錫子圓 (已結業)

今日去了一間小店食晚餐，在銅鑼灣這一區來說，是健康又親民的選擇。生存厚切豬扒湯麵配生菜豬扒大大塊，表面煎得香脆，熱辣辣上枱，散發著肉香。豬扒腌得入味，咬落軟腍而帶有肉汁，口感很好。湯麵滑口而且彈牙，有陣米香味。湯底鮮甜，比較清淡，與豬扒配搭就相得益彰。再加上爽脆的生菜，就是營養均衡的套餐。之後看見特飲的餐牌，發現挺有特色，例如有：龍眼冬瓜茶，菠蘿青檸蜜，桑椹蜜等等，想想跟餐加$3就有凍的特飲，很劃算，於是叫了杯凍柑桔蜜，味道酸甜開胃冰凍，是解暑良品。錫子牛肉即豉椒牛肉，由於是即叫即炒，所以好有鑊氣。牛肉嫩滑，尖椒微辣，很惹味，還有香菇和豆卜，材料豐富，份量亦不少。雪耳甘筍豬肉蠔豉湯湯底呈深啡色而不油膩，入口帶有蠔豉的鮮味，鹹淡得宜。雪耳煮得好軟腍，十分滑溜，可知是煲了長時間的老火湯。總括而言，食物質素上佳，注重均衡配搭，價格實惠。

雞軟骨外層脆口乾身，由於本身水份較少，落鍋抄唔可以炸得太耐，師傅喺控制時間方面做得剛好，上枱依舊脆香惹味。芝士焗西蘭花個汁相當濃郁，食得出師傅的別出心裁，醬汁加入水牛芝士碎，仲有忌廉去加強口味。醬汁同西蘭花拌勻後味道好夾，香濃味道均令你垂涎。錫子魚柳同我地食開嘅略有不同，呢味小菜實為酸辣的開胃菜式，香辣啲辣醬比配新鮮嘅魚肉更是一絕。魚肉不但沒有魚腥味，拌入酸辣醬汁瞬間減輕了膩滯感。鰻魚大碗飯真心價錢合理，喺月尾等出糧嘅首選！師傅嘅月心泡製，多番嘅慢功烤熟好讓肉質更為柔軟細緻，再沾上醬汁後，仔細地以炭火烤製，食落外皮酥脆，肉質鬆軟，入口即化，令口感層次更為豐富。

母親節前夕總是想家，更是想媽⋯⋯從open rice 找到這間錫子圓, 從食評介紹裏有講出店名的由來, 好奇下, 便來找找遺忘已久嘅......住家飯。店長先介紹我們食香烤黃立倉, 好吸引喎, 用錫紙包著燒, 可保持魚質外脆內滑, 只有一條主骨, 可以放心大口大口食。住家菜梗係一定要叫蕃茄炒蝦仁。兒時窮的時候就只有蕃茄炒蛋, 漸漸環境好了, 便有蕃茄炒蝦仁食咋。滿滿一大碟嘅新鮮蕃茄, 只係略為煮煮, 所以仍然可以保留非常多汁, 蝦仁份量亦不少, 爽口又大隻, 送飯一流。另一款鮮菌炒什菜更是家常便飯的例牌菜,稍為炒炒, 已能帶出椰菜嘅爽甜味。二人三餸已經食到好滿足啦, 但店長仍不斷介紹他們的豬扒非常好味, 是秘製煮法, 令到我好想快D再黎想呢~

