銀咖哩 (已結業)

好耐無食過apm food court. 差左非常多，之前試過海南雞都還好，但今次食呢間銀咖哩完全唔值賣呢個價錢。首先，汁唔夠熱，放一陣已經有霧面。味道還好，見到有紅蘿蔔溶。叫左兩個餐，一個吉列豬扒咖哩飯（$48），另一個係雞粒芝士蛋包飯（$58）。全個餐係飯合格。雞粒芝士蛋包飯蛋係完全不合格，可能用一片蛋來影容，類似pancake咁。然後芝士就真係一塊芝士擺上面，如果58蚊唔包野飲，竟然俾唔到雞扒，性價比應真低。吉列豬扒咖哩飯吉列豬扒有點似現成冰櫃加熱個種，一定不是即炸的。適合無乜心機諗食乜求其食既人。

好耐都冇黎食銀咖喱蛋包飯第一次試吓食呢個巨型咖喱蛋包飯，我覺得豬扒都幾趣但係裏面肉質比較銀同埋唔算好Juice啲飯好多但係唔係日本米，同埋飯比較濕總括嚟講都抵食，但可以再改進下

係APM行完街,順便入左黎Food court食飯.咖哩豬排飯的賣相吸引,加上很餓想吃點肉.好久沒吃銀咖哩,豬排依然炸得很香脆,配上醬汁,開胃又飽肚.下次會試埋蛋包飯.

以前popcorn的大食代都有銀咖哩，可惜裝修後就無左銀咖哩，今日同屋企人去開apm,屋企人話食左早餐就無食野，拉左我去大食代食野，佢就叫左銀咖哩的炸蝦咖哩飯，望到就好懷念以前間唔中食銀咖哩的咖喱飯。我通常都會加雞蛋，甚至加芝士，簡單拌咖哩就已經覺得好好味。但搞笑地炸蝦係串起左放在白飯上，而咖哩就另外上。由於我之前無叫過炸蝦咖喱飯，唔知係咪一向咁。屋企人就比左隻炸蝦我試，食落外脆，內裡的蝦質地都是彈牙的，感覺都真係幾日式，同食日本料理的炸蝦差不多，我覺得呢個就是銀咖哩的好處，平民價錢，就食到有返咁上下水準的食物!屋企係咁叫我陪佢食野，催我買份飯一齊食，但當時我真的不肚餓，為左陪佢食，最後買左芋圓豆腐花來食，買時收銀員話要買滿40蚊先可以用優惠價買，否則就要計原價30幾蚊，剛好屋企人份咖哩飯44蚊，可以用到29蚊優惠價買，真係好lucky😂豆腐花都算大份，上面有幾款不同顏色的芋圓，糖漿有得選不同味，我就選左桂花味，味道可以，當下午茶食幾好，但不是銀咖哩買的，是另一間店買（D字頭 門口位賣雪糕果間店），搞笑地係收銀櫃度見到優惠資料，而非佢地店度見到。

記得以前讀書個陣必食😂因為又平又好食，依家大個反而少左機會食到，放lunch跟過入去試下，出左款新既蟹柳芝士咖哩飯 ，賣相同圖一樣味道唔錯，同事叫左吉列咖哩豬扒飯 加可樂 賣相一樣味道幾好😋，食出當年學生feel～

主打日本咖喱咖喱相對地比較甜而且非常之好送飯咖喱汁同埋飯嘅比例配合得天衣無縫價錢亦都相對低只係$30樓下就可以食到啦簡直就係窮人恩物啱晒我如果要嗌餸嘅話我一定會揀牛肉咖喱非常之好味牛肉汁同埋牛肉嘅製法都係非常之用心絕對唔馬虎雖然係大型連鎖店但係都值得推介非常之好食費行過嚟食lunch都覺得好滿足

亞女等上堂又唔知apm有咩食，food court應該安全啦，又方便又多選擇，好鐘意食日式咖喱，平時食嘅都正正常常，於是大家分別叫了咖喱吉列豬扒飯和芝士咖喱蛋吉列豬扒飯。亞女拎飯先，見到啲紅蘿蔔碎晒喺咖喱入面，以為好細心好特別，一食就知係包裝咖喱，咖喱又有牛，cashier無講過咖喱有牛，對於我唔食牛真係覺得好難食。飯明顯煮嘅時候水太多，好濕好爛，未致於似糊仔，配咖喱真係唔適合，雖然係food court，但質素真係要檢討下。如果想挑戰難食咖喱即管去試。

好耐冇食過銀咖喱，記得之前銀咖喱係用鐵碟既🤔，可惜唔知係 APM food court 既原因，定係佢已經唔再用鐵碟，所以個蛋包飯係用普通白色碟載着既😔。講番個蛋包飯，佢既芝士蛋包飯只係放一塊普通芝士係蛋上面，唔算特別🤷🏻‍♀️，而且蛋唔算滑，仲要好薄，對佢有少少失望🙁。佢塊吉列豬扒反而唔錯🙂，雖然唔大塊，但係都算厚，而且唔會有炸粉同肉分離既問題，又唔會太油膩😉。佢既咖喱係最好食既🤩，雖然蛋同飯都好普通，但係加埋佢既咖喱汁就會好食左好多倍🥳。咖喱汁一 d 都唔辣，入面仲有牛肉碎、蘿蔔粒、薯仔粒等，超級豐富又好味🥰。整體而言，個蛋包飯一般般，但係只係賣 $58，所以還可接受🧐。

