鈺膳潮州菜 & Bluemount (金朝陽中心二期 - Midtown)

營業中

休息中

* Marinated Thin Sliced Goose 鹵水鵝片(HKD158) 👧🏻* Grilled Pork with Stewed Vegetable 火腩春菜煲 (HKD88)* Fried Eggs with Baby Oysters 潮州蠔仔烙 (HKD108)* Sweet and Sour Pork Belly 紅燒咕嚕肉 (HKD128)* Sweetened Taro Paste with Ginko 福果芋泥 (HKD45) 👧🏻* Ginger Potato Syrup 羗茨糖水 (HKD48) 👧🏻* Steamed Sweet Crystal Dumplings 雙色水晶包 (HKD38/ 6pcs)👩‍👧喜愛程度: 💛💛💛💛/5之前去過覺得食物唔錯夠正宗 價錢合理 知道佢哋係銅鑼灣金朝陽二期開左分店就決定book黎試下😄 可能開張無耐 晚市約六點黎到食客不多 但地方比灣仔總店闊落得多 而且餐廳位於25樓 可以睇到小小維港景色🌁 另外有室外坐位可以品嚐Fresh Brew Blue Mountain Coffee嘅咖啡同西班牙黑毛豬火腿☕️ 服務超級好

銅鑼灣金朝陽中心二期Midtown廿五樓新開一間鈺膳潮州菜館，環境舒適 服務到位，值得推介。此店主打黑毛豬，於是點了黑毛豬包，上桌時有驚喜，外型非常可愛，真係唔捨得食咗佢。煎蠔烙是必食之選，還有脆邊，蠔仔粒粒脹卜卜，鮮味無沙又乾淨，廚師還細心將蠔餅切開一格格方便分食。午市還有迷你沙爹牛河 $68，足料好味道，份量足夠2-3人享用。餐館大部份都是窗口位，但都比前面V Point 擋住景觀，如果訂到靠露臺那邊的窗口位，景觀相當開揚，可以同時一飽眼福和口福。

今日朋友帶咗我去銅鑼灣登龍街一間潮州菜餐廳食晚飯朋友係潮州人而且食嘢非常高要求知道佢帶得我嚟一定係好地方滿心期待入到餐廳氣氛環境好舒服通常香港地餐廳都係有種好逼夾嘅感覺呢度枱與枱之間都有一定嘅私隱度感覺幾好我哋一行六人叫咗八餸一湯每道菜味道都有驚喜首先蠔餅啲蠔好足料而且真係用番薯粉傳統嘅製法而唔係港式嘅炸漿口感煙韌 香口而不油膩份滷水鵝片味道真係一流鵝片唔肥唔瘦鵝汁齒頰留香仲有滷水腩肉 墨魚 滑豆腐特別鍾意師傅將腩肉切到厚薄適中有時出邊食太厚食多幾嚿都覺得好膩仲有特別想讚下條烏頭一個字甜！非常鮮甜嫩滑！連唔食魚嘅朋友試食後都覺得好食！一啲都唔腥亦唔會過鹹！另外小食拼盤好大份送啤酒一流而且每樣都真材實料！蝦棗裏面好似有啲馬蹄口感清爽普寧豆腐好香脆我哋仲嗌咗方魚肉碎蠔仔粥鹹菜豬肚湯個個都讚不絕口最後甜品方面我都唔記得叫咩名總之有芋頭同番薯夠芋頭好食到難以形容少少甜嘅汁包住好粉嘅芋頭咬一啖即刻溶入口裏面就算好飽都忍唔住口食多兩舊！好耐冇試過食一餐咁滿足嘅晚餐多謝我朋友介紹！見到好似話晏晝有得飲茶下次都試吓先！

服務員十分親切，食物美味，以這個地段、環境價錢不貴，雖然份量不算多，但可接受，環境優美舒服，有outdoor飲咖啡，如果不是食潮州菜，亦可和朋友一起享受銅鑼灣晚景聊天，總括值得再去。推薦：鹵水鵝片、咕嚕肉、胡椒豬肚湯、蠔餅

好久沒有吃潮州菜了，得知金朝陽二期開了這間潮州菜茶樓加咖啡室，訂座又有優惠，便襯假期的最後一天來飲茶。先搭電梯到高層，𨋢門打開是接待處，可掃安心出行或填表，然後就可以入座。由於位處高層，又有大落地窗，枱又不是放得很逼，環境光猛，空間感十足。店內更有咖啡吧，提供各式咖啡，包括燕窩咖啡。就算不喝茶也有其他選擇。當然，這店的茶也飲得出是有水準的，不是一般平價的茶葉。前菜有花生和酸菜，兩樣都合乎標準，味道適中，不太咸不太酸。點心紙上有不同的選擇，有蒸點，煎炸類，腸粉，潮州粿，滷水，菜，迷你粥粉麵飯，甜品等。點心都是即叫即蒸的，所以都要稍等一下才有得吃。其中最好的就是迷你粥粉麵飯，碟頭變小了，變相就可以多吃其他點心，或者只有四人也可以叫兩款粉麵。現在經開飯嘞訂座仲免茶芥同平五十蚊，值得推介！

今日我哋叫了羅白糕、羅白絲酥餅、潮州粉果、包汁雞腳、羊肚菌牛肉球、煎麵、牛河、紅菜頭野菌餃每一款食物味道都好食媽媽和家人沒有評話唔好食她們食得好開心我最近很少見媽媽食多每次利苑晚飯她都食少少話夠了今日她樣樣都有食碟牛河看似她鍾意❤️食物味道唔太濃烈味精而且價錢又中肯佢哋時時幫我們換碟、沖茶態度友善環境寧靜樓底高好舒服埋單都係每人$100上網book位仲可以-50又免茶介家人說下次來試其他點心我自己就想試小龍包、蝦餃、蝦春卷、芋角、齋腸粉、蠔仔粥、鵝片甜的想試竽泥

環境清潔清静，餐具高質。但擺放枱椅未有舒適計劃。令人有臨時擺放的感覺，浪費了樓底高的空間。選用真花會令人有高级感覺。潮州食品高質素，有一贯私房菜的特色。點心的特色未能突出。獨甜點尚有改進空間，綠豆爽色素嚇人，粉䊢太多，吃下全口糊得太黏；水晶飽皮不夠薄，沒有煙勒口感。㗎啡吧和潮州部份服務有點混亂，侍應對食品認知缺乏。未能足夠掌握餐館混作，把點心錯放各枱有点嚇人。下午茶設計新颖，能令食客品嚐淺試潮州美食，對食物有深刻了解，没有白費頂級師傅的手藝。