鍋霸吃到飽台式養生火鍋 (莊士倫敦廣場)

營業中

休息中

一直大愛的一間台式火鍋餐廳，湯底選擇多，價錢合理，而且用了相當新鮮，地方整潔。這次試了兩款新的湯底，藥膳菇菌湯及特濃芫荽雞湯，湯底本身但有不少蔬菜食材，海量菇菌、豆卜及豆腐，所以建議不需額外點選這些食材，可以食完再點。飲品方面，也非常貼心單是可口可樂老人新款不同的選擇，而且更有室溫及冰凍的，除此之外朋友當中不同類型飲品及自家製無糖台式茶類，更有熱飲櫃及熱飲沖茶吧。蜆新鮮無沙更有無糖soda water 海量芫荽

原來鍋霸都有定量既選擇靚牛/豬係定量，但其他指定配料，包括雞髀肉、蔬菜、豆腐、海鮮、麵等等都係無限添加！如果唔係食肉獸，想chill下打下邊爐，咁定量set係好好既選擇，食物種類都多，價錢又平d👍🏼👍🏼湯底都好多選擇我揀左新出既:藥膳特濃芫茜雞湯😎個湯底好勁，好多芫茜！味道甜甜地，令到肉同豆腐都好甜☺️☺️Prime grade 牛肩胛肉 &西班牙無激素豬肉各一份賣相靚靚，又唔會太肥👍🏼👍🏼無限添加既雞髀肉好厚，好正！響鈴加芫茜湯，甜☺️☺️沙白！ 大大隻，好肥美！咬落去會標汁，好新鮮！仲有好多瓜瓜菜菜，都食唔切😂下次再戰！

去佐敦同朋友一齊整指甲同埋腳底按摩。整完之後都兩點，又非常肚餓大家諗住食餐好啲，去隔離大廈打邊爐。朋友請食飯，入座之後有新餐單，而家推出咗定量午餐，同埋四款新湯底 。新湯底：藥膳胡椒豬肚, 藥膳竹笙雜菌鍋，日本壽喜燒，藥膳特濃芫茜雞鍋。我哋叫咗藥膳胡椒豬肚，入面有好多豬肚及大件雞，好入味。日本壽喜燒，有豆卜同菇。一共四碟肉兩碟牛肉兩碟黑毛豬肉。$173 價錢好抵，好夠飽亦都好好味 。兩款肉肉質都好高質。非常喜歡炒香咗嘅辣椒油。點下蔬菜，粟米都好夠飽。仲可以加十蚊換埋雪糕。好滿足

平日放假，同朋友去咗食火鍋，🍲鍋霸最近推出120分鐘定量火鍋套餐，148起包左2碟肉類，其他火鍋配料及飲品任飲任食，認真抵食😜👭平日放假同朋友一人一個餐可以密密食，食到攬住個肚🤰🏻🤰🏻超爽der!!⋄⋄====—====—====—====—✦ 台式養生火鍋鍋✦🐥藥膳胡椒豬肚雞鍋🍀藥膳特濃芫荽雞湯湯底揀左藥膳胡椒豬肚雞湯底，結合了藥膳的滋補功效營養價值，為湯品注入了豐富的香氣和營養，不僅具有補氣養血、滋補元氣的功效，還有助於提升免疫力和促進健康💪🏻—另一新推出的芫荽雞湯，滿滿芫荽精華作湯底，超正😝⋄✦ Prime Grade牛肩胛肉拼無激素豬肉片套餐 ✦🐄Prime Grade牛肩胛肉🐷無激素豬肉片牛肉、豬肉每人各一碟👍🏻👍🏻 ⋄✦ 火鍋配料無限追加 ✦▪️精選肉類▫️海鮮類▪️火鍋配料類▫️手工配料類▪️炸物類▫️面類▪️蔬菜類⋄✦ 多款飲品任飲 ✦🍁自家製茶類🌼冷泡桂花烏龍茶、🍋台灣黑糖冬瓜檸檬茶、🤎烏梅山楂茶、🍂冷泡四季春茶🥤可樂🧃罐裝飲品▫️更多====—====—====—====—.📌店名：鍋霸吃到飽台式養生火鍋’📍地址：佐敦彌敦道219號莊士倫敦廣場6樓

