鐵板先生 (已結業)

因為中學同學介紹下知道這間餐廳👍🏻好老實，原本聽到食鐵板燒都冇太大興趣，鐵板燒比我嘅感覺就係將啲食物煎熟😂食完呢餐發現自己原來咁孤陋寡聞😂首先講下店面唔算大，三張大枱加十幾張bar枱位啦，一行六人，朋友就簡左坐bar枱，可以即時睇到師傅煮野，同行就四個男兩女，坐得迫少少，但都可以接受👌環境方面氣氛都可以，適合情侶撐枱腳果種💑食物方面，一帶叫左三個餐。大蝦餐、南非鮑魚同龍蝦餐。星期六嘅晚上，鋪頭大概坐左大半人，落單唔夠幾分鐘已經有沙律同刺身上左可以食住先，三個餐就三款唔同嘅沙律，比較特別嘅係牛肉他他沙律，自己就未試過👍🏻刺身方面亦ok，食到鮮味嘅，而唔係放入口唔知咩嚟嘅水準，前菜合格👍🏻主菜嘅鮑魚同龍蝦係新鮮嘅，見住店面係水缸捉上嚟，而大蝦就應該係冰鮮喇。望住廚師煮你就知道我一開始所講嘅野係錯嘅，廚師嘅功架，手法應該冇乜人可以係屋企學到😅味道方面係我食過鐵板海鮮入面頭三位，因為食材新鮮加上廚師會因應你口味去調味，所以適合每一個人👍🏻另外要讚嘅係唔會摧你交枱，每樣野都係等你慢慢食完，侍應先再叫廚師上下一樣野，最適合我地可以吹下水嘅老同學👨‍🎓份量都算多，廚師會睇你夠唔夠飽而去決定最後炒飯份

本身係佐敦番工，中午時間留意左呢間餐廳好久，每次都滿座。一直未有機會嘗試下。中午行過決定訂位同同事慶祝生日。七點去到，唔算太多人，一行三個男人，點左一個餐加散叫小食加支清酒。主要叫左個龍蝦餐，另加多隻龍蝦🍤，主菜入面仲有鵝肝、銀鱈魚🐟同安格斯牛朳，前菜有個刺身。前菜刺身無乜特別，不過不失同大營連鎖壽司店咁上下。反而想讚一讚個面鼓湯，個人鍾意幾濃味，有小小魚肉係入面，飲得出絕對唔係即沖果隻。龍蝦係新鮮游水嘅，煎到金黃色，非常香，諗起都想再食。鵝肝香口，入口即浴咁濟。銀雪魚同牛扒對比起有小小失色，但都係高分的。其間同其中一個女店員傾計先知道係家庭式餐廳，大家有講不盡嘅話題😂食到人地收工👍🏻👍🏻價錢對得住有餘丫👌

本身係呢頭附近番工，本身約女朋友係附近簡單食個晚飯，冇意中發現呢間餐廳鋪面唔算太大，但環境唔錯。 店員超有禮貌主動推薦餐牌，最後選擇左巨蝦黑毛豬套餐，另加一枝梅酒。師傅全程會問清楚你嘅口味，巨蝦可以選擇原味或者黃金蝦我嘅選擇係黃金蝦。全程師傅同你有傾有講好似朋友咁，呢方面真係要讚一讚，以前都有食過類似嘅餐廳，師傅通堂勁cool坐係面前有好大壓力咁。講番食物方面前菜有大蝦沙律🥗刺身，都係好新鮮，主菜黃金巨蝦勁香，勁吸引，齒頰留香果隻😂真心冇誇張。菜式仲有廣島蠔(又係大大隻，鮮甜，唔會好似出邊啲餐廳有腥味)原隻魷魚筒仲有黑毛豬，份量勁多，最後仲有炒飯啱晒我呢啲長期餓嘅人🤤整體來講，味道好，份量足，店員有親切感值得介紹大家

上次同屋企人食過一次Dinner都覺得好味抵食架啦，今日中午係尖沙咀附近做野經過發現原來佢地有做埋lunch就入去食,正呀唔洗諗食邊間最後食左個鯖魚定食，埋單$5x呢個價真係好抵食又飽，仲要唔洗加一，而且野食質素仲要唔差添唔怪之得見到成場都係學生妹，一入去果陣仲以為去左學生食堂🤣🤣

第一次試這間餐廳，同朋友慶祝生日，9個人消費8仟，食物一般，除了男侍應之後，女服務員態度極差，男廚師態度不好，本人和朋友都非常不滿，環境不好，價錢又貴，一定不會推介给明友，大家請小心.

