錫子圓 (已結業)

今次係第一次黎呢度 第一印象都唔錯 店面都幾乾淨企理 而且座位舒適一坐低就俾佢個養生飲品menu吸引到喇! 而且跟餐仲要免費！叫左杯桑椹蜜試試 貪佢烏髮補腎 強化關節 岩晒我呢d周身病痛既人呀 哈哈！ 飲落酸酸甜甜咁 好開胃！野食就叫左「黑松露野菌忌廉意粉」個意粉好足料 除左有好多菇之外 每條意粉都沾滿黑松露同煙肉碎 價錢都只係幾十蚊 認真物超所值！而味道亦都好好 個忌廉汁明顯有花過心思做 濃稠度適中 食落好Creamy但又唔會太杰 每一口意粉都有又香又濃既忌廉汁同埋黑松露 每吃一口都是美味 好滿足！另外仲叫左原條燒茄子 茄子係即叫即燒嫁！ 茄子唔會話燒得太乾 仲保持到適量既水份 Juicy既茄士配上蒜蓉同埋孜然粉 食落好惹味！佢地既菜式種類都算幾多 俾個menu大家參考一下：埋單都只係一百蚊左右 都算幾抵食！

貪平$45午市餐，叫個夏威夷汁焗豬扒意粉。已奇怪咁平在銅鑼灣，都冇咩人夏威夷汁即是純茄汁，點薯條那些！意粉林滋滋又冇味，直接下點薯條茄汁就咁焗，奇酸大 x樂好食得多另叫了「黑松露薯條」，完全冇黑松露味又咸全場得兩檯，都下錯單，要重新等再焗……原來鄰座老闆招呼朋友食招牌菜，冇心招呼其他客冇下次，茶餐廳不如

鍾意食喇沙嘅我，久唔久都會去食下！今日又來錫子圓呢度嘆番碗😋#海鮮喇沙湯米粉 $45平平哋的一碗海鮮喇沙麵都幾足料，有鮮蝦有魷魚有蛋仲有好多豆卜同芽菜👍最鍾意喇沙配米粉，米粉同埋芽菜同埋豆卜完全吸晒啲喇沙湯，特別好食！呢度啲喇沙唔會太辛辣，有少少椰香味，好味！#茄醬烤黃立倉 $78呢度啲錫紙燒魚都好出名，幾乎枱枱都會嗌來食👍烤魚皮脆肉嫩，仲加咗啲茄醬，口感酸酸甜甜，格外好吃！而且幾十蚊大大條魚，可以兩個人開心share食，親民價真係仲好過返屋企煮！#烤茄子 🍆$28呢度烤茄子配孜然粉同蒜蓉醬，食落幾香口！而且鍾意佢醬料冇平時出邊嗰啲咁重手，食落冇咁鹹，比較食到茄子原味👍

朋友話介紹個平靚正地方食下午茶，在銅鑼灣$30可以食到真係平到吾信。下午茶餐都幾多選擇，揀左黑椒雞柳炒烏冬（可選烏冬）同熱奶茶。炒烏冬份量不少，上枱時即炒既關係，好香黑椒味，味道吾錯，吾太重味精，雖然未見突出，但吾會比地鋪茶餐廳差。至於奶茶，都吾錯，茶味適中，奶既比例合適。呢個價錢超值超抵食。