由於懶惰及忙於工作的關係，已經好久好久沒有寫食評，惟這次我要堅持寫寫，主要是對小店的尊重。說實話，這半年少了很多外出食飯的時間，亦沒有一餐令我覺得吃完會好開心好滿意的飯。今次我吃完是滿滿的開心，高質素，而且價錢真係十分公道！友人生日說想吃中菜，來到金百利五樓的小店。裝修簡單但坐得舒服致電時，店員已經好有心問定我們想吃甚麼，因為部份食物製作需時，希望讓我們來到就不用等太多。結果，我們被第一道菜——燒春雞已經俘虜了。 一般吃燒春雞最怕就是雞燒到乾及肉質不夠嫩，但這店的燒春雞絕對是能夠保留肉汗而且勁入味，加埋蜜糖絕對好味。（坦白講，我食過個間英國名食烤雞的Nando's.......我想表達.....呢間小店完勝!)第二度菜 -- 是我們預先下單的 烤黃立倉，絕對驚艷本人全家都甚愛吃魚，爸爸喜愛蒸魚，媽媽愛香口的炸及煎魚，所以訓練得我十分口刁。只要有魚腥味，我絕對不吃，魚肉太老，我也不愛吃。這次吃到的黃立倉，烤得剛剛好，魚皮香口脆。魚肉完全不會老及乾。烤熟的程度及簡單調味將黃立倉的魚油提昇另外，個另上的醬汁真心惹味，酸辣不會搶走魚的鮮。真心吃清光！第三度菜 -- 椒麻雞由於我們都心大心細不知

極離譜..已提前半個鐘叫外賣,最後等左個半鐘都仲未送到(銅鑼灣送銅鑼灣),不斷同我講話出左去..出左去..完全不負責任,仲話送外賣都要時間行，但係行左成個鐘都未到，銅鑼灣返工可以唔需要食佢。

係金百利5樓既樓上餐廳，價錢好抵，最低28蚊就有一個餐跟湯同埋一杯熱飲，試過佢幾個都幾好食。 推薦肉醬焗飯，意粉，黑椒雞粒烏冬，黑松露意粉。今次食左鰻魚粒炒飯，反而覺得麻麻地。It’s a small local restaurant in causeway bay, the price is cheap! Lowest $28 for a set lunch, recommend black truffle spaghetti, Spaghetti Bolognese!

銅鑼灣不嬲好多好嘢食 行完SOGO 去咗隔離嘅金百利搵嘢食最近發現銅鑼灣金百利廣場5樓嘅錫子圓餐廳推出優惠價 好多款小菜、焗飯都好抵食啊✌🏻✌🏻下午茶只需$28 晚市炒飯更加低至45蚊！我同朋友嗌左晚市套餐 主菜叫左鹽烤香草烏頭 好大條烏頭啊！烏頭表面烤至脆身 醃得好入味 香草加鹽 味道唔算太鹹魚肉肉質新鮮 爽口冇碎骨 沾小小泰式醬 好惹味啊👍🏻👍🏻😋小菜叫咗仿鮑片娃娃菜 份量好多啊🙉娃娃菜用清湯浸住 夠哂清甜係健康之選啊！套餐已經包左兩碗白飯、兩杯餐飲 另外我自己仲叫咗蘋果蜂蜜茶飲添！晚市套餐真係好抵食又好味😋😋

今日放工到左銅鑼灣行街食飯，最主要係要買即影即有相紙，係銅鑼灣地帶買完就過左對面金佰利食晚飯，因為有段時間冇係呢棟大廈食野，所以啲姐姐派既傳單就接哂，睇下有咩新餐廳，最後揀左間叫錫子園既中式餐廳，因為見佢個套餐幾抵，$178包一個主菜加一個小菜，同2碗飯。上到去人唔多，所以唔洗等位就入得，我地見到menu其他菜式同套餐，但最後都係揀左$178嗰個，我地分別叫左鹽烤香草烏頭，同埋椒麻雞，再叫埋一杯凍椹蜜。首先上枱既係椒麻雞，勁大份，隻雞髀仲粗過我個拳頭，雞肉好嫩滑，同埋啲椒麻醬唔算好辣，一齊食啱啱好，但唯一美中不足係隻雞有少少雪味，可能解凍得唔夠耐，再處理得好啲就更完美。食左一半，個鹽烤香草烏頭都上左枱，勁大條烏頭，上枱時都被嚇親，影相都影唔到呢個效果，呢個價錢咁大份，仲要晚市價，真心覺得抵。條烏頭烤得好香脆，肉質都好鮮甜，骨唔多又大條，好容易就分到啲肉出黎，個香草醬酸酸甜甜，點黎食超惹味，推介。

