銀津點心茶餐廳

營業中

休息中

嘩😳不得了，不得了，成日搵蝦多士，阿女就介紹去食呢一間。 平民地方舖頭唔算大，坐落都舒服。 當然叫咗碟蝦多士， 芝麻西多士， 小籠包同埋一碟叉燒腸。 佢嘅蝦多士好鬆脆，就算擺咗一陣間，暖咗都好鬆脆， 再試埋個芝麻西多士， 呢個就不得了喇😋太好味喇😋一定會再去食過，一切開芝麻就會慢慢流出嚟， 咁樣整法原來係好夾㗎。 小籠包都好好食。 腸粉就厚咗啲啦啲皮。，比較厚身啲。 口感都係一般。， 總之個芝麻西多士係好好味。😝我亦都會介紹啲朋友仔去試吓😋😋

本來諗住依間點心幾好食、所以幫襯過幾次、我同我女朋友嚟、點完點心、我女朋友叫某一名員幫忙寫一杯飲品、因為我女朋友唔知QR code𥚃面可以選、該名樓面阿姐即時就叫我女朋友自己係手機點！（當然係態度唔好啦）當時又冇乜客、不過都算、我都明白打工嘅、做多啲都唔願、怕蝕底！最攪笑、後嚟客多咗、坐喺我隔離嘅係幾個菲律賓人、都係手機點餐、不過又係口爆、不過就即刻幫佢哋落單、仲好好態度、我係度諗係唔係因為我冇講英文呢！

茶介真係好平好平，估唔到先$3，就得普洱同鐵觀音。職員都好nice唔會好似好多點心舖伙記呀串串貢唔理人，仲聽到啲姐姐同其他客講，點落單會化算啲😂🍼 千絲酥炸奶出邊勁脆卜卜，入邊超軟綿綿，我溶了，好好食，第一次食到好食嘅炸奶，不過油味都係有啲重🦐 銀津蝦餃皇飲茶必嗌，蝦就淋左啲，勝在皮薄，應該蒸耐左，味道岩岩好唔會咸唔會重口🍞 芝麻流沙西多士明明就係芝麻糊西多，我要叫佢比匙羹我食，呢個係佢噱頭，但試一次就夠，西多啲油膩味有啲重，不過爆漿係幾震撼另外仲有奶黃流沙西多士，不過食奶黃嘅話，好似嗌流沙包會正啲🥟 銀津上湯炸粉果 $30唔知正宗係咩味道，係覺得呢間炸粉果好食過陸羽茶室，但似炸蝦餃多啲，入邊全蝦，啖啖蝦，豬肉都無溝😮🍮 蓮蓉西米焗布甸 $27西米焗布甸真係好少好少好少見啦，都得啲勁懷舊嘅酒樓先見過，應該係有認知中嘅第一次食，都幾甜，但又幾過癮幾得意，雖然黃禁禁，但口腔會殘留啲奶皇包蓮蓉包味，好食咩啲咩布甸包🤣

上網見到呢個好多好評，野食又好新穎，價錢仲要好抵食～黑芝麻流心西多士⭐️⭐️⭐️⭐️⭐️呢個完全係邪惡之選，一切開啲芝麻餡流晒出嚟，超級足料，唔算太甜，多士都好脆，推薦大家要試下黑松露鍋貼⭐️⭐️⭐️⭐️一下開勁多肉汁，但黑松露味差啲，似食緊普通銅貼咁，但爆汁個口感好正蝦多士⭐️⭐️⭐️⭐️⭐️多士炸得好脆，夾埋個醬一流黑金流沙包⭐️⭐️⭐️⭐️同其他流沙包差唔多，稍微偏甜蝦餃⭐️⭐️⭐️⭐️⭐️皮薄餡足，鮮蝦仁評分：8/10總共叫左12樣餸，四個人食人均$100都唔洗🙈

💜旺角花園街人隱世點心舖銀津點心💜 💜已經食過無限次,嘢食好食之餘價錢仲好平民化,CP值極高💜🔹🔸🔹🔸🔹🔸🔹🔸🔹🔸🔹🔸🔹🔸🔹🔸 10級推介必食 千絲酥炸鮮奶$28 ⚪️順德懷舊甜品炸鮮奶:先將牛奶、椰奶、淡奶和粟粉加入小鍋內,用中火邊煮邊攪拌,煮成...工序繁複,所以出面，較少點心舖頭會有這款甜品。外層炸蘇蘇香脆可口,內層充滿淡淡濃鬱的鮮奶味又滑又外脆內軟 🔴推介二~蝦多士 雖然全油炸但一點也不油膩感,爽蝦彈牙,經炸過的鮮蝦和麵包味迴香撲鼻,西多較乾身配上彈牙嘅蝦點綴,簡直係絕配💜 🟤推介三~金牌樽仔奶茶($16) 最鍾意嘅重茶味小奶,細細支,濃縮版好飲到你想飲兩支重口感,有淡淡的茶香 ⚫️香煎蘿蔔糕($21) 是必吃的香煎蘿蔔糕濃鬱臘腸粒以中小火煎後表面鬆，脆內裏鬆軟,質地較傑身 🟡流心奶黃西多士 炸到金黃色的西多士,麵包面也是脆脆的,切開後熱騰騰，流心奶黃洶湧而出 隱世小店,番吃回頭率極高,已經食過無數次 男朋友推介的不錯不錯 ，感覺像米芝蓮貨色大愛

