鐵板漁屋日本料理 (如心廣場二期) (已結業)

第二次黎呢間食，今次試火炙丼定食。有火炙丼，麵豉湯，沙律，飲品，甜品。火炙丼入面有好幾款食物，火炙三文魚，燒牛，火炙帶子，火炙芝士三文魚，海膽，魚子，蟹子，玉子。每款都好好食，新鮮👍🏻👍🏻而且份量絕對唔少，值回票價。個麵豉湯有驚喜，有隻蜆，而且大隻又好食，唔係一般用粉沖出黎的。👍🏻沙律太飽無食到，有生果同菜，應該係好食的，但實在太飽了。飲品好多選擇，凍熱都可以，我揀左熱柚子蜜，不錯👍🏻甜品係糯米糍，可接受。最後同事join左會員，埋單$56，好抵😆😆

本身都有食開漁屋，今次同媽咪慶祝母親節加生日就諗住試下鐵板漁屋。一開始當然係叫刺身，見佢吧台得一個人砌魚生位已經心知不妙，等左成個鐘都未見（當中已經追左2次），再問佢竟然話我冇落單落多次...本身電子落單有紀錄，咁講覺得有啲不負責任，咁我唯有再落多次叫佢快啲到。但總括啲野食又黎唔齊（冇話售罄），好多野唔追都唔到，食物質素比漁屋仲差，個侍應態度又唔好（啲野唔黎要人催仲要語氣差），俾咁既價錢食放題原來接受唔到。

佢新開張嗰日嚟過呢度食，就覺得佢好抵， $88有勁多刺身同埋蟹。而且味道唔錯，好鮮甜。但佢哋個甜品就差啲。佢嘅位置都好舒服，因為係爭櫈，所以就唔會好似其他舖頭咁張凳凹咗落去ʕ •́؈•̀ ₎因為好食，所以想食日本嘢嘅時候都會過嚟食。有一次我隔咗幾個月之後去食，佢啲份量少咗好多，而且又冇咁口，又唔夠凍，又好驚唔新鮮。但係佢啲熟食都可以繼續維持水準嘅，唯獨係嗰啲刺身魚、刺身飯之類嘅食物水準level大大降低😕如果大家都鍾意呢份食評嘅話，請喺下面俾個心心❦我，同埋關注我啦| (• ◡•)|

想搵間最近仍然有好評嘅放題真係選擇唔多，本來想去銅鑼灣某間點知話租約期滿，另一間又話之前有確診要停業消毒，好唔容易最後訂咗呢間，6:00前入座每位都要$288再加一。間嘢好細間，不過有d位有屏風就感覺良好，樓面得兩三個人，不過每次order咗都唔洗等好耐。刺生賣相都好好，但鮮甜味唔夠，天婦羅d粉漿果然好薄，真係食咁多間最薄嘅一間，燒比目魚好大件，又係食咁多間最大件嘅一間，有d壽司款式精緻，幾特別，花之卷好食。飲品除咗一般罐裝樽裝嗰d之外，呢到有水果茶，黑牛，奶蓋紅茶等等特飲。甜品方面有常見嘅奶凍、芝士蛋糕、馬卡龍，仲有比較少有焦糖布丁、香蕉船。

今日想食日本野，揀左漁屋，第一次食，同事推介，一於去試下。😋😋😋我揀左壽司🍣牛肉烏冬定食，配沙律同一杯飲品。壽司有6件，分別係三文魚，虎蝦，帶子，鰻魚，赤貝同龍蝦沙律。壽司算新鮮，d飯係凍飯，欠一d誠意，但可接受。仲有一個洋蔥三文魚下面係一塊餅仔，口感幾得意。牛肉烏冬得兩塊薄牛肉，烏冬幾啖。份量知道係少，因寫明細烏冬，所以無失望。味道唔錯，因食完唔太口渴，唔重味精。仲有甜品係布丁🍮，食完都滿足。😊另外，同事叫左個鍋，份量好大，男士都食唔晒，絕對係抵食👍🏻👍🏻👍🏻

讚左先：餐廳店面得一個主力做嘢(serve 客)，咩粗重嘢都佢做，成日見到佢將重嘢搬黎搬去，見到都辛苦⋯⋯但係，呢個姐姐(帶眼鏡嘅，微胖，著白色裇衫)嘅態度好好，至少其他侍應行過dum低碟嘢就算～負皮黎料了：1.食物質素明顯比之前差咗，之前黎過食4次都好好食， 今次啲嘢食失哂水準，例如舊豆腐咁⋯咸到飲豉油咁⋯⋯唔講我以為食緊茶餐廳⋯仲要好多食物都售罄⋯⋯2.未試過食放題可以等咁耐～晚市放題時限2小時，我全程枱面上嘅嘢食冇超過兩款，我食完一款食物等5至10分鐘先有下一樣，最過份係羊架同豆腐，可以等成個鐘都未有得食⋯⋯我真心覺得我係等到飽多過係食飽3.服務態度唔知想點，一入到去坐低開始聽到個老細定唔知主管大大聲同職員發表偉論，講左成15分鐘⋯成件事好影響食嘢心情～都唔緊要去到last order前30分鐘(當日7點半離座，7點last order)，即係6點半左右，有職員通知半小時後last order，之後過咗10分鐘(即係6點40分)又比人叫我地落單話7點last order，最後6點50分，個侍應仲要再吹我地：落左單未嫁7點last order⋯真心覺得成件事對客人黎講好騷擾，好似吹

