鉄人旨花

營業中

休息中

今晚去咗間服務好好的料理店慢嘆廚師發辦，服務員有詳細解釋食品，仲有我行開兩次返嚟都有同我拉椅，現在少見這服務態度，只不過壽司長講嘢好細聲，聽唔得清楚佢介紹嘅食物。先付有三款，北海道白粟米冇食過唔超甜、番茄仔上面加鹽食落更甜，又真係完全唔酸、松葉蟹肉混了少少沙律醬，味道很好。首先食右口魚邊，配上海膽、紫菜漬及黑松露醬，好夠味，組合特色，唔只食普通刺身咁簡單。三款一齊嚟，北寄貝白蝦、岩蠔加白松露、八爪魚連吸管，各有特色，最鍾意係岩蠔有很甜的味醂汁。每人多$300的套餐就為咗呢隻澳洲青龍蝦，爪仲郁的，生猛，肉作刺身，頭做湯。又來一款極之特別的＂鹽燒犬牙白鱈魚＂，未試過白雪魚，比起銀雪魚，魚鱗更粗大，肉更厚，魚味更濃，真係好食嘅！正呀！煮鮑魚配蘿蔔及鮑魚汁，味道濃郁。之後壽司開始，全部都特別處理過，與別不同，真鯛夾上煮過的崑布啫喱，裏面見到葉子好靚咁。之後有池魚紫菜卷，然後是北海道牡丹蝦壽司，用自己蝦子及海膽醬配合，呢個真係好食。豐腴篇：黑龍壽司肥美，但不及紫菜拖羅，燒拖羅迫出魚油，迷你海膽飯令人大滿足。最後飲龍蝦頭湯及柚子雪葩，開心結幕，後會有期。

我阿爸好錫我 .... 父親節 , 我就做個乖乖女 , 請他去食鐵板燒，食鐵板燒嘅地方雖然有好多但通常我哋一家去慶祝嘅都會去鐵人旨花，因為價錢公道又好味。我哋叫咗個 "伊勢海老鐵板燒 (2人)" $2288，這個套餐包括了 沙拉、汁煮白鱈魚、海膽汁煮龍蝦、特別料理、熊本縣產A5和王牛、和牛炒飯、清酒雞湯、甜品。 菜式多多，十分豐富。日式沙拉 : 蔬菜新鮮，salad 汁調得十分特別，吃落清新又有點甜甜酸酸，開胃。汁煮白鱈魚 : 吃了一口，就發出 "嘩" 一聲，雖然有點失儀態，但事實就是這樣， 鱈魚煮得柔軟嫩滑， 吃得出味道是淡淡的味噌味，但吃落味道又有點驚奇，底部放了煮洋蔥，味道真是 perfect看到這熊熊烈火，廚師的鑊鏟叮叮噹噹， 就真是值回票價，愛吃鐵板燒就是看這種表演。海膽汁煮龍蝦 : 由新鮮的生龍蝦，到拆肉都是即席進行，用海膽汁煮過的龍蝦，爽口彈牙，鮮味又十分香口，味道頂呱呱。當晚的特別料理就是 "奶油煮白蘆筍" : 廚師用了一個特別的奶油白汁，煮成的白蘆筍，味道甜甜香香又帶酒味，蘆筍幼嫩鮮甜，超級美味。熊本縣產A5和王牛 : 師傅手法了得，火侯掌握得好，牛肉在鐵板炒得香口、

我第一次係鉄人旨花食晚餐， 淨係睇餐牌都已經流晒口水🤤••我同朋友㨂左伊勢海老鐵板燒因為我唔食牛所以轉左豬睇住師傅整嘢食係特別好味道嘅坐底先食個🥗沙律🐟汁煮白鱈魚🦞海膽汁煮龍蝦牛乳蘆筍🐮熊本縣產A5和牛🐷板燒豚🐔清酒雞湯炒飯🍮水果杯柚子雪皅•全部嘢食都係師傅係你面前製作每食完一道菜先會煮下一道菜佢會介紹嘢食嘅食材來源地佢仲會邊煮邊同我地傾吓計完全唔會有尷尬嘅感覺除咗鐵板之外佢哋仲有刺身係你食嘅環境舒服值得推介

