鎔記潮州飯店

營業中

休息中

餐廳：鎔記潮州飯店 @yungkeechiuchow 地址：九龍城城南道33號地下突然好想食蠔仔粥🦪，見呢間店個門面都幾乾淨，好似有係度食過，唔理咁多，衝入去食咗先講😜🎀韮菜豬紅 豬紅非常入味，又香又滑🤤韮菜亦食得出好新鮮😊🎀墨魚拼紅腸招牌潮州嘢點會唔好食呀🤭🤭🎀蠔仔粥🦪嘩…..粒粒蠔仔都脹卜卜，又大粒，一咬落去食到蠔既鮮味🤤🤤，真係要夠大粒既蠔仔先會食到蠔味👍🏻👍🏻👍🏻🎀豉椒炒蜆大大蝶，味道偏甜，好岩我好味😋 蜆洗得好乾淨，完全食唔到有沙整體來講得幾好👍🏻👍🏻👍🏻見到隔離枱食兩大碟獅蚶好似好正，等我下次黎又試吓先🤭🤭

今年年初在這裏吃過一個很好的糖醋麵，於是今晚翻兜這潮州飯店。先來個有鵝片的“鹵水拼盤”，但鹵水鵝鹹了點，其它如 紅腸、鵝腸、墨魚、豬頸肉、腩肉、大腸等還好，但下面的大豆芽和韭菜已煮得幾乎爛透，像在外邊那些煮好一盤盤的一樣，一點都不吸引，且口感欠奉，合格而已。但這晚的驚喜是這“煎封馬友”，廚師做得特別出色，炸得透，連骨頭、翅、鰭也炸到香脆可口，調過的香蔥豉油很鮮甜，薄薄一層，魚肉份外鮮、甜、嫩、滑，下次一定要翻兜這個。

咁啱今天去九龍城做野，行到攰攰地又想食下潮州野，即刻call返幾個老友到九龍城聚一聚，老友話想食螄蚶，搵左幾間潮州打冷，終於搵到間鎔記，二話不說即刻衝入去坐低。鎔記雖然鋪仔細細，但食物種類都算應有盡有，先叫個螄蚶，再來個炒蜆，豬紅，蠔餅，整多個拼盤，加多兩枝大啤。幾個老友說下水，飲下啤酒，滿足滿足，埋單每人都係兩舊左右，ok啦，食物質素都唔錯啦。

-{九龍城潮州打冷🫖}原本save左好多間嘅打冷！今次黎到九龍城嘅打冷店食晚飯🤤蠔餅🤤 蠔仔份量夠多🤩好香脆同平時食落嘅蠔餅感覺唔太似👖褲評: 7.5/10🤤鵝片 例🤤 個份量唔多 滷水味夠同埋底嘅豆腐都浸得多滷水汁 味道就正常喇👖褲評: 6/10🤤椒鹽豆腐🤤個炸粉唔太脆 但係冇椒鹽味架🥲似食緊炸豆腐👖褲評: 3/10🤤胡椒豬肚湯🤤飲到底越飲越辣😂😂😂豬肚幾爽彈😗彈酸菜好似有啲鹹😌👖褲評: 5.5/10🤤豉椒炒蜆🤤 嗰醬太鹹 不過啲蜆冇咩沙幾多肉👍👖褲評: 7/10野食一般 冇影到糖醋麵但依個係最好食嘅😂不過其他係中下水平 服務係好差 個阿姨係咁喝我地又唔帶好口罩☹️性價比: 3/10服務: 2/10環境: 4.5/10🚩 鎔記潮州飯店 🚩地址: 九龍城城南道33號地下 #fuudjai #fuudjai港式 #fuudjai中菜 #fuudjai九龍城 #fuudjai伏

飲食記錄：滷水鵝片鵝片滷得好入味，肉質軟腍而且唔霉👍🏻滷水墨魚及滷水鵝腸滷水墨魚切得好靚🌸肉質唔會好韌但亦唔算好彈牙，調味方面，愈食到底味精味愈濃🙈滷水鵝腸唔食內臟無試，供圖作參考（註：餐廳無得「拼」，所以滷水墨魚同滷水鵝腸係分開開味餸嗌，但用1隻碟裝）鎔記小炒皇材料方面都好大路有韮菜、腰果、乾魷魚、濕魷魚及蝦米，但調味方面味精味實在太重😥同埋好油😥唔嗌有汽飲品真係搞唔掂😥😥

態度不好食物也沒什麼特色口味是潮州打冷沒錯，但無論價格或味道，無論西環或油尖旺大把餐廳勝過他，點了10多道菜。沒什麼亮點，可能就是蠔仔粥的蠔很新鮮，蠔餅的蠔也很大，但粥底大地魚味道也沒出來，不過很多店家都是這樣，這倒算小事，整體口味還是偏鹹，可能是為了佐酒。態度也不好，我們是一群廣東話講的亂七八糟的臺灣人，但點菜的是汕頭人啊，用廣東話點菜，也很客氣，但每一個大姊都感覺讓人不舒服，可能又是一間正常態度的餐廳吧，或者工作量太大，我也不知道為什麼要這樣🫠態度最好的應該是最後收拾的大姐吧！無論最基本鵝片口味或人的態度都不會再去了。