今天跟同事到鐵板魚屋午膳，我們都很喜歡吃刺身的，所以選了刺身丼，不太記得價錢，好像每人不用$100， 我覺得幾底食。  刺身丼定食包括的當然有刺身丼、沙律、麵豉湯、飲品及甜品，非常豐富刺身丼的刺身有三文魚、帶子、吞拿魚、油金魚、蟹棒、蟹鉗、甜蝦，刺身上面還放了少許金箔。刺身味道鮮甜，估不到連細細隻的蟹鉗亦會咁有蟹鮮味，麵豉湯一般，甜品是我最愛的布丁。這餐廳 CP 值高，吾怪得日日lunch 經過都人生人海。

好耐冇食日式放題，見食評多笑笑，又有鐵板燒，同朋友專登book位沙田過黎食。6：00pm入座限時120分鐘，QR CODE落單。座位方面，中間隔塊板搭枱果隻，個位好窄，叫多少少野已經冇位放。由於搭枱，侍應不停送錯野食，應該係隔離枱的。冷盤同刺身質數算幾好，刺身蝦幾大隻（但第2轉叫既刺身等左好耐，耐到以為漏單），炸物正常，但鐵板燒就令人好失望，選擇少，送到黎大部份都唔熱扣晒分，鐵板牛柳粒好生，3成熟都唔知有冇，我地完全食唔到，飲品同甜品算多選擇，多手沖特飲同酒揀，叫左個紅石榴牛奶，藥水味好勁，檸檬梳打，水果茶就正常，甜品中芝士蛋糕比較好食，其他認真麻麻。但都有個每人1個既貴價雪糕。食到最後半小時，完全冇人執枱，總括黎講，食物ok,但環境同服務令人腳步，人均300幾蚊黎講，應該有更好選擇

呢間平日主打食放題嘅餐廳喺荃灣已經落地多年，嚟到如心廣場唔食放題就試吓佢嘅午餐，分量賣相都令我好驚喜🥰《極上刺身盛定食》❤️❤️❤️❤️❤️上到枱一見到已經覺得好豐富，仲有金箔做點綴，完全覺得性價比極高，唔知係咪因為餐廳本身做開放題，刺身流轉量比較高，所以唔會有唔新鮮嘅情況。件件刺身都好鮮甜，特別係個蟹鉗同埋海膽🤪呢間嘅刺身飯超級推薦

打電話book位一行五人，食6:30前入$299+10%坐嘅環境有啲似普通茶餐廳，比一般嘅日式放題冇咁坐得舒服，喺門口入咗嘅時候，唔想詳細講只可以講門口嘅侍應應該高級少少嘅姐姐，態度麻麻耐性欠奉，原來喺荃新天地分店嘅高階版，叫做鐵板漁屋，主打當然一定係鐵板啦，已經普及左嘅電子落單方式，一坐低通常食放題10個有10個都係叫咗刺身先，魚生船都切得幾靚不過份量好大出入，譬如我五人帆立貝刺身我叫8片佢都只係會比四片我，人均食唔到一片，另外有少少刺身架船入邊係冇咗嘅，寫住有吞拿魚刺身同拖羅刺身，咁就梗係唔會叫吞拿魚啦！點知拖羅嚟到嘅時候同平時啲吞拿魚係一樣仲要非常多根，三文魚好瘦唔好彩，甜蝦就真係好新鮮，其他刺身不過不失！壽司🍣都好多款嚟到都好靚尤其是係燒牛肉，但係有金箔嗰個海膽吞拿魚真係唔得，海膽真係好臭，叫咗兩鑽都係臭，牛肉鍋好食份量超多建議多啲人先好叫，如果唔係一個牛肉鍋就打爆左，我哋6:30落order，最後7:30前後問咗四次先至嚟嘅鵝肝多士，第一次話幫我跟，第二次話整緊，第三次話仲有5分鐘，第四次話今次真係黎，點知麵包係林嘅，鵝肝係硬嘅，龍蝦沙律放喺上邊根本就食唔到鵝肝味嘅，另外仲有