首先，這家火鍋放題餐廳的食材選擇非常豐富多樣。他們提供了各種新鮮的肉類、海鮮、蔬菜和豆腐等食材，讓人眼花繚亂。無論你是喜歡牛肉、豬肉、雞肉還是海鮮，這裡都能滿足你的味蕾。在海鮮方面，鮮嫩多汁的蝦、蟹和魚片是我最愛的選擇。此外，他們的蔬菜和豆腐也非常新鮮，保持了原本的口感和營養價值。其次，這家餐廳的湯底精心調配，獨具特色。他們提供了多種湯底選擇，包括清湯、麻辣湯、酸菜湯等等。我嘗試了他們的湯底，味道十足而不失風味，讓人回味無窮。湯底裡的香料和調味料都經過精心挑選和搭配，使得每一口湯都充滿了層次感和豐富的味道。最後，這家餐廳的服務態度和環境也非常值得稱讚。服務人員熱情友好，總是笑容滿面地為客人提供服務。他們及時為我們添加湯底和食材，確保了用餐的順暢和愉快。餐廳的環境寬敞明亮，桌椅整潔舒適，讓人感到放鬆和舒適。

唔打算坐咁耐 又唔係打算食好多牛其實食定量已經非常足夠Prime Grade牛肩胛肉併無激素豬肉片定量套餐每款一碟配料依然可以任食 飲品依然可以任飲有新湯底推出 當然要點下啦藥膳竹笙什菌鍋 藥膳胡椒豬肚雞鍋藥膳湯底帶甜 放心係來自天然嘅甜味本身湯底用紅棗、粟米、龍眼等等熬製什菌湯好清新 胡椒豬肚湯就帶辣 原來同藥膳湯咁匹配雞髀肉雖然係跟湯底一齊上 但食落一啲都唔柴本身已經醃咗，有少少鹹味最鍾意呢度有好多素食類嘅選項連紫薯咁偏門都有 仲有我最鍾意嘅鮮腐竹、南瓜、冰豆腐而丸類都有好多選擇韓式粉絲豆腐丸唔係度度都有得食㗎另外炸魚皮炸響鈴一樣好出色用嚟索湯食一流～餐廳仲有熱飲櫃～就算天氣涼涼涼地嚟食都可以飲番啲暖笠笠嘅嘢而我當然最鍾意冷泡茶啦店裏面有一排卡座 窗口正正望住彌敦道居高臨下感覺好開陽

這間鍋霸環境非常寬敞，有良好的抽風系統，沒有沾得一身油煙味，設有巨型卡位好舒適。另設有醬油調味區。一百二十分鐘定量火鍋套餐幾抵食，有8 款選擇，最平$148 就有了。選了$173 的套餐，有一碟美國Prine Grade 極上牛頭脊及一碟西班牙伊比利亞黑毛豬，只需輕輕烚一烚，肉質香濃嫩滑。餐廳主打台式養生火鍋，提供多款特色養生藥膳湯底，藥膳竹笙雜菌鍋湯底清甜，有竹笙有雜菌有粟米，很健康。其他任食配料選擇多，肉類、炸物、手工丸餃、海鮮、麵食、蔬菜等，只需用QR code 落單就可以，十分方便。飲品方面，有手工冷泡茶，自家製烏梅及台灣進口冬瓜茶。

今日午餐我同朋友揀咗兩份牛肉火鍋套餐！佢哋嘅火鍋選擇好多，有幾十個湯底！肉都有八款可以揀擇，真係好豐富。而家呢個天氣，食火鍋最正！揀咗牛肉套餐之後，我地去攞調味料～ 火鍋嘅材料新鮮度好高，牛肉鮮嫩多汁。佢哋嘅任食款式真係超級多，我地一路嘆一路話好好食！首先嚟緊係沙茶牛肉，沙茶醬味道香濃，好開胃！炸魚皮脆脆嘅口感同埋響鈴卷嘅鮮甜真係令人回味無窮。除咗牛肉同豚肉，佢哋仲有其他嘅選擇。我地試咗雞脾肉，肉質鮮嫩，配上特製醬汁更加美味。沙白蜆同深海魚柳都好新鮮，鮮味十足。手工黑松露墨魚滑口感滑嫩，黑松露嘅香氣更加提升味道。仲有鮮淮山、金菇、蕃茄、超甜粟米、帆立貝同台灣鴨血等等，每樣都好好味！特別係鮮淮山同台灣鴨血，味道濃郁！仲有魚皮餃，皮薄餡多，個個餃都好鮮味。真係好滿足，食到肚脹脹！佐敦超美味任食火鍋套餐係一個絕佳嘅選擇。火鍋選擇多，牛肉鮮嫩，任食菜色多樣豐富，每樣菜色都好好味。加上優質服務，我地真係食得好開心，好滿足！

