鉄火堂 (厚福街)

營業中

休息中

嗰日突然好想食魚生飯，又發現呢間舖午市只係要58蚊就可以任選4款魚生，仲跟餐送碗麵豉湯，覺得好抵食就去咗尖沙咀試下。呢個價嘅貨我覺得係可以過下口癮，唔會抱有過大期望。我嗌咗火炙三文魚、火炙吞拿魚、北寄貝同埋帶子，款款都叫做過得去，係帶子出乎預料地爽甜，值得一試。仲有，佢啲wasabi勁辣勁攻鼻，但係我好鐘意呢種感覺，雖然食到我係咁咳同流鼻水，但成件事好鬼爽。環境都幾闊落，坐得幾舒服，幾適合兩三個朋友一齊去試。

最近出現了很多吃魚生飯的專門店，今日行街到尖沙咀，見到這間貌似新開的魚生飯專門店—「鉄火堂」身為刺生怪兼海膽粉絲的我，當然入去試下啦~入到去望一望舖頭內的佈置，掛上了好多把扇，還有兩幅寫上日文的「當布」，令到整間舖頭很有日本色彩！望完舖內裝飾，當然要看一看餐牌啦！叫了「三色海膽丼」($228)三色海膽分別是：韓國海膽、加拿大海膽、北海道海膽可惜侍應話今日無北海道海膽，問我介唔介意淨係得兩款，會每款五十五十平舖，最後上檯時的樣子如下：兩款海膽都算鮮甜，好滿足！當然有北海道海膽供應就更好啦！

$58 蚊有四款自選壽司飯的確抵食，仲有面鼓湯。 自選了四款：蛋： 好好味，其實本身原本有送印有公司名的蛋，所以可以不選蛋，選其他款。三文魚子：我最愛，口感十足三文魚：爽，新鮮，好味蔥碎吞拿魚： 好味 多蔥更好白飯： 不過不失，未係最好壽司飯讚整體都很好，分量足夠女士，男士再大碗更好。 推介 彈午餐時間忙，女職員趕來趕去，沒有笑容，說話太急速，我問問題但佢放低餐牌就走開，態度有待改善。

午餐$58免加一自選四餸車仔丼去到下午五點，選擇算多，係啲如吞拿魚腩、海膽嘅貴價嘢要再加錢。當然一分錢一分貨，同正價百幾蚊山咁高嘅料比較，呢個只係淺嚐，選了甜蝦（兩隻）、火炙三文魚腩（二切）、火炙吞拿魚（二切）、三文魚子，那一小粒甜蛋是送的，還附味噌湯。蝦中size, 新鮮蝦頭多羔。三文魚「奇妙」地是爽口彈牙的質感。三文魚子分量算多，用來送飯不錯。整體不過不失也沒有太突出，想過過口癮吃點鼓油+wasabi味，這是平價的選擇。

每次睇演唱會前都煩惱找地方食飯 因為附近商場一定爆到9彩 如果座地鐵尖咀出口會經過厚福街 所以通常都會在這裏先食飯後行去紅館可能因為這條街實在太多餐廳 通常都不用等好耐 （甜品店除外）今次推介嘅係魚生丼 19:30前落單只係$140每日有兩款這個是築地市場雜錦魚生丼魚生都尚算新鮮 沒有因為減價推廣而偷工減料 我反而覺得飯嘅份量比較少 嗰miso soup 冇乜誠意 但以這個價錢 物有所值佢哋仲有一啲好似車仔麵方式的魚生飯 自己選了配搭

平安夜成個尖沙咀都好多人，行過厚福街睇吓有咩食，可能因為假期及聖誕關係，好多舖頭都放晒d枱出街做多d生意，所以行過就見到個賣相覺得呢間丼好似幾吸引幾豐富，咁就入去試試，對於刺身飯嚟講價錢都算正常唔算貴，個碗唔係好大，放滿後感覺好似就爆瀉咁，另外仲設有自選魚生飯，好似車仔麵咁自己揀魚生刺身，唔夠飽仲可以加飯🍚新鮮程度一般，唔太鮮味，蟹子有陣雪味，我用芥辣撈上去諗住蓋過陣雪味，但咬落都係有，溫泉蛋一般，似半生熟蛋🥚沙律風火炙丼自選魚子八瓜魚及三文魚

今天在尖沙咀逛逛，被餐牌上魚生飯的照片吸引，便決定試試看點了這個魚生飯有三文魚，吞拿魚，油甘魚，帆立貝魚生還算新鮮，飯與魚生的比例有點不平衡總體也是不過不失，在尖沙咀逛街經過不防一試！

每次朋友聚會，大家都會旨意我去搵好野食，厚福街一向都係覓食既好去處，集合世界各地既美食，今次就去試下想食好耐既"鉄火堂"。我地一行三人大約7點15分到門口，等位約五分鐘就安排入座。見到有十幾款已經SET好既丼飯，或者可以自選刺身，我既選擇困難又發作嘞最後我地每人一個丼飯同埋叫左兩款小食~首先係鰻魚卷蛋，卷蛋整得好嫩滑，配埋燒鰻魚同鰻魚汁，好食！然後朋友A揀左自選丼，包括有磯燒鮑魚，牛舌同三文魚，自選丼飯量自己選擇，份量比較小。朋友V叫左火炙4色丼，好有份量，三文魚、帆立貝、左口魚刺身都好味，仲要配上溫泉蛋！我自己就叫左沙律風火炙丼，好Surprise，份量爆燈，完全唔知由邊度入口好，帆立貝、魷魚、三文魚都好新鮮，將啲飯混埋蟹籽一齊食，每一啖都好有口感仲叫左客芝麻雞翼，一黎就食左無影到，不過都好食，皮脆肉嫩

I visited this restaurant today's lunch time. Many people had special lunch menu which is around $50 - 60. I ordered one of their main menu. The food is exactly same as food photo. The taste is good but it took some time. Maybe they were not ready for main menu. Anyway it was good lunch.

