錦麗 (德福廣場1期)

營業中

休息中

今日獎勵自己行左過萬步所以食依個豪餐香茅豬扒撈濛+小食：網炸蝦滑卷點解我會叫佢豪餐 因為佢單點粉 都要成差唔多$70 再加埋小食 成差唔多 $90算啦 我無乜幾何因今日太熱 我叫撈濛 所以多魚露 店員都有服務有聆聽 俾左3兜仔我返到去打開 重以為 個濛都好足份量但 發現 比想像中小即 得 2-3“住“咁樣唔緊要 佢塊豬扒搭夠大大塊 一如慨往的 保持水準扒邊 香脆， 扒底面薄薄香茅味乾身得黎 少少油 咬開唔痴牙肉質有口感 唔會過林濛粉 唔會變一餅 好易撈開個加$28定38既網炸 唔好味既但佢個網好食 入邊唔好食佢好似有2種卷揀 可能係我唔識揀錦麗 而家食一餐都要 $70啦！貴左好多！但間中都會諗起佢既！

間中就會樣食下 越南野就會諗起 錦麗之前食過佢 炸春卷好味 湯粉下午茶 細到 有少少過份但算啦 係咁架啦今次 叫外賣自取豬扒飯豬扒 一塊 夠乾身 咬落唔un 有肉汁 但外邊乾身內裡 是 剛好 的加埋 飯中有隻蛋依個配搭真心 食極都唔厭

去九龍灣德福廣場shopping買野，順便食個下午茶擋晚餐，由德福二期行到一期，間間餐廳都好多人要排隊，最後選擇左去呢間，俾佢個餐牌「火車頭」吸引了，就入去坐低。我坐一張細檯要搭檯。都冇所謂，我叫左個「火車頭」餐，小食選蔗蝦。飲薑汁薏米水。 首先，服務員拎左碗火車頭俾我，正常應該拎出來個刻係熱辣辣才對。點知拎出來摸個碗係微溫，裡面湯及丸都好似放左好耐攤凍左咁。 但都仲接受到，之後服務員拎蔗蝦俾我，咬一口就即刻吐返出來，點解味道酸酸叔叔？今次真係要搵服務員，同服務員講，佢都仲係咁同我解釋佢地D食物冇問題，仲要指住我前面個兩位母子食客，話：「佢地都有叫佢地都冇問題」。個兩母子忍唔住同服務員講：「我地d蔗蝦冇問題唔等於第二位d蔗蝦冇問題，有機會你地儲個陣試出現問題…」最後服務員轉了春卷俾我。春卷拎出來全部油。我都唔敢食，都唔想再浪費時間再向服務員反映，再反映都冇意思，埋單走人

錦麗好耐冇食過越南粉，行開德福，咁就去錦麗食個午餐。疫情下，商場真係少咗好多人，平時呢個時間應該有排排隊，但今日去到即刻有位，仲要唔爆場。咁我地同朋友點咗以下幾款錦麗生熟牛肉河/金邊粉錦麗綜合湯河越南小食拼盤幾隻粉都係用同一隻湯底，湯底有牛味，不過湯頭都有味精，食完有少少口乾。 配料有葱，洋蔥同埋芽菜。洋葱係比較生果種，帶少少辛辣感，但芽菜太少，食完成碗粉都唔覺有食過咁。。。河粉同金邊粉份量適中，不過男仔就未必夠食，女仔就應該啱啱好。生牛肉上枱仲有少少粉紅色，食落不過不失，唔會太鞋，但就唔期望佢會滑。另一種牛係牛腩黎，呢個就真係又韌又鞋口，唔會咬得香，直接放入口到咬就算。牛丸有少少筋係入面，反而最好食。河粉金邊粉都算滑，粗幼都適中，幾好食。最後越南小食拼盤，有蔗蝦，豬扒，炸春卷，炸雞槌。40蚊有咁多野算幾抵食，春卷幾香脆，入面有蝦有粉絲，炸得幾香口。 其他野就不過不失，見完粉唔夠飽都可以叫返個。