朋友約我收工食野，金百利廣場都好多食肆，樓下好多派傳單姨姨，見有間錫子圓，個名幾吸引，餐單價錢又幾經濟實惠，我哋決定上樓試😄侍應姨姨好殷勤有禮招待我哋，餐廳推出一糸列抗疫套餐，下午茶價錢💰28，午餐都祇係💰45,小菜套餐💰53起，幾多選擇，好抵呀🤩🤩餐廳名係錫子圓，梗係要試下錫紙烤魚啦🤤茄醬烤黃魚原條黄花魚烤焗，即叫即製，都等咗大約15分鐘，烤魚皮脆，魚肉嫩滑，配茄醬蕃茄粒食，酸甜開胃，越食越好味🥳🥳椒麻雞賣相唔特出，望見好似好辣，不過食落祇係微辣😉，雞肉渗入麻香，有嚼勁，胡椒粒同麻油嘅配搭都幾夾😋兩份套餐都配白飯同飲品，我哋又想食喇沙，所以白飯唔要喇，叫咗碗海鮮喇沙湯米線share食🍜喇沙湯底椰香味濃，大大碗，微辣，除咗蝦仁、魷魚、青口外，仲有豆卜、銀芽同雞蛋，好豐富😋佢哋下午茶勁抵🤣，見隔離枱叫焗飯茶餐，估唔到咁大個，唔係迷你版，連飲品先係💰30,仲免加一添，推薦👍🏻👍🏻👍🏻，下次2:30要再黎食下午茶😂

剛做完手術要食得清淡一點，沒有住家飯吃卻要找家的味道經過食肆林立的金百利，被電梯口傳單所吸引到了五樓的新餐廳進店後發現裝修簡潔舒適，充滿家的感覺供應的菜式多元化，主打風味烤魚、意粉及小菜！抗疫價十分超值點了晚市套餐，一款主菜加一款小菜加兩碗白飯只須$178主菜選了原隻鮑魚扒娃娃菜！四隻鮑魚入口軟腍而不韌小菜椒麻鷄麻醇咸鮮，十分惹味加配凍飲每杯只須$9！要了凍奶茶及凍檸水結賬2人只須$196！十分划算

香港人食腦，搵食夠靈活，地舖租貴，就往上鑽，各行各業都多了很多樓上舖，食肆也不例外。樓上舖食肆，除了位置不夠當眼外，其他都唔輸蝕。今日系銅鑼灣金百利廣場，就試了一間不錯的樓上舖。食肆叫錫子圓，在金百利廣場5樓，午市都有經濟烤魚食。另外還有多款喇沙、米線、飯麵套餐、炒飯、咖哩、風味烤魚、焗飯等，而且都係抗疫價，超值抵食。烤魚當然不能錯過，叫了一客茄醬烤黃魚，黃魚外皮烤得微焦，賣相不錯。上枱時還熱辣辣，白煙輕飄，散發魚香。黃魚烤得皮脆肉香，配上新鮮蕃茄及茄醬，開胃醒神又好味。還叫了個錫子推介咖哩豬扒配薄餅，豬扒已預先切成小塊，方便進食。豬扒肉質嫩滑，伴碟還有紅椒、綠椒、黃椒、洋蔥、粒粒咬口薯仔，焗得出色。再加上香濃咖哩和鬆脆薄餅，配搭一流。揚州炒飯也不欺場，夠鑊氣。飯粒炒得夠乾身帶油脂，晶瑩剔透，而且配料豐富，飯香撲鼻。跟餐凍奶茶和凍檸茶，夠大杯，冰凍又解渴。

嚟到糧尾時間，A姐話要自己煮，但邊個話自己煮就一定平㗎？特別係好似我哋咁得2個人，人少煮飯真係好高難度！今日我哋驚喜大發現，嚟到銅鑼灣嘅金百利廣場5樓嘅錫子圓，餐廳推出疫情優惠價，多款焗飯、即炒小菜同定食低至HK$45起，一於試試味道如何啦！烤蜜糖雞翼一份有3隻，雞翼有好多蜜糖，烤到香脆又入味，肉汁豐富，好juicy呀！黑松露薯角薯角即叫即炸，熱辣辣又好脆口，黑松露香味十足，但就略嫌唔夠平均，部份薯角黑松露較少。雞扒配薯菜 - 黑椒汁成塊面咁大嘅雞扒，真係好誇張呀！雞扒煎得好香，加埋黑椒汁，真係唔錯。伴菜有薯角同蔬菜，份量一啲都唔少，好抵食呀！海鮮喇沙湯米線喇沙湯底好香，椰味比例啱啱好！配料有蝦、青口、魷魚同豆卜，最鍾意就梗係索晒汁嘅豆卜啦！另外，魷魚同蝦都好彈牙。米線就比軟幼身，加埋湯一齊食，真係好滿足。白汁海鮮焗飯即叫即焗，真係要小心辣嘴呀！飯底係炒底，配料有魚、蝦、蟹柳等等，加上芝士同白汁，好creamy呀！

