錦麗 (形點 II)

營業中

休息中

近日綱上有傳媒力贊此店優質，所以今天中午專程去朝聖，等候需時35分鐘才可入座，座位尚算ok,但不太鬆動，環境尚可，order左綜合牛河，越南春卷，綜合牛河的size係比預期中細了一点，湯味普通略咸，河粉份量少(比一搬魚蛋粉份量少)有牛腩，牛丸，牛肉，尚算用料充足，但牛腩很難咬得開，夠淋，仲鞋潻，牛丸竟然切開半粒上，共有3件半粒牛丸，牛肉無乜特別，普通過普通，一搬街坊食店牛腩+雲吞粉祇賣$32咋仲好好味份量夠，收成$62碗，很不值得，春卷亦平平無奇，好多越式店都好食過佢，食完之後我仲要到拉麵店補飛潻

新開張慕名而來，見佢裝修左好耐，新開張頭幾日勁多人排隊。諗住中午食牛肉粉，但係一早賣晒⋯試過兩次食早餐，一次食豬扒麵早餐，另外一次唔記得食乜嘢，價錢還可以，味道一般，凍奶茶只係港式奶茶，並非越式。感覺只係港式茶餐廳扮越南餐廳，失望。所以整體感覺印象好一般。另外地下非常油，好滑，危險，而且座位擠迫。帶小朋友真係要小心。另外門口收銀高男服務員態度極差，唔尊重顧客亦唔尊重同事，食物已經咁一般，員工態度重要咁囂張，唔會再幫襯。今時今日咁樣嘅配套，差！

之前朋友說過這家餐廳幾好食，剛好遇上了就試試看～超級多人排隊，本來想放棄了，但朋友就是很想試就來了，可惜的是坐下了才發現選擇比較少呢⋯除了小食類，其他粉麵都是牛⋯⋯而更可惜的是在下不吃牛，所以只拍了朋友的牛丸河我見到牛丸都是幾大粒的，朋友也說好食，河粉好滑（所以都比較貴呢⋯）小食都唔平啊（都30蚊左右）但份量都是不多味道卻是有保證呢蝦餅味道算是幾好，彈牙又有蝦味，可惜太細粒⋯比起平時看到的細牛油雞翼～味道不錯，不會太油膩，有蒜蓉嘅味道，香脆，肉質滑（讚👍🏻）可以一試

下雨天☔️，同男友行商場在元朗形點搵食見到新開越南粉店，一於試吓啦⋯⋯不過有條人龍排隊預計都要大半小時😪行去龍頭看看先，那個餐牌睇睇有咩吃，價錢都大眾化，主要都係食牛肉粉為主，有小食終於有位可以坐低吃，自助拎水（用紙水杯唔環保之餘個杯又細）枱上擺了兩杯牙菜，青檸，金不換，辣椒仔，用來加上牛肉粉來吃Order 了牛丸粉，生熟牛肉粉，大蝦扎肉米紙卷，牛丸食落彈牙有層次生熟牛肉一般粉份量比較少大蝦扎肉米紙卷一般埋單都算經濟，冇＋1 太驚喜

可能由於太大期望的關係， 所以失望越大。呢間餐廳係新開冇耐，係越南一間有名嘅牛肉河粉店喺香港開嘅。餐廳新開門無內，引來大批乘客排隊。 可能因為錦麗系越南都好出名，大家都好想試下！食越南嘢又點少得 牛肉河， 中伏程度十分高。點解？ 首先講下個河粉， 佢係先用過玩煮好， 再放上個碗度加上熱湯。 搞到個粉同啲牛都唔入味， 有啲格格不入，講真嗰句佢真係失敗中之失敗， 同埋影衰越南錦麗個名！ 老實嗰句又唔係真係難食但係唔方好食得去邊！唯一一樣好處係免加一！

錦麗係兩年前去越南旅行時食過，一直懷有深刻印象，之前見觀塘開咗，但係太遠嘅關係，一路未有機會食到，而家近近地喺元朗開咗，即刻去試吓先貫徹始終新開出名食店都一定係排長龍，六點鐘嚟到食晚歺，依然都係要等，不過還好等左15分鐘入得，選擇不太多，但唔緊要啦，都係你食牛肉粉㗎啦，我叫咗一碗雜錦牛肉河，老公叫咗碗生牛肉可，再加一碟牛油雞翼同春卷一家三口夠晒！湯底還算可以，有熟牛肉生牛肉同牛丸很多餸，反而生牛河就不太餸，大概5，6片生牛肉，當然雜錦抵食啲因為相差四蚊姐每碗數都會附送一杯芽菜九層塔青檸同指天椒越南風味出晒嚟，雞翼同春卷都好好味，但係同越南錦麗相比還是差一點🤪

去過越南旅行，去咗五日四夜食咗兩次錦麗，見到呢條過江龍嚟咗香港即刻要試一試，門口已經嚇親咗，六點鐘去到，要排長龍，我諗有三、四十人等呢😐又估唔到喎，等左15分鐘就到，店員都好細心，遞order紙比我哋揀定食乜，其實選擇很少，我哋都選擇咗雜錦，啲餸好多，夠晒飽！不過比越南老店還是差一點，但綜觀不錯，價錢還算合理!

