鍋心八鮮蒸鍋

營業中

休息中

今日一行6人早早book定檯來慶祝生日飯.之前試過鍋心個打邊爐已經覺得好正..今次聽朋友推薦話呢間係特別d.蒸八寶飯.本人係糯米飯控..所以滿心期待來試試。果然有驚喜！！一來到被安排係二樓.但二樓既店員姐姐們非常細心.叫汽水連汽水蓋都主動幫我地擰開。一坐低先一人送人一碗燉湯.冬瓜雞腳湯..好好味，完全無味精feel..檯面有兩張紙.一張係8款海鮮可以自己選擇蒸法.一張係揀8款餸蒸糯米飯。海鮮來到店員會主動幫你擺落去蒸然後set好每一款要蒸既時間.蒸好後會幫你起鍋.跟住俾你相機食先既時間再幫大家分菜...服務可以說是100分.很熱情..加上我係個大肚婆緣故.唔可以食蟹.佢地仲幫我換埋鮑魚。唔止海鮮..連一齊蒸既配菜都好味..南瓜同蕃薯都好甜。最後嗰糯米飯好香.但食完啲海鮮都好飽..所以糯米飯要打包走..最後仲送埋甜品燉蛋白而去10:30後可以$10買燉湯。外賣咗一碗回家飲.好滿足...最後6個人食到捧住肚走，很滿足。其實食海鮮最大期望係海鮮新鮮就好.但估唔到呢度不但海鮮新鮮仲要服務滿分💯下次再有聚餐會再來。抵食

早兩星期前打電話訂定位。因為walk in要排到宵夜時段先會有位。想食晚市要早d book定位！一口價每位$268，無加一雜費。蒸海鮮，有職員計時打點，會逐樣上，蒸好分配上碟。每人先黎個燉足六小時的足料老火湯，雞腳都有2隻，粉葛，紅蘿蔔湯。海鮮有8款：龍蝦、鮑魚、花甲、多寶魚、腸粉魷魚、海蝦、蟹、大蚌。全部海鮮都新鮮，食落唔「梅」，爽口彈牙，亦唔會蒸到過熟，不同款式既海鮮，一次過滿足中意樣樣都試既朋友。食完海鮮，仲可自選8樣材料蒸「八寶飯」，當然都係好足料！最後仲有甜品食，好滿足既一餐😆

今天朋友來香港找我玩，我開著車帶她到處去，所有去的地方是事前都安排好行程的，只有吃的地方，她說要自己親自挑。路經一家蒸鍋，挑吃的她就要我停車在附近。我一看，原來是龍蝦吸引到她的眼球了，我差點還忘了她是個龍蝦迷。整體還算高分吧。整個過程都有專人幫我們蒸，不是那種要看教學流程自己煮的類型。不過一個人要負責幾桌，就感覺還挺累的。服務不錯，食物鮮甜，是因為馬上蒸馬上就可以吃的關係嗎？我不知道，少吃蒸鍋。不過很滿意，一個價8個菜，挺豐富的。

平時食野都系行到邊食到邊，今日周圍行，行到去太子一條美食街，勁多餐廳選擇，不過最吸引我既都系鍋心八鮮蒸鍋。因為從來冇食過蒸鍋，同埋隻龍蝦好似好正。一個價錢8款食物，抵食。入到去淨系想快d開餐，極速tick食物，但五系好識聽，冇人教路，系呢樣服務差d。幾乎所有食物可以搭配既味道都揀曬🤣全程有人幫你蒸，100%等食狀語好正，有時仲幫你分埋送，完全覺得自己食緊残廢餐，差d以為佢會喂埋我🤣食物好鬼鮮甜😋😋值得食多幾次

今日為著慶祝生日，所以到此一嘗。本身都帶著期望來，還有點擔心會否過於期望。 幸好都沒有令壽星失望。先來個燉湯，本人本身已經十分喜歡燉湯，因為燉湯會帶來一種清清的精華感覺，不會太膩。這裹的蒸海鮮會有不同選擇，可以㨂不同的調味或清蒸。第一道就是龍蝦，我們是清蒸的。真的很鮮甜，每一有一半的龍蝦。 已經令大家讚揚，其待著接著的海鮮。第二道是鮑魚，他每道海鮮都有配上一舊蔬菜，我估計應該是清清上一道海鮮的味道再吃一道。或者是想我們飽一點，哈..但蔬菜我都覺得不錯的。飽魚配了個醬油蘿蔔，很不錯的，鮑魚彈牙鮮味，蘿蔔清甜。第三道是蚌，我們選了豆豉蒸。豆豉調味是不錯的但它有點蓋過了蚌的味道。下次可選其他的調味。第四就是大蜆，吃很出本身的鮮甜味還帶點咸咸的。感覺有點像中場休息清了口感再來下一道。第四道是蒸多寶魚。我本人很怕腥味，所吃這一道時我真的有一點擔心。一來肚已經帶了7分飽肚，怕吃了腥的會影響胃口吃接著的菜，但還是鼓起勇氣吃了。幸好吃了，因為真的真的很好吃魚滑滑的加上調味剛好，令我想再吃多一塊。 這是我最欣賞的，可能太有驚喜。第五道是蒸開邊蝦，這道我先生繼龍蝦後最喜愛的， 一來他愛吃蝦二來是我們用了蒜

