銀座蔵人 (已結業) 查看

天婦羅蝦即叫即炸，熱辣辣食就最新鮮好味、而且Ｄ蝦 size適中、所以都有蝦既鮮味又好彈牙、亦炸得剛剛好又唔會太厚非常脆トト！炸雞軟骨好好味，帶點香脆，再配上檸檬汁绝對食唔停口，好少地方會整得好食。依道就非常好！吞拿魚沙律、吞拿魚好新鮮好有鮮味、個汁酸酸地好開胃、而蔬菜又新鮮又爽口 ！串燒牛柳乾身左少少普通！

一班朋友相聚，就訂了 “銀座藏人”去食日式放題同傾下計...呢間放題係無限時嫁，一本菜譜任柯打, 大致種類都可算齊...而刺身非常新鮮，甜蝦超肥，連著頭上...牛蒡絲沙律賣相普通，但味道唔錯，食落比賣相好，仲非常口感...饅魚玉子，玉子好食，甜度適中...串燒都OK，配甜醬油，而鹽燒三文魚頭同金鎗魚頭都唔錯，肉質非常滑同新鮮...總括，食物質素唔錯，可以再來!

自從食過呢度既午餐之後，一直想來呢度試佢既自助餐，咁岩呢個月阿爸生日～於是有藉口一試～六點半去到，坐低即有人遞茶俾餐牌，餐牌入邊所有野你都可以叫～寫ｎｕｍｂｅｒ叫野食既～飲品每人只係一杯，不過你都唔係想入去飲水飽啦～）今餐主攻刺身～於是甜蝦，帶子，赤具，北寄貝，三文魚全冇放過～雖然切既份量係細ｄ～但係食物質素係好既～三文魚夠肥，甜蝦夠甜，帶子夠鮮～貝類都好爽口！而正就正在你可以叫幾多都得，最抵讚係唔會好似一ｄ日式自助餐咁叫１０隻來的３隻，永遠係叫幾多刺身就來幾多～於是我同阿爸兩個就豪吞左ｎ隻甜蝦＆帶子～ｙｕｍｉ！至於炸物，烤物，串燒都是即叫即整既～熱剌剌好好味～推薦吉烈蝦，雞軟骨，燒雞全翼＆燒蟃魚～鍋物就推介牛肉鍋～ｄ粉絲好彈牙好入味～其他ｄ拉麵＆飯都好食～又熱又入味既～唔似坊間ｄ咁求其～最後值得一講既係呢度既服務真係好好～有ｗａｉｔｒｅｓｓ經常巡來巡去，落單，來野，換碟都好快～侍應都好有禮貌～每臺都有一壺熱茶（熱度岩岩好～唔係好滾飲唔到又唔係凍冰冰～配刺身岩岩好！）買單每人２００零幾蚊，剩係佢ｄ刺身＆ｓｅｒｖｉｃｅ都回哂本！比起一ｄ３ｘｘ既高價日式ｂｕｆｆｅｔ，呢度「唔限時」，係朋友

表弟生日, 佢絲咪揀左呢間放題.. 可能近佢屋企掛.. (我阿E住灣仔)今次想講... 我好鐘意食日本, 我覺得日本野好難整到難食. 但係我真係覺得呢間D野唔係好得.. 款好少... 羊架無.... 蟹粥無...... 焗蠔無........ 壽司既飯好鬆, 一夾就分散左... 基本的都做唔到. 叫左個軟殼蟹卷... 咸都媽媽都唔得姐乜.... 等我仲叫左3份, 無人食, 自己要自負!!!我地坐VIP房, 可能有兩個好吱吱喳喳既細路... 服務員都好少行入黎SERVE我地10次有5次都要自己行出去拎張紙俾佢... 佢應應好似人地餐廳咁, 整個鐘俾VIP房囉! haha 個人感想: 香港而家愈黎愈多放題...都應該唔洗去呢間..

為慶祝新同事過probation，我同王經理揀咗呢間日式放題，貪佢夠近公司！餐廳燈光昏暗，好有情調，頗適合情侶撐檯腳檯與檯之間亦算闊落，唔似得有ｄ放題餐廳，ｄ檯排到密麻麻，坐都坐得唔舒服，呢度就唔會啦！呢度仲要無時間限制，可以慢慢食慢慢hea，所以我地一個墟，都hea咗三粒鐘先埋單餐牌上嘅食物都可以點，所以款式都真係好多，刺身、壽司、前菜、串燒、燒物、炸物、定食、飯麵，應有盡有！但每位只跟一杯汽水，仲要係汽水機汽水食放題最緊要當然係刺身壽司，甘蝦大隻又鮮甜，三文魚尚算新鮮，其他嘅不值一提！所以叫咗一round都無再叫凍番茄好新鮮，好味，唯一可惜嘅佢地唔係用日本牛茄！沙律d菜唔新鮮，炒雜菜又油又無味，真係我自己炒都好過佢炸天婦羅用嘅係普通炸漿，絕非天婦羅獨有嘅炸漿！炸蠔ｄ粉成丈厚，但反而內裡嘅蠔就幾鮮味，可惜得好細舊！炸魚餅炸到過晒龍，乾爭爭燒牛柳粒、燒牛舌、串燒牛舌，全部都好有咬口，真係會咬到牙都軟　串燒鴨舌個概念幾新穎，但奈何燒得太乾！燒茄子上檯時竟然係凍嘅 牛油燒元貝係好大粒，但既無牛油香，又無海鮮應有嘅鮮甜！比較好嘅只有燒鯖魚同燒鰻魚！清酒煮蜆，ｄ蜆唔甜又無酒香！海鮮粥有甜味，但

