釜山韓國餐廳 (已結業)

如果你覺得二百元一餐得三碟燒雞牛豬好抵的也不妨一試﹗ 話說昨晚我和朋友打算去亞士厘道的餐廳吃飯，經過這間韓國料理，看到櫥窗貼滿剪報，而且不用等位，便駐足考慮。櫥窗除了展示四十元一碟的泡菜之照片外，餐廳並沒有把其他食物的價錢貼出來。我們心想：這種裝潢，貴極有限吧，於是便決定一試。 怎料這間貌似屋村酒樓的餐廳賣的食物竟然是酒店的價錢，真是好像乾坤燒鵝一樣內有乾坤﹗我們把餐牌看了一遍又一遍，發現最便宜的就是那四十元一小碟的泡菜，其次是唔知乜湯，九十元一窩，飯呀炒小菜全部百三以上，最離譜的是韓燒，二人餐最少四百大元，得三碟生肉兩碗湯兩杯唔知咩酒，唔好玩啦﹗其中一位侍應更站在我們旁邊盯著我們(打籃球呀？人盯人呀？)，看我們幾時落單，真是招呼周到﹗ 我邊坐邊想：我唔想就咁俾人斬到一頸血，用呢個價錢，我仲有好多野可以，我唔甘心﹗(就像被劫機的乘客的心情一樣：我唔想就咁死左，我仲有好多野未做呀，我唔甘心﹗) 於是，我做了一個我一生也會為自己感到自豪的決定，就是逃﹗我絕不能坐以待斃的，就趁侍應先生稍為鬆懈的一剎，我和朋友拿起袋子，昂首闊步走出這間店。

野食都冇咩特色...又少唔夠食...人參酒ok啲囉!

雖然明知第二日會去上環梨花苑食菜，但都抵不住韓風誘惑。一睇menu發覺與尖咀其他韓菜較貴。雜錦石頭飯-我比blue moon較好彩，飯身唔會又濕又"立"，幾爽身，可借唔夠香，飯蕉唔夠多，甜辣醬又唔夠味。比較同街的三五亭差。炆牛肋骨-初時見150蚊都幾貴，原來份量都不少。牛肋骨同蘿蔔炆得好腍好入味，味道好甜，是清甜的，唔會甜到溜。暫時來講，這間可算是我食過之中三甲之例。兩個人只叫兩款加埋9碟泡菜已經好飽，而佢d泡菜味道一般，沒有一碟較突出，不是kc所說最辣的泡菜。這間不是同區最好，但是較同區貴，可以一試無況。

其實餐廳所做的菜及炒飯都很有水準，只是不合我的口味，而服務亦不錯，餐廳老闆亦送我一隻公仔，可是價錢對我來說頗貴，如辣菜炒飯要$90，所以下次應不會光臨。

老公突然"韓"性大發好想食正宗韓食在尖咀, 就找到這間斧山同其他食評一致: 好貴試左$370 的套餐最愛石頭飯同泡菜杯人蔘酒好"勁", 女仔會碎,小心小心

當晚同朋友想韓燒,屯門剩係得間漢陽苑(唔太好食)就約朋友到此一齊韓燒啦食物方面都係朋友點的~印象中都係牛,豬,雞之類,不過切得幾薄,醃得幾入味~仲有石頭飯同人蔘雞湯石頭飯出黎個時熱辣辣仲好香飯味,唔錯,必點之一雞湯飲唔到有味精,保證真材實料佢都有好多配菜食,但係好似要收錢的(唔知係咪要收@@)印象中橙色個碟泡菜係全部小菜中最辣最入味個碟(因為本人對韓燒認識唔大...唔知叫咩名)我地仲叫左佢地店既人蔘酒...都幾好飲啊..haha不過埋單都幾貴.....四個人燒左$11xx

同朋友仔行經呢度見間o野OK多人咪試下o羅，點知個waiter帶我o地入埋邊坐, 好鬼焗o羅! 本來唔係太想食燒烤，但打開menu覺得無乜choice，大部分都係湯(雖然知道Korean鍾意湯當餸，但媽媽教落湯撈飯傷胃o架!)，end up 叫o左燒牛肋骨肉($180)同石頭飯($1xx)。2個人食咁少，個waiter好似有d唔like，咁我o地真係唔太餓呀嘛，唯有一人叫一杯佢個d special熱飲! 講真條氣係唔多順，間o野唔平o架，我o地order個d 都唔係cheap呀，都受氣! 隔離枱對Korean couple，都係一人叫一個湯($9X each)，但就被10幾碟前菜佢，又笑晒口咁... 即係點先?!Do野係幾好味，個牛肋骨肉好掂，醃得好好。石頭飯有飯焦，每人都分到2大碗(多到我食唔晒!)。但係佢個d特飲，又細杯(但收你$2X喎!!!)，重要唔好飲，極甜，我個杯紅棗密好似糖水咁!!! 差!!!咁o既價錢，咁o既環境，咁o既服務，我覺得唔抵o羅!!! 最差係個廁所，污穢過茶餐廳o羅!!! 死未!!!