今晚在德福錦麗叫左佢地既濃雞湯河外賣，十分鐘就可以自取了。不得不讚呢個濃雞湯係好香，我拎住在架𨋢度成架𨋢都嗅到😂😂 真係不得了。另外，呢個濃雞湯係有每日限定既，夜晚有機會買唔到，大家想買就注意啦😆呢個魚蛋扎肉香濃雞湯河粉堂食就$68，外賣就加多$1，$69蚊。大家見到佢地餸河粉同湯係分開既，湯真係好香，呢個要讚👍🏻👍🏻此外，大家可能注意到，佢地餐牌係寫金邊粉，但我order 已經係太夜既關係，所以得番河粉。魚蛋正常爽口，扎肉就略嫌太薄得兩片太孤寒，$69呢個粉算貴，不過如果佢係真材實料就值既，大家有information可以比下意見。😉😉

3個人，食3碗野，個個都唔夠飽。唔係特別大食，而係真係佢碗野太少，少得可憐。味道正常，唔係特別好或差。碗生牛肉河粉，牛肉有4，5片，但夾起得3注河粉，連芽菜都冇，點解可以少到咁，正常人3碗都可以食得晒！豬扒金邊粉，塊豬扒都正常，但d粉都係少得可憐。火車頭牛肉河都係1樣咁少。唔明點解可以咁細碗，平時唔寫食評，都要上嚟發表意見呀！份量真係少得可憐，正常成年人都唔會夠飽。。。。。。。。。。。。。。要人用qr code落單，但係個qr code過期，用唔到嘅，結果都係落唔到，要搵職員嚟落單。一定唔會有下次！一定唔會有下次！一定唔會有下次！一定唔會有下次！一定唔會有下次！重要野要講3次，但呢間野真係講5次都唔夠！

晚上差不多八點，唔使點排隊可以直入。點了牛丸粉，再用積分換咗法式牛油雞翼（唔記得影相）。牛丸粉保持質素，牛丸好彈牙，唔錯。牛油雞翼好脆好香口，熱辣辣。最後叫咗杯熱薏米水，好夠薑味。

LUNCH TIME 時間' 食牛肉河粉, 份量極少, 一上枱' 我用湯匙一畢, 得一注.... 即刻叫待應過黎' 話碗河咁少' ?? 佢話跟足份量' 我話' 少過我兩個朋友好多WOR ~ 佢仍然堅持' 話朋友係金邊粉' 唔同? 其實朋友都己經唔係多' 只係我果碗係極少, 少過下午茶好多~ 真係好過份' $70蚊, 無野飲' 仲要係完全一D 飽肚感覺都無~ 5分鐘可以食完~ 女仔都唔夠食' 我諗如果係男人食兩碗先夠~ 太過份~ 一定無下次~ 乜都加價我明白~ 但真係完全無乜粉比客人食? 

今日喺德福行街，突然諗起呢度有間《錦麗》，之前嚮APM同東港城都食過，覺得佢哋嘅食物幾有地道嘅越南風味，見唔使等位，行到少少攰，入去食個late lunch~ 我照舊叫咗最鍾意嘅《胡志明綜合粉》（生牛肉、熟牛肉、牛丸）同2款小食《大蝦扎肉米紙卷》&《法式蒜蓉牛油雞翼》《胡志明綜合粉》🐮🍜通常食越南餐，都必定會試吓佢哋嘅生牛河，因為生牛河絕對能反映一間越南餐廳嘅水準，錦麗嘅生牛河自佢登陸香港以來，水準尚算能維持～自從有一次朋友話想試吓佢嘅牛丸，叫咗佢嘅綜合粉之後，綜合粉成為我嘅必叫之選🎖 生牛肉食落口嫩滑，又唔覺有肥肉，熟牛肉（大部份時候）都算腍㗎（雖然生、熟牛肉近期的質素比較浮動～🤨）牛丸做得最出色，加咗牛筋喺裏面，爽彈之餘夠牛肉味！錦麗嘅河粉粗幼度同質地都算滿意，佢哋湯底味道清甜，除咗會加埋附上嘅香花菜同青檸汁之外，我朋友食得辣，通常會叫職員俾細粒嗰隻辣椒佢，佢話呢一隻🌶先至夠辣，更加有越南風味！🥵😆《大蝦扎肉米紙卷》🦐🐷🌯呢個米紙卷除咗有大蝦同扎肉，仲有米粉、生菜、青瓜同紅蘿蔔絲，分量十足，味道清新！我要分2-3啖咬先食得哂一件米子卷（一客米子卷有4件），我朋友食得辣，米子卷加落魚