相約好友去吃晚飯，大家都想吃串燒～去了開了沒多久的錫子圓吃晚飯～想不到粉麵套餐如此便宜，我點了個柚子骨喇沙米線，喇沙湯香濃，柚子骨有三大塊，只需$45而且還包飲品～喇沙有豆腐卜和芽菜，份量也不少，吃完很飽～烈火蕃茄大蝦意粉，蕃茄汁也很香很美味，剛剛煮好熱騰騰的～有三色椒點綴，賣相味道都很好～選了兩杯特色飲品熱羅漢果茶甘甜，對喉嚨好～菠蘿青檸蜜，酸酸甜甜很清新～烤茄子，份量大，燒得惹味。烤雞軟骨，加上孜然粉很香口，沒有過乾，咬下很有嚼頭～烤芝士豆腐，咬下有芝士流出，棒！

聽過朋友的介紹，今日路経CWB，上去試吓！但此商業大廈，食肆多，人頭湧湧，等lift 上去，要需時十分鐘...上到去，店內環境，乾淨企理，俾人感覺不錯午餐時段，menu選擇不算少，＄45套餐包特飲。款式幾吸引，喇沙豬扒米線，熱龍眼冬瓜茶，喇沙湯底味香濃，豬扒厚切，大大塊，肉質尚算入味，啖啖肉，米缐幼滑可囗👍，冬瓜茶又幾吾錯喎，好潤喉....重有，奉上熱蘋果湯，清甜...抵食原來，下午茶重抵，全部套餐＄28！

又是久違跟哥一起去外吃飯，晚上我們去了銅鑼灣sogo附近的金百利廣場5樓的錫子圓吃晚餐。 😍餐廳裝修長這樣，簡約乾淨的感覺 晚餐套餐有不同的配搭，但我跟哥比較想吃小食，所以今次沒有叫這幾款套餐。黑松露薯條(角)我覺得單吃薯條(角) 也不錯，味道一點都不咸，配上蕃茄醬又有另一番風味。 😍烤粟米我跟哥叫了兩份，每份都有兩小條。😍福建脆雞件一上來就被它的份量嚇到，雞件超級地多 😍 *我覺得看起來有點像台灣的雞扒，但味道沒台灣的咸，所以就算我吃了3件都不需要狂喝水。 雞肉超嫩！！ 香葱薄餅餅皮一點都不厚，而且味道好香不會咸，好香香葱味。 😍鰻魚粒炒飯這個炒飯一上去味道超香，我哥說有點後悔沒叫這個，哈哈。鰻魚的份量好多。千萬不要看顏色好深就以為味道會很咸，味道剛剛好，一點都不會咸，真的很驚人地好吃。 雞翼豬扒喇沙湯米線我哥叫了這個，但他說我的鰻魚粒炒飯比較好吃，哈哈~ 凍奶茶凍檸茶我叫了少冰少甜，我覺得味道剛剛好。

今日收工想食得健康一些，於是與友人到銅鑼灣金百利廣場樓上的「錫子圓」，尋找住家飯的味道。餐廳環境舒適，座位乾淨，裝修給人溫暖的感覺。餐牌選擇豐富，而且價錢經濟實惠。我們點了餐廳的特別推介香草燒春雞，跟餐加配了油菜和柑桔蜜。香草味非常香濃，雞肉烤得剛剛好，外皮香脆之餘，亦能鎖住肉汁，非常出色。生菜的份量足，入口爽甜。檸檬烤海鱸魚，魚皮香脆，魚肉新鮮嫩滑，入口滲出淡淡檸檬香。難得在鬧市中仍能找到家的味道，值得一試。