做完野都已經9點，呢D鐘數去正常商場或者餐廳可能已經準備last order，要關門。所以最後決定出九龍城呢個不夜城啦🥳 係，呢度出名係泰菜，不過見到都有唔少潮州嘢，就決定揀一間試吓😋店面企理乾淨，職員好客又有趣😄Menu內有勁多菜式選擇，打冷或者潮式家常小菜都有，好開心！今晚試基本必食的：蠔仔粥滷水拼盤煎蠔餅本身仲怕三餸唔夠，叫多幾樣。好彩冇衝動睇定啲先。因為，你哋睇下我D相就知真係大大碟😱 好抵食👍🏻 味道都有驚喜🤤🤤🤤蠔仔粥啲蠔勁大粒又飽滿！好新鮮滷水拼盤有齊腩肉，墨魚，腸，耳，仲加了豆腐底！好正～至於個蠔餅，真係，無 得 彈 ！本身怕熱氣嘅我呢諗住食少少，但係最後都食咗唔少🙈 勁大份，好多蠔，炸粉一啲都唔厚，唔會脆到硬，又無油‘益’味，好好食！！$88 抵到爛🤭開咗兩支大青島啤🍻 最後叫多咗碟蟶子，埋單加一都係$600！真係要再來。下次要試普寧豆腐同埋糖醋麵😙😙😙

九龍城食潮州菜都係第一次！朋友話想試吓呢間 7點幾入座都無乜人 好怕伏左😂🤫 點知過多陣全場爆滿🔥【鵝腸大腸墨魚】揀左三拼 可以試多啲 不過覺得呢個有啲普通 無咩特別🥲【滷水鵝片】一定要嗌鵝片 啖啖肉唔洗咬！ 滷得勁入味 真係唔洗唔醬 底下仲有豆腐 勁勁勁入味！【潮州炸蠔餅】炸到好大舊 覺得偏多粉醬 不過蠔既份量都算適中～ 呢個要趁熱食！【椒鹽九肚魚】炸到黃金色！ 粉醬唔算好厚 九肚魚好滑！ 唔點汁就啱啱好 唔會好咸【黃金鮮魷】呢個真係停唔到口！ 咸香既咸蛋黃醬 再加上新鮮彈牙嘅魷魚 真係好食【啫啫通菜煲】通菜份量 仲有乾蝦米爆香佢 勁有穫氣🔥【韭菜豬紅】朋友推呢個！ 豬紅一啲都唔腥 仲要勁滑！有少少辣 不過好過癮～ 韭菜好新鮮 不過浸得太耐覺得有少少油

前排有舖潮州菜癮，所以係咁食😂連續出潮州菜post，咁大家就可以比較下😌聽講九龍城潮州菜都幾出名，所以就求其搵咗間黎食😍.🦢滷水鵝片 $138個鵝片真係好正，同上次食嗰間完全唔同，啲肉好滑好嫩😋連埋啲滷水豆腐，點少少醋，好開胃😚.🌶辣酒煮花螺 $128講真呢個價錢就覺得偏貴嘅，不過友人好堅持一定要叫就叫囉😂味道又反而出乎意料好食，因為小編都唔太鍾意有酒味嘅食物，但係呢個又好容易接受到🤪.🍚潮州蠔仔粥(大) $88就係食完呢間先知原來潮州粥可以咁好食，好多蠔仔同埋肉碎😍友人嫌芫荽俾得唔夠問店員可唔可以加多啲，點知店員俾咗一大碗🤣.💰人均消費: ~$150.🍽味道: 4/5🏙環境: 3/5👨🏼‍🍳服務: 4/5💧衛生: 3/5💰價錢: 3/5

這天一家三個大食懶沒人想做飯，開車往九龍城吃個快的，那就打冷唄。打冷最快之一，“鹵水拼盤”，有腩肉、豬頸肉、生腸、墨魚、鵝腸、豬腸、豬脷、紅腸、大荳芽，熱辣辣 的，但今天師傅可能番熱時有點過火，鹵水又放得太多，味道雖還好，但賣相有點「樣衰」。“沙爹牛炒芥蘭”，芥蘭竟然是白灼的，不是薑汁炒出來，但沙爹牛挺滑，而且又夠多，沙嗲汁挺辣，惹味。這晚的驚喜，“糖醋麵”！很少吃得到沒剪、要自己動手的糖醋麵，不過又有得玩，吃飯時多了份娛樂。這是我吃過這麽多糖醋麵中煎得最好的其中之一，不僅那個圓圈很齊整，麵餅也很脆口，麵香濃，它的糖和醋用了兩個小碟和兩隻長羹，照顧周到，混出來的味道當然也很豐富，甜、香、脆層次分明，一絕！