今日同朋友行行吓街想打邊爐，就諗起之前嚟過食晚餐嘅鍋霸，果然食午餐都無令人失望，真係好抵食；座位好寬落，加上下午任食120分鐘都有海鮮，而且一見我哋冇湯就即刻幫我哋加湯，同埋會即刻清理枱面上面嘅空碟，服務好好！🍴午市定量套餐F（每人包2碟美國Prime Grade極上牛頭脊）肉質嫩滑，肥瘦均一，而且食得出係非常新鮮！湯底：🍲 日本壽喜燒Sukiyaki鍋好足料，估唔到壽喜燒鍋都有豆腐同菇做材料！🍲 藥膳特濃芫荽湯底超足料，用筷子撈下個底就有一扎芫荽，而且越滾越入味！👍🏻👍🏻推薦食物：👍🏻鵪鶉蛋花枝丸👍🏻金沙魚蛋一咬就留心，好好味！👍🏻炸魚皮佢提供左有四包唔同口味嘅粉，可以加落魚皮食，特別推薦紫菜味！響鈴卷帆立貝👍🏻芝士小籠包（流心）👍🏻沙白蜆好鮮甜，加埋足料嘅湯底超好食！👍🏻手工黑松露墨魚滑入口有一粒粒墨魚粒，口感好豐富！🥤飲品:桂花烏龍冷泡茶、冷泡四季春👍🏻👍🏻估唔到呢間打邊爐店有自家製嘅凍飲，仲有一個角落係放熱飲，好細心！

佐敦新開一間佔地7,000呎台灣養生火鍋店，以抵食吸客。最近佢地出咗午市定食套餐，人均150左右設有多款高質肉類、另外定食套餐可以自行用QR CODE落單，足足有逾60款火鍋配料！最誇張仲有十幾款湯底供客人選擇今日我地試咗$173套餐，呢款套戲包咗美國Prime Grade 極上牛頭脊同埋西班牙伊比利亞黑毛豬✨自助區有醬料同飲品，驚喜嘅系有暖櫃有熱飲拎多款飲品等，其中都有幾款特別飲品，黑糖薑母茶、馬蹄竹蔗、燒仙草爽、忌廉溝鮮奶沙茶牛肉、牛柏葉、帆立貝、沙白蜆、深海魚柳、手工黑松露墨魚滑、芝士小籠包（流心）、芝心包（流心）、羽衣甘藍、炸魚皮等。當中沙茶牛肉及墨魚滑尤其美味，值得推介！📍鍋霸吃到飽台式養生火鍋 (莊士倫敦廣場) 佐敦彌敦道219號莊士倫敦廣場6樓

中午來吃火鍋，服務員熱情，快速安排座位，讓我們進來先坐下，確定好套餐之後，就可以開始點餐。這裡種類還算比較多的挺新鮮。🥘湯底選擇比較好多，我們選了新湯底，鴛鴦鍋。藥膳竹笙雜菌鍋，🥬藥膳特濃芫茜雞湯，個人推薦前者，配料豐富，很多雜菌，竹笙很脆口。選了173定量，會有兩盤指定的肉，😋另外配料menu任食。沙白蜆很新鮮，熟了之後蜆肉還是很大顆，口感鮮甜飽滿。🍄黑松露墨魚滑和墨魚頭鮮味，深獲朋友好評。

今次來到【鍋霸吃到飽台式養生火鍋】, 唔想太heavy, 揀咗午市120分鐘定量火鍋套餐，以美國Prime Grade極上牛頸脊拼西班牙伊比利亞黑毛豬為主各有一碟，再加上50種多樣配料飲品任食任飲，20款台灣養生火鍋湯底選擇，其實都超級豐富。🥰首先從20款台灣養生火鍋湯底選擇其中之一新款湯底嘅藥膳胡椒豬肚雞鍋。這款湯底融合了藥膳和胡椒的香氣，加上豬肚和雞肉的鮮嫩口感，帶來濃郁的風味，天氣涼返少少又暖身，係一個好選舉擇。😋美國Prime Grade極上牛頸脊和西班牙伊比利亞黑毛豬，品質鮮嫩，口感極佳。牛頸脊和黑毛豬肉帶有豐富的肉汁和風味。😋多達50種火鍋配料的選擇，其中包括沙茶牛肉、牛柏葉、炸魚皮、響鈴卷、沙白蜆、墨魚頭、帆立貝、花枝丸、芝士腸、魚腐、鵪鶉蛋、鮮腐竹、豆卜、蜂巢豆腐、粟米、蕃茄、金菇、油麥菜等等。這些配料種類繁多，滿足了各種口味的需求。😘

