14
3
0
港鐵銅鑼灣站 B 出口, 步行約4分鐘 繼續閱讀
所有分店 (2)
電話號碼
24481288
92906687 (Whatsapp)
開飯介紹
主打傳統潮州菜。餐廳位於高層,環境闊落,有室外用餐區,能夠邊欣賞風景邊享受佳餚。 繼續閱讀
營業時間
今日營業
11:30 - 21:00
星期一至日
11:30 - 21:00
付款方式
現金
其他資料
網上訂座
餐廳運作模式 - D類
賞訂座積分
獨家網上訂座
有關獎賞計劃
食評 (21)
等級7 2021-11-12
1022 瀏覽
自疫情後變得抑鬱嘅蕃薯uncle於年半間爆瘦咗二十磅,好彩人逢喜事精神爽,生日見多咗朋友後連胃口都激增埋,近期收到風有餐廳開幕或者係優惠推廣都會第一時間與大食會組員分享。話說長輩從一編報導得悉人氣熱店「鈺膳潮州菜」嘅店主為兩位年青人,而座陣嘅大廚卻係擁有三十多年經驗嘅老師傅,三人冇代溝之餘,短短合作咗三年已可於餐飲業不甚景氣嘅情況下開分店,所以就相約一同去見識吓。「鈺膳」新設之分店位於銅鑼灣登龍街一幢食廈內,方便又易搵。佔用面積全層嘅中菜廳樓底高高,光線充裕,不過可能因舖上地磚,用餐大堂嘅聲浪頗為嘈雜。幸好六人被安排入座私隱度較高嘅私人廂房,有專人服務之外,房內仲有部空氣淨化風扇,既涼爽又衛生。細問下得知新店有個好特別嘅賣點,就係其伙伴「Bluemount Café」善用二十五樓高層所設嘅室外座及靚景打造出嘅空中精品咖啡屋。(由於當晚有人包咗場,所以唔係好影到相。)潮州菜配咖啡真係夠哂噱頭,原來白色部咖啡機仲堅有來頭,綽號為「咖啡機中嘅勞斯萊斯」!嘻嘻,最跟得上潮流嘅契妹都唔弱,見到旁邊部多管式玻璃咖啡機裝置即估到有冷萃咖啡飲,無奈咖啡師話最快都要十一月先會推出。唔怪得知下午茶設有小食及蛋糕套餐,下次黎真係要好好細嚐。參閱咖啡館嘅四頁飲品牌時,竟然發現七點前嘅啤酒有歡樂優惠,友善好客嘅經理肥仔哥哥即作出推介。小肥結果試咗杯「經典檸檬風味啤酒」(歡樂價$58/杯;原價$78/杯)。手工啤清爽帶甜,飲落可以話似杯酒精唔濃嘅檸檬味汽水咁,極易入口。「鈺膳」嘅厚本餐牌共有二十八頁之多,中英對照,並附插彩圖,眼見網上未有記錄才特意在此上載。另有六款優惠套餐可選。長輩一心就係黎試其中推廣緊嘅八道菜「鈺膳二人極品套餐」(優惠價$1,632/兩位;原價$2,188/兩位)。六人就點咗四人份量,另散點幾款傳統潮州餸。餐桌上擺有齊備嘅自用及公用餐具。鹵水鵝腸($168)、鵝片($168)、鵝肝($298/隻):三款自選鹵水菜式以拼盤呈上,當中鵝片香濃且肉汁豐盛,鵝肝亦相當軟潤,最意外就係舖面嘅鵝腸堅爽脆。潮州筍粿($87/半打):筍粿外層煙韌香口,個韭菜鮮筍蝦仁餡亦爽嫩惹味,送酒一流。鈺膳二人極品套餐之潮州紅燒翅:套餐順次序出,第一味潮州翅翅香濃滑溜,雖然話係優惠套餐但都絕對足料,暖胃又窩心。鈺膳二人極品套餐之原隻吉品鮑魚扣鵝掌:鮑魚扣鵝掌四人份量一碟上,視覺效果更震撼!席上嘅隱世食家們一刀切落去,即讚吉品鮑魚確真溏心,咬落柔韌黏軟,大大隻鵝掌則軟腍滑溜,芡汁鮮濃無比,套餐淨計頭兩味已經值回票價!鈺膳二人極品套餐之迷你水瓜烙:細佬因飯前已飲咗兩輪歡樂啤酒,忘記告知廚房自己有果仁敏感問題,所以未能進食含花生嘅水瓜烙,不過蕃薯uncle對水瓜烙讚口不絕,應該唔會差得去邊。鈺膳二人極品套餐之川椒雞:川椒雞除咗肉質又嚡又乾,帶有少少麻辣嘅味道亦不甚討好,係套餐入味最失色嘅一道菜。