錦明粥麵甜品 (已結業)

一向都好鐘意食呢間野o既豆腐花、醬爆丸河同蘿蔔牛腩飯。因為豆花夠滑，牛腩大件又好食，最重要係夠平。可惜，早兩禮拜五晚10點放學諗住食個久違o既蘿蔔牛腩飯，點知突然見到落左閘，但係又無寫明原因，當時已覺得不妥，但因為成日都見到好多人去食野，所以仍未聯想到執粒。點知無幾耐之後，發現佢連下午都落閘，不久，連招牌都拆埋。之後問附近鋪頭，最終無奈地確定，係執粒...由慧安園時代食到而家執埋粒，真係算得上係我o既童年回憶之一。如果有機會，真係想佢重開。懷念的豆腐花、醬爆丸河同蘿蔔牛腩飯。

一向光顧呢間店，係因為平。但係，最近D食物既水準真係好差!早兩次外買麵餐，第一次跟餐要豆漿，放屋企唔洗5分鐘，D豆漿已經酸，仲有一陣陣既異味，真失望! 好啦!比第二次機會你，今次加$2要凍豆腐花，點知仲哀，係肅既，嗰口豆腐花噁都噁唔切!唉!一個字"差"!今日，因為朋友話好窮，所以陪佢食多一次，點知!嬲到爆!去到既時候，計埋我地得兩張枱有客，兩個職員阿姐喺度食飯，一個阿姐負責落單兼收貨，照計兩枱客，無理由一個阿姐搞唔掂!食食下野，個阿姐放底一碗豆腐花，唔係我地叫既，「唔係我地架!」我講左兩次，個阿姐唔理我，掛住同另外嗰兩個食緊野既阿姐傾計，錦算啦!叫你都唔應，友人就食埋佢啦!點知埋單嗰陣，阿姐就話:「點解無寫豆腐花錢，........唔係4號枱咩」另一個食緊飯既阿姐就話:「唔係，我話2號枱.......」兩個阿姐喺度扯貓尾，唔肯認帳。跟住，收銀阿姐話:「錦收你錢!」我即係同佢講:「點解!係你地做錯事，叫你地又唔應，我唔會比!」點知阿姐就話:「錦係你食左，就要比錢，我又聽唔到你叫，緊係你比」我真係嬲:「你地自已做錯事，掛住傾計唔理人，關我咩事。」突然，食緊飯個阿姐就話:「算啦!跟餐收$2啦

齋腸粉 $1 only!!! 超抵食!!黑豆豆腐花，覺得無正常豆腐花咁好，因為好似比較意散同唔夠豆香蘿蔔糕同芋頭糕都煎得唔夠隆不過好抵，加埋都係$22 only!!

2008年09月04日， 錦明兩個無飯夫妻到此撐枱腳，吃家常餸：北菇蒸雞：想不到這麼多冬菇，分量多，味道都可以了。蒸水蛋：幾滑。白菜仔和通菜：跟餐的。雖然不算很便宜，但喜歡D餸無乜味精，偶爾一吃也不錯。

這兒食物普通,環境也不怎麼好店面卻總是車對馬龍,想也知道"便宜"是背後的主因是日要了一個牛肉粗跟菜心牛肉沒雪味,但亦沒什麼肉味,菜心有點老,但亦不至於苦湯的筧水味略嫌重了點,但麵的口感尚算可以跟餐的豆漿甜得嚇人喝了一口也就放棄了誠惠$22,這樣的價錢也沒什麼好苛求的了

煎腸粉 $6豆腐花 $5 芝麻糊 $11夜晚落黎食.煎腸粉醬汁及芝麻自己任加, 落幾多都得.豆腐花唔太甜, 幾好.芝麻糊好普通, 真係非常普通. 而且唔夠甜, 要自己加d豆花的糖水.(不過太甜又唔健康喎... )

叫左個碟頭飯, 好平, $26有豆漿. 不過碟飯好難食.加 $2 將豆漿轉左豆花, 唔太甜, 幾好.雞扒香口, 幾好.

琴日試完豆腐花, 今日到mami買綠豆沙同芝麻糊外賣綠豆沙同芝麻糊好細碗, 簡直係琴日碗豆腐花ge一半不過今日兩碗糖水都好夠熱, 綠豆沙有好大陣陳皮味可惜一片海帶都冇, 如果係咁, 我就覺得$11吾係好抵la, 另外mami話芝麻糊幾滑食完碗糖水睇返之前D食評見到以前係$9 碗, 吾知係咪百物騰貴, 連糖水都要加價不過去街市買幾蚊綠豆已經可以煲到好多碗, 加左咁多, 又吾係大碗, 未免有D過份吧如果係咁, 我寧願俾多幾蚊, 去隔離食聰嫂lu

今日搭地鐵返黎ge時候經過錦明決定入去買兩碗熱豆腐花返屋企同mami撐枱腳返到屋企, 碗豆腐花係微暖, 如果熱D就好啦豆腐花食落口都幾滑, 吾係好甜, 我自己加左少少黃糖先夠味$5一大碗, 食到好飽, 幾抵食另外入到去餐廳入面, 客人未夠一半滿, 不過D阿姐做野幾快手可能因為冇咩客啦, 下次有機會再試下其他糖水先

今次吃綠豆沙($9)，因為夠寒涼綠豆多，味很重，但顏色不太吸引…今次依然不錯同事吃了黑白($9)，餐牌上沒有的，問老闆娘有沒有芝麻糊加豆花她說可以有p.s. 可能潮濕關係，店有『叔』味，不太好受…

Feb 14, 2008 (Thu) Dessert吃完味千跟同事說未飽，同事提議去聰嫂，但聰嫂居然未開，另一同事想到有另一甜品店，真開心。謝謝兩位縱使飽亦陪伴食糖水！一心想吃的黑芝麻糊，只是$9！我們三個每人一碗。OK喎！濃、不會過甜，又夠芝麻味，和我上星期在元朗吃的$13芝麻糊差不多！還有一定比聰嫂便宜呢。其他甜品也很便宜呢，例：豆花$5碗！以後遲放工可以飲碗糖水先返歸 日日在對面撘17M去翠林也看不見這間小店*_*p.s.落單的就幾有禮貌，但同事問另一職員哪裡有toilet就好惡了…

呢間食店係我以前同同學食野o既指定地方, d糖水好味喎~又平.岩岩過左o既暑假因為成日出夜街, 所以有一排成日去, d呀姐同一個後生仔都認得我, 咁我都覺得服務幾好, 不過上月好似加左租, d野貴左一蚊

去過幾次呢間錦明...d糖水都ok..通常都係食開密瓜西米露..唔算話好甜..不過比起三期個聰嫂平..咁佢個度d粉面都好抵食..20蚊就有碗面+豆漿+油菜..算係寶林一二名抵食ge舖頭架la..雖然地方係細左d..但係都唔會影響太大..

間野係我舊同學屋企開既。基本上我都只係食過佢既糖水同燒賣等小食。佢個芒果西米露ok架，真材實料有唔少芒果，價錢$10樓下，都唔算貴丫。不過唔知而家有冇加價。當然，你唔可以用聰嫂同佢比較，因為人地貴成倍咁多。

平時夜番, 都會去錦明食下野~因為唔算太貴, 又幾好食~最鍾意牛肉炒腸同芝麻糊, 好正!另外d noodles都幾抵食~10幾蚊有一碗仲有埋豆漿送, 算係咁啦~不過總係覺得間鋪好殘咁~