病左成個月, 食藥多過食飯, 食之無味既感覺, 真係覺得人生無乜樂趣! 所以好返之後, 同老公講要食餐好既, 佢即刻提議去鐵人旨花食鐵板燒Omakase, 因為之前好幾次已經想食, 都因為種種原因最後無去到, 今次終於黎到, 仲要係二人世界, 真係可以好好咁享受美食. ​鐵人旨花係銅鑼灣樓上舖, 以即叫即煮日式鐵板燒為主, 屬中高檔的日式料理店. 環境夠寛敝, 而且全部座位也面向廚師, 可欣賞食物烹煮過程, 或跟廚師交流互動.​我們今次吃鐵板燒, 因為交通問題遲了少許才到, 師傳也等到客人到來才開始. 這一餐飯絕對會令人有VIP的感覺, 而且享受的不只食材, 還有服務.​未正式開動前, 先來一碟藜麥酸醋沙律, 很fresh很開胃.  ​我們點了二人前白象拔鐵板燒. 一共有8道菜, 每一道皆由料理師傅即席在客人面前烹調, 要好好細路品嚐, 慢慢享受. 每次準備一道新菜式前, 師傅會先把食材展示在客人眼前, 並講解來源, 煮法等, 保證真材實料.  ​紅酒煎鵝肝 鵝肝有4塊厚切, 師傳每個步驟也一絲不苟, 先煎香法飽作吸油之用, 然後再慢煎鵝肝, 最後淋上以紅酒增加鵝肝香氣.  ​

友日今日升職 作為老死當然要同佢好好慶祝下！我地想食餐精致啲既 咁就揀左鍋鑼灣呢間鉄人旨花食Omakase 咁大個人都唔係食過好多次 Omakase 架咋 今次為左佢 食左個比較貴既 $1580既呢個旨花Omakase 決定左後 我地就坐低慢慢等喇 過左無耐 終於有第一度餸前菜三式： 好甜既牛奶粟米再加埋熊本蕃茄 同埋 A5和牛他他 和牛火灸過 超香跟住就係呢個伊左目魚，上面鋪上北海道海膽 底下就係黑松露醬，組合好清新特別 三款小食: 火灸牙帶魚，蠔 ，八爪魚 加吸管刺身 牙帶魚魚身鮮甜 至於蠔呢好肥美原隻澳洲花龍蝦起刺身： 係原隻龍蝦刺身！龍蝦肉爽口彈牙 食之前喺岩鹽板上稍為拖一拖 會再好味啲！之後就係呢個油坊主 師傅話佢既肉質好似鱈魚 油脂超豐富～汁煮鮑魚：鮑魚片吸左醬汁既味 好鮮甜跟住就到到壽司環節： 真鯛 上面鼓油煮過既昆布 池魚 魚味好重 赤貝 爽口彈牙 金目鯛 好鮮甜最尾呢件拖羅係成條tuna 最肥既位置 一攞上手 啲油滴晒出黎 ！海膽飯 : 海膽軟溜 配埋飯食一流正～～龍蝦湯 係比我地食埋之前啲龍蝦腳 個湯好甜 最尾一人一個甜品 就為呢個Omakase 作結 好

