鍋心八鮮蒸鍋

營業中

休息中

同事推薦這間蒸鍋 決定一試Book 了8:30 準時入座 記得提早一天Book 先有燉湯送!!等左5 mins 左右就有湯飲 個湯一d都唔hea 係烏雞蟲草花湯湯好熱而且好大盅下..  飲到一半個人有D熱  冷氣唔係好夠10mins之後  店員哥哥開始放D野上去蒸清蒸龍蝦龍蝦肉唔係好多 得一啖仔 味道OK 清蒸鮑魚鮑魚夠新鮮 上台前仲旭旭下金銀蒜開邊蝦 2個人食 每人都有2隻  肉唔係好多 味道OK 唔係特別鮮金銀蒜大蚌呢個個味幾鮮甜 可惜有沙  扣分清蒸花甲呢個係我地都覺得最好味既 食得出鮮甜味沙爹蒸魷魚沙爹醬幾好 食到呢到開始飽飽地 之後仲有係 豉汁蒸多寶魚不過唔記得影相 味道都OK  不過比較多骨要慢慢食到最後一樣 清蒸蟹又係唔記得影相  蟹細細隻 不過都算有肉 總括黎講海鮮都OK  食完一層 店員會即刻幫你放下一層  食完一層下一層又熟 跟住又食得 時候顧得好好服務值得一讚最後當你食緊蟹 佢就會放個飯入去蒸 蒸11 mins配料係自己揀8樣食得食前會倒少少鼓油 店員會再幫你拌勻(建議唔好加太多 試左唔夠先加多少少  聽到隔離台加太多 話好咸嘥左個飯)飯好多料 食落咸咸香香同事介

今日經過見到，唔使等位可以入去，就入去試吓八鮮啦！268每位，嘢飲另計。我同老公另外叫咗支啤酒，好似＄30，有八種海鮮，另外加蒸飯，由於大部份都是清蒸，感覺都好健康，最飽肚時候嘅蒸飯，其實我來主要是食海鮮，但海鮮是按人頭配給， 所以每樣都是一件....如果單單食海鮮，只是滿足了種類，但就食我唔飽...最後的蒸飯，因為上面的餸太鹹...我都唔係食好多，所以食完再去食糖水每次海鮮熟了，都有服務員過嚟幫手分件，所以服務方面真係比夠5分！而八種海鮮當中最差的，應該都算是蜆啦，有沙我都明白好難控制，而且佢哋都唔肯幫我換過一次，雖然換咗都係有

成個寫食評嘅過程個腦海又不停回味多次其實上個月已經食咗 不過一直都唔得閑寫話說今次六隻小魔怪 一齊出發食好嘢煱心有幾好食？！我張信用卡月結單個個月都有佢個名😂🤣平時食開都係打邊爐。都係第一次試佢嘅蒸海鮮服務一流海鮮全部都好新鮮 全部飽到捧住個肚仲要打包埋個八寶飯返屋企今次特登來捧呢個蒸龍虾場。不過有少少失望囉蒸龍蝦冇咗打邊爐嗰種juice 老左少少同有少少乾即係佢會口感同埋調味都幾好我成餐飯最鍾意就係剁椒多寶魚未食過咁滑 咁新鮮嘅剁椒魚又滑 又香 入口即溶 唔油 仲要冇骨！雖然係咁。但係我都係鍾意打邊爐多啲打完邊度仲有埋個粥底多的蟹膏流晒落個粥底度。又香又甜又好味