之前係openrice 搜索過先至揀呢間...book枱既時候已知好full... 只可以坐bar枱....but bar枱都好寬敞..可惜冷氣唔足...食物方面:剌身有點暖???d蝦雖然係比一般甜蝦大隻,可惜唔凍...燒物唔夠熱,可以說有點涼....味道係可以接受,但係失去應有既溫度....server人數唔夠... 冇人理你,當你透明...唯一可取:有多少少特別款式的日式食品冇時限任你坐~

差唔多隔左成個月先去補番慶祝父親節,係友人極力推介下, 揀左銀座藏人$188 (未計加一) @1 正如下面個位會員講一樣, 杯汽水真係幾細杯下基本上你飲幾啖其實杯野都飲完, 不過飲番熱茶食放題我都覺得都ok整體上我覺得食物都係達至水準, 但又唔係真係講到好好食個人推介:雞軟骨串燒日式醬油鴨舌串燒 (冇記錯應該係叫呢個名)灸三文魚沙律不過有一大扣分位:就係刺身係勁細塊, 講真, 就算我去青x放題食個度d刺身都冇咁細塊d三文魚刺身又唔太厚又細塊, 連爸爸都要每次夾住2塊放入口試個有一round D吞拿魚刺身重誇張,個size等於一舊細版蜻蜓牌擦膠, 大家真係可以想像到有幾細大家都知放題, 刺身都係主角,希望間餐廳可以改善下呢個扣分位!同埋私心下, 如果有埋雪糕供應我諗會加番D分服務方面,一黎個日都星期六, 又full house我覺得佢地既server太少, 好多時都好難叫到佢地埋黎幫你落單同埋, 都係有漏單既情況出現總括黎講我覺得呢間餐廳好既地方係坐得耐,因為佢地dinner只做一round, 心理上唔駛食野食得咁趕三唔知己想坐得耐D, 呢度都算係一個唔錯既選擇不過比我揀, 我諗下次我

好友極力推介, 所以試下.食物:1) 有一本MENU任ORDER, 總類算齊, 但刺身款式不算太多, 都係大路野, 但問題係, 某D切到好細塊, 例如赤貝, 螺肉, 手指公頭咁大片. 同埋我地兩個人, 每款刺身出三塊, 唔試轉膊.2) 揚物和燒物都十分好. 沙律亦不錯3) 每人只送一杯汽水, 兩啖飲完, 添飲每杯七蚊. 其實飲品係最唔值錢既野, 客人飲得多, 肚脹, 食既野自然會少左, 識唔識計數?!服務:1) 尋晚都幾多人, 唔知係咪放暑假, 都見有媽媽帶仔女去食. 所以漏單情況常出現. D食物逐碟上, 相隔時間又耐.........有幾次催單, 一催就有得食, 證明廚房已整好, 只係冇人拎出黎.2) 有個waitress, 唔知係咪暑期工定新人, 我地叫佢埋黎催單, 佢聽唔清楚我地講野, 竟然對住我地話: "唔知你講乜!!" 然後叫另一個waiter : "你睇下佢要乜, 唔係我跟開.". 唔知個客講乜, 咪話:"唔好意思, 可唔可以講多次", 唔係你跟, 咪話"請等等", 然後叫同事過黎跟囉, 冇腦!! 呢個waitress, 後來成盤食物跣左落地, 打爛碟, 嚇親我地d食客

今日係我生日^^~老公仔請我食放題! 其實呢間之前已經去過, 一直都想再次光臨於是剛好就在生日時再去一次!整體而言, 呢間放題 雖然選擇不算太多, 不過都有一D幾特色GE野係其他放題無GE第一樣就係巨大甜蝦刺身了!! 又大條又肥美!! 外面一般D放題SIZE都係手指尾左右!呢度有中指咁粗GA!! 除左某壽司店的甜蝦有得比之外..我還沒見過其他差不多價錢的放題有這麼大隻的甜蝦呢~所以甜蝦迷一定不能錯過至於其他推介一試GE有 茶碗蒸! 超滑超香的蛋~饅魚玉子的玉子甜度剛好~象拔蚌壽司的象拔蚌很鮮甜, 很有咬口~燒花魚也很特別, 魚肉質地有點像炸魚柳內的魚肉~ 但是稍為咸了點至於刺身類都是非常新鮮!! 很不錯!!沙律的話就試了兩款, 炙三文魚那個沙律醬很好吃~至於牛蒡就沒什麼味道不值一試總而言之, 這裏的食物質素很不錯, 為了甜蝦值得一來再來啊!