今次同家中老爸補祝番父親節 專登揀左鍋鑼灣呢間鉄人旨花食Omakase ～其實之前都同朋友食過 覺得質素好好 所以今次又再黎～～父親節當然要食好啲 今次叫左 $1580既旨花Omakase ~~~ 決定左後 等待師傅慢慢為我地發辦喇 終於第一度前菜上場：前菜三式： 有超清甜多汁嘅牛奶粟米，熊本蕃茄 同A5和牛他他 和牛稍為火灸過 好香口 油脂豐滿 食過前菜已急不及待想試下道菜喇！再上場就係呢個伊左目魚，底下有黑松露醬，上面再鋪上北海道海膽 清甜魚刺生加上海膽 口感特別 一碟四款滋味: 火灸牙帶魚，蠔 ，八爪魚 加吸管刺身 初時聽到牙帶魚 以為聽錯？哈？平時食中式菜煲湯既牙帶魚？嘩原來變左刺身 魚味好濃好鮮甜 至於蠔呢好肥美再加埋甜甜醬汁好鐘意！ 原隻澳洲花龍蝦起刺身： 為左話比你知係新鮮 師傅會攞隻龍蝦在你跟前 跟住就即場開!!! 起左肉 就得呢度咁多多架咋 龍蝦肉爽口彈牙 師傅會叫你將肉喺呢個岩鹽板上稍為拖一拖 味可以再提鮮之後又有一道鮮魚料理油坊主 肉質好似鱈魚 油脂超豐富～有成40%！ 汁煮鮑魚：鮑魚片鮮甜跟住就到到壽司環節： 真鯛 上面鼓油煮過既昆布 池魚 我地覺得魚

辛辛苦苦過了個考試週，咁努力要奬勵下自己，去咗間CP值超高的餐廳食好西位於二樓，環境寧靜，雅緻清幽，地方大，分鐵板燒座位同壽司吧枱，更有廂房，私隱度更高我地食Shika Omakase，先來個前菜～牛奶粟米丶熊本蕃茄同 蛋黃醬松葉蟹，蕃茄面灑上細鹽，令味道更鮮甜，好好食，牛奶粟米也是清甜無比，兩個也出奇的好食，不能錯過～而松葉蟹蛋黃醬這個配搭也是很出色，個醬不會蓋過松葉蟹的鮮味，帶有微微的咸味，而且啖啖肉第二道菜有五款食物，分別係右口魚海膽丶白松露蝦肉赤貝杯，珍鯛丶章魚和蠔。右口魚海膽配咗個醋醬嚟食，令鮮味更出，而章魚有吸盤和刺身，爽口彈牙，珍鯛個面用咗一片豉油昆布蓋住，昆布索滿豉油精華，厚厚一件，吃下滿囗幸福，而蝦肉赤貝杯，用上矜貴的白松露點綴，清新可口，師傅建議我地最後先食蠔，佢個味最濃，煮得入味又腍軟，完全沒有腥味壽司有六款，分別係深海池魚、池魚海苔卷同北寄貝，深海池魚肉質爽實，魚味濃，而池魚海苔卷就像反卷，魚肉包著飯，這個肉質較腍，北寄貝壽司就用火炙了表面，食到微微的焦香，拿捏到位，完全沒影響其鮮味～燒拖羅～用火燒後迫出油香，吃下油香四溢，入口即化這個龍蝦刺身，選用澳洲生猛龍蝦