經同事口中聽聞此店有小動物來招待客人，有次食lunch成條亞士厘道都找不到位咪去試，又無想像中咁差，雖然無咩驚喜，所以昨晚又帶３個女朋友去試食晚飯。我們要了個大長今套餐，內裡有石頭飯、炒年榚及人參雞湯，點知個伙紀好唔客氣話呢個係２人餐架得２杯飲．．．當堂我們都覺得自己好寒酸。如果咁不滿大可以學那些車仔麵店設有最低消費者。雖然食品令我們覺得滿意，但這麼受氣，食物質素再好都難以令我們再去。

又來麻甩lunch，今次原本去吃燒鳥，點知不知是不是遇著那裡就來結業，店主完全理不到舖面，所以唯有轉而陣地，行了來這裡。來的時候已近一點七，但人客一點不少，好在剛好有人埋單，如果不是我們也要在等。四人坐低，只三人吃，因為大王已吃飽了燒鳥。老闆娘及牛油果都叫了牛肉，我就要了辛辣麵。唔知係米知道我地有點趕，都幾幾快有得食。牛肉套餐仍舊是用一個多格膠盤盛著，我的辛辣麵則是一個大碗加兩小碟前菜。一人午餐的前菜，來來去去也是那些，今天是小白菜及大豆芽，一於將其倒入麵內一起吃。辛辣麵是不折不扣的即食麵，即油炸麵餅風乾再放湯，可能好耐無吃，都覺得幾好食；辛辣湯底不離味精，但有時吃即食麵不配味精又好似不像話。雖然配料無咩，但同牛油果、大王、老闆娘傾下講下，好快又食完碗麵。轉眼又到二時許，大家也要坐返工作崗位繼續搏殺。在午飯時候與食友們談天說地，也確實是一個小鬆弛，不知下次又去那裡吃？連一小杯膠樽倒出來的不太凍可樂，埋單百一蚊。牛肉飯30蚊，辛辣麵貴一點，要40蚊，沒有加一，都算經濟抵食。

尋日來亞士厘道搵lunch食, 記得睇過食評ok, 就入去啦.原來星期六仲有set lunch. 我點了一客牛排骨湯飯, 跟前菜2碟(大豆芽&西蘭花), 和可樂一杯. 朋友點了泡菜炒飯, 亦是跟同款前菜,可樂, 不過就有湯送. 我明問伙計可不可以改7 up, 他說不行, 我們就算了.前菜可以. 湯飯很大碗, 雖然吃剩了1/3, 下午還是飽了一段很長的時間. 湯很清, 但不錯. 牛排骨5件左右, 件頭也不小, 腍, 但味道偏淡. 整個飯的感覺都是淡淡的, 個人覺得OK. 總括來說是普普通通的一餐. 最後想講那像是本地人的伙計好像頗散漫的, 十足舊式小餐館的典型老伙計.

噚晚我哋在尖咀, 諗住求其搵d嘢食, 度度都咁多人, 唯有搵間少人d, 唔駛等嘛。一入到去, 以為入咗大排檔, 冇乜裝修,不過見佢外面貼咁多食評, 應該唔差得去邊呱。坐定咗, 睇餐牌, 嘩! 最平的燒烤set都要$370, 仲要唔係好多嘢揀, 想人死都唔係咁死法嘛, 但又唔好意思縮沙, 唯有頂硬上啦!其餘的都唔平得去邊, 炒個菜要$40, 石頭飯要百三, 一個麵都要$90, 要命!結果就叫咗個炒野菜, 石頭飯同冷麵。先上個野菜, 跟埋六小碟前菜, 哎呀,冇遇到有此一著, 自覺叫多咗野添, anyway, 先試試味啦。我哋吃得味淡,所以覺得前菜d味剛好,炒野菜就和自己炒的一樣, 普通。來石頭飯和冷麵時, 都有個賓賓姐姐服侍, 他的態度有禮, 但問佢乜都係答I don't know. 那就唯有靠自己個鼻, 聞過先叫佢加幾多調味了。石頭飯幾乎粒粒飯焦, 而且放在鐵碗, even 冷氣極凍, 存熱時間仍非常之長, 感覺不錯; 冷麵都是放在鐵碗, 所以就更凍, 內裡的配菜非常特別, 有酸橋頭、青瓜、雞蛋、牛展和雪梨, 又甜又鹹, 加埋熱熱的石頭飯, 一冷一熱, 絕到暈, 可謂物有所值!不過, 下

