錦麗 (形點 II)

營業中

休息中

呢間野一到5:30pm以後就會有人龍... 一直都唔明點解，所以決定要食一次，食完... 更加唔明點解...我早餐去食，要咗個香茅豬扒金邊粉、金不換炒蛋同越式滴漏咖啡個豬扒幾香香茅味，食完一陣個口都仲有香茅味，味道上不錯，但肉質好淋，淋到似雞扒多過豬扒；個金邊粉就一般，湯底本來清清地，但塊豬扒浸浸下，成碗麵都油曬金不換炒蛋好滑，無咩金不換味；至於塊法包，本來好地地對佢無咩要求，不過佢就係面頭搽咗一層薄如蟬翼既咖央... 攪到我對佢無味好失望，哈哈，呢啲就係正所謂既畫蛇添足，本來個蛋好高分... 加咗無味既咖央係法包面，令我對佢大打折扣至於杯滴漏咖啡... 咖啡味唔香，煉奶落得唔夠多，係越南，最好既煉奶同咖啡比例係一比一... 呢杯得一比八左右，唔正宗最後，間餐廳座位好少，卡位得3、4個，都係硬櫈，而其他座位就係一張坐到十幾人既大長枱，canteen咁款食後感真係一般到唔一般，食物一般，坐得又唔舒服... 點解夜市要排隊？莫名其妙早餐一碗粉加炒蛋，upgrade滴漏咖啡，$49

在加拿大成長的，都會熱愛pho...而在港的加拿大人都會一直尋找加拿大pho嘅味道，多番嘗試，知道在香港根本冇可能揾得到嗰種味😪聽聞呢間可以媲美，但知道無論幾點去都要排隊...一直都冇去試。今日終於有閒情去排吓~8點開始排，冇幾耐已開始截後面的隊, 話d粉賣哂🙄 排咗15-20分鐘已入座生春捲-好細份，一口size, 皮太軟淋炸春捲-唔香唔脆，唔知想點生牛肉粉-湯有點咸，不夠鮮甜，生牛肉上枱已熟哂🙄香港食越南粉最難頂係用河粉，佢呢間嘅仲要係有點生米feel加上散哂嘅，又唔吸湯，失敗!!基本上都係失望!!(我都去過越南幾次，真係冇得比)

元朗新開了「錦麗」越南菜，之前响銅鑼世貿中心食過返尋味，今日再黎食多次，由於晚餐時間黎過好多人排隊，今日下午茶時間來，都要排隊，不過只係排了15分鐘左右就有得入！呢度無套餐，只可單點。點了錦麗綜合粉、春卷、蒜蓉牛油雞亦（必吃👍🏻）和鹹檸青檸梳打！錦麗縮合粉-可以試哂唔同牛，所以係不錯選擇。牛肉口感好鬆，湯底清甜入味，淡淡香濃牛肉味，芽菜、辣椒和青檸汁可自行放落粉裡，即使不用配料也行好吃。河粉行滑又張牙！春卷-炸得很脆，熱騰騰。餡料有粉絲，蘿蔔絲和黑木耳，口感豐富。蒜蓉牛油雞亦-牛油正在溶化，啖啖牛油香，蒜溶夠香又不會搶了味道，配撘剛剛好，極力推薦！

知道錦麗在元朗開了分店，經常見朋友去食，一直都很想試一下，上星期終於有機會去試一試！！🤭一去到就見到大排長龍，不過都影響唔到我嘅心情，排了大概20分鐘終於能夠入咗座。看了看Menu，粉面選擇不多，由於想試齊不同配料，所以叫咗個錦麗綜合粉，有齊熟牛肉、牛丸同生牛肉。有張貼紙教你正確的食法我覺得河粉比較普通，可能本身抱太大期待，反而有點兒失望。生牛肉、熟牛肉和牛丸三款配料當中，牛丸最有驚喜，味道香濃。整體來說只是覺得一般。以價錢$62來說有點兒貴，試過一兩次就足夠了！

第一次食越南菜，之前見過好多人排隊，今天咁啱1730開始營業，剛剛行過兩人排隊一陣入座，是打對枱坐的。點了一碗綜合牛河，有生牛、熟牛及牛丸。湯底好好味絕無味精，又夠熱，上檯先喝啖湯，然後放爽口牙菜、薄荷葉，令湯底加更清香。熟牛肉好有口感，好靚嘅牛坑腩，一點都唔靭。生牛肉普通咗少少份量又少少，返而牛丸有點驚喜，好爽彈牙，3件半粒牛丸唔係好夠食。下次會叫熟牛河。小食方面：春卷新鮮熱辣，用爽口的生菜包著春卷一齊吃，一啖食落去，非常好味，口感豐富。另外點了兩款小米紙：扎肉蝦和牛油果，點上甜醋好感覺清爽健康好味。