同事話想試下新開的海鮮蒸鍋,我地一行6人食六點至八點半時段。BOOK左台但去到都人山人海,真係咁好食??等左十幾分鐘,坐底後,侍應比左2張紙，主要係填寫用咩配料去蒸海鮮，簡單又幾特別,而且選擇唔多,可以方便員工。員工忙個不停,實在太多客人了。  第一道龍蝦蒸好已經是9點半。龍蝦有手掌咁大,大部分都有膏,唔錯唔錯!~~啖啖肉,如果再爽口些少就好。餐廳都細心地把龍蝦鉗弄碎,方便食用果皮蒸飽魚,蒸得剛剛好,彈牙唔會鞋口,果皮味不太重,顯得飽魚夠清甜。鼓汁蒜大蚌,鮮味爽口,鼓汁把大蚌的鮮味都大大提升了~~~花甲係清蒸,但我食到有點苦澀味,所以一般蒜蓉清蒜開邊中蝦,大大隻蝦,蒜蓉十分惹味,但肉質稍琳,不夠彈牙。豆醬汁蒸多寶魚,魚肉鮮味,但太快蒸好,節瓜還是未熟透。沙嗲蒸土魷(腸粉底),腸粉好軟熟,沙嗲味滲透入土魷中,好好味,有少少辣~原汁原味清蒸蟹，肉蟹肥美香甜,食到呢到已經十分飽肚了!!自訂的八寶飯,有8樣食物俾你挑選,但可惜太飽,大家食左少少就打包了。我食左豬腩肉,超好食!!蝦醬的香味,豬腩肉爽口滑溜,送飯好正仲有甜品贈送,燉蛋滑溜唔太甜,呢餐實在太飽了!!!由於太多人食,所以BOOK 8點

簡單講Value for money店員服務態度好，用心，食材食出新鮮味。今晚同老人家一行五人食六點至八點半時段，八度海鮮蒸鍋有龍蝦人人半隻，鮑魚，花甲，蝦蟹，聖子同多寶魚等。咖哩鱿魚腸粉D腸粉好好味。今晚客似雲來，最後自選配料嘅八由六點做到兩點三個時段，第三個時段對愛好消夜嘅人最抵食，每位平一舊攞嚟嘆啤啤抵到爛。

餵食同事又約食飯，今次係去花園街的鍋心八鮮，其實就係去食海鮮😂😂，呢度分2個時段，有6點同8:30 2場，我地收工過去，更係揀左8:30，估唔到平日都好多人，大家想去就訂定位啦我地一坐底，侍應就比左2張紙我地，主要係填寫用咩配料去蒸海鮮，都幾特別點完，先黎燉湯，一黎已經香噴噴，加上我地又好肚餓，睇到個湯都已經好足料，一飲.....好味到震，足料又夠火喉，精心製作，出色！清蒸龍蝦，睇見已經😍😍，食落鮮甜彈牙，果皮蒸飽魚，好香果皮香，鮑魚淋身，蒸得剛剛好蒜蓉清蒜開邊中蝦，一睇就見到超有誠意，勁多蒜蓉，好香，鮮蝦又甜兼彈牙！蒜大蜆，鮮甜，美味！古法豆醬汁蒸多寶魚，豆醬味濃，但沒有搶走魚既鮮味，魚原汁原味清蒸蟹，肉蟹夠肥味，食到唔停口其實食海鮮已經食到8899，再黎一個自訂的八寶飯，大大大滿足！再黎甜品作終結！用心製作，用料新鮮，出乎意外的一餐，讚讚讚

今時今日，大家好明白出街食飯係食舖租嘅，但係呢間鍋心八鮮蒸鍋，由沙田大圍轉搶戰旺角，以$268價錢，食到咁多款海鮮，更有八寶蒸飯加勁正甜品，真係有佢咁平，無佢咁鮮，有佢咁鮮，無佢咁有創意，因為別家蒸海鮮，多數抄襲咗大陸嘅形式就算，就係清蒸完點豉油，但呢度老闆自製若干款醬汁，俾客人自選去蒸，更合口味更好玩，我由大圍追住食到來旺角，一直保持超正水準，又係講今時今日，好多食店初初開就好食好招呼，過兩三個禮拜再去就變質，所以鍋心八鮮蒸鍋係我食海鮮嘅首選！

$268 包八款海鮮同八寶蒸飯 非常抵食本人比較喜歡食蒸飯多過粥底火鍋每款海鮮都可自己選擇調味方法 比起粥底火鍋更加多元化紅糟係一個唔錯嘅調味方法建議魷魚腸粉揀兩種方法。我揀咗紅糟同沙嗲最鍾意都係最尾個八寶蒸飯建議揀一啲入味啲嘅材料臘腸潤腸雞骨餅冬菇超級好味今次已經係第二次去兩次職員都很有禮貌 主動幫忙個餐唔包野飲 散叫價錢合理總括依然我同朋友都會再去