是日好餓，係觀塘apm附近搵食，又唔想排去餐廳長龍，又唔想放假食快餐，就去左apm既food court覓食。Food court 選擇好多，見倒銀咖喱個富士山咖喱好大碟都係九十蚊! 貪心既我決定要呢個咖喱飯既分量夠四個人食，但係餸菜就普普通通啦，頹飯餸菜，都係腸仔，蛋，豬排咁樣

銀咖哩絕對係我嘅中學回憶之一幾十蚊一大碟咖哩飯絕對係嗰時嘅窮人恩物咁岩今日喺food court見到 決定同友人一齊緬懷舊日🥺我地兩個女仔叫咗個富士山咖哩飯真係好大碟... 三個人食都絕對夠飽賣相其實唔錯 大大份好足料黎多張close up先😂味道方面 真係唔好expect啲咩咖哩汁好味嘅豬排老老地嘅腸仔點都好味嘅蛋流心嘅正所謂一分錢一分貨咁嘅價錢咁嘅份量咁嘅味道差唔多啦🤪講真 食嘅係回憶呀

我叫既明明係芝士豬扒蛋包咖喱飯，但係點解變左煎蛋飯，不是日式，是港式包。廚房要練下蛋包飯點整啦。豬扒炸得幾好，脆既，正常日本咖喱，都ok。見到碟飯第一下，真係有問號，呢碟真係蛋包飯？

囡囡放學話上次銀咖哩好食，所以再來！跟上次一樣叫了芝士蛋包飯，不過上次食豬扒...今天換口味改海鮮芝士咖哩蛋包飯。仲有吉列魚柳咖哩飯。先講海鮮咖哩飯：老實說一眼就看出啲海鮮是我在涷肉店的海鮮包得幾粒魷魚仔同蜆肉，超迷你。乜咁叫海鮮仲係求求其其整熟放在飯面就是。件炸魚柳細過我半隻手掌。其薄無比, 仲要係淡黃色"外表炸得脆而不香D肉係炸得過乾，食落仲好腥咖哩汁尚算保持，飯似乎唔夠香總結是兩碟飯都是靠咖哩汁食飯

囡囡在官塘上堂。官塘都很多食店已經都吃過了有一天早了下課，就走遠一點點來這裡。時間尚早，12點未到，人不多我揀 左芝士豬扒嘅蛋包飯望上去好吸引呀⋯⋯成個飯比炒蛋包圍。輕輕地切開蛋之後好似流心咁流左D蛋漿出黎。做得真的不錯，食落去係香滑好味道個咖哩汁都幾好食，不會整到好咸咁但咖喱味道吾太重咁。炸豬扒炸得老左少少, 但略厭有點亁身。但是都幾大塊囡囡喜歡食薯條所以加小食薯角另外加隻煎蛋比佢食...薯角炸得好香脆，啱啱好！非常新鮮！煎蛋都是即叫即煎，但是冇乜特別這美食廣場都幾大間都推算應該能容納不少人

前幾日返工食晏嘅時候去咗apm food court 搵嘢食。因為想食咖喱所以就揀咗呢間《銀咖喱》。見到counter碟招牌吉列豬扒咖喱飯 ($47) 賣相好吸引，呢餐就一於就食佢啦。可能因為咖喱汁唔係淋上飯面出菜，所以第一印象實物望落同counter嗰碟都爭幾遠。咖哩味道一般，中規中矩。豬扒外面都算香脆，肉質軟硬度都ok，不過啲飯好粘口，整碟飯會粘埋一齊，雖然未去到壽司飯嘅程度，但亦令我不其然聯想到壽司飯，直情可以用筷子一嚿嚿飯咁夾起，口感欠佳。賣相及味道都只係普通，飯身太粘口，所以整體感覺充其量只屬OK。

已經有一段時間冇去APM食嘢，今次放假就同男友去食咖哩，呢間之前去過兩次，雖然餐牌上既食物普通，但係呢間比其他食肆低食同埋坐得舒服今天試了個富士山咖哩飯.這個飯是在一個大鐵盆上 個賣相都唔錯架材料也是超級豐富的炒蛋皮+太陽蛋，芝士, 漢堡扒, 腸仔, 吉列豬扒，再加上滿瀉的咖喱汁，全部餸蓋著底下的飯，成個富士山咁！煎太陽蛋還有少許蛋黃流出。炒蛋皮厚度適中増加蛋香,吉列豬扒炸得還好，肉算厚，不會乾身。咬下去還有少少脆漢堡扒十分厚身，口感鬆軟，肉味濃郁又juicy香腸是廚師腸煎得不錯。咖哩因為係日式咖喱所以唔會太辣。芝士係一片既車打芝士比較濃味。芝士加上香濃咖喱汁十分夾⋯⋯層次感非常豐富!啱哂本身我重口味的人...飯亦係粒粒分明，同埋分量都算足~~~總括黎講，都算抵食嘅，我兩個人食完都覺得飽飽地，所有配料都頗滿意！可惜咖喱香味同熱度真係不足。不過繼續改進一下就更加好喇