好朋友請我們嘆蒸海鮮，選了這間專門店。有心幫襯，就記得早些訂位！因為都幾爆人呀！這裏分頭輪和二輪，頭輪6時至8時半，二輪8時半至十時。一坐下，伙計會自動送上♡6時足料燉湯♡每人一盅。配料有椰子、木瓜、雞腳、瘦肉、准山等等。很清甜，很美味，沒味精，好好飲。一面飲燉湯，一面選擇八款蒸海鮮的配料味道和八寶飯的配餸。然後坐定定，就有專人逐樣食物在枱面鍋上按時蒸起新鮮奉上。第一道 : 金銀蒜茸波士頓龍蝦💯第二道 : 果皮蒸鮑魚第三道 : 清蒸花甲第四道 : 金銀蒜蒸蟶子第五道 : 豉汁蒸多寶魚第六道 : 金銀蒜開邊海蝦第七道 : 沙爹蒸鮮魷魚🐙(腸粉底)第八道 : 清蒸蟹品嚐了八款滋味海鮮後，就是自選八寶飯。蒸飯的八款餸有 : 秘製雞骨餅、榨菜梅頭肉、銀魚仔、臘腸、鮮准山、木耳絲、冬茹粒、南瓜。新鮮蒸起後，伙計淋了些豉油，香噴噴之餘，賣相亦非常吸引。但飯味稍為偏淡，比例上飯多餸少，這點改善之後，相信會更美味。其實吃到這裡，已經好夠飽，環保的朋友，記得自備飯盒携走八寶蒸飯，免得浪費食物呀！最後每位奉送一客甜品凍燉蛋白美味補充 : 每位$268。3至8歲可選兒童餐$138。全日免收加一。以食物質素來

之前看見黃秋生介紹鍋心，講到好掂咁，就和朋友走左去試😁一坐低就有冇味精燉雪梨雞腳湯，火喉十足仲好足料又滋潤，非常正👍🏻龍蝦清蒸，每人半隻龍蝦，龍蝦好彈牙又多膏，非常新鮮😋果皮蒸鮑魚，鮑魚幾大下，果皮又香，👍🏻蒜蓉象拔蚌，兩者夾埋一起食，很絕配😋古法豆醬蒸多寶魚，魚肉厚又嫩滑，豆醬又香，非常野味😋沙爹腸粉蒸鮮魷，起初感覺怪怪，不過食落有意想不到的驚喜，腸粉比鮮魷更好食😂紅糟蒸蝦，本人未食過紅糟，所以就試一試，我覺得紅糟唔多夾味，不過蝦就好彈牙，都算唔錯😅清蒸蟹多肉又有少許膏正😋八寶蒸飯，可自選八種自己喜歡的配料，不過食完海鮮之後，其實已經很飽，好彩呢到可以比客人打包個飯回家，這真的直得一讃老闆👍🏻這樣做就不會浪費食物🎉

蒸氣粥底鍋就食過好多次 今次就去咗食八種海鮮同八寶飯💕一入去會畀一碗足料雞湯喛下胃海鮮都好新鮮有得揀自己烹調的方法(清蒸豉蒸蒜蓉等等)每蒸一道菜都有員工會幫你整 個人覺得蟹同埋龍蝦好鮮甜價錢我覺得都合理抵食 每位$ 268免加一小小建議: 入去前帶定樽水或者嘢飲 唔係就要畀貴啲價錢係佢到買樽裝嘢飲㗎啦冇熱茶供應😥 喺呢方面應該改善下 因為打邊爐真係唔可以冇野飲朋友話要早兩個星期前訂枱 所以大家如果有興趣去試下 都要早啲去訂啦 😊

蒸海鮮都流行左好一段時間，嚟到香港又不斷演變不斷進化出唔同形式嘅蒸鍋大餐， 太子呢間鍋心，我其中一位客戶話勁出名勁好味，好難訂位嘅， 佢今晚專程早一個星期前親自落店訂位咁話喎。海鮮餐係以人頭計， 每人二百幾蚊包八款海鮮，另有燉湯跟主食， 聽落價錢都幾抵食。店內好狹窄，啲卡位連入坐都覺得迫，坐得其實唔太舒服，同埋坐左入去你就唔好諗住四圍郁，事關店員不停送上海鮮菜餚，招呼每枱食客， 你動一動都會阻礙到佢地😏。一坐低，都未定神，就先來個燉湯，燉湯好足料，味精唔算重，愛飲老火湯嘅人應該好like。 我地去時店裡冇啤酒供應，但可自携，所以客戶就買了幾款啤酒嚟助慶😅然後，各款海鮮會陸續送上， 店員會控制蒸煮的時間， 到時到侯就會嚟招呼你， 所以基本上等於食殘癈餐！八款海鮮隨左主打嘅龍蝦、鮑魚、同蟹之後，仲有多款貝殼類，都算鮮味。但係我想講，我未試過食飯食得咁Chur囉， 啲海鮮一味接一味咁上枱，蒸完就即刻上碟， 完全冇理會食客食野嘅節奏，我地想食慢左啲啲啫，因為都邊食邊傾計， 但店員唔理你，照蒸照上碟， 明見我碟上的仲未食完， 佢都照將下一道堆埋嚟，因為唔清左個蒸隔，佢唔可以proceed去蒸下一