元朗稱得上係香港既美食區餐廳多到數唔晒！作為元朗人，都未必識得晒成個元朗嘅餐廳不過，每逢有新餐廳出現喺元朗有返少少話題或者名氣都會大排長龍，至少起碼排一個月其實，究竟係元朗人口多吖？元朗啲人永遠都唔會煮嘢食啊？定係其他地區嘅人入嚟元朗食呢？依間有幾間分店嘅咁越南河餐廳每日都排晒長龍，當你見到佢無龍嘅時候，就係佢賣晒牛肉湯嘅時候啦！依日星期日中午，我哋就下定左決心要黎食就算排幾長咁都要排啊！我哋仲特登食定咗個飯團打抵呀，哈哈當日都唔算長龍，前面應該有9至10枱！係呀！唔多人㗎啦！我哋見過啱啱開嗰陣時有成20個以上人排隊架！我哋排咗半個鐘頭到就入到去啦，不過如果係三個人以上就可能要等得耐啲啦！佢亦都會建議你哋分開坐嗱！你可能會問點解唔搭枱？因為搭枱係必然嘅！佢啲枱好細，有啲圓枱有啲長枱，不過全部都會搭枱！簡直逼過茶餐廳！而且佢係正商場嘅中心，所有行過都可以見到你食緊乜，出邊排緊隊嘅人更加係望到你實一實啦！我哋叫咗兩碗河粉，一碗係生牛肉一碗係雜錦生牛肉係好食啲㗎，都幾滑嘅，就鍾意佢夠薄，雜錦入面除咗有生牛肉仲有熟牛肉同牛丸熟牛肉個牛味會重過生牛肉，但係生牛肉會滑啲！牛丸呢就好好食好重口味，如

長期見呢間越南菜都有人排隊身邊都有朋友話過好食所以一直都心思思想試叫左2碗錦麗綜合粉湯底濃郁 河粉比較碎生牛肉比熟牛肉好食好多熟牛肉相對較硬身☹️相反牛丸係最有驚喜仲叫左個越式春卷個人覺得ok 但男朋友就唔太喜歡整體覺得有啲失望 無講到咁好食😞

YOHO MALL開咗間新餐廳好多人排隊食嘢應該搶走左譚仔米線一啲人🤣今日排隊食早餐都要排15分鐘其實餐廳係open式的所以好似係個鳥籠到食嘢周圍行商場嘅人可以360度睇到入邊座位其實都好窄預咗坐得都唔好食完好快走嗰隻🤣🤣🤣呢啲餐廳其實我都怕怕因為其實一個早餐都要40至$50點解要比咁嘅價錢坐得咁辛苦！仲唔係話特別好味Tim 今次個餐加咗$9要炒蛋同牛角包再加$5要咗個越南咖啡加埋平均一個早餐$40左右收錢嘅經理做埋落單個表情冇乜，差不多係叫黑口黑面😓味道一般正常不過啲嘢唔夠熱，係最唔OK！越南咖啡偏甜，用煉奶冇計！應該冇下次，因為真係坐得唔舒服！😓

最近聽朋友講，元朗形點新開既呢間越南野既牛丸好好食於是今日就特登黎試下啦。開張左一段時間，但晚市都要排，等左大概30分鐘。貪心既小狗見到禁多選擇，唔想淨係食牛丸粉，就揀左要綜合粉啦！ 牛丸牛腩牛肉都有綜合牛河好多蔥！其他香草、辣椒、芽菜係自己落！唔錯唔錯！生牛肉同埋牛丸都讚，牛腩就一般般啦特別要讚多次牛丸，佢唔止彈牙，仲好多汁，好有牛肉味！唔係單單麵粉味！下次再食會點淨牛丸越式牛油雞翼炸得好香口！熱辣辣！好重牛油同蒜味！正呀PS: 食緊果陣，大概9點左右 牛湯粉已經賣哂啦，可能因為太受歡迎。 想試既大家要早d黎排啦

平時路過見好多人排隊，所以好想試下係咪真係咁好食！今日同同事一共5人去食早餐，10點去到排隊係排第一個的，身後都未開始有人排隊！點知後面開始多一個人或者兩個人，店員一直安排係我地食後既食客入座先！問店員幾時先有位，佢問介唔介意分開坐？問佢點分開？佢又答唔到，然後我老公問佢點解唔hold張4人枱比我地再加多張櫈？佢話唔加得櫈！好啦！然後到另一個店員(應該係店長)又安排排係我地後面既人入去，我開始忟忟地！我問到底要等幾耐先有位？你不斷咁安排後面既人入去，又唔hold住可以坐多人長枱既位，咁要到幾時？個店長話你唔係等圓枱咩？我地話從來無講過要圓枱囉！個店長態度好差咁講話"唔好意思！d人未走我都無辦法！"我真係唔覺得佢有唔好意思過！同埋我真係想講"你都一直無諗辦法安排我地入座，只係識不斷比一人二人入去咁梗係啦！"之後我聽到個店長同d店員講話留張4人枱比我地再加個位，真係唔知邊個最初講話唔加得既呢！或者你地覺得你地係米之連餐廳我就應該等啦！仲有既係你地個蕃茄蝦膏海鮮湯檬，得一隻蝦，其餘都係豆卜同札肉，咁叫海鮮？我地5個人食完都一致話"無下次！"