本來是想隨意吃個午餐 怎知進入這店時（11.20）見早餐至11.30 便點了2客早餐店面積大約只有30-40個座位 似茶餐廳格局 有點壓迫感 是掃描點餐 因時間關系 一時沒看清楚 我竟點了4杯飲品 幸好店員問一問我2份早餐分別是香茅豬扒金邊粉和紮肉碎金邊粉 因沒有肉碎 改為餐肉 賣相可以 味道正常 沒有失誤反而牛角包竟然有驚喜 可以比美一般酒店 微熱 外皮十分鬆化 入口又軟 炒蛋內有金不換 不單調越南滴漏咖啡十分香濃 這餐雖簡單也不錯 下次有機會要來一試那個脆皮牛腩 看宣傳單張似乎很吸引呢

🍁之前去過一次越南，覺得越南d野食都幾好味，而係香港，有時想食下d越南野，我都會選擇嚟錦麗，因為貪佢比較乾淨同埋食物都幾好味錦麗綜合粉湯底好清香嘅牛味，有齊生熟牛肉及牛丸，熟牛肉係類似牛腩，好淋有牛味，牛丸多汁彈牙，正加少少辣椒粒同埋配料落去，令味道更好味呢碗綜合粉基本每次必叫香芽青檸梳打好清新，非常解渴，飲落好爽，好飲大蝦扎肉紙米卷呢個米卷好一般如果鐘意食越南河粉，呢間可以一試

經理態度極差杯嘢飲有問題同同事講之後隔咗幾分鐘都仲未有人回覆我走去問佢地同事佢先同我講話佢要同經理講之後經理走埋嚟同我講話杯野飲佢地試過話無事之後態度極差咁問我咁你而家想點到之後換過杯嘢飲算啦我諗住賣單嗰陣佢見到我地企喺度排隊都特登五行埋泥收錢到第二張枱出泥既時侯佢先五做其他野出泥收錢？如何當上一個經理啊？

I would say I have certain expectation before visiting this place as this is one of the largest chain restaurant serving Vietnamese food in Hong Kong. Added to this, it's not rare to see people lining up outside this place during peak hours.Came here during a weekday lunch time. Ordered two mains with Snacks. The overall impression is that the food is being prepared without heart and in poor quality. Does not live up with its reputation or business size. You can see in the photo that the Soft Sh

今朝經過九龍灣工作，諗唔到食乜好嘅時候⋯見到有越式早餐，估唔到有意外驚喜！用QR code落單，本來想叫A餐但咁早已經賣晒⋯最後就試咗魚餅扎肉金邊粉套餐配左炒蛋牛角包平時食早餐多數配多士，今次食下牛角包都幾有新鮮感～不過就唔夠酥脆！炒蛋加咗金不換～好香好好食（驚喜！）金邊粉就不過不失，個湯好清，唔算好重味精味魚餅都唔會好鹹！凍檸茶加咗青檸！成杯茶清新左（驚喜！）不過餐廳冷氣好弱，食到出晒汗店員服務就比較隨心⋯

話說今日去啟德郵輪碼頭行吓，本來想行去觀塘海濱公園，點知個朋友行到腳爭起水泡，唯有臨時改變行程，即刻坐車去到德福！去到德福都心急揾個地方坐低休息，於是就衝入一間比較少客人，坐得十分鬆動，一間叫「錦麗」的餐廳！當時係下午1545，午飯時間又過咗，晚飯時間又未到，本來想搵店裡面最入較人少，坐得舒服啲嘅地方，但店員告訴我那張枱將會留給員工用膳，Ok！我便轉到近門口的卡位，誰不知一座低又有另一位店員行嚟，態度語氣很差地說，「卡位坐單邊丫」！我心諗，坐依度又話員工用膳，坐嗰度又話要坐埋一邊，我二話不說，即刻起身離開！疫情期間，基本上都唔會有人喜歡搭枱，何況又不是繁忙時間，店舖裡又有大量空位，店員更準備用膳，店員的處理手法是不是可以靈活啲呢？唔需要下下跟繁忙時間的處理方法呱！