呢排到去這間食點食得多， 首先講食物質素， 係可以嘅，亦都睇得出入面嘅廚師係有心機主理，廚師仲走出嚟問食物收唔收貨， 食品賣相 亦十分好，但係出面樓面嘅服務就真係麻麻， 我都未曾試過攞餐來，個tray有一半係懸掛喺枱邊, 跟住就走咗去, 又唔會收碟。 有一次我坐卡位， 佢擺個收碟盤喺我後面張櫈， 佢一嘢將食完嘅污糟碟， 有湯有食物殘渣一嘢灑落去，搞到我條褲都濕埋。 坐嘅環境亦都十分擠迫，而家有限聚，一張四人枱中間做隔住咗感覺就更加細。睇得到生意係揼本嘅，食材 用料都ok，但是服務就真係差啲囉， 所以硬件就ok，軟件就真係唔得。 仲有，可唔可以飲品唔好用膠呀? 好cheap呀！ 我都未試過食日本菜用膠杯。

好味指數😋😋😋😋😋回頭指數⭐️⭐️⭐️⭐️⭐️開心指數🤗🤗🤗🤗成日都見佢lunch time 有人等位，問下有冇得訂位，原來都有wor! 就約埋team mate 試下先！訂咗位其實都要等一陣，不過比冇訂位嘅早入，雖然同我預期一去到就有位坐有少少落差！Lunchtime 佢有set 同放題兩款，只有lunchtime 時間當然就唔放題啦！佢嘅lunch set都幾抵食🍴築地三色火炙飯（$62）個set 包埋沙律、大蜆味噌湯、飲品同甜品，甜品係一盒仔乳酪，其實都幾抵食夾大件，碗飯好大都好多餸，火炙飯有芝士燒、三文魚、赤身、帆立貝、海膽、三文魚籽，樣樣有少少，但夾埋都幾多，啱晒我呢個樣樣想試少少嘅人！當然咁平價嘅飯餐唔好諗佢會一大片火炙魚生啦，食咗面嘅海膽同魚籽後，見到下面有一大片芝士燒！本質上魚生都係切粒上，不過所有嘢都食得出好新鮮，唔係差質素！仲意外發現有蟹柳！😝個飯好好味，大碗到食唔晒，下次會想試貴價D嘅魚生飯或者鐵板燒！另外佢都可以$4 追加1碟兩件壽司，都好多款式，不過個飯已經好多飯，都唔會想加壽司...$10 追加小食刺身亦都有好多款，我哋揀咗幾款食，樣樣都好好味！我估佢因為都做開放題，

跟我女朋友一起出席这个我女朋友弟弟好评的歺廰！食物水準…可以有好大進步空间！可能是週五人多比较忙吧！刺生好一般…可以不用太大期望。热荤縂體平庸，站我立场没有一个可以有印象的！牛肉類方面…一般水平可能因为食材贵而用了品质次品！但味道算可以！个人喜歡还是只有可能甜品！最正常的出品！有待日后光顧

上個星期日係屋企附近搵嘢食行過見到呢間日本野，有放題有Set lunch，餐牌唔貴裝修有幾企理，諗住攞個入去試吓新野，點知話冇晒位唯有book下個星期試佢個放題啦準時十二點入到去已經有唔少人入咗座午市放題268加一，望落價錢唔係特別平點知一上枱就見真章刺身多款又新鮮，件件厚切不馬虎有時仲嫌厚得滯熟食極多選擇，清酒啤酒芝士奶蓋仲任飲呢個價真心抵哂，仲可以坐足三個中可以慢慢食慢慢嘆上菜一開始算快手間唔中有一兩個miss左叫已經就立即補返食完仲立即book下星期帶屋企人再黎絕對抵食過大部份酒店自助餐或連鎖日式放題

這間日本菜在如心廣場，同事話抵食，今日來試，安排坐在房裏，用apps下單，午餐選擇好多，我們睇了好耐先揀到。飲蘋果汁，凍飲用瓦杯裝，有些格格不入😆😆細心的有紙袋放口罩👍👍10元兩隻炸蠔，炸粉薄，蠔都好juicy，唔腥，抵食。😚😚😚2元一隻壽司，叫了吞拿魚，魷魚，蟹子，好抵食呀，不過吞拿魚冇咩味，蟹子同魷魚正常。燒菠蘿，10元3件，好味，酸酸甜甜我叫了比目魚御飯，好吸引，有一碟比目魚，三大件同椰菜絲，一碗飯，小食係魚仔合桃，面豉湯，布甸，小食特別，面鼓湯正常，飯有d實，比目魚好夠滑，加沙津醬好味，布甸有d彈，我想像是淋的。鐵板西冷，好豐富呀，好多杏仁片，牛柳也好味，唔鞋夠淋身。