金龍船海鮮酒家 (已結業)

沒去金龍船一段長時間了，皆因早前食物質素不斷下降，服務不好，地方又不清潔。今次班朋友來我家，原本計劃中午帶大家去吃德記潮州菜，怎知朋友們竟說好耐無一齊飲茶，不如去飲茶。也好，就試試現在水準如何吧。去到不用等就有位，可以選擇坐酒樓內，也可坐室外 (即商場通道，但其實也是自成一角和有空調的)，我們坐進了裡面。環顧四周，部長和員工似乎全都換了，一個也不認得。座位密度和以前一樣，地方算幾鬆動，不會太擠迫嘈吵。不過酒樓的清潔程度似乎和以前差不多，沒有多大改進。叫了一般常吃的點心，味道和用料普普通通，不過不失啦，好就絕對談不上了。相對比較好係XO醬煎腸粉和燒賣，最差係不脆不熱的春卷和不太新鮮的蝦蛟。又叫了魚湯米線，不太好，湯很腥而沒有鮮味。肉絲炒面就好少少，至少夠熱，和茶餐廳吃到的差不多。看看價目表，價錢好像比以前平了一點(不知有沒有記錯，太耐無來了)，那麼雖然食物不出色，但以價錢計還是可以接受的。不過，我個人覺得金龍船位處寶翠園西寶城黃金地段，定位其實可以高檔一點、精美一點，質素夠好的話應該不愁客路，不用走大眾化路線。如今兩頭不到岸，論價錢平不過附近的寶湖，論質素又和平價地方分別不大。這次飲茶本

十幾個同事一齊落黎食野叫左好多點心...以我印象寫底叫左既野︰牛肉︰幾好食，唔錯蝦餃︰皮夠薄同軟，蝦都幾多燒賣︰肥豬肉同蝦既份量幾平均煎蘿蔔糕︰唔太咸，無乜味精，ok wor!蛋撻皇︰個酥皮好香，好食~~流沙包︰甜左d，不過都係唔錯蛋散/炸蛋花︰甜的，有蜜糖黏住，不過感覺煩煩鴛鴦炒飯︰幾好食，味道唔錯，好多蝦，好大碟皮旦瘦肉粥︰好食，唔多味精我地好多點心都叫左幾籠，最後每人65左右

中午沒有很多人，公眾假期下午一點都唔洗等位，第一次來，發覺價錢稍貴。隨便點幾個愛吃的，蝦餃燒賣，菜苗，燒肉，牛腩，鳳爪．．還不錯！燒肉比較好，皮脆肉滑而且熱熱地，但$68太貴！其實不算很特別，跟普通酒樓一樣，但叫做坐得舒服一點，收這個價未免太高了吧！可能因為午市，只是自己TICK紙點菜，所以未領教到下面食評服務的差！但整體都見店員會自動自覺加茶，態度OK!

我從來未去過一間咁差0既酒樓。尋晚同媽媽慶祝生日，點知過咗一個極不愉快0既晚上。以下是與所謂的九流部長對話。我﹕唔該要個龍蝦伊麵!部長﹕要咩底我﹕嗯．．．芝士焗部長﹕指住餐牌，得上湯同金菇兩種(以不屑的態度）我﹕哦．．．咁上湯囉我﹕要三隻乳鴿部長﹕賣哂我﹕寧檸鴨呀咁部長﹕無我﹕椒鹽鮮魷部長﹕無入貨我﹕．．．．．．．．．　（火滾到頂點）咁椒鹽九肚魚呢部長﹕呢個有(但最後都漏單，都唔知真定假)如是者，係叫咩無咩0既情況下，我地免為其難叫咗八個菜。每個菜都少得可憐。燒味併盤的叉燒全部係肥肉，好可怕，美心果ｄ仲靚過佢，佢地仲要賣88碟。龍蝦食唔到d咩肉。我地成個晚飯都食得好唔開心，因為d服務態度超差，燒味併盤唔俾汗，叫人俾，好似認0左你, 但又無咗回事。沖水無人沖，要自己黎。如是者，我地極速食完，連蛋糕都拎返屋企先切。但佢地淨係搵蛋糕都搵0左成十分鐘。點解宜家d酒樓0既服務態度可以咁差，佢地嚣張0既態度，好似我地俾唔起錢食飯咁。係咪唔食海鮮唔食貴野就要咁。奉勸大家千萬不要去呢間黑店。差、差、差