今日凑仔返學，兩公婆去元朗食嘢，老婆話新元中開咗間新嘢，不妨試試。排咗一陣，有張poster有個女仔但句slogan 好怪！入座之後唔係上水而係上咗兩杯草（而家興唔上水上草比客咬住先🤔，唯有自己去自助茶水站上水但個杯好「大」隻）有嘢上枱，先嚟蝦米卷，唔點汁食每樣材料啲味幾出，點咗汁之後反而遮咗少少啲味🤔生牛河上枱，乜都未落試湯㡳有少少甜鮮但未至於口渴，落完杯草之後，香味幾出，但枝魚露未能帶起鮮味，牛片味一般但腩未夠腍。杯鹹青檸梳打一般，有機會不妨一試凍綠豆崩大碗，炎炎夏日應該幾清涼！

盼望了好久，锦丽终于开业了一直很多人排队，所以多次路过店门而不入，今天终于忍不住排了半小时的队点了综合粉(三拼)、春卷、大虾米纸卷以及经典的滴漏咖啡，很满意综合粉基本上把越南当地80%的甜去掉了，仅留一点算是保留"传统"，很合我口味;春卷鲜炸，热辣辣，褒着生菜超好吃，但注意千万别放凉了，尽快吃;大虾扎肉米纸卷算是凉菜了，清淡可口，好吃的让我忘记拍照至于滴漏咖啡，也是少甜了，估计是当地原味的50%甜度，也很符合我的口味总体来说，对锦丽还是很满意的，虽然应对港人口味做了甜度上的调整，但更好吃、更健康了，值得一试。缺点就是不可以信用卡付款，只能现金or八达通

開咗無幾耐，日日都排長龍，今日等咗半個鐘入座，食佢招牌嘅雜錦牛肉河，湯底幾好味，就咁飲都好飲，牛肉都靚，半生熟咁食真係一流，不過牛腩就爭啲，好難咬開，另外叫咗杯青檸梳打，足料好味

星期五的下午放飯，和老公快閃去食飯睇戲~ 以為中午人會少一些不用排隊，進知道一樣要排。還好人龍不是太長，我們二人排十分鐘左右便有位，是中間長檯的位置。店內卡位不多，一人二人的大多數要坐在中間的長檯與人搭檯，位置有點逼，而且沒地方放東西。點了兩款湯河，綜合粉 (生熟牛肉，牛丸)，生熟牛河，大蝦扎肉米紙卷，凍蔗汁及涼粉冰。全部食物要散叫，沒有套餐或任何優惠。飲品及米紙卷很快送到，凍飲來說非常不錯，夠凍，而且味道不太甜，蔗汁很鮮味，涼粉冰亦很足料。米紙卷一份有四小件，一口一件，配料新鮮，米紙質感亦處理得很好，不會太黏，不過魚露汁較甜。湯河亦很快送到，店員特意提醒要先試湯底。事實上檯面亦有指示教客人如果品嘗湯粉及處理配料。先試一口湯底，的確非常鮮甜好味，香濃的牛湯，但沒有過份的咸，食完亦不覺口渴。配料是一份份預先放好的，有芽菜，九層塔，鵝蒂，青檸及辣椒片。試了湯底之後便將薄荷葉及鵝蒂搣碎放入湯內，以越式粉麵來說，一般都有九層塔，但原塊上的鵝蒂側較少見。可能是因為鵝蒂的味道較九層塔更強吧，未必所有人都接受，而目測附近的食客有很多都沒有加配料。我個人是非常喜歡東南亞菜式的，所以所有配料都依指示下了

今天就來試一下被譽為最好吃的牛肉粉～點了一碗錦麗綜合粉 ($62)以一碗粉來說 價位真的有點高(大概是租金太貴所以一碗粉就要$58-62 還好不加一😂)綜合粉有生牛肉、熟牛肉和牛丸第一口先喝湯湯底是用牛骨、牛腩和不同的香料熬煮所以牛肉味很濃郁就三個配菜而言個人就蠻喜歡牛丸跟一般外面賣的不太一樣它們牛丸的肉質很扎實咬下去會有點肉汁至於熟牛肉就是半筋半肉 挺入味的相比之下生牛肉的肉質就很一般也不夠滑嫩下次再去的話會直接點牛丸粉❤️P.S. 以下是餐牌：

一直都好期待食錦麗，見佢話四月係元朗開，點知一等再等，等到七月終於開！佢地開咗幾日，日日都好多人排隊！唔想排咁耐就早啲食晚餐。餐牌上叫嘅粉其實就得幾款俾你揀（有生牛肉，熟牛肉，牛丸），因為我地想試哂佢所有料，所以叫咗個綜合粉（$62），另外再加多個炸春捲。碗粉上到黎，飲第一啖湯，係清甜嘅。之後再加哂其他配料，有九層塔、辣椒粒、生芽菜等，令個湯再香啲。生牛肉好嫩，有牛香，但係得兩塊。熟牛肉，係牛腩黎嘅，都幾淋，有好多嚿，食完好膩。而牛丸都唔錯，有一粒半咁多呀。當我想夾粉食個時，就好失望。啲粉黏成一嚿，好明顯係個碗型，真係好難撥開。啲粉就係港式河粉咁，好油，撥兩撥成碗湯都係油，同我係越南食嗰啲好唔同。炸春捲都幾好食嘅，里面啲料好足！好香口！不過食完之後，真係好頸渴！唔知係關春卷事定碗牛肉粉事！

3/7早上7:03分到，餐廳營業時間竟然是11:30，但兩天前打電話問過是早上七點，如果營業時間有變，應該在電話中説明，營業時間朝令夕改，真的過份，應該不會再去，否則又未開。😡