銀·拉麵·串燒 (已結業)

試過不同銀杏館餐廳。每一間都不曾令人失望。自己之前最喜歡去美孚山上饒宗頤的那一間。那裏景色優美，周圍環境令人很舒服，而且仲有半自助餐，可惜！都已經結業了。當然，銀杏館都有很多不同分店，每間各有特色！但，我相信每間都本著同一宗旨，便是讓廣大市民食到用心菜式！也為長者帶來工作機遇，名副其實是一間回饋社會的良心企業。（相信在現今香港，真係好難維持及做到）作為一家餐廳，食物🥘味道都十分之重要！今日第一次到灣仔銀杏館食晚餐。點了一個「慢煮紅酒燉安格斯牛肋骨」配以甜品「龍之心太軟」。另外再點了一個「咖喱吉列豬扒定食」。首先想講下個豬扒，外面炸得酥脆！豬扒一點也不乾，好食！咖喱汁香氣撲鼻！入口滿滿的咖喱，香而不辣！但每食完一口，便好吸引人不停咁食！如果想減肥的人，便未必合適，因為會令人想食更多的白飯🤣🤣✨重點推介是「慢煮安格斯牛肋骨」，牛的表面雖然被深色的醬汁蓋住，卻仍然能夠聞到牛肉的香味慢慢飄到面前，頓時食慾大增！大廚介紹一定要同埋蒜頭一齊食。我們當然依足食法，果然，真係好好好👍🏻好味😋呀！🌹🌹🌹🌹🥰🥰🥰🥰牛肉表面其實有少少焦香味，醬汁濃厚又閃令令的很是漂亮！醬汁濃得來又不會搶了牛肉味，又不會過鹹

餐廳會聘請長者做侍應，落單用QR code，可以選擇唔同嘅飲食偏好，例如走蔥、少蔥、走筍、走芽菜等。油揚蟲草花秋葵拉麵 ($68) (走蔥)配料有筍乾、木耳、粟米、銀芽、溏心蛋、椰菜、甘筍等，湯底味道啱啱好，有味之餘唔會太鹹。拉麵爽口彈牙。

事緣因兒子有情緒，在餐廳哭閙。初頭侍應有幫忙安撫兒子。但後來不知為何，廚房裡頭有幾位不知什麼職級的員工，覺得我們滋擾，施加壓力給予侍應，要她叫我們離開。身為社企，不但不懂恰當處理，甚至趕客離開，令人感到失望及憤慨。知道錯的不是侍應，而是坐在裡向侍應施壓的那位。對於被不合理趕走讓我們及朋友都有不愉快經歷，我們以後都不會光顧，並且呼籲身邊的人不要光顧。給一星的評價都嫌多，只想給負評。不建議帶小童光顧，因為不懂體諒小童的需要。

放工後唔覺意來到這新開不久而位處較靜的店鬆弛一下，銀齡侍者溫和而親切地招呼似接待朋友。點了豚王拉麵和特價串燒 (和牛粒三文魚鰭各一)，旨在搏一搏試一試，並擔心會吃剩。先來拉麵即覺得口感、味道、份量都適中得有點意外，全無滯口感覺。串燒沒有誇張地過份調味和燒焦，也全部吃清。以恰到好處來形容最適合，再會來試 menu 其他選擇，例如咖喱飯和佐酒小食。還有是甜品咖啡奶凍是夠軟滑的，不過個人喜歡咖啡味濃一點。環境雅致，唯一是單人座位的枱椅都較細，身型較大就坐得有點擠迫了。

得悉銀杏館開了拉麵店，一於一嚐究竟。友人的車海老濃蝦湯拉麵先到，配料有四隻大蝦、粟米、蔥、木耳、紫菜、溏心蛋等，相當之豐盛。蝦好大隻，而且爽口，而因為這碗麵只有蝦，所以追加了叉燒。叉燒肥瘦均勻，又腍又入味。不過說到濃蝦湯，發覺所謂的濃湯一點也不濃，可以用清烯來形容。拉麵是幼麵，不過不失。至於小人的地獄辣辣櫻花蝦濃蝦湯拉麵，湯麵裡有兩塊叉燒以及其他相同的配料。叉燒當然好味，而配料之中最有印象的就是那些荀的刀功，濶窄不一。而辣蝦湯與辣字還相距一大段距離，跟車海老濃蝦湯差不多同一個味道，味感認真一般。小食方面，炸雞一客五隻，襯以明太子醬及沙律醬。炸雞脆層厚而不油，雞肉鬆軟帶汁，出色之作！反觀野菜豚肉餃子的肉餡就較為扎實，肉味不顯，必需加入大量的山椒粉來幫助提鮮。惠比壽啤酒，味道偏淡。問題是四十大洋一罐，甚是昂貴！因為晚市才有串燒，故此未能得嚐，或待下回有機會再試。

服務：銀髮職員❤️非常友善嘅服務態度食物：流心蛋極級入味🥚必吃之選價錢：$68叉燒拉麵有4片叉燒👍🏼性價比高總評：店舖未必是最好食嘅拉麵店，但聘請銀髮職員絕對要支持！加上價錢均真，流心蛋令人一食難忘！絕對值得一吃🫶🏽

