鉄火堂 (厚福街)

營業中

休息中

是日7.1假期,去完科學館,下午2點, 由於下雨天, 加連威老道街上都很少人流,我記得在厚福街呢間日式餐廳上次想去但未去, 今次下午決定去試下,一行3人, 行到門口去直入,不用等位. 上次係旺角食過大大碗排長龍的魚生丼飯, 此店門都貼晒海報,有同類及同等級數的魚生丼飯, 中午可以以特惠價$150一碗(原價288)就可以享受如圖片的魚生丼飯,朋友話,始終,中午叫打公仔日日食$150魚生丼飯係無可能的.所以此店推出, 59元3款自選魚生飯套餐或 69元4款自選魚生飯套餐,當然魚生有幾大片及幾多片客人心理就要將貨就價了.落單: 蟹子沙律, 69元4款自選魚生飯套餐+另加3款自選魚生(北海道海膽30g, 蟹膏,帆立貝),蟹肉沙律卷,炸蠔蟹子沙律,蟹肉沙律卷,炸蠔,都十分正路,亦不需要任何心機,而價錢同份量都相當配合.是不錯的選擇.至於,魚生飯,有點驚訝,北寄貝從未見過的細片.帶子有如乾謠柱般細小,真係好又一餐,唔好又一餐,任君自行選擇.

今次去佐尖沙咀厚福街既鉄火堂試食魚生飯，平日夜晚8點黎到，唔洗排隊就入得叫佐個$16x 既中吞丼，外觀都還好，但味道就令人失望，d刺身唔新鮮，完全唔值得比$160 食呢個飯。無叫小食同飲品，應該無下次🙈

放工唔知食咩好，行左落厚福街就有選擇困難😆度度都多人，有時又只想有位坐，但都唔想食啲垃圾落肚⋯😅然後已發現男友攞左飛排緊鉄火堂。還好人流快，等了大約15-20分就可被安排入座。店內都是迫迫的，大家坐得很密，密密食，哈，果然有食堂feel🍚🍚🍚一睇menu就見到有好多精選海鮮丼，但仲有另一特色就是可以自選的海鮮丼，而且價錢好抵，由最平18蚊一款到80蚊都有，只要最少揀三款就可以了。由於我不是很飽，我選了甜蝦、中拖羅及玉子燒，男友就點了全吞拿魚海鮮丼，另加一個蟹籽沙津。等了大約10分鐘就有得食了，而且賣相真的很吸引！3隻甜蝦🦐🦐🦐都比我想像中大隻得多，有我手指公咁粗！玉子燒🍳就十分香嫩，而且甜度剛好！而且48蚊的中拖羅的油甘和幼根比較都好好，雖然得一切都合理既🤣男友的吞拿魚丼都好靚好吸引😋😋另外點的蟹籽沙津也整得唔馬虎，蟹籽份量很多，醬就恰到好處，不過份量大到我地食唔哂😂題外話，如果丼是選了壽司飯或白飯是可以再添飯的，所以男士們唔駛擔心細碗，唔夠再加一定夠飽😛🤓賣單250，合理又抵食！不過呢度流量好高，談情人士就不太適合😽不過可以去附近食甜品啦🤣

一個人去尖沙咀行完街想食番餐好既，心思思想食魚生飯。好耐之前bookmark左呢間餐廳。香港魚生飯餐廳多左好多，但係好食又抵食真係唔多。呢間餐廳環境較細，今次一條友同人搭枱食。今次叫左自選魚生飯，三文魚子，帶子同三文魚都唔會話好凍，唔新鮮既，整體ok。一個人去尖沙咀行完街想食番餐好既，心思思想食魚生飯。好耐之前bookmark左呢間餐廳。香港魚生飯餐廳多左好多，但係好食又抵食真係唔多。呢間餐廳環境較細，今次一條友同人搭枱食。今次叫左自選魚生飯，三文魚子，帶子同三文魚都唔會話好凍，唔新鮮既，整體ok。

