鏞鏞．藝嚐館

營業中

休息中

食物環境OK服務個別人一般因為有長輩返來香港玩同埋有小朋友，提前預約訂枱，選擇k11 musea 方便住港島九龍的朋友。成餐飯食物味道幾好，因為擔心長輩埋單提前買完單，大家坐低傾偈，用餐時間只是一小時，有個比較年長少少的女性服務人員行過來，因為出面有客等緊，你地係唔係食完？好明顯趕客，感受非常差，如果用餐時間過耐，超出限時完全可以理解，但是這個情況不能理解。並且用餐前並沒有說明有限時。此外，一般只有勁好味的餐廳先會留言，但這次經驗希望都可以比大家參考，亦希望餐廳明白，尊重是互相的，可以理解你的客人等緊，但是買完單傾偈未走的客人亦是你的客人。揀K11musea 的餐廳是覺得有一定的服務質素可以代表香港，不想再失望。

鏞鏞藝嘗館是鏞記酒家開拓的年輕品牌，已經典味道和藝術情懷為特色。午市套餐非常豐富，提供了多種選擇。特別推薦他們的叉燒酥、蝦餃和燒賣，味道美味可口。另外，他們的酸姜皮蛋、叉燒和油雞也是不容錯過的美味。唯一的遺憾食如果能換上燒鵝，應該會更加完美。

適逢有老同學嚟香港旅遊，第一餐就帶咗佢哋嚟K11musea，諗都唔諗選咗鏞鏞。味道冇得頂，個個都話好好味，燒鵝真係冇得彈，配嘅應該係花生醬，好香！最驚喜都係帶子，超肥美，好新鮮，醬汁調得非常好，就連有個平時唔點食海鮮嘅朋友都讚不絕口。 強烈推薦竹笙花菇湯，口感非常濃郁，飲完想飲多碗。

<<素食與蔬菜都有進步>>首先讚揚餐廳的服務很好，我個人覺得食物味道基本上到達黑珍珠與Michelin Star等要求的推介至1星水平吧。 （我家人與朋友本身就是黑珍珠與Michelin評委之一，他們絕對與完全遵守保密協議，只是剛巧給我無意發現他們的身份，然後我也就慢慢主動了解他們的評分標準了）作為醫生，我很喜歡健康菜色，特別是多菜少肉，甚至全素的！但很遺憾，去過世界很多3星Michelin Star 餐廳， 只要客人要求更改少部分菜單又或者準備素食，馬上恐怖等像車禍現場，經驗恐怖。 但我個人很喜歡這裏， 原因有兩個：第一，這餐廳比較尊重動物權益； 第二， 餐廳 尊重素食客人的 選擇 權利， 本身已經 提供不少素食選擇， 還不斷嘗試推出不同的新素食！今天的素咖哩飯 ，味道也是不錯的。這點很加分！另外之前也有跟舊部長提過意見：這裡一客蔬菜（ 利如上湯浸菜或蒜蓉炒菜 ）接近200元， 但份量卻明顯比同類級數的餐廳少得多。 現在新部長上任後，情況有改善， 也不能說現在的份量很大方，但起碼接近市場 的水平了。（ 其實自由市場經濟， 很多事情都取決於供求關係。

全香港最有老派特色嘅燒鵝一定要嚟打卡試一試，話晒都係上過米芝蓮嘅名菜。呢度除咗燒鵝之外，佢哋啲豉油雞都整得唔錯，蟹肉粉絲煲都係精品粵菜。建議大家如果唔怕凍可以坐室外，望住個靚景好寫意，室內就望唔到，不過依然阻擋唔到我飲多兩杯酒

鏞鏞．藝嚐館是鏞記酒家開拓的年輕品牌，以經典味道和藝術情懷為特色。這家餐廳繼承了鏞記酒家的經典傳統，卻意外地帶上了一絲浪漫的氛圍。午市套餐非常豐富，提供了多種選擇。特別推薦他們的叉燒酥、蝦餃和燒賣，味道美味可口。另外，他們的酸薑皮蛋、叉燒和油雞也是不容錯過的美味。唯一的遺憾是如果能換上燒鵝，應該會更加完美。不管是菜品的味道還是質量，每一道菜都令人非常滿意。鏞鏞．藝嚐館將經典味道和藝術情懷結合在一起，為客人帶來了一場美味的饗宴。如果您喜歡傳統味道並希望在用餐中感受一絲浪漫，這裡是一個理想的選擇。