銀拉麵串燒銀杏館的日本餐廳我食咗幾次，價錢不算很便宜俾隔離日本餐廳貴20多元大約係接近$100的價錢，服務非常之好有禮貌亦都是高齡人士就業的餐廳，唯獨是味道有點兒失望，希望他們改善得到啦同我香港來說這裏餐廳很少我也希望繼續支持他們，值得香港人支持的餐廳#灣仔美食 #銀杏館 #hkfoodie #foodie #foodkol #foodie@hk #foodie@hongkong #hkfoodie #hongkongfoodie #試菜 #試菜員 #試食員 #上環美食#中環美食 #香港探店 #潮州獅頭鵝 #潮州美食 #香港探店 #香港探店家賀屋

食左11款串燒，整體嚟講都算好味，串燒心真係燒到熱辣辣，味道都調教得剛剛好，香口野味但唔咸。最緊要係服務好，職員好好禮貌。不過唔知係咪我地大食，兩個人都食咗500幾蚊，都算飽嘅但又唔係好滿足囉。最推介嘅係燒鱔、燒牛肋肉、燒墨魚咀。

素食拉麵响香港好稀有，尤其响唯一嘅素食拉麵店「素味謀麵」都執埋之後。不過銀杏館响灣仔譚臣道開嘅「銀•拉麵•串燒」就有素嘅日式拉麵供應喎。😍本來餐廳仲有素食串燒，仲要佔咗餐牌成頁添，可惜店員話原來係晚巿先供應嘅，咁唯有下次再試啦。😂今次我叫咗：🍜 腐皮野菜味噌拉麵 $88腐皮點解係豆卜嘅？有啲奇怪。隻溏心蛋好咸。QR code 落單時可揀少蔥或走蔥，但冇我想要嘅多蔥。湯底同拉麵嘅麵質都非常大路，唔難食但冇咩特別。👌佢仲可加錢追加配料，我就加 $12 追加味付筍乾（拉麵本身都有少少）。好食同好香麻油味，不過就咁食會較咸，同麵一齊食就 okay 。👍除咗七味粉外佢有隻綠色嘅，店員話係生椒粉，我之前未食過，佢少少咸同辣，但好惹味，加落拉麵度味道即刻提升不少。😋 佢仲有鹽同乾蒜可以加，但可惜就冇辣油。😶🫛 納豆秋葵小黃瓜 $38利申我之前冇食過納豆，剩係聽好多人形容過，今次就試下打大佬啦。💪首先見唔到有小黃瓜，唔理啦。試一啖納豆，冇咩嘢啫，點知唔係，愈食愈難食，難以形容。咁唔浪費食物嘅情況下我都盡我能力清咗佢啦。😭🍶 波子汽水 $15主要用途用嚟清咗口腔內嘅納豆味。😅

蝦濃湯拉麵，湯底一點濃湯味都沒有，以招牌菜計有點失望。服務態度友善，晚市送銀杏串燒一串。Shrimp thick soup ramen, the soup base doesn't have any thick soup flavor at all, a bit disappointing considering it's a signature dish. The service attitude is friendly, and they give a skewer of gingko nuts as a gift for the evening meal.

作為《銀杏館》嘅忠實fans，最近留意到佢哋開設咗香港人至愛嘅日式料理餐廳，趁住週末過海去會展睇展覽嘅空檔，剛剛碰上佢哋試業中，咁就當然要趁趁熱鬧啦！由於剛開業嘅關係，佢哋午市暫時只提供午市套餐menu，依間舖採用咗時下流行嘅QR code落單，只要一scan枱面上嘅label就可以自助落單，非常方便。一如既往，店面嘅侍應依然係由老友記擔任嘅~ 我同朋友仔一人揀咗一個拉麵套餐，佢哋隨餐仲附有前菜同埋綠茶，以依個價錢喺灣仔嚟講都算抵玩！車海老濃蝦湯拉麵 $88 ⭐️⭐️⭐️⭐️赤味噌湯底夠濃郁夠入味而且坊間蝦湯拉麵比較少見，口味不會過鹹食完唔會口渴實屬難得，應該是加咗牛乳所以口感更順滑，蝦嘅鮮味十足而且非常彈牙，筍乾入味有咬口，配料分量都適中。麵質亦都非常爽口彈牙，美中不足係暫時未有得揀軟硬度，幸好麵嘅軟硬度尚算適中。五花豚肉叉燒白湯拉麵 $78 ⭐️⭐️⭐️朋友仔嗌咗拉麵店常見嘅叉燒豚骨湯拉麵，往往最簡單最平凡豚骨湯最能考驗一間拉麵店嘅功架，偷偷嚐一口朋友的湯底，以一間新開的拉麵店嚟講，算係合格之上。豚骨湯味清油潤，估計係自家煲製，如果湯的溫度能更高的話就更加好。最驚喜嘅係，佢哋喺新開張試業期間，每