏色金黃，鮑魚肉質嫩滑，帶有淡淡海鮮味，即使經過燒烤後，亦保留了自身鮮甜味道，略帶點炭烤香氣，令成道菜更有口感層次。鐵板燒美國牛柳肉質非常嫩滑，帶有一種微妙的鮮味，而且非常容易咀嚼。鐵板燒的技巧令成道菜口感更加豐富，能夠令肉質帶有一種炭烤風味，令整道菜品更加美味。
繼續閱讀
🎀尖沙咀。體驗無敵海景 一流日式鐵板燒🎀🪄店名* #鐵板燒海賀 🔮地址*尖沙咀彌敦道100號The ONE 19樓 🔮🗾分店地區🗾 沒有分店💰價錢$2728 已加一(2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_尖沙咀剩系食呢一類👉食物類型搜尋🔍🍜#pickyme_鐵板燒 #pickyme_日本菜➖➖➖➖➖➖➖➖➖➖➖➖➖🎵餐廳環境🎵上次食完平價鐵板燒 今次一於試下貴價啲既鐵板燒睇下有咩分別拉👀呢間鐵板燒餐廳都幾出名 同埋都開左好耐歷史悠久～聽講系全港首間鐵板燒餐廳 系門口已經掛住超多獎狀 質素十分有保證🤗餐廳位置十分高私隱度 外面系唔會睇到裡面用餐環境 入到去經過一條走廊會聽到清脆水流聲的裝飾物 之後轉彎有一個服務區 大約容納10位客人 之後再入內再分開四邊服務區 環境幽靜 我地十分幸運被安排可以飽覽絕美海景景觀的座位😍步入沿途見到有廂房供6人享用 亦有落地大玻璃的普通座位 即使系鐵板燒座位亦有門可以關上 我估應該可以for一啲想要私隱的客人～裝潢華麗雅緻 日式裝修風格兼樓底高 用餐環境寬敞舒適☺️🍽️食物質素🍽️餐廳有不同套餐 迎合各個客人喜好 仲可以即時欣賞廚師精湛廚藝😍同埋值得讚賞系即使食物不停烹調 但都唔會有油煙味 又同時可以聞到食物香味🤣整體質素好高質 高級享受！而且餐牌入面都唔係完全固定 可以選擇雞或牛 十分貼心😊每用完一道菜 都會有人黎收取餐具 都會及時添茶 服務態度有禮😇海賀二人套餐$2480👀評分💖💖💖💖💖🪄無花果蟹肉沙律盛宴開始,先黎一個沙律做開胃菜 賣相好精緻 蟹肉鮮甜 清脆沙律菜新鮮 配上無花果及醬汁 酸酸甜甜👀評分💖💖💖💖💖🪄三文魚籽伴海雲醋三文魚籽好大粒 漲卜卜 第一次食海雲醋感覺幾新鮮 口感柔軟黏滑 涼涼地好適合岩岩夏日享用🌞👀評分💖💖💖💖💖🪄磯煮鮑魚鮑魚系用左慢煮方式 所以口感好軟熟 唔會有腥味 有咬口 鮮味足夠 鮑魚下面有一塊白蘿蔔 平時唔食蘿蔔既我都覺得唔錯 唔會有渣 而且好甜😇👀評分💖💖💖💖💖🪄鵝肝爆quota之肥美鵝肝 超邪惡😜份量好多 第一次食甘高質量既鵝肝 幸福感爆棚😍鵝肝外表有層薄膜 入口軟綿油香感 完全唔鞋 反而好細膩😎仲可以配上香脆多士一齊食 減少油膩感 又或者點上酸酸地既意大利黑醋亦可👀評分💖💖💖💖💖🪄大蝦廚師會先煎好蝦頭 確保熟透 然後再煎蝦肉 令蝦肉嫩身彈牙 蝦味濃郁 另外都有配埋青醬 令整體更有層次感😊👀評分💖💖💖💖💖🪄A4宮崎牛•愛媛縣產雞肉之後到主角 可以自由選擇牛或雞 心思思既我當然兩款都叫黎試下拉😋份量都頗多 肉質夠厚 宮崎牛油香滿溢 配上芥末籽,炸蒜片,黑椒粒及玫瑰鹽 入口油膩甘香 肉質嫩滑多汁 熟度剛好☺️另外愛媛縣產雞肉都唔簡單 佢系走地雞肉 肉質偏厚彈 外皮香脆而不油膩 肥瘦均勻 嫩滑鮮甜😆👀評分💖💖💖💖💖🪄 黑松露和牛•櫻花蝦炒飯又係分別叫左兩款炒飯黎試下 廚師炒既時候已經好香好吸引 而且十分足料😍黑松露味極濃 和牛好香口 炒飯偏乾身 金黃色米飯粒粒分明 而櫻花蝦就偏咸香 櫻花蝦好脆身 每一淡飯都可以食到蝦味 中意咸脆口感不妨一試😊👀評分💖💖💖💖💖🪄 味噌湯食左甘多野 飲翻碗熱味噌湯過渡一下 唔會太咸 內有海帶及豆卜👀評分💖💖💖💖💖🪄 甜品-抹茶Tiramisu天平方面分別有南瓜紅豆湯及抹茶Tiramisu 我地就揀左後者🤣表面撒上抹茶粉 Tiramisu入口軟滑 為全餐劃上完美句號👀評分💖💖💖💖💖🪄飲品-雜果薑啤•荔枝薄荷梳打兩杯飲品 各有特色😊雜果薑啤甜甜酸酸 輕微酒味易入口 而荔枝薄荷梳打味道偏淡 梳打好適合夏天飲用 更有去核荔枝 味道清甜(5個💖為最高)✴️✴️✴️✴️✴️✴️✴️✴️✴️✴️✴️✴️✴️⚜️整體評級⚜️🎈味道評分*😋😋😋😋😋🎈環境質素*🎇🎇🎇🎇🎇🎈抵食程度*💰💰💰💰💰🎈服務態度*💌💌💌💌💌
繼續閱讀
您可能會有興趣的...