普寧豆醬焗雞($208/半隻):功夫多嘅豆醬雞必先預訂,或許因為冇幾耐前喺另外一間潮州舖食過更出色嘅,有比較下就覺得雞肉偏實唔得嫩口,似乎都係叫鵝穩陣啲!鈺膳二人極品套餐之方魚炒芥蘭:翠綠嘅芥蘭十分爽脆,個人只係略嫌調味過咸,越食越口渴。鈺膳二人極品套餐之鹹肉蛋白炒飯:單尾鹹肉蛋白炒飯香口得黎毫不油膩,飯粒軟綿有嚼口,簡單味佳。甜品環節前先有熱辣消滯嘅功夫茶。鈺膳二人極品套餐之官燕清心丸綠豆爽:綠豆爽微甜清潤,大家最意外就係見到碗內量足嘅燕窩,因為喺其他食肆叫套餐食的話好少唔洗搵都見到啲燕窩。鈺膳二人極品套餐之雙色水晶包:水晶包皮層巧薄煙韌,細佬只係食咗黃色嘅奶皇水晶包,餡心軟滑可口。「鈺膳潮州菜」銅鑼灣分店於牛年初開幕,新設嘅「Bluemount Café」空中咖啡廳部份似走年輕人嘅路線。中菜廳嘅用餐大堂較為嘈吵,人多建議可考慮訂房。服務生親切落力,最感動就係親證佢地會盡量滿足食客嘅要求。現推廣中嘅「鈺膳二人極品套餐」豐富味佳,平均每位八百多元可食齊魚翅、吉品鮑魚同燕窩,CP值實屬今期之最,絕對試得過! 繼續閱讀
等級1 2021-12-21
134 瀏覽
之前同朋友嚟過兩次,服務都十分好,所以今日做冬同屋企人嚟,餐廳應該知道fully booked,員工好似唔夠人咁,幾次搵人都冇人,我哋食6-8pm時段,落單嗌幾次人先有人肯幫我哋落單,然後到埋單,叫咗兩次,話就話「應左」幫我哋埋單,仍然係冇人理,反而serve隔離嗰枱熟客不知幾好服務,我直接去櫃檯埋單,嗰一刻先print張單,即是之前「應咗」嘅侍應冇幫我哋買單,(今晚)呢度嘅侍應好鍾意同一時間兩個人serve一枱。唯一可取係,食物好味,加水沖茶好快🤣 繼續閱讀
(以上食評乃用戶個人意見 , 並不代表OpenRice之觀點。)
等級4 2021-10-10
1235 瀏覽
今晚其實book了另一間酒樓.不過去到不對路.即走!!!!!在同一大廈找美食!!結果去了這間潮州菜館.本身是潮洲人的一家來到此店.環境不错.因座落28樓.我們日order了two dinner set. 最平那set $298.但媽媽想食抄河所以三人只order 兩set二人餐另外將湯轉了潮州翅.來潮州酒樓一定要食潮州翅.就知是否夠功力!!! 差點忘記了影相分享第一度菜已經感覺良好~~~蝦棗夠乾身及有彈口嘅feel.翅到了~~d煙不停上升.夠熱已勝了一半!果然果翅底夠濃不是那種生粉打出來結的那種.我比95分.好食過樂口褔.這個值85分.15分是太少份量.鵝肉入味.總結:一定要最少試一次. 繼續閱讀
(以上食評乃用戶個人意見 , 並不代表OpenRice之觀點。)
等級2 2021-09-19
1190 瀏覽
雖然我只係半個潮洲人,但係都好喜歡食潮洲菜,因為食完成個人肥晒😂。今晚來到呢間潮洲菜,炸物拼盤好味!大家話發菜卷好香,但係我就覺得炸豆腐最好食😋因為外面脆脆地,裡面軟綿綿滷水鵝片就係必試㗎啦,份量充足,肥瘦適中,不錯吃!裡面嘅滷水豆腐都好好味滷水味適中。魚方面我哋叫咗半煎煮馬友,好滑嘟嘟!仲有叫咗外面好少有嘅芋頭窩飯,配料可以炒得香啲,整體都可以。最特別係侍應哥哥介紹嘅潮洲pizza—糖醋麵!好味!加醋同埋白砂糖食味道剛剛好!我一個人食咗大半碟!最後上埋甜品水晶飽,甜度適中個皮唔硬,quite nice!環境舒適,服務一流,多啦a夢誠意推介😂🤣🤣😂😂🤣🤣😂😂🤣🤣😂😂🤣🤣😂😂😅 繼續閱讀
(以上食評乃用戶個人意見 , 並不代表OpenRice之觀點。)