疫情放緩帶來其中一個好處就是可以出去食好西 。今日約了在銅鑼灣 返工的朋友， 吃一個兩點多的午餐。 她說之前已經在這間餐廳吃過 數次， 賣點是有一些特別的菜式， 質素一點也不差， 重中之重是 在銅鑼灣區 竟然有這樣 價錢超級便宜的下午茶。餐廳座位寬敞開揚， 服務員姐姐態度也非常好。餐廳 除了有一些 基本菜式外， 亦有一系列在香港較少見的錫紙料理。我點了一個 錫紙魚柳， 朋友點了一個她之前吃過的檸檬雞， 由於下午茶真的很便宜($28???), 點了一個下午茶餐的咖哩雜菜炒飯。檸檬雞最初以為類似西檸雞的朋友， 原來是這間餐廳獨有的一道雞料理， 雞肉應該是雞髀肉， 非常嫩滑多汁， 再加上青瓜和木耳等配菜吃， 全部吸收了 帶微酸的檸檬汁， 非常開胃。錫子魚柳錫紙魚系列中相對較便宜的一款(另外有烤烏頭,黃立倉等)， 但魚柳質素一點也不差， 肉質是一梳梳的。 魚柳伴的是蒜蓉汁， 本身比較好濃味，在服務員姐姐推介下點了他們自家製的辣椒油， 非常可口。咖哩雜菜炒飯這個28蚊的下午茶一點也不失禮， 鑊氣非常夠， 米飯粒粒分明，非常香口。在這個很差的市道下， 實在需要這些經濟實惠,有特別菜式, 有一定質素

每逢週末，約閨蜜去逛街食飯， 成為疫情期間的生活習慣。這日，來到銅鑼灣的金百利廣場，收到宣傳單張，發現商場上多層都是食肆。上樓後，聽到店員賣力推廣，45元，包飯，包飲品， 頗令人驚喜，想不到在名店雲集的銅鑼灣，竟也有如此實惠的餐廳。🎯 咖哩牛肋肉飯 $45家庭式作業，味道簡單純樸，牛肋肉炆得入味鬆軟，牙齒不太好的我也能輕鬆咬開，咖哩味道香口，不辣，用來送飯不錯。🎯 茄醬烤黃魚 $78烤魚的種類也不少，有烏頭，鱸魚，倉魚，黃魚等， 美味的關鍵，一定是一條鮮活的新鮮魚，黃魚肉質嫩滑， 魚身切開，放上番茄粒， 甜甜酸酸十分醒胃。魚身鋪滿酸甜的蕃茄。隨意而行，竟有意想不到的收穫，輕鬆愉快的聊天晚飯，度過了一個愉快的週末。

#fafafoodblog #fafafoodblog銅鑼灣 #fafafoodblog中菜🍴茄醬烤黃魚 78 蚊🍅🍚跟白飯錫紙上烤魚 黃魚幾大條長身 魚肉出面烤得好香脆 熱辣辣 魚肉煙韌彈牙魚味出🐟 蕃茄夠新鮮 冇落糖 完全用哂本身蕃茄既香味 撈埋飯 夠哂出色🍴叉燒拼鰻魚大碗飯 58 蚊 🐷🍚大碗飯真係幾多白飯 鰻魚整得幾彈牙 甜醬汁撈飯正🔥 叉燒大大件肥瘦適中 口感幾爽口 加埋甜蛋 同粟米🌽🥚仲有生菜夠哂足料🥬🍴海鮮喇沙湯米線 45 蚊🍜喇沙湯底夠香 椰味濃度適中 米線比軟幼身 豆卜夠吸汁 仲有蝦肉🦐青口 彈牙魷魚 夠哂足料 正！#烤魚 #中菜 #蕃茄 #黃魚 #鰻魚 #叉燒 #玉子 #粟米 #蝦肉 #青口 Score 平均分< 7.7/10>Taste 味道：👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#錫子園銅鑼灣記利佐治街1 號金百利廣場5 樓r2 鋪~~~~~~~~~~~~#fafafoodb