第二次幫襯，帶好耐冇見、從外國返嚟嘅朋友去食，大家一致都覺得所有嘢好好食，pork belly叫咗兩份，有一份比較肥，一舊既4/5都係肥肉，不過都好食嘅。燒鵝髀繼續keep 住juicy，茶可以兩溝都好好飲。不過服務就麻麻哋，問咗幾次嘢都好似好唔耐煩咁，我哋食夜晚八點，例如大概九點幾想問甜品仲有幾耐到，店員答我哋嚟緊，答完就走咗了，但係我哋未問完嘢。整體嚟講，嘢食係好食，價錢較貴，服務一般。未試過可以一試。

鏞鏞位置唔錯，都幾有藝術氣氛，呢樣對於我嚟講係一個唔錯嘅加分項，因為我唔係好怕熱，所以我都係坐係外邊，燒鵝好滿意，酸姜皮蛋作為餐前開胃小菜分量啱啱好，可以話每樣菜都好唔錯，點心都係。

呢度嘅燒鵝可以話係我食過最貴嘅燒鵝啦不過人哋貴係有道理嘅，材料無需多講係一等一靚鵝，出品一直在線，除咗燒鵝我覺得呢度啲豉油雞都整得唔錯，俾人一種好精緻嘅感覺聽講呢度係鏞記嘅副線，有機會都想去埋鏞記試一試

燒鵝真係好好食，冇得頂，三個人點咗半份都好大份，完全夠食。仲有茄子，味道中規中矩，炸得幾夠鑊氣，白兔啫喱好有創意，超得意。環境就肯定唔洗講嘢，服務都好好，價錢有少少貴

梅菜扣肉超級推薦，真係好好食，本來我係超唔鐘意食肥豬肉，上菜果陣仲猶豫咗下，後尾夾咗兩舊試試，估唔到一啲都唔肥膩，甚至係入口即溶，真係冇得彈！其他菜式都好滿意，燒鵝都係好好味

估唔到原來鏞鏞有咁大個露台，食飯之餘仲可以打卡下露台上嘅靚海景，齋係呢個海景我覺得已經值回票價啦！燒鵝同埋點心都係值得推薦，尤其呢度嘅點心，好精緻，最適合影相叉燒好好味，上湯浸時蔬啲湯特別鮮美，可以試得出湯頭落足料

老友請食飯，好細心提前book定咗位，終於有機會可以一探呢間鏞記兄弟店嘅廬山真面目！環境好闊落，晚市人唔算太多，每個位都坐得好舒服，菜式出品都好好，服務貼心到位，令到成餐飯嘅氛圍感好足，體驗感比較好特備推薦呢度嘅燒鵝同埋東星斑

呢度首推薦嘅當然係燒鵝啦，同鏞記比正唔正宗呢個就唔知，不過都係皮脆肉香。蜜汁叉燒，蜜汁非常濃郁，口感一流，煎帶子夠晒大隻，隻隻都好入味，炸蝦丸賣相精美，外邊脆內軟，都係推薦嘅菜式

星期六想喺尖沙咀飲茶食點心。諗起K11有間開咗一輪既鏞記副線。一於去試吓。佢係K11頂層，裝修光鮮，又有個大露台望中環。可惜打風，座唔到露台。枱同枱之間空間充足。侍應都俾一般中式酒樓勤快有禮。不過注意-限時90分鐘。燒鵝脾-要三百三，本身有啲期望。不過感覺一般啦。唔算太脆皮，唔算太juice。只可以話佢冇其他地方既燒鵝咁死咸。蝦餃-正常發揮。鮮甜，仲要加啲貴氣喺面😅蝦腸-算係飽滿，鮮甜叉燒酥-好一般，唔夠酥脆荷葉飯-黎嗰陣時覺得嗰size只係一隻糯米雞。三個人食都每人有兩小碗既。睇個人囗味，我鐘意佢乾身，味道唔錯。童年大白兔糖奶凍是日highlight,呢個最好食。$58唔算太貴。做得幾精緻，有陣白兔糖味又唔會太甜。總結 - 環境好，坐得舒服。不過有限時所以唔適合一班人慢慢食慢慢傾。食物質素少少中間偏上，但係三個人食咗千二蚊既午餐，值唔值得就見仁見智啦⋯⋯