因為趕住約咗七點要去做facial ， 於是放工之後就嚟到鉄火堂諗住快快趣食完就可以走人。 見到餐牌上有厚切五式藍鯨吞拿魚丼 ，五點半到七點半時段只售150蚊, 但好可惜當其時已經六點半 ， 侍應員表示師傅仍未開魚，起碼要等多半小時，咁我心諗你餐牌上面唔係寫明五點半到七點半可以order呢個餐嘅咩？？咁即係好tricky 啦！ 又要promo呢樣嘢, 但係又冇嘢提供畀客人 , 我見有幾枱叫都係諗住叫呢個餐， 但係都焗住要食其他款式。最後選擇咗 四式生葵醬油漬魚生丼， 賣相確實幾靚仔， 但係啲魚山薄到可以透光，確實好刀功！ 拱起嘅位置全部都係飯，基本上食飯可以質飽你 。刺身好普通通， 唔算非常新鮮。個人嚟講覺得貪新鮮試一次就好喇…… 108蚊嘅價錢我寧願出去買一兜三文魚刺生食仲好。]]]

很久沒寫啦！今日公主👸🏼路經尖沙咀厚福街，不知不覺就比呢間餐廳外面既人龍吸引住（其實都係5-6 人😛）然後看看menu ,尤為吸引again 😋睇到都想試！2位唔該！然後等左一陣（太約10-15mins)就入得去啦..其實中間排隊個陣，後面既人拎票等位，d 員工都你介紹返有咩食，為何本公主拎票時沒有🤨入到去公主同僕人都落左order 後就耐力等待著⋯⋯公主點的是築地極上海鮮丼。本來僕人點的是吞拿魚，那個什麼$150（宵夜價）可惜吞拿魚賣光了。然後他隨便點了四色....什麼什麼🤔樸人的食物到了，豈敢要公主等本公主點的看來是慢工出細貨，就饒恕佢啦好味！正啊，入面既帶子同細丼中既都係大有分別架！啖啖肉啊！下次可以再幫襯埋單$284

終於一嚐社交網絡瘋傳的刺身丼，當天平日星期四六時多便到達店舖，店面沒有等位情況，因此同行二人立即入座。店員很快便遞上熱茶和餐牌，服務不錯。一看餐牌，可見有自選刺身組合的刺身飯，相信是這裏的招牌和賣點。但是，我們有選擇困難症，因此我們直接在菜單中選取了兩個刺身飯。我們點了一個四色吞拿魚和一個三文魚海膽元貝刺身飯。其實味道不錯，刺身亦很新鮮，只是份量有點細，令我們有點失望。不過在結帳時我們才發現原來刺身飯可以無限任添，大家記得不要走寶

本身幾期待，今晚9點幾黎到冇乜人等位，見有宵夜優惠又唔洗等就walkin入去試下。叫左五式吞拿魚同埋蟹肉丼。等左一陣就有得食，先黎蟹肉丼，貌似係幾ok的，食落越黎越唔對路，蟹肉只係薄薄一浸，而且蟹肉入面好多硬物。順便影左張相比大家睇下，飯係奇多的，但其實邊食蟹肉邊食飯係好快就會剩返一大碗飯嘅。店員服務亦係好一般，態度麻麻。吞拿魚丼不過不失，另外隨飯隨送的麵鼓湯，都還可以嘅，雖然都係得咸味，不過呢間野無下次了

呢間野服務真心差講真 我同男朋友都係做服務業 好明白大家都辛苦對侍應一定好好禮貌亦要求吾高呢間餐廳基本上由一行入去 已經有種被睇吾起嘅感覺首先 我地係外面等左一陣個男經理已經望左我地好多眼 亦ber左我地幾眼都無泥比飛我地但之後有幾個大嬸一泥佢就夠衝出泥接待第二 我眼見枱枱一坐低個經理就講解介紹餐牌對我地呢佢一野飛餐牌落枱就無理過我地之後有班上班族坐低人地有問個經理必答上錯左飯仲免費另上個岩嘅飯比佢 對住我地 口黑面黑 撞到我男朋友對吾住都無句對住d上班族 免費送飯都笑哂口咁真心貼錢買難受叫埋單都要比人ber😑利申我地食嘅價錢仲貴過上班族果枱😑真心吾明點解要差別待遇係咪我地個樣似細個就好恰？講反食物魚生係幾新鮮嘅 質素ok啦但又吾係d雜誌編輯講到咁神囉樣影出泥就好睇 2碗都係宵夜價$150 佢個帶子係真心又厚肉甜嘅但其實呢個質素 第二到都大把呢d服務我真係寧願食爭鮮算🙄🙄🙄

鉄火堂論店內外都是典型的日本餐廳樣貌，賣的食物集中於魚生，而沒有拉麵或壽司等其它日式佳餚～自選魚生飯這念頭是值得讚賞的，最適合我這些貪吃的人～這裡以它的藍鰭吞拿魚為賣點，供有多個部位選擇，這次就先試下中拖羅，另配三文魚、油甘魚和鰻魚，米飯四選一。魚生厚切，但混入了米飯後好像沒那麼鮮。魚生飯的份量不是很多，食量大的人可能只吃一個飯就不夠了。薯餅裡應該落了不少忌廉，令餡料非常幼滑。每粒的份量剛好，內裡充滿芝士，味道是偏甜的那種芝士。整體炸物都夠熱。玉子夠厚，也算甜，但內裡的鰻魚就較碎。這間餐廳的價位不算最低，但食物質素也不算很差，勝在它的魚生飯可自選～