鍋霸最近新出左火鍋定量套餐仲推出左四個新嘅湯底可以試藥膳胡椒豬肚雞藥膳竹笙雜菌鍋藥膳特濃芫荽雞日式壽喜燒湯底之前食過最中意係佢地唔限時可以放心慢慢食唔洗滾水淥腸雖然佢有寫百二分鐘定量套餐應該只要唔太多人佢都唔會趕不過當日係星期六下午去食嘅可能係下午關係所以無趕我走叫左個套餐E有美國靚牛頸脊同西班牙伊比利亞黑毛豬一碟雖然牛同豬無得俾你無限任食但唔洗驚會唔夠飽仲有大把揀胡椒豬肚雞鍋有大大嚿雞髀肉湯底濃郁胡椒味但唔會掂風頭準備食之前真心建議飲左碗先其他配料種類繁多自己嚟試啦—————————————————————🔸 套餐E $173

朋友同我嚟咗呢間火鍋餐廳🥢🥣食好抵食嘅午市火鍋🤣一共有8款「午市一百二十分鐘定量火鍋套餐」可以揀，咁要咗 $173「美國Prime Grade 極上牛頸脊拼黑毛豬套餐：有美國 Prime Grade 極上牛頸脊1碟+西班牙伊比利亞黑毛猪1碟」🤣湯底就揀咗「藥膳胡椒豬肚雞鍋」😋「西班牙伊比利亞黑毛豬、美國Prime Grade 極上牛頸脊」：牛肉同豬肉肉質都幾軟熟🤣仲有好多其他食物：香菇皇庭貢丸、芝士小籠包（流心）、魚皮餃、金沙魚蛋、濃汁牛肉丸、芝心包（流心）、方形魚腐、帆立貝、台灣鴨血、花枝丸、雞肉腸、午餐肉、芝士腸、濃芝豆腐燒、墨魚腐皮條、泰國冬陰公炸蝦丸（流心）、芋泥貢丸、芫荽燒賣、魷魚羹、鵪鶉蛋、炸魚皮、響鈴卷😁同埋好多飲品🧋🥤🧊🍯🫖🥛☕️🍵🧃仲有勁大量有蔬菜🥬咁嘅價錢真係抵食喎🤩

辛勞工作之後，想食得盡興啲同放肆啲，結果就嚟朋友嚟咗午市打邊爐，食返餐勁嘅，而今次就嚟到鍋霸吃到飽台式養生火鍋。呢間舖頭我鍾意嘅其中一個原因，就係佢有好多款湯底可以揀，加埋有成20款，而今次我哋就揀咗藥膳胡椒豬肚同埋藥膳特濃芫荽雞湯⭐️藥膳胡椒豬肚&藥膳特濃芫荽雞湯兩款湯嘅味道都好濃郁，特別值得一讚嘅係佢嘅芫荽雞湯，芫荽味好香，鍾意食芫荽嘅朋友一定唔可以錯過⭐️美國Prime Grade 極尚牛頸脊拼黑毛豬套餐呢個套餐跟人頭計，每人一大碟美國Prime Grade 極尚牛頸脊同西班牙伊比利亞黑毛豬，每款肉都非常之新鮮，脂肪比例同埋色澤都好均勻，食落去鮮甜之餘仲好彈牙⭐️其他火鍋配料除咗嗰兩款肉之外，佢仲有大量嘅火配料可以加，包括帆立貝、台灣鴨血、蜂巢豆腐等等，最值得一讚嘅係佢嘅沙茶牛肉同埋雞髀肉，沙茶牛肉醃得好入味，配合埋湯嘅味道，令成個口感同埋層次更加豐富，而雞髀肉非常之嫩滑，值得一讚📍鍋霸吃到飽台式養生火鍋 (創興廣場) (旺角)📍旺角彌敦道601號創興廣場4樓