錦麗 (德福廣場1期)

營業中

休息中

一碗$68 又無得追加飲品飲品要收正價好食，湯底濃，河粉滑牛肉算多無飲品真係敗筆自助式就無服務寫寫下放低左因為又幾好食，食埋先再寫湯底濃得來又會甜甜地防疫方面每枱都有消毒酒精有得拎濕紙巾哩方面要like

幾年沒有食過綿麗越南粉, 當時應該未歸入某飲食集團, 食味, 價錢及整體感覺還可以。今天下午2pm路過九龍灣德褔的綿麗, 抱住即本一試的心情入內, 從進入到離開,整個體驗, 真係乏善可陳! 招待人員工作散亂, 完全没上心, 只放下一句QR code可點餐即離開, 枱面及枱底都找不到任何menu! 用手机點了生牛肉河粉及凍意米飲品, 河粉上了一段時間, 但完全忘記付上餐具及越南粉最最要那碟青Lemon及芽菜等配料, 連要杯水都要自行去處!? 大佬, 一碗粉+一杯飲料收近百元港幣, 况且碗粉同飲料的水平, 可以講係好差!

G餐的精選越式套餐（ 配牛角包） 糸冇牛角包！？ 冇牛角包唔緊要 可以有其他選擇同告知客人都得架！ 已經有兩條腸仔 ！ 因為冇牛角包 廚師有比第三條腸仔？ 有冇搞錯呀！！ 咁不如改做越式腸仔套餐喇🙈🙈🙈服務有待改善

好耐冇食過就嚟食下，舖頭有啲迫，枱同枱之間都比較窄。佢嘅價錢比起其他越南餐廳都要貴，但係真係唔值。生牛肉金邊粉，啲牛肉黐埋晒，又冇乜牛肉味，又細細塊細細塊，好一般。湯底不過不失，始終都係偏油，一路食都食得出好油嘅感覺。香茅豬扒香濃雞湯河粉，雞湯飲落去都似係用味精，又係好油。小食叫咗牛油雞翼，不過不失啦，不過以呢個價錢，性價比就真係低。而且服務都好一般，啲水係自助嘅都冇問題，想食乜嘅時候又唔問我哋要唔要辣椒或者芽菜，你要主動問佢先會攞俾你。

依個綜合pho女仔食份量適中 但男仔食可能會唔飽牛腩唔夠淋冇乜牛味 但係叫做正常唔難食生牛肉幾嫩唔差 但係都係正常一般牛丸就多汁彈牙 非常唔錯 淨係嫌份量得兩粒有啲少 服務方面 朋友個咖喱雞扒飯 等咗足足半個鐘 催極都未上 侍應態度亦唔好 冇話好禮貌咁同我哋講唔好意思之類 簡單來講 不過不失 依個質素黎講價錢偏貴 但間中都可以食下填肚 不過冇咩事我就唔會再幫襯

話說早兩年去左胡志明市食左道地既錦麗 當地既錦麗係一間好LOCAL既食室,如果環境黎講 香港會靚好多,好坐好多味道黎講兩邊香港胡志明都好味,但的確是味道有點不一樣好吧 說回香港 錦麗生牛肉粉  牛肉湯底OK ,牛肉可以多D錦麗米紙卷呢樣我一般 因為我唔愛太多蔬菜蔗蝦香口真係好野味 哈哈  總結:CP值ok

一直想試錦麗很久，聽朋友說好吃，今次終於來試試下午茶。店子不大，座位較迫。在外面排了一會兒隊。錦麗生牛肉小粉 ($45)生牛肉算嫩滑，牛味就一般，份量十分之小。湯底味道覺得普通正常，沒有驚喜。而河粉質地ok，都爽滑軟淋。魚丸香濃雞湯金邊粉 ($48)金邊粉偏硬，有好幾條更是未煮開，黏住硬硬一塊...🤕😯😕 湯底同樣是平平無奇，什麼香濃雞湯，對不起，嘗不到... 只是普通到不能再普通的咸咸地麵水。魚丸則ok，都爽彈。跟餐點了凍"香濃美綠"。這杯所謂美綠，溝了極多水，味道淡到不知自己在喝美綠。美綠粉份量不知有沒有半個手指尾頭的大小😳🙁。最後喝了三口沒再喝。好心落返正常份量，會賺少好多嗎？還好意思叫自己做"香濃"美綠😳😳😳。食物麻麻，份量極小，服務一般，這個價錢，不值。試了這次，沒下次。不會再光顧。

點左嗰個2人餐 , 1個要牛肉粉，整體唔錯不過越南粉唔系幼身嘅，似平時d河粉，同埋湯唔夠熱，另1個要左咖哩牛腩飯，不過不失啦不過料系多嘅，2杯凍飲要左3色冰同紅豆冰，飲品唔錯又多料，問題來了，主食食晒小食拼盤都未黎， 差唔多等左20分鐘以上，豬排又乾又柴，雞翼香口不過好多油，直情d油多到漏晒落紙到，蝦卷又系1般般，個蔗蝦算系ok嘅不過舊蔗就賣相麻麻，總結，小食拼盤失望，不過不失不會encore, 2百蚊多d算系咁

昨晚經過德福商場入去食咗碗牛肉粉，湯底非常好味牛肉都唔錯，河粉亦都爽滑，分量都足夠.最唔開心係埋時候張單明明寫住$70點知去到有個又肥又醜嘅女士幫我埋單話$88咁張單寫住$70你收我88係咪係要問下先？點知佢好惡咁話你改咗套餐呀，我唔係唔俾，問吓啫，使唔使咁惡，其實我唔會歧視醜的女人因為樣貌天生的但態度差就係佢個人有問題. 希望佢老闆睇到呢篇文章可以叫佢改善態度.啲食物明明非常好但係又因為態度嘅問題影響到生意真係唔抵