和姐姐妹妹在感謝週到超市入貨和牛零食後，一起在金百利廣場搵食去。細看餐牌，發現果然好便宜呀，炒面焗飯什麼都齊，集百家之大成。檸檬雞腳酸甜開胃，檸🍋味芳香，還有微辣，雞腳蠻入味。客家茄子肉絲餐跟飯 茄子🍆軟糯，說是肉絲，其實是肉條，實為掩了味的豬扒，咸度適中，還有一些豆卜索了肉汁，幾好送飯。叉燒鰻魚大碗飯好大一碗，瘦叉配鰻魚，鰻魚無細骨，蒲燒汁香濃惹味。叉燒全瘦，不邪惡。旦汁一撈起，令飯粒帶油脂香，格外美味。豬扒喇沙烏冬烏冬彈牙不過淋，豬扒大塊有驚喜，煎得沒過火，不算油膩，而且量不欺場，有豆卜雞旦芽菜的喇沙，椰湯香味撲鼻。跟飯送的凍桑椹蜜坊間少有，點了少冰，酸酸的，清甜可口又解暑。跟面送的凍柑桔蜜大杯濃縮的柑桔🍊，散發淡淡幽香，醒胃解濟。食後感：不設加一，老銅都有抵食餐廳，有點喜出望外。

平時都好少黎金百利今日朋友話帶我食家常便飯🤔🤔黎到金百利五樓既錫紙圓閒日六點半左右 晚市開始無耐，所以都唔需要等位。餐廳環境同座位都幾乾淨，舒適😊見餐牌選擇都幾多，而且有好多疫情底下推出嘅超底價優惠，$45已經有好多選擇，仲要有野飲！ 由於朋友話要食家常便飯😊😊我哋叫左套餐set B可以揀兩個餸 配兩碗白飯兩個人夠晒架喇～鴛鴦骨因為想食多啲肉，所以就叫咗依樣🤤🤤一個係似蜜汁燒排骨肉比較實淨，外面甜甜地，我哋兩個都一致認為依款最正😁😁排骨size幾好，方便將骨咬出嚟另一款係柚子蜜排骨，依個厚肉少少，肉質比較彈牙，面頭既柚子汁料都幾多，所以每一夠食起上嚟都可以連埋柚子肉一齊食，感覺幾清新～～油麥菜炒豆豉鯪魚呢個真係超級家的感覺！一嚟到，覺得份量都幾多，抵！而且好食！ 唔會太鹹，又唔會太油油麥菜夠爽脆，唔會煮得太過林，係會食到停唔到口👍🏼👍🏼👍🏼👍🏼唔需要加一🤓🤓每人$90都有找我見隔離枱有位大叔話佢地既雞扒大碗飯好好食，佢尋日食完今日再特登返嚟😅😅😅 等我搵日都嚟試吓先😎😎喺銅鑼灣返工，或者行街，不妨黎食過快靚正嘅飯😊😊

同老婆無煮飯，要出街食，友人話金百利樓上有間野食「煮家菜」，所以即管試下。一入到去，人唔多，但係店員都幾熱情。望到menu，主打烤魚，對我地兩個魚既愛好者黎講，梗係揀番條茄醬烤黃立倉試下，另外就叫左一個客家茄子肉絲。黃立倉非常好食，烤到有少少焦香，但係一d都唔乾唔柴，加埋酸酸既開胃茄醬，真係兩三碗飯都食得落。另外客家茄子肉絲都唔錯，熱辣辣，都幾惹味。佢仲要好食得黎，無咩落味精，食完唔好口乾。我地仲叫左兩杯野食，蘋果茶同冬瓜茶，幾好飲，又唔會太甜。呢度食物質素好，裝修簡單，服務又親切，真係幾有家既感覺。