一出地鐵站，就看見正下著大雨，地鐵站閘門又多人避雨，我們只好轉身快步向走隔離記利佐治街的商場避雨，其實避雨的人也不少，我們就决定揾食肆吃午飯順便避雨，在商場地下接到「錫子圓」單張，我看見有錫紙烤魚，便好想一嘗。紅蘿蔔粟米排骨湯&熱菜蜜。紅蘿蔔粟米排骨湯錫紙檸檬烤鱸魚，皮脆肉滑的原條鱸魚，有鮮味肉汁，不油膩，檸檬烤焗，提鮮提味好開胃。韓式柚子骨，柚子蜜汁不過度的甜酸，保留著肉排的肉味，也算是新派菜譜。兩人分享兩份餸，份量都挺多，因此，為免浪費，我們退回一碗飯，衹要一碗飯分享就夠了！飽餐後外賣烤金沙骨回家與家人分享。

今日工作關係來到銅鑼灣Lunch選擇去左餐廳雲集既金百利廣場，去到5樓本來想食某間餐廳，不過好似好多人轉移視線，格離有位熱情既店家叔叔介紹餐廳，價錢同款式都不錯呀😋，$48蚊Lunch有餐飲有我鍾意既蕃茄呀，好快我就決定入去試下入到去，環境衛生舒服，客人不多可能因為客人不多，都睇得出店家叔叔和嬸嬸都顯得有點不開心和擔心😞我Order既：烈火大蝦意粉，包凍飲好快就送到了，意粉份量夠多，蕃茄亦好夠味夠香，大蝦彈牙，另外有香菇，烈火～即係有辣椒仔Tabasco～夠香惹味亦不會太多搶走左蕃茄鮮味👍🏻👍🏻整體來講我係好滿意，一定會再食小小題外話：結帳時店家叔叔都好緊張地問我味道如何？我話好好呀！加油，我會再來！👌🏻之後佢走出電梯比多份傳單我，佢好希望可以一份傳單可以帶動佢既餐廳呢個時候，餐飲業經營真係好困難，佢既食品真係好好，希望各位多D支持呢位可愛又緊張既店家叔叔好想去到越做越好，加油，希望你睇到我今日食完有為你打氣😃😃😃🌈🌈🌈

嗰日朋友想話食啲健康啲嘅食物，所以決定喺銅鑼灣附近搵食。發現金百利廣場有一間餐廳，位於5樓，食物非常健康，所以決定入去試下。餐廳裝修簡約，光線充足，座位舒適。餐廳有多款健康菜式可以選擇。外賣自取有七折。是日足料燉湯材料十足，入口非常鮮味，健康滋潤。海鮮炒飯飯粒分明，配合大量海鮮，味道非常豐富。茄醬黃立倉黃立倉外皮香脆，內裏肉嫩鮮美，配上茄醬，酸酸甜甜，非常美味。雞軟骨香脆又有嚼勁，加上火候恰到好處。

今日同朋友去左銅鑼灣行街，睇下遲啲影結婚相會用既煲呔。差唔多到左晚餐時間，我就去食左野先再行街啦餐廳主打用錫紙烹調既料理，環境裝修家庭feel好重，好似食緊住家飯咁而且menu又以小菜為主，好似番屋企食飯咁款。我叫左一個小菜和一個小食。香辣烤倉魚，用錫紙烤倉魚，香料醃得好入味，魚肉好滑溜。魚肉入口帶點微微魚油，錫紙烹調令香料更加入味濃香原整一條大魚好滿足啊雞軟骨好香口，軟骨脆卜卜食物和環境都唔錯，新餐廳值得一試。