四式刺身丼三文魚、帆立貝、左口魚邊、玻璃蝦講新鮮呢間刺身丼一定新鮮！三文魚肥美🍣帆立貝厚厚嘅肉身🥩左口魚邊好彈牙🍥玻璃蝦好鮮甜🍤其實仲本身加左少少價錢要泰式蝦不過個蝦嘅質地未解凍咁樣 所以唔好食都係食返刺身穩陣啲吞拿魚丼大拖羅、中拖羅、藍鰭吞拿魚、碎蔥吞拿魚其實本身係嚟咗為食呢個藍鯨吞拿魚小妹都冇咩形容詞可以形容佢嘅先甜肥美！ 好食程度比5**不過份量確實少咗啲個碗偏小比起其他壽司丼佢份量唔夠多呢個價錢其實如果份量再多啲就會更加滿足嗽

之前食過一次依間魚生飯，特別在可以免費添加白飯，仲有不同飯底可以選擇。冇酒精飲品，可以用5蚊優惠加配。但今次食完，就唔好食。本身想叫海膽丼，但賣晒。唯有散叫個北海道30g海膽試下先，有紫菜配，但鮮味一般。叫錯左，本身想叫魚生丼，而唔係叫油漬雜錦丼。咁都要照食，頭幾啖都可以，但之後愈食愈咸。壽司飯醋味又太重。加埋一齊，仲咸，而且冇左個魚生味，鮮味。個蛋冇咩特別。同行朋友食蟹肉蟹膏丼蟹肉鮮味都一般，而且食落好乾。總括來說，咸同乾。短期內，唔會再食住。

自選魚生丼－總共揀咗4款魚生：火炙藍鰭拖羅筋(HKD68)，藍鰭大拖羅(HKD58)，油甘魚(HKD28)，火炙三文魚腩(HKD28)。整體味道唔錯，魚生本身亦都幾新鮮。拖羅筋火炙嘅時間剛剛好，炙燒藍鰭拖羅入口有少少融化嘅感覺，油脂分佈平均。大拖羅嘅油花就非常細膩，入口果一刻真係有返咗去日本食魚生嘅錯覺。可惜火炙三文魚腩就普普通通，比較薄身，有點過熟。總括而言以呢個價錢可以一嚐拖羅味道尚算十分公道。

尖沙咀做完facial又可以享受一個人既晚餐。厚福街就大把選擇。每次行過都會比兩樣嘢吸引，分別係 好香麻辣味 同吸睛刺身丼。由於一個人嘅關係，只係可以食車仔式勝手。一個人星期五晚9:00等左10分鐘度。啲位勁窄 香港地貴睇吓menu ，都幾多選擇，我今次選左冬菇壽司🍣飯北海道海膽(無咩腥苦味 $98 大約三分一板)火炙三文魚腩中拖羅蝦三文魚子帶子附帶 酸羌粒好正價錢唔平新鮮度okay招呼可以坐得好辛苦環境好嘈#可一不可再

今日要上2點堂，上堂前梗係要係附近搵食啦。行入厚福街，係人都知多野食，天氣又熱所以好想食凍野。去到厚福街中段有間叫鉄火堂既小店，中午時段唔多人唔洗等位就決定食佢。竟然星期日都有自選魚生飯，正，二話不說即刻揀4款魚生。OMG，淨係魚生都有成30款可以揀（仲未計要加$果d）最後揀左碎葱呑拿、穴子、油甘魚腩同三文魚籽。耐心等待5分鐘。三文魚籽同呑拿份量ok。油甘魚略有腥味不過係可以接受，因為香港食到既油甘魚都係呢d質素。穴子面有鰻魚汁但佢本身好dry，有汁都救唔到，至少食落冇骨。整體份量都唔少，食完都夠飽。食自選飯仲跟個味噌湯，唔會死鹹，幾好。成個飯連埋個湯都只係$58又冇加一，下星期可以揀另外4款魚生試。I will be back!