閨蜜相聚傾吓開心事，去佢公司對面嘅鐵人旨花，原來呢度開咗幾年都無為意。踏出升降機有串串花在頭上，店內也掛有不少花串。這裡有幾個鐡板燒枱，一個長長嘅壽司吧，仲有私隱度極高嘅個室。我哋都未食過白象拔蚌，就揀白象拔蚌鐵板燒2人餐。無幾耐師傅就準備好食材，見到今次的主角已處理好。同時，侍應送上沙律，沙律顏色鮮艷，材料豐富，有沙律菜、三色藜麥、車厘茄、青瓜、櫻桃蘿蔔等，加上芥末酸汁清爽開胃，夠晒健康。食緊沙律時，師傅開始煎鵝肝。好快紅酒煎鵝肝就整好嘞，煎鵝肝香滑， 甘香豐腴，入口即溶，美味師傅炒日本白象拔蚌之前，先用酒薰焗一下啲蚌殼，話要徹底消毒一下，以便稍後裝蚌肉之用。跟住師傅拿出白象拔蚌放响在鐵板上，翻炒、灒酒兩三吓手勢就完成，擺盤仲好靚添。北海道白象拔蚌口感爽脆帶彈性，味道爆鮮甜，就咁食已經好美味。點埋芥末忌廉汁，少少辣更正  ！奶油浸鮮白露荀，用鮮忌廉浸煮，驚喜有鮮白露筍食， 白露筍鮮甜，腍中仍有一啲爽感，好味。師傅見我哋一路傾吓謁，一邊享受食物，好貼心咁等我哋慢慢食完，先至再煮下一樣食物。鹿兒島黑毛豬鞍，伴碟有南瓜、啡菇、茄子、蒜片。豬鞍幾大份，煎嘅時間掌握得好，肉質軟腍，肉味香濃有肉

完成大工程，系時候善待自己一回🤗🤗好友建議黎試試佢既壽司OMAKASE！真心開眼界🤭🤭入到去，侍應好快送上茶及餐牌+作出介紹，再等我地慢慢揀～非常貼心，但最後，全權交比師傅付責，食咩都由師傅話事🤗🤗前菜：熊本縣番茄，上層灑上米鹽,令番茄的甜味更出，不錯👍🏻旁邊是：松葉蟹沙律，份量雖小但啖啖蟹肉， 松葉蟹肉的味道鮮甜，加上少許蛋黃汁撈，好食！另一杯裝著的是：白飯魚，其魚切碎後再加以少酸酸地醬調味，下層鋪滿海藻。第二道菜：右口魚薄切，上面放上海膽同黑松露酸汁加惹花，將其捲埋一齊食，帶點酸味，左口魚加上creamy既北海道海膽，味道好濃郁，配上黑松露酸汁更能令鮮味更出。愛！跟著是：鮑魚同生蠔， 鮑魚切片放好，樣子吸引，忍不住手機食先！其食落好爽彈， 而生椒煮既岩蠔配上黑松露，味道好鮮甜。菜鰹魚配上蔥蔥同姜，平日好少食鰹魚，但今日一試，不抗距，魚好鮮甜！好食。到主角：澳洲青龍師傳拎出黎時非常生猛，侍應稱：作仲未死，仲會有聲😂😂好靚好大隻呀😍😍師父以刺身方式處理龍蝦，晶瑩剔透既龍蝦肉，睇見都流口水。仲要切完個頭都仲有動，超新鮮！第一次試新鮮龍蝦刺身，真系開眼界。龍蝦肉味道本身較為清淡，所以師傳會

朋友又帶我去食高質嘢～原來係食鉄人旨花～之前都見朋友讚過，但一直未有機會去～位於銅鑼灣肇明大廈2樓，喺樓下就見到佢個標誌，好易就搵到～地方幾大幾寬闊，有分鉄板燒同壽司兩邊～我哋今次食壽司嗰邊，揀咗Shika Omakase 望住廚師製作食物其實都係一種樂趣～喺師傅製作其間，我哋仲可以問吓佢整緊嗰啲係咩嚟～唔覺唔覺前菜就整好咗喇～好靚好似道具咁～有日本牛奶粟米、蕃茄同埋蟹肉蕃茄面層加咗小小鹽，令到蕃茄味道更出，好新鮮好好味～牛奶粟米，好爽口好清甜～蟹肉裏頭有加咗蛋黃醬，兩者配搭得非好，味道好夾跟住就係呢個精緻嘅冷盤～分別有珍鯛魚、右口魚、八爪魚吸盤、北寄貝同蠔珍鯛魚上放咗一塊經特別調製過嘅昆布，用醋浸過變咗透明，酸酸哋再食到爽爽哋口嘅珍鯛，味道不錯～右口魚上放上海膽，再加小小醋令味道更加提升，右口魚同海膽溶化在口中，非常好味～八爪魚吸盤好大粒好有口感，另外再有一舊八爪魚刺身反而林身，好大分別，一個八爪魚有兩種口感～唔錯～北寄貝上面放咗啲甜蝦，食落鮮甜爽口，味道一流～蠔最濃味，所以要食晒以上嘅先食佢～吸晒醬汁嘅味道，非常入味，上面再放咗小小松露，配搭得不錯，大家都無比大家啲味道搶咗～味嚐冷