係元朗新開嘅餐廳又有蔡瀾推薦過嘅餐廳，梗係要入去試一試啦。自己一條友入去都幾快有位，餐廳環境非常乾淨都可能係新開嘅原因啦！侍應都好好笑容錦麗雜錦越球式河粉 $6x入面有牛丸，生牛肉，牛腩！勁快就有得食！上餐速度一流牛丸非常彈牙，同埋冇乜牛筋係入面唔會食到攝牙。易啲生牛肉都非常之新鮮同埋牛味十足令到我呢個牛魔王食得好開心，以後男方面都非常之林勁正。連啲河粉都好滑嘟嘟Q彈！唔怪之得蔡瀾推薦呢間餐廳啦！ ！

曾經到過越南旅遊，食過當地的麪食絕對喺返唔到轉頭！湯底令人總是念念不忘。 錦麗開業了一陣子，每次經過都大排長龍，下午打算去食竟然賣到河粉售罄，於是乎夜晚再接再厲，但排隊真的排到人都呆。牛丸粉和生牛肉粉同時上枱，由於有生肉的關係，生牛肉粉的湯明顯較熱燙。越南河的湯底總是能做到清甜而不膩，而這間過江龍亦不例外。生牛肉粉和牛丸粉雖然出自同一湯底，但生牛肉粉的湯就多了一重淺淺的牛肉味，有畫龍點睛之妙，相比起牛丸粉湯底更勝一籌。雖然湯底出色，但牛肉吃起來粉粉的我不太喜歡。 牛丸爽口多汁，惟調味偏重，失去了自然的風味。春卷炸得脆，再深一層仍然保留著越式春卷皮的軟韌，春卷足料不過整體味道不突出。錦麗主打牛肉粉，但最驚艷的卻是香茅青檸薄荷梳打。餐廳將香茅、薄荷和青檸搗碎，與梳打攪和後才端上，於是乎第一口就已經品嚐到最清新的味道。起初以為杯中香茅只作裝飾用途，細心留意的話可見香茅底部被輕輕切開，此舉可令香茅更為出味。 欣賞店家對細節的用心，從一杯飲品裡，從湯的熱度中，都足以體現到餐廳對客人的重視。單憑這點就值得客人一再回頭。

之前見佢六日都有人排隊就諗住平日都試下，好好彩去到五洗排隊，但一陣就好快無位，湯底係幾好飲既，比起越棧隻味係五同啲既既今日叫左雜錦，乜都有，牛丸，生牛肉，熟牛肉，但除左牛丸之外，其他都好難食除此之外，我仲叫左杯越南滴漏咖啡，我就覺得一般，黑咖啡+煉奶，仲要等佢慢慢滴，等到食完碗粉先滴完😂而且價錢五平，全部單點 一碗雜錦$62 凍滴漏咖啡$28咁就食左$90 最慘係佢無茶水供應，以一間堂食餐廳黎講有啲差

我与朋友在7月27日星期六中午在元朗店吃,等了6个字叫我2人入座,之前10分中已有2張圓枱及4个面响門外排隊位,安排座位效率勁慢,當時見有5个待应生,我2人即叫了2碗了熟牛肉河粉,58元1碗,<2碗內都只有1片小小軟身牛腩及(3舊瘦肉,因太鞋好难吃,而没有吃到)2人都只吃了1片小小軟的牛腩,上枱即喝下1口湯,又有味精,河粉又太腍>吃后覺得被此店欺騙了,没有下1次再會去,因它不是越南牛肉河,是牛位最瘦个位切3舊仔给客人吃,真的吃不下,如果与越棧相比較,我情願揀越棧吃

見這越南連鎖店開了三間在香港，儘管都要試一次，我們一行三人全部叫綜合粉，一次過試晒生牛肉，熟牛肉，牛丸。熟牛肉其實係牛腩，入口偏嚡偏硬唔夠腍，至於生牛肉比較軟滑夠腍，最後牛丸冇特別比港式牛丸密度低啲，最可惜係湯底都算清甜，但有味道飲了後要狂飲水解渴，希望可改善下 ^ ^ 😋😀