宜家好多小店既點心都出色過酒樓，價錢又平過酒樓，衛生同服務又好過酒樓，所以宜家食點心多數都係幫襯小店今日擇咗呢間位於旺角花園街-銀津，呢度茶芥每位只需$3，而且全日都唔洗加一兩個人叫咗好多野食1.雪山叉燒包2.千島醬蝦多士3.蜂巢芋角4.千絲酥炸奶5.鳳爪排骨飯6.香滑牛肉腸7.瑤柱翠綠鮮蝦餃8.蒜香芋粒蒸排骨1.雪山叉燒包上面好似墨西哥包咁，入面足料又唔會太甜，如果熱啲就好2.千島醬蝦多士呢個好食，唔油膩3.蜂巢芋角芋角皮薄餡靚，好鬆化，而且入邊好足料4.千絲酥炸奶炸奶好食又唔甜，都係好鬆化5.鳳爪排骨飯啲排骨麻麻哋，啲肉質比較硬6.香滑牛肉腸皮唔算好薄但係腸粉皮都滑，牛肉都唔錯7.瑤柱翠綠鮮蝦餃足料，入邊好多菜同蝦8.蒜香芋粒蒸排骨排骨好食過跟飯嗰個排骨，味道亦好總括嚟講，兩個人食真係超多，勁飽埋單$234好抵呢，味道同服務都好過好多連鎖酒樓

新年新開始🌟2022第一日黎飲個早茶💓💓2個人點左5籠點心已經好飽今次係第2次黎飲📍首推！春卷🌟好味：9/10🌟賣相：9/10新鮮炸出黎，入口仲係熱辣辣同脆卜卜！超好食。雖然係炸物但又唔會太油。 食完一舊又一舊📍第二推 燒賣系列🌟好味：8/10🌟賣相：8/10每次去飲茶必點燒賣，好食💓最有驚喜係鵪鶉蛋燒賣，蛋味幾香📍小籠包好味：6/10賣相：8/10小籠包味道就正常， 如果有更多汁會更好，賣相就幾好📍叉燒腸好味：6/10賣相：7/10皮有一點點厚，薄d 會更好食。上餐速度都快，環境都幾乾淨食物大致上都幾好食～2個人食左$145都幾抵食

2021 年最後一天下午茶在這裡度過服務還是在地那種超熱心姊姊們都沒有因為即將到來的新年敷衍客人在這邊吃了很多次 （公司老闆和前輩的飯堂還是叫凍奶茶 和流沙包最愛竹炭流沙包流沙很香很軟有鹹蛋黃的香味跟磨到好細的蛋黃細顆粒是新鮮的蛋黃唷口感非常好那奶茶就這家的特色啦想要嚐嚐正宗就要點熱奶茶不加糖 蘿蔔糕 腸粉其他鹹點 甜點 都可以接受最重點價錢超平 一百零蚊超正

今日去旺角花園街，無意中發掘到一間點心茶餐廳小店，又幾有驚喜😆，但係就比較少位，有機會要搭枱。呢度啲點心大部份都係即叫即蒸，大概要等10至20分鐘，要預足夠嘅時間喺度食嘢啦 茶介🍵 （$3）鳳爪排骨飯🍚 ($33)個飯等咗成10幾分鐘，即叫即蒸，夠晒新鮮熱辣，啲飯粒粒分明，都有咬口，有成五至六粒排骨🐷，葉得都幾好同埋肉質都夠滑，但係鳳爪剩係得一隻就比較少，同埋整得偏淋，失色咗少少🤏🏻蓮蓉西米布甸 🍮（$23）呢款傳統甜品已經唔係好多地方有啦，喺度見到真係超驚喜🤩，個布甸一上台已經聞到好香嘅蛋香味🥚，表面焗到有焦香，更加能帶出蛋嘅香氣，而且有極多嘅西米，布甸嘅質地綿密，香氣濃郁，喺最底層仲有蓮蓉，甜到唔會過甜，恰到好處，冬天食呢個甜品，夠晒暖笠笠🥰，個份量都幾大下，建議可以兩個人share食😆📍 銀津點心茶餐廳 (旺角)旺角花園街108號地下