出糧日子就當然食豪啲啦！今次係我第一次食OMAKASE，見識到好多之前聽朋友介紹過呢間餐廳所以就一於試一試！一打開menu就比龍蝦吸引住，就嗌咗呢個餐喇首先上嘅前菜係素菜沙津，除咗一般食沙律必有嘅菜之外面頭仲有好有營養嘅藜麥，而且有Wasabi喺裏面，同啲沙津汁融合得好好，令沙津更開胃更清新汁煮白鱈魚白鱈魚皮煎得好香脆，睇住師傅好有耐性反反覆覆咁一次又一次將魚皮嘅油脂全部逼曬出嚟，真係好犀利！白鱈魚厚身，滑嫩多汁，層次分明，魚油鮮甜下面仲有洋蔥，煮到好淋好入味，醬汁甜甜鹹鹹再加埋薄荷葉一齊食又係另一種新感受海膽汁煮龍蝦龍蝦好生猛，師傅整嘅時候仲喐㗎！醬汁係用海膽同龍蝦膏而成，非常甘香！龍蝦結實飽滿，爽口彈牙，外面被醬汁裹住，每一啖都食到醬汁同龍蝦嘅鮮味，好幸福奶油煮白蘆筍呢個係特別菜式嚟，奶油好純，好重奶香好creamy不過一啲都唔會膩，而白蘆筍爽脆清甜，係個好特別嘅組合亦係個好好嘅"中場休息"熊本縣產A5和王師父教落幾種食法，可以點喜馬拉雅岩鹽、wasabi、蒜片、最後三樣加埋一齊食，不過個人覺得所有將加埋紫蘇葉一齊食又係另一種滋味！旁邊嘅蔬菜都好出色，菇味濃郁，南瓜甜蜜軟淋，茄子爽

個人推介指數分8.5(10分為滿分)-上月從神戶回來, 大破慳囊, 一嚐心儀已久的神戶和牛, 口感結質細膩,配合師傅的功架, 吃罷大感物有所值. 回港後, 好景不常, 病了整整一個月才痊癒, 太太為了鼓勵我, 竟再大破慳囊, 細心地安排我到此所以吃鐵板和牛為名的餐廳, 心中很是感動. 這悝的裝潢, 設備, 食材, 師傅和感覺, 也和在日本的級數不遑多樣, 讓我有從回日本的感覺. 而且是次晚宴更能和師傅談笑風生, 可以完全享受一對一的私人高級料理.店內除了有四張鐵板燒枱外, 還有一條長長的壽司吧, 客人可以按其喜好品嚐美食. 是晚太太已為了我預訂了一個象拔蚌和牛王套餐, 真叫人期待.單是看部份食材原料, 已讓我感興奮, 看看那厚切的鵝肝, 份量十足. 不過, 說實話, 食材雖好, 也得看看師傅的技如何, 能否讓食材的原味帶出來.師傅在其每個步驟也會和我們尾尾道來其由來, 從食材的源產地的特色到烹調的方式也說解說得一絲不苟. 更會和我們說些笑話, 讓彼此氣氛輕鬆下來. 這是我們從日本不能感受到的享受.紅酒煎鵝肝- 上枱的賣相相當不俗, 鵝肝的味道比相像清澈很多, 沒有半點鵝羶味, 兩邊煎得