釜山韓國餐廳 (已結業)

最近少食肉, 要大時大節至食. 今日結婚周年, 由我選擇. 我突然好想食Kalube(牛肋肉), 行過三五亭外貌冇乜信心...改了去多年前食過一次好滿意的Busan.一入舖內, 只有3檯客. 一檯是"Shine"的天佑與朋友, 一檯是英國遊客family, 一檯是黑面日本仔與香港女友. 侍應有少少pushy, 不過老公話事, 叫了一個套餐- 牛骨肉(普通貨, $370包前菜、人參酒、飯、湯), 另一個牛肋骨(Kalube, $130一碟).先來10碟前菜, 這是我食韓餐的主要原因! 呢度d Kimchi最好味, 應該是店家自製, 外面d味通常太辣, 呢度比較酸少少, 好爽脆! 麻油芽菜是我另一個favourite, 呢度亦整得好好. Overall冇一碟前菜唔好食.Kalube是韓語, 指包著13條牛肋骨近骨的肉. 其中以第5-6條最上等. 日式食法是, 燒好牛肉後沾醬, 放飯碗中連同少少飯一起食, 好似食壽司咁.跟餐的牛骨肉真係好普通, 肉質只是港式韓燒水平, 不過醃得好味好多. 另加的Kalube好掂, 脂肪平均, 肉色新鮮, 入口有咬口. 雖然比起新羅寶$300/碟的美國特上Ka

相識多年的日本朋友在香港，原本星期一晚已經會去食飯，但佢約食餐午飯傾下近況，所以又摸來了尖沙咀吃。同她行在阿士厘道，原本想去居酒，但行到去佢竟然好有興趣食韓國野，所以就走左來這裡。呀！一時唔醒起，家陣日本最興的是，韓國野！如裴勇俊在日本真係紅到爆！一時左右來到，人不多，午餐好多選擇，她怕熱氣，不吃燒烤，就叫了個牛尾湯飯同韓式炒年糕。可能人少，比較靜焗，傾計都較方便。午餐的泡菜陣容當然不比晚間的豐富，只是兩碟黃芽白及白菜，味道經過麻油及醬酒略醃，都算唔錯，起碼我地係清晒。牛尾湯飯是一個大碗，盛著三舊大大的牛尾，及一大碗湯，看樣子已知唔辣又唔熱氣。牛尾湯幾好味，和著飯吃很美味，當然有味精，食韓國菜都會預左。牛尾炆得腍又不失咬口，略縑清了一點，拿韓式辣醬來點剛好。吃完身體暖暖的，正合漸凍的天氣；韓式炒年糕就比較普通一點，但朋友是瘋狂的愛吃，給她吃了大半碟。個人而言不太喜歡米糕，所以少吃亦不便致評。吃完成個下晝個日都有陣蒜頭味，亦係韓國菜的特色。加埋汽水一杯，埋單一百一十蚊，唔貴，午飯的話，都可以一試。唔知點解，傾下傾下梗會講番起當年捱橡筋冷麵的時光，似乎追不回的日子，永遠是值得懷念的。題外話

尋晚在會展收工就過尖沙咀會合在shopping的老婆去食飯，佢想食韓國野，但我前幾日已另吃了梨花園，所以counter-propose京世。經過一番討論，結果還是敵不過她的堅持，我們就在大雨中坐了進來。七點未夠，人客很少，只得一檯客，所以幾位男侍應是非常的殷勤。呢度好有歷史，檯櫈也都舊舊地。餐牌選擇偏少，提供的都是韓餐中的中堅份子，如各式烤肉、石頭飯、小吃、人蔘雞湯等。因我堅決是晚不吃燒烤，所以就叫了辣雜錦冷麵、石頭窩飯同海帶湯。例牌先來，一字排開就是十碟前菜小吃，看樣子是實而不華，內容亦是常見的如泡菜、芽菜、薯仔、蛋卷、高麗菜等。吃一口泡菜，這家是在香港吃到最辣的，亦很鮮味，剛好我倆都嗜辣，所以主菜未到單是泡菜已幹掉兩碟。另外比較特別的有一碟蝦仔，吃落冶味，所以就立即叫支真露來伴吃。前菜有水準，食到最後雖然飽，但都給我倆全部食晒。冷麵來了，侍應例牌打十字剪一剪。呢度的冷麵是乾身的，好處是吃到半途不會有半碗曖昧的紅色液體在內，不好處是麵會很快纏埋一堆，所以要先吃。韓國麵用蕎麥及木薯粉製，何止彈牙，直頭彈如橡筋，所以只宜涷吃，熱食是怪怪的。冷麵上面堆著鮮紅色的配料，看樣子是辣到暈，吃一口

Just wanted to try something Korean which is not "BBQ". Went to this restaurant with two friends with the hope that we might be able to try something interesting. However, the food really put us off coz the taste of the dishes is not really special and the price is high. The service is quite bad, too. I don't know why the waiter kept giving us a black face when we ordered, when he served us with the rice, etc. Overall, NOT RECOMMENDED. Too expensive, not special and bad service.

這間韓國菜館，食物味道確是不俗，每人還會附上一set前菜。不過價錢稍鎌貴了點。那冕一行三人叫了一個牛燒、海鮮石頭鍋飯和韓式煎餅。牛很爽口，又夠羶，正！石頭鍋食由老闆親自幫我們將蛋拌勻，再細分三碗，飯不乾身，入味、配料新鮮，熱辣辣︳十分惹味。最欣賞韓式煎餅，中間的大很香，很香口！三個order結帳共$397，若價錢平少少便好了。

一共去o左三次, 總括三之所試, 有以下評語:烤肉晚餐$350 , 有九碟前菜, 另再加一碟牛舌, 會配一碟檸汁淮鹽, 好醒胃, 不過嫌佢薄o左d ........ 石頭飯$140 四個人一人一碗, 有d 煲仔飯feel , 不過不失.......冷麵, 好好味, d 麵好彈牙, 配雪梨片, 雞蛋, 清清地, 一定要試......

Dinner貴過lunch好多呀~~~~~~~~~ 不過都reasonable~ 羊肉+9款前菜, $110~牛骨肉+9款前菜, $110~白飯, $10~羊肉ok, 牛骨肉正D~今日領較過佢個toilet, 嚇死~ dirty~~~~~~~~~~~~~~~~~~~~~~~ 扣分~ >_<

Lunch, $30 羊肉飯, 有湯, 六款配菜(青瓜, 椰菜, 芽菜, 炒粉絲, 豆腐, 煎薄餅), 羊肉同白飯, 仲有一杯可口可樂送~ o係TST 食韓式lunch 可以$33 飽飽咁落樓, 抵!!