今晚在九龍城附近打波，打波前當然要食尐野先，在九龍城打咗幾轉路過見到玻璃窗內嘅鹵水鵝同我地招手，就決定入去食打冷 窗內的美食好吸睛排列整齊有序吧檯上放著不少潮州地道美食兒時媽媽常煮的香煎咸牙帶魚一大隻花蟹正在浸溫泉中最後揀了豬紅鵝片同蠔餅韮菜豬紅好夠味，如喜歡食辣，就要試埋個辣椒油豬紅同韭菜真係好好朋友鹵水鵝片鍾意食滷水鵝片外，也喜歡隱藏在鵝片下的鹵豆腐，用上潮州豆腐，加分！ 炸蠔餅好多蠔仔 識食一定要配埋魚露同古月粉同吃 

好食嘅潮州菜，鎔記絕對係其一明碼實價，價格適中，食得過👍🏻唔使講，先黎個韭菜豬紅，嘩！大大碗，豬紅好夠入味呀，送白粥至啱😋😋滷水鵝片唔少得，師傅刀工一流，鵝肉軟滑，滷水汁入哂味，超得！分量十足添😍😍豉椒炒蜆，完全沒有沙，隻隻蜆都好有鮮味，最快KO嘅一碟餸😅😅朋友話想叫d香口野喎，唔使諗就緊係要個煎蠔餅啦！哈哈！估唔到係咁大堆頭，好香、好脆，蠔仔仲係好多好多，而且粒粒蠔仔都好飽滿！勁推介，飲酒必叫👍🏻👍🏻👍🏻

九龍城除咗泰國野出名，呢間潮州打冷都唔錯，最好打電話book位先韭菜豬紅 💰6️⃣8️⃣老闆娘超推介我哋必食墨魚拼生腸 💰8️⃣8️⃣生腸好爽口油鹽水蜆 💰9️⃣8️⃣花甲好新鮮仲一啲沙都無😋欖角一字骨 💰8️⃣8️⃣用欖角炒味道都幾特別一字骨約5至6件🎈鎔記潮州飯店🎈九龍城城南道33號地下

晚飯時間我哋揀咗嚟九龍城食正宗潮州打冷，未夠7：30pm鎔記已經全場爆滿，好彩我哋book咗枱😛韭菜豬紅 💰6️⃣8️⃣嚟鎔記必食！超級好食！豬紅一啲都唔腥韭菜又唔會煮得好老，而且個湯底超野味有少少微辣墨魚拼生腸 💰8️⃣8️⃣墨魚切得好薄易入口，唔會好難咬，記得點醋一齊食😋且生腸整得好爽脆，加埋辣椒油超推介💯油鹽水蜆 💰9️⃣8️⃣花甲好新鮮幾鮮甜，吐沙都做得好好👍粉絲吸收哂花甲嘅味道，最後我哋全碟食哂😝欖角一字骨 💰8️⃣8️⃣第一次食小菜用欖角嚟炒，都幾特別食落甜甜地，同青紅椒一齊炒都幾夾，一字骨炸得幾香口，肥瘦平均👍🎈鎔記潮州飯店🎈九龍城城南道33號地下

九龍城除左泰國野之外，其實都有好多潮洲菜，今日等我推介其中一間比大家🥸餐廳唔算好大，但勝在乾淨企理👍🏻👅小炒王 $88小炒王既韭菜花好香好甜，蝦乾有煎香，腰果份量都多，送酒一流🍻👅韭菜豬紅 $68呢個豬紅辣辣地，又幾過癮，豬紅入哂味，無怪味，口感都非常好。韭菜豬紅份量其實都多，只係我地同老闆娘講驚食唔哂，叫佢比少啲😆👅潮式炸蠔餅 $82蠔餅炸到超大舊，但炸粉並唔多，表面鬆脆舖滿蠔仔，唔會好重油膩感，配埋魚露帶出蠔餅鮮味🥰👅滷水三拼 $98鵝腸超爽口，魷魚唔韌，滷水入味👍🏻📍鎔記潮洲飯店九龍城除左泰國野之外，其實都有好多潮洲菜，今日等我推介其中一間比大家🥸餐廳唔算好大，但勝在乾淨企理👍🏻👅小炒王 $88小炒王既韭菜花好香好甜，蝦乾有煎香，腰果份量都多，送酒一流🍻👅韭菜豬紅 $68呢個豬紅辣辣地，又幾過癮，豬紅入哂味，無怪味，口感都非常好。韭菜豬紅份量其實都多，只係我地同老闆娘講驚食唔哂，叫佢比少啲😆👅潮式炸蠔餅 $82蠔餅炸到超大舊，但炸粉並唔多，表面鬆脆舖滿蠔仔，唔會好重油膩感，配埋魚露帶出蠔餅鮮味🥰👅滷水三拼 $98鵝腸超爽口，魷魚唔韌，滷水入味👍🏻