好少出街午餐, 今次同我個fd 選擇左韓國餐廳. 一人一個午餐, 佢食牛肉飯餐, 我食雞肉飯餐, 餐前一人一杯可樂, 杯可樂放左好耐, 又有冰既關係, 一d氣都無…我以為會有泡菜做餐前小食, 點知冇, 失望呀~~ >< 基本上成個餐麻麻, 其實同其他地方食一樣lor~~

上星期約左幾個朋友食飯, 其實唔係特別想黎呢間, 不過要就人口味、地點等等, 仲要有位, 最後就黎左呢度.一行六人坐卡位, 椅同檯之間好迫, 坐得唔舒服. 前菜十二款, 味道偏向清淡, 本來無乜問題, 但連醃津白都味淡, 仲要有少少水汪汪咁. 餐牌上既選擇唔多, 我地又係循例叫埋果d野.燒烤套餐包括牛、豬同雞, 碟牛肉有三份之一都係碎濕濕既, 燒完之後都唔知去左邊; 豬肉同雞肉就唔錯, 尤其是前者, 好入味.例菜石頭鍋飯亦唔掂, waitress擺低之後唔知走左去邊, 過左一陣先黎幫我地分, 又唔問人要落幾多醬. 入口成pat野咁, 又濕又糊, 仲要無乜味, 都算係我食過最難食既石頭鍋飯.年糕餃子鍋無乜特別, 唔難食亦唔算好食.好彩, 炆牛骨煲無甩拖, 雖然肉質鞋, 但肉同蘿蔔都夠腍同甜.我地見餐牌上寫明套餐包括兩人份既湯, 但又好耐都未黎, 咁就搵waiter催下啦. 佢竟然話通常d客叫左湯(指我地個年糕餃子鍋) 的話, 佢地就唔會再比套餐個湯, 如果我地想要都無問題, 不過套餐個湯唔好飲架喎. 下? 咁就真係要見識下喇. 最抵死既係, 我地試完之後一致通過, 套餐果個唔好飲

我同同事去食燒烤午餐,$45一客,前菜很好,很精緻,燒烤D肉都幾好味,可惜份量較少,好像燒幾守片就無晒,此店每人送可樂一杯,D杯放在消毒碗櫃,很乾淨,此店是一間唔錯的選擇,留意下佢地韓國古代D相,幾特別

夜晚放工十點幾,同朋友去食飯,一心諗住食韓國野,於是中左入去...我諗由於夜.餐廳內只有2圍人,所以好寧靜舒適。打開餐牌,韓國燒烤碟碟都100 以上,但既然已坐低就算。兩個人要了一碟牛,一碟雞,2個白飯同一支真露。未上菜,先來了8小碟配菜(我同朋友都冇諗過有咁多）包括辣同唔辣的芽菜，粉絲，什菜，泡菜，青瓜，西蘭花同泡菜餅。可能我比較喜歡濃味的配菜，所以覺得不太夠味。然後上兩碟肉，一般ｓｉｚｅ，心諗咁嘅ｓｉｚｅ，唔好食就唔肯過你．．．好彩！肉醃得好好食，夠味，但唔太濃，肉質很好，再配汁，好好食！飯好軟熟，配烤肉正好！湯則不夠熱，可能太夜。最後係支真露，待應（其實唔知係唔係老闆娘）介紹加青瓜絲，初初飲唔覺特別，只覺得同ｓａｋｅ差不多，但兩小杯後飲到青瓜味，配上真露真係別有清甜味！其他侍應亦很周到，替我們燒肉。是次埋單＄３３０，雖然飽，有ｄ肉赤，但都係值嘅！價錢：牛肉：＄１１０雞肉：＄１１０真露：＄６０（一支）