預訂咗八點半食兩個鐘唔使等位。八個人用一個爐，開頭嗰陣時覺得好煩，因為龍蝦要分開兩次蒸，每次蒸四隻，大家要分開兩次食。每份蒸海鮮都有d蔬菜拌住俾你哋食。開始嘅時候每人一盅蟲草花燉湯，鮮甜好飲。蒜蓉開邊蒸龍蝦，好似蒸咗8-10分鐘，龍蝦唔韌，有鮮味，係蒸兩次麻煩啲嗻!!第二味係鮑魚，有專人喺度幫你拆開個殼，然後清除埋裡邊嗰啲汙糟嘢，分埋比我哋食，今次選用果皮蒸，鮑魚啱啱熟，有果皮味，新鮮，蘿蔔係預先煮熟，而家係再蒸返熱, 夠入味。 第三味係，蒜蓉蒸扇貝, 因為扇貝蒸嘅時間短，得幾分鐘，所以個節瓜唔腍，扇貝新鮮，有甜味。跟住係豉汁蒸大蚌，但係啲汁同蚌嘅味道唔係好夾，大蚌拎上嚟嗰陣時已經開咗邊，搽埋汁，要蒸四五分鐘。跟住落嚟係豉汁蒸多寶魚， 多寶魚一向都滑浖浖，今次都唔例外，但係南瓜就唔係好熟。海蝦用左古法豆醬蒸，啲味道一般，普通咗啲，番薯夠淋夠甜。海鮮最後一樣嘢就係清蒸蟹, 蒸咗15分鐘，連冬瓜都係由生蒸到熟, 我食嗰邊蟹鮮甜好味，但係有朋友食到隻蟹就話冇乜味道。真係最後一味啦，八寶蒸飯呀，自己選八款配料，我哋揀咗 牛脷，蓮藕，冬菇，木耳絲，脆肉瓜，潤腸，雞翼，蝦醬豬腩肉， 因為大家都食到

星期五約左一大班舊同事食飯 人多最適宜吃蒸鍋鍋心八鮮係default 左八種海鮮 但可自己選不同ge 烹調方式第一道就有龍蝦 幾大隻 仲有蝦膏tim 龍蝦有鮮味 清蒸比較好第二道係鮑魚 用薑蒸 不過味比較淡第三道菜係蒜蓉蒸扇貝 扇貝好鮮第四道有蜆 不過就一般般 鮮味不足第五道係魷魚蒸腸粉 腸粉加以蒜蓉 味道一流第六道係豉汁蒸多寶魚 魚肉很鮮! Super recommend 選豉汁蒸第七道蒜蓉蒸蝦 但蝦比較細...第八道壓軸有蟹 好多蟹膏tim 一流最後吾夠飽仲有自選蒸飯 但一般較淡 建議選2-3份臘腸

約了好幾次,終於約到啦一齊試,海鮮比較多食法，但有成八種你食，任你選擇，海鮮都好新鮮，我哋選擇咗鮑魚，貴妃蚌，蝦，蟹，八寶魚，龍蝦，大蜆，魷魚，每一種海鮮都有配菜，我個人最得意係魷魚係有腸粉一齊炒，最後個八寶蒸飯，有好多材料你揀，每人仲有一個燉湯及糖水，只需二百零蚊，真係抵食

不知所謂！🔥🔥🔥🔥🔥唸住帶父母千里迢迢黎到食。。我已經有早一日book位！到了當日也有工作人員打電話來確認booking!預約了8:30,,等到8點50分，可以嗌人入閘！嗌嗌嗌。。嗌到全部人入晒，然後問我地小姐你地幾多位？！我父母都等到好攰！然後同職員溝通過一輪，夠膽死同我地講我地無book到？如果係既，你們職員下午會打來confirm booking???真係好奇怪！？仲企硬話:我地係無枱比你地咖喇！即係叫你識趣好滾！唔做你生意咁話。。。咁樣做生意既！？！？P.S book左都去到。。都唔一定有位咖！所以都唔知有預約服務黎做咩？而確認呢一下簡直係做多左喇。。店員仲唔信自己間舖既电話有打過黎，覺得我地運水摸魚之人！大家唔怕有時間多既可以去感受一下！🔥🔥🔥🔥🔥🔥🔥🔥🔥

What kind of restaurant doesn’t serve a glass of water to customers?Even if customers bring their own bottle of water, this restaurant doesn’t allow them to drink.The poorest and most unreasonable restaurant I have ever been to

由於一早已訂位無需等候, 由開始直到完餐一直節奏緊迫, 一樣接一樣, 樣樣新鮮 進入蒸爐前仍然不停郁動最喜愛是多寶魚, 鮮嫩之如油脂豐富唯獨最尾八寶飯略為太油膩