今日行完街先5點幾，咁就食個早晚飯先返屋企啦。記得之前睇食評話鉄火堂幾好, 今日近近地就試下啦.入到去坐左3枱人,望落去都草乾淨整齊既.侍應安排我地坐左係迎近門口既二人枱.見呢個時段海鮮丼做緊特價, 平成一百蚊,咁就試下啦.落左單唔洗十分鐘食物就到了。先飲個湯，夠熱到個主食, 海鮮份量比想像中少。飽魚味道都不錯，但其他既刺身就真係一般般,唔係太新鮮。但百幾蚊既日本野算系交到功課.不過要讚下個侍應多次幫我加茶~但我應該唔會再黎下一次。

打工多年仍然擺脫不了的問題, 「糧尾」。這個普通的社會疾病, 極度妨礙我「食好西」。有見及此今日為大家推介此糧尾恩物－刺身飯！店舖坐落於食肆林立的厚福街。主打$58日式刺身飯, 「你無睇錯, 我無講錯, 只係$58! 」食肆主打午餐, 以$58優惠價自選四款刺身。當中亦有藍鰭吞拿魚、三文魚腩、左口魚邊等貴價刺。性價比奇高。藍鰭吞拿魚/油甘魚腩/火炙三文魚腩/左口魚邊 $58套餐除刺身飯外更包括味噌湯及飲品。單論賣相已值回票價, 刺身亦十分新鮮絕非超市貨色能及。結論: 通貨膨脹問題持續, 食店還以良心價傾銷。大讚！

早上一早起來🌞只是吃了一個麵包🍞，一個早上的泳池練習後🏊🏼‍♀️，又凍又餓🌬，馬上第一時間去找一個遲來的午餐🤤。記得上次經過厚福街🚗，看過了一家午餐性價比蠻高的店🤔，今天就一行人再回去吧😏。雖然過了午餐時間☀️，但店內人潮依然😲，先在店外等一下再想想吃甚麼吧😌。店內不算很大😳，位置也不算太多🤔，但勝在座位蠻舒適，也不算逼狹👍🏻，周圍都掛滿了日式的裝飾品🎏，頗有氣氛。自選魚生飯🐟：挑了吞拿魚🐠、油甘魚🐟、帆立貝🐚和左口魚邊，每碗也附上了一小件有店名的玉子🍳。魚生的新鮮度不錯😌，雖然魚油不算豐富，味道亦不算是太甘香，但這個價錢來就算是可以接受的👍🏻。壽司飯🍚醋味有點不太夠，但飯粒蠻飽滿的。總結：自由選擇4款魚生🐟，每個飯已包括了味噌湯一碗🥣，性價比算是頗高👌🏻，難怪吸引到這麼多人來光顧😳。

星期日下午時間經過厚福街，難得見到有間餐廳食刺身飯不算太貴。午餐時段：自選4款魚生飯每個飯各填一張入面款食也不少，飯可以選白飯/壽司飯，我當然選壽司飯！還有味噌湯(1) 自選魚生飯：三文魚、帆立貝、油甘魚、火炙左口魚邊份量不算好多，魚生還不錯、新鮮(2) 自選魚生飯：鰻魚、碎蟹肉、鮑魚片、北寄貝不太食刺身類，都可以選熟的款式，也不錯食到一半，見到有人追加飯，才發現有免費追加飯的(3) 吉列炸蠔有4隻，好脆口！

今日下午又來到我嘅尖沙咀飯堂鉄火堂，點解我會話佢係我嘅飯堂？因為竟然有一間餐廳可以喺尖沙咀賣＄58嘅魚生飯 質素仲要差！ ！性價比好高朋友排咗佢呢個自選魚生飯價值＄58可以喺以上呢個餐牌任揀四款真係好多選擇架！我就同朋友嗌左兩個飯，跟餐仲有麵豉湯送我揀咗三文魚子、油甘魚、火炙藍鰭吞拿魚同埋火炙三文魚我就覺得三文魚子同油甘魚都好食，油甘魚肥美多油另外火炙吞拿魚同火炙三文魚就一般啦～～嗌番普通三文魚可能好d朋友就帶咗三文魚籽、左口魚、鰻魚同火炙三文魚佢就特別讚鰻魚好食！！以咁嘅價錢可以喺尖沙咀食到唔錯嘅魚生飯大家一定要黎試吓!!!

今日下午5:35pm入去第一次試食，自選丼飯。中拖羅兩片 $48碎蔥吞拿魚蓉（30g) $38原板韓國海膽 $88埋單一共$202呢個價錢絕對有更好選擇唔算抵食，食物嘅質素好一般，絕對無令人想食第二次。時間尚早，個場得三枱客，員工高談闊論，內容又屎又尿，完全無考慮食客感受呢間野無下次