是日蝦子餅生日, 選了這裡慶祝。呢度雖然唔係高級酒店, 但品質絕不比其他放題差。基本上放題有的食物佢都有, 可以睇圖參考揀野食。分了前菜, 料理, 沙律, 刺身, 揚物, 串燒, 燒物, 鍋物, 飯物, 麵同埋湯類。食物水準ok, 只可惜刺身太"的式", 咪當可以留肚食其他野。不過事日身體不適, 睇了中醫要介口, 唯有就住就住咁食~等好番個陣會去食多次~@

是看了open rice 食友劍心的食評而去試銀座藏人的, 一吃之下就將以前吃的日式放題店比下去了. 算一算這 2 個多月已去吃了5次 喜歡銀座的不分場和客人不多, 真係你喜歡由 6:00pm 吃到 11:00pm 也可以和三五知己一路吃一路東家長西家短是人生一大樂事嘛, 比一般放題店多付點點錢是值得的.因坊間大部份放題店都是限時 2 小時, 真係吃得來時就無時間傾計, 還有因每次都趕急的吃吃吃, 很多時都出現吃不得其味又辛苦了肚皮的情況銀座的出品絕對不差, 有部份食物是放題店比較少見的, 如漬物的和芥辣八瓜魚和吞拿魚山芋蓉, 特別又好吃沙律好像有 8-10 款, 除了常見的蟹子沙律/ 中華沙律外, 還有比較特別的日本南瓜沙律.涷蕃茄沙律和牛蒡絲沙律, 南瓜沙律看似普通, 但我一吃愛上, 食味比買相出色很多魚生部份需是大路貨的三文魚. 吞拿魚. 章紅. 魷魚. 八瓜魚. 北寄貝. 赤貝. 甜蝦等..但全部都很新鮮及帶鮮味, 連蝦頭的甜由其出色, 每次都鯨吞10 多隻方罷休壽司款色有很多選擇, 又鬼咁好味 比較少見的象拔蚌仔壽司, 三文魚子壽司等等都有供應. 炸物也是此店的強項 - 天

The cost here is slightly more than the other all you can eat Japanese places, but the food here is surprisingly better than their lunches.Lots of varieties, the grilled scallops are the best, they have clams in sake too.

有朋友話呢度好抵食，又好耐冇食放題所以走o黎試試d刺身同壽司的確唔錯，都幾新鮮，而且無限量供應又真係好吸引佢o既新鮮帶子同吞拿魚都唔錯，值得encore不過一食串燒就出事喇... 唔知係咪我o地食串燒o個陣開始多客人多order上菜突然慢o左好多，d串燒全部熟過頭，熟到唔知自己食緊d咩o個串雞/鴨腎係難食到放唔入口不過燒元貝同鐵板元貝都ok o既，值得一試其實overall speaking係唔錯o架，不過係俾d hot dishes破壞晒個感覺囉...所以淨係食刺身同壽司好啦...都植回票價o既...

朋友gathering, 選了吃日式放題這間餐廳選料不錯, 選擇亦算多刺身很新鮮, 甜蝦是連著頭上的還有外面沒有的象拔蚌SUSI另外, 饅魚甜蛋, 刺身沙律, 煮蜆也好正

朋友仔約我去演藝學院開放日, 順便夜晚食飯聚舊, 由於我地2個都鐘意食壽司, 順利成章想搵d地方又平又可以坐得耐, 上openrice search到銀座藏人, 見d comment都唔錯, 所以就打電話去book位我同朋友仔準時6點就到, 坐低左就即刻問侍應點落單, 原來係睇完本menu之後填number點菜, 咁就梗係狂點壽司刺身啦! 估唔到0既係三文魚子壽司都可以任食喎!0個晚點左刺身: 三文魚, 吞拿魚, 魷魚, 甜蝦, 北寄貝,赤貝,帶子,縲片,章紅魚 (新鮮! 不停encore)前菜: 芥辣八爪魚, 三文魚子羅白蓉 , 蟹子沙律, 炒牛蒡, 酸北寄貝(我覺得羅白蓉麻麻地, d味同平時食吉野家點鯖魚0個d好唔同)壽司: 三文魚子壽司,馬刀貝壽司,帶子壽司,黑鳥貝壽司,象拔蚌壽司,彩花卷,醋鯖魚壽司(1個字, 正!)熟食: 天婦羅,蒸旦,炸魚餅,炸生蠔,忌廉薯餅,串燒牛舌,雞翼,元貝,鴨舌,sukiyaki窩(某d串燒咸左少少)價錢又唔係貴, 質素又唔錯, 下個月已經約左朋友再去encore!!!