錦明粥麵甜品 (已結業)

2007年4月25日星期三。晚飯。錦明。錦明好吃的東西其實不多，但勝在夠平夠近。今天買了淨水餃加菜，熱芋頭西米露，另外有豆漿送。水餃很一般，沒什麼好說。至於西米露，以前吃過知道很甜，不過因為家裏有一個熟的芋頭，所以把它混入現成的西米露+豆漿，實行自製芋頭豆漿西米露，芋頭多所以我再加了點水但沒加糖，整個糖水雖然很好喝，但仍然偏甜，可想而知。我覺得紅豆沙是無咁甜而好吃的甜品。另外，這裏的麵和腸粉都做得不好。都係句，夠平夠近。

我都係住係樓上但唔係成日落去食因為附近咁多食肆~呢間個樣就最差喇~不過d野好抵食wo16蚊個粉仲送豆漿19蚊送埋油菜tim呢間d野唔會好好食但就成區最抵食!開到好夜~ 糖水平~ 雖然冇滿記的靚賣相但都好味芝麻胡+湯丸12蚊好味!蜜瓜西米露11蚊好味!d粥都ok~

無他既,因為呢間店係正我屋企樓下,由我搬入將軍澳就走到而家.佢地唔做早市,開門都10點定11點,不過12點打後宵夜例牌十分旺場,多人到要係門口等位,如果係冷天真係幾難頂,不過好多人都會照等面係唔錯,基本上款款都好食,送埋豆漿算係咁.值得去的

這間在寶琳地鐵站對面街的食鋪，$16蚊食麻辣將爆丸加豆漿一杯。D丸真係一咬係口爆，爆出個種辣味都好爽總知好抵食

以前openrice都無錦明既資料~依家加返,就好啦~因為呢間係將軍澳不可一缺既食肆之一!!話錦明係一間糖水舖,其實佢早,午,晚,宵夜集於一身的店舖~~粥粉面飯樣樣具備.早,午,晚,下午茶餐,特餐,快餐都一樣唔少得。仲有粉面餐,蒸飯餐,咖哩套餐同學生餐。原因係寶林呢頭就係做街坊同學校生意(都有d系新都城返工的人士既)。環境雖然唔多好,不過呢d就係街坊既親切感舖入面全部都係阿叔阿嬸級侍應,動作係有d慢,不過勝在態度好。而且好親切,去多幾次都智認得,有時例牌食咩都唔駛講。食物方面~不過不失,午餐20蚊之內,食到飽加埋野飲,我相信同區內都幾難搵到。夜晚經常同男友黎食野,一人一碗糖水,加d小食(燒賣,腸粉,炸兩,蘿蔔糕之類)唔怕食唔飽,係d野食多到唔知食咩好。錦明的燉蛋同燉奶都好好食,如果夜左少少去,都已經賣晒lu~~如果要環境好,衛生好同靚妹侍應,不如行多幾步去食聰嫂。錦明的最大特色就係街坊感覺夠親切。

可能你地入去都唔會叫米線,會食甜品...但係我入去試食0既原因係因為有米線.食過之後覺得0的牛腩好好味..0的酸辣就岩岩好都幾辣下. 唔錯唔錯

有時都會黎呢度食,近丫嘛....D糖水..ok,野食都冇咩0既...不過, 如果一過11點後先去,,,,,D services就...好差.......因為呢個時候都好多人...唉,,,services真係差差差!!!

我做第一個我覺得好驚奇,因為平時都唔小人入去,講正題,個環境確唔衛生,態度一般,價錢抵,味道就一dd好啦,之前食過d紅豆沙覺得佢好似溝左水,不過都有加返糖落去...不過始終都有分別,仲有次食雜果涼粉,原來得三隻雜果,都好雜下燒賣同腸粉就唔多得啦......起初食,冇乜野既,不過食得耐就覺口感唔太好.食過咁多野,我始終都係覺得渣咋最好味,因為佢口感好,落足料,因為抵食啦,所以我見親都好多學生!!