網上睇想在旺角平平地食點心，除左幾間超出名既點心店，仲見到銀津點心茶餐廳呢間店。超級建議🔥🔥 如果要外賣，先打個電話，20分鐘後黎店取，佢標榜即點即蒸點心，我就蠢左，第一次黎就等左20分鐘先有得外賣拎走。我點左一個北菇滑雞飯、一份白灼唐生菜。原來咁樣叫係貴咗，因為佢有一個一人套餐係一個飯加一碟菜再加一杯飲品，先至係$51如果單點就要$57。😂😂北菇滑雞飯有半片冬菇，4、5件雞，雞係滑既，都係同我食過既北菇滑雞飯無乜分別；至於白灼生菜，我覺得用既油有點差，唔太鍾意。

一早book左1點，去到店員完全冇件事，望下張紙先話係喎有人book。等左半個鐘，有張6人枱，俾左3組各兩人入。其他人遲過我哋都入哂去。今時今日咁嘅服務態度係唔掂

你到旺角飲茶 唔一定要去大酒樓 呢一間地舖 主打手工點心 都幾好味呢度價錢 合理 同酒樓差唔多 點心的質素就確係畀酒樓好佢哋啲蝦餃燒賣 都用足心機製作 即叫即蒸 所以好 新 鮮。今次我就叫咗燒賣 燒賣上面有蟹子 孩子大大粒 太子的鹹味 配上新鮮 豬肉 非常之配合得好。豬肉味豐富 咬落口咁好 但等燒賣貨色仲有就係山竹牛肉 山竹牛肉用搶先與牛肉製作咬落非常之 彈牙好味 我最鍾意就係食啲 山竹 因為把牛肉的精華索曬最後就叫咗客奶黃包 奶黃包 用上心鮮奶喎 即叫即製 上等貨呀

之前黎過一次覺得唔錯今晚想食點心就黎ENCORE呀點左~北菇滑雞蒸飯雞肉都大大件肉質幾滑飯既份量女仔還好男既就怕唔夠呀~槐山螺頭燉湯呢個要讚呀黎到熱辣辣湯料有肉....雞腳....同螺頭粒湯好鮮味呀唔係淨係咸味~炸芋角呢個唔多地方有得食個皮炸得好鬆唔會過份干個涵既份量正常整體上可以一試~灼唐生菜白灼得黎唔會好干有少少油水望落都夠青綠食左咁多肉食少少菜平衡下感覺良好

佳人有約 山長水又遠 來了在下不太熟路的旺角嗯..的確會謎路還麻煩到朋友把我找出來😅這次來試試點不一樣的所以 由朋友落單銀津小龍包 $25皮好厚耶 有一種在吃「包」的感覺裡面可能是因為太熱汁都蒸發掉了🥸在下還燙到舌頭呢香煎蘿蔔羔 $21大大塊的蘿蔔粒 愛蘿蔔的你必吃不過在下好像有點粗暴一夾..就散了 要學學做個溫柔的女生才行..鮮蝦腐皮卷 $28薄薄又香脆的皮 裡面是厚厚的涵當然還有蝦哈炸雲吞新鮮炸出 超級脆在下一咬之下 伴隨著咔咔的聲音的是飛到四圍係的食物殘渣🤦🏻怎麼感覺自己今天一點儀態都沒有..（根本就是一直都沒有）銀津鮮蝦腸 $32怎麼沒印象吃過🙃煎餃子🥟一夾起來它居然噴汁嚇死寶寶 幸好沒有噴射到在下身上難道小龍包的汁都來這裡了？沒想到煎餃子也可以鎖住水份而且..還是超多的然後在還點了杯柚子蜜這個在下還滿喜歡的一點都飄咁 但有充足的柚子味難得也這餐可能是炸物偏多的關係在下覺得好膩耶..

見有人介紹，又好耐冇飲過茶，就去試下。下午茶時間冇咩人，任坐。點心選擇都幾多，仲有1人，2人餐，我地揀左散叫， d野都係即叫即整，新鮮好食。 同埋好有誠意，個炸奶仲有d炸米粉碎墊底。我個人最鍾意個腸粉，皮滑餡脆，仲有黑松露味。 蝦餃唔算大隻，但d蝦幾爽口。炸奶唔會太甜，千絲又唔會太油膩，幾好。 仲有個樽仔奶茶，通常呢d都會偏甜，佢唔會，有茶味但唔會澀，亦唔會蓋過奶味，滿意👍🏻衛生：入店d姐姐有提醒自行探熱。 坐低碗碟已放枱上，但有兜同茶俾你自己洗。服務：d姐姐幾好人，同d食客都有傾有講。