話說約左朋友晚餐係食韓燒，到左就入去等先，點知我冇睇舖頭名入錯左舖頭去左呢度，雖然環境吾係好靚，但係服務同野食都幾好，而且價錢係鐵板燒中吾貴，平常鐵板燒有龍蝦兩個人都要大約3千，和移家個餐12xx 有銀雪魚同鵝肝加四百轉龍蝦埋單都係17xx ，而且都整得幾好食，不過個炒飯我覺得就好麻麻，因為有煙肉好易有燶味吾知有冇得轉，所以食落有少少苦！服務員同厨師都好Nice同細心，下次可以再去，呢個價錢呢個質素做得幾好！

自從搬到山林道工作以後，就常常在尖沙咀、佐敦覓食，中午經過鐵板先生門外，望了一下門口的餐牌，見價錢相宜，可以一試。選了甜汁金菇肥牛卷定食師傅就在你面食燒，聞著牛油香都肚餓了這個餐的麵豉湯跟一般的不一樣比較 creamy~ 有牛肉在湯中，特別好喝沙律就沒什麼特別，一般生菜配千島醬。至於金菇牛肉卷，份量算多，用很多牛油去煎，超香 但頗油。牛肉很香，金菇爽口，配飯是絕配，米是用上日本米，口感煙韌。最後還有甜品，雪米糍 $52元，超值，完滿

聖誕節晚飯🎄🎉🎁大時大節去左寶寶想食既鐵板燒💓我地叫左海鮮set $1088, 有火鷄沙律，魚頭豆腐麵豉湯，刺身，廣島蠔，鮑魚，魷魚，老虎大蝦，冷烏冬，炒雜菜，同甜品。打完出黎好似好多咁，但係食完兩個人都唔夠飽全部鐵板野煮出黎既都好香好好食，尤其係生蠔同鮑魚😍生蠔煎得啱啱好，咬開有汁唔會過熟，廚師落既調味好夾，櫻花蝦同蔥令佢更加香口。鮑魚好爽口😋一路食個口同對手都好忙，又要趁熱食又要影低廚師煮😂美中不足既係，餐牌寫左送香檳兩杯，飲落已經覺得冇酒味，去city super發現原來係果汁黎😐😣

價廉物美既午餐定食，可電話預約，午餐不用加一服務，甜品是雪米糍，只是白飯有待改善﹗普通定食午餐有很多選擇；至於另一個 set A, B, C, D，對於不吃牛的朋友，只能選擇Set D了。

結婚紀念日去選擇左喱間餐廳，估唔到地方細細，出品竟然咁好，好驚喜！叫左個$1288套餐 食物都好新鮮，睇住師傅表演廚藝真係好得意 ，一邊睇就已經覺得好想食，香味一邊傳入鼻，先食刺身 新鮮，沙拉同湯 都不錯 ，條魚柳外脆內軟 加上陣陣香草香 ，之後就上馬來西亞大蝦，我同老公都超級無敵鐘意，好好食 旦黃蝦膏絆脆包 停品到口 蝦更是彈牙可口.到個蠔都好香口.第二主角 神戶牛 入口即溶 入夾左沖同寸 有口感，正正正. 之後重點個公仔炒飯 靚到呢 好開心 ，食埋炒菜 飯已經要包走 ，甜品是雪糕都唔錯.推薦大家一定要去試試待應也很細心 有服務 有禮貌

琴日放假兩條友無所事事，行街行到餓就同老公搵野食，行過山林道見到有一間叫鐵板先生嘅鐵板燒，又見好耐無食鐵板燒，睇佐陣佢門口餐牌，有心水就入去試下，我哋揀佐個龍蝦餐，原嚟食佐鐵板龍蝦肉之後龍蝦頭仲可以免費煲湯或煲粥，從頭盤沙律、刺身、主菜、配菜到甜品，我同老公都覺得D嘢食好新鮮，好味。最後我兩公婆係抱住個肚行出門口咖，超滿足。估唔倒佢哋價錢合理之餘，D嘢仲咁足料咖，一定會再嚟