嫲嫲係越南華僑，之前食過一次錦麗，成日話好掛住錦麗嘅味道，適逢節日特別思故鄉，就帶佢嚟錦麗做節啦！我都超過一年冇黎，餐牌都唔同咗，選擇多咗。仲有個四人餐，有河粉、飲品、仲有幾款小食，價錢又唔貴，就叫呢個試吓。首先就係兩條錦麗米紙卷，將佢一開二，每人有一件，點少少魚露，清一清口腔同味蕾，之後就食較濃味嘅越南菜。全晚我最鍾意嘅就係呢個牛油蒜蓉雞翼，新鮮炸起，非常脆口，雞翼仍能保持肉汁，唔會炸到乾爭爭，非常好食！蔗蝦嘅蝦肉都彈牙，不錯！胡志明綜合粉材料包括有生牛肉、牛腩、牛丸，我尤其欣賞佢嘅牛丸，有爆汁嘅效果，可惜只有3件半粒，唔夠喉🤪走咗葱嘅綜合粉配料更清晰可見。生牛肉河粉配上九層塔，既簡單又清新。大蝦扎肉撈檬有兩隻蝦，扎肉切成條狀，味道都唔錯，配上青瓜絲、蘿蔔絲同炸蒜，加點魚露，味道不錯。越南品種嘅芽菜形狀同平時食開嘅唔同，呢款比較短身而且肥嘟嘟，感覺都幾得意。特飲都只係加$8，大大杯算係幾抵飲。呢個餐有主菜有小食都真係幾抵食嘅，不過我就覺得佢嘅牛肉湯底好似比以前遜色咗啲，印象中以前嘅湯底飲落相當驚艷，但今次嚟到就覺得味道比以前清淡，希望如果有機會再嚟嘅時候，可以飲得返從前嘅味道啦！

20/12/2011:28分入到餐廳，未到11:30就立即停早餐。都算數啦⋯⋯開始點餐時，打算點雞翼湯檬粉，職員話，我地只有撈檬，唔可以轉任何嘢，要跟返餐牌上點餐，之後又再補一句，但係如果你點豬扒金邊粉，就可以轉河粉。真係好笑。唔係話唔可以轉餐牌任何嘢嘛？而家又轉到河粉啊？我問職員點解唔可以轉，佢叫我問公司，我真係想問佢，小姐，我而家係你公司返工啊？定還是識你公司CEO?後來，想叫柸凍奶茶，職員話只係早餐先有，11:30前就有凍奶茶，11:30分後就無，咁我11:28就已經到啦。之後叫我點越南咖啡😡我要食嘅嘢就無，要飲嘅嘢又無，公司開門就咩呢離晒譜架⋯⋯

今朝去咗呢一間食早餐平時食開茶餐廳食得太多沙爹牛麵想轉口味😋見到主要都係越南嘅米粉或者面，最後揀咗佢嘅找豬扒米粉跟餐有牛角包同奄列😊牛角包上枱嘅時候仲熱辣辣，好少茶餐廳係跟牛角包抵讚，奄列嘅話整到係流心同有啲香茅喺上邊味都唔錯。個豬扒米粉塊豬扒係啱啱炸起都好趣口

放工時間係德福搵食，見到呢間唔多人排隊，就即刻入左去。叫左胡志明綜合粉($68)，法式蒜蓉牛油雞翼($45)。叫左胡志明綜合粉($68)，法式蒜蓉牛油雞翼($45)，飲品個Pho既湯底幾有越南風味，不過我建議問職員拎檸檬同辣椒，加左之後有d酸辣，更加惹味。呢個Pho我覺得個牛丸出色過牛肉，牛肉真係普普通通，但係個牛丸咬落係好多汁。平時食Pho叫綜合都係覺得可以牛肉同牛丸都試下。不過我試完今次，我下次會直接叫牛丸粉。至於雞翼都好邪惡幾好味，上枱時熱辣辣，食落都好juicy。

向德福行街行到餓餓地, 見到呢間有位, 就揀左呢間, 只系$4X/個人, 仲包飲品。二人坐四坐位幾濶落. 下午茶有越南河粉, 撈檬, 金邊粉, 小食拼盤, 可配飲品龍眼茶/美祿/甘蔗水/青檸水/汽水/薏米水, +$8可選擇越式等飲就可以叫越南咖啡/菠蘿梳打/紅荳冰/涼粉冰/清檸梳打/ 三色冰, +$20升級為椰青.  我叫既生牛肉小粉, 份量較細但我就岩岩好, 朋友叫左豬扒撈檬, 牛肉熟左後幾林, 豬扒系即炸幾新鮮香囗，個椰青幾大幾清甜。是可再來的店..

在九龍灣工作作半年、經常經過此店，上個月有自己友人媽媽在港島區住和工作、如果見客傾生意，她一定去這間醫肚，她是在泰國長大華人，她食野不隨便讃，但她竟然讃這間湯河類味道very good ,所以今晚放工去試吓，牛肉湯河，好香而且牛片上等牛～woo woo好味！牛油chicken wing 好香、熱薏米水好飲又多薏米，其餘咖哩牛筋味道ok ar,服務生態度好正常，有禮貌，因為我唔知有套餐、她仲教我落order ,晚餐$80 有主菜、送庶暇又彈牙及可選薏米水，因為散叫一碗$66 及$28薏米水啦！好彩服務生remind me ! Haha待我下次lunch ,希望唔跌水準