某夜，友人相約，説要帶我去一家極好吃的鐵板燒餐廳吃飯。前陣子在日本吃過叫人拍案叫絕的鐵板燒，心理帶著滿心期望到了這家餐廳。到了餐廳，雖説已經快要九點，裏面卻是沒有一個客人。友人大概是跟店裏厨師相熟的，馬上便熱情招待，所以我餐牌也沒看過，朋友和厨師便先行決定了。那也不錯，我就負責吃吧！活龍蝦刺身刺身素來是我的至愛，龍蝦刺身也不例外。這裏的龍蝦刺身尚算新鮮，入口彈牙爽口，不錯。南非活鮑魚先來的鐵板燒食品是南非活鮑魚。本來就不是很喜歡吃鮑魚的我，對此道菜期望也不大。吃下去，鮑魚不會過硬，口感適中，只是調味有點不合適。活北海道帶子皇帶子算是我比較喜歡吃的海鮮之一，但這帶子有點硬，調味也不好，不知道是食材的問題，還是烹飪方式導致美食失色呢？和牛薄燒鐵板燒當中，牛肉是我心目中的重頭戲。個人比較喜歡薄燒多於厚切，主要是因爲裏面包住的葱和蒜。薄燒也很看厨師的功力，畢竟薄薄一片，很容易過熟，同時又要控制好裏面配料的運用，免得蓋過了牛肉的鮮味。這道牛肉上菜時，我確實是有點失望，看上去有點馬虎呢。吃下去，牛肉質感正常，調味適中，算是我整夜最喜歡的鐵板燒菜式。可能因爲一直聊天喝酒，雖然沒點上炒飯那些，感覺到這

朋友推薦呢度嘅鐵板燒，所以黎食。見到有個「極上馬肉套餐」，有帶子有鵝肝，我地又未食過馬肉，好特別，就試下啦。馬肉他他沙律。未食之前成日諗係馬肉係乜味道，只係知道馬肉係健康，低脂肪，豐富蛋白質。原來唔羶又唔腥，都幾滑。馬肉刺身。好滑。帶子皇，好厚肉，鮮甜。我最鍾意食帶子😍鵝肝煎得好香。加拿大鐵板馬肉。師傅煎得剛剛好，就算煎左都唔靭，又唔係太油。好味呀👍🏻兩個人食到好飽。總算挑戰成功又食左一樣新嘢😌

有朋友話想食鐵板燒, 咁就上搵食網睇下啦, 呢間餐廳叫得自己鐵板先生, 夠專業吧, 而且坐落尖沙咀, 地點好就腳方便, 價錢亦唔離地, 一致通過食呢間! 呢晚一行三人黎食左幾個鐵板菜式, 鐵板燒真係要出街食先食到, 自己煮唔到~食肉獸朋友要求叫個安格斯牛扒, 牛嘅脂肪溶化出香味, 令人食指大動, 個牛扒肉質鮮嫩, 又多汁, 煮到剛剛好, 唔過老, 加埋蒜蓉味道更濃郁惹味!龍蝦已經起左肉切粒, 用左黃金色醬汁煮, 呢個汁超好食呀, 龍蝦肉好爽嫩, 口感一流, 龍蝦頭仲有濃香既蝦膏, 食龍蝦都食到心醉! 唔可以錯過側邊嘅多士仔, 夾埋龍蝦同汁食, 又另有一番風味!鐵板煎銀雪魚, 魚肉口感滑溜細緻, 魚肉油脂較豐盛, 幾乎入口即溶, 煎到外皮香脆, 味道豐富。

朋友提議食鐵板燒，來到山林道的鐵板先生。招牌十分顯眼，很搶眼的Logo。入內已經見到師傅積極製作食物，看起來很專業。不久更是「放火」，十分有氣氛。店內有不少套餐可選，第一次來我們就選了價錢較低的鮑魚餐淺賞。套餐先奉上刺身和沙律。雖是套餐，但質素亦是不俗。朋友對刺身讚不絕口，讚其鮮甜味美。沙律亦混入了不少蝦肉，十分足料，配搭的麻醬亦很開胃。重頭戲燒鮑魚十分好吃，鮑魚煮得軟滑，有咬口卻不痴牙。單吃是一種鮮味，混和香蔥香蒜又是另一種味道的享受。煎銀鱈魚同樣精彩，銀鱈魚魚邊燒得脆卜卜，魚身卻嫩滑。魚肉中滲出不少魚油，魚香四溢，入口味道很濃郁。兩道海鮮都是十分高質。及後的肉類和配菜沒有海鮮的驚喜，套餐來說卻仍是合格有餘。最後送上雪糕作甜品。進餐途中還讓我們有機會看見師傅表演「公仔飯」，用彩色飯粒拼出圖案，很特別。聽說這是因為當天有人慶祝生日。整體而言，刺身海鮮都十分高質。其他鐵樣菜式亦不錯。套餐價錢算是抵食。但二人餐for情侶可能較佳，兩位男仕share有點不足夠。