無奈地又來了這間垃圾酒樓飲茶，只因長輩習慣飲茶，但年紀已大，不想去得遠，更不可等位，唯有局住近近地算了。同意其他網友所言，這間野的食物和服務真是差中之差，劣中之劣，但收費又不平宜！我們兩公婆加兩個老人家，叫的點心都是例牌野。蝦餃差到難以置信，又細又不新鮮又不好食，皮一夾就爛，相信是平價雪藏貨，在家叮公仔點心好過佢！燒賣又係唔得，死死實實兼細粒。鳳爪橙色的，賣相嚇死人，當然又係好難食。春卷炸到好燶，又索滿油，死得。稍為見得人的只有個xo醬煎腸粉，不過都係吾夠熱。最後叫埋個炒飯，又係乾爭爭，好難食。話時話，D茶葉也好差，大哥，問下良心，你收我幾錢一位茶？再講服務，叫服務員難過鬼，D侍應行路時眼睛不會望人，話之你舉起手臂係敢搖。同外父要碟辣油，也好艱難！另外，頭先個知客帶入場時也是苦口苦面、無D笑容。員工普遍無mud士氣呢！至於衛生，同樣係好差好差，茶壺外面有漬，碗筷不清潔，各位千萬記得攞個水兜自己洗一洗先。仲有，看看枱布，想嘔！四人食普通野，埋單都要二百八十幾，真係不算平，如果計埋食物服務質素，直情就係貴到無倫！！齊頭俾左三百，個黑衫多頭髮男部長竟然木口木面，cool到痺，多謝都無一聲！！

　　之前，睇報紙金龍船賣廣告有個超值優惠套餐半席為＄６８０蚊..又有汽水同紅酒（半支）送...好似幾低便訂左２０號晚６位啦（報紙標明逢一至五，公眾假期及１２月２１日除外），當晚到達酒家門前還見外面貼上那個套餐的海報...但入內開茶後叫經理點菜單時竟然話今日暫停，之後才在門外貼上暫停字條...當時心諗即係屈人食貴餐傘...雖然不滿但各人都無奈地接受，最後點了個大約千二蚊的套餐...但食物真係不敢恭維..d翅搵條翅都難..其他菜色味道麻麻..最慘係d糖水好似用水溝淡而無味...入面d雪耳原全未煮透干真真...另外一題這裡的服務水平真係唔掂！全程都冇咩待應招呼我地，食完d碟唔到最後都唔收，果經理神日都同d伙計嘈嘈閉...食完真係一肚氣！真係冇下次唔會再黎....

以前金龍船的出品都算不錯, 是西區少有的中價酒樓。但昨天來吃下午茶, 換來”一肚氣”。二時半來到, 居然不用等位, 對面的南北嚼還要等幾張枱 , 星期天下午茶居然還有很多枱 ! 四個人叫了竹笙羅漢齋炒麵(下午茶六折)、炒腸粉(正價差不多要四十元, 而且好油)、燒賣。之前叫了兩個點心都說售罄。叫了白灼芥蘭, 太生, 很硬, 還有菜青味, 唯有要求再灼。三時半左右, 部長把咭拿去埋單, 問還要加食物嗎? 我們說還欠叉燒酥, 他回答說叫了的就會來。叉燒酥一直未見, 部長卻把帳單拿來, 我有點猶豫, 心想點心還未到齊, 先付錢, 不太好吧, 你說會來, 怎保證, 等了一個鐘也沒有來, 所以我拒絶結帳, 部長問還有什麼點心未到, 我們告訴了他, 以為他去跟進, 怎知過了幾分鐘, 另一個部長又拿單來要求我們結帳, 我們再說點心未齊, 之前那位部長在隔壁聽到說, “取消了”, 我說取消了也要來通知一聲, 不是就只拿單來要求結帳, 之後那部長說”賣哂了, 取消了”, 我有點不滿, 表示售完應及早通知客人, 那部長只回答說”無啦無啦, 賣完啦, 取消左啦”。我們一直在等, 又沒通知我們, 其它賣完的點心

尋晚去左飲親戚大壽, 地點就係衣間野.一直以為佢收得都OK唔平, 實有番咁上下質素拉.點知, 又證實左”貴野未必一定係好野”衣句說話.裝修擺設個d 就唔好講拉, 同一般中菜食店差不多.但d 食物真係唔得.主人家揀個d係套餐來的. 包4支紅酒.一倒出黎, 一陣消毒火酒的味道就隨之湧出.教人作嘔.真係唔講唔知佢係紅酒囉...有個XO醬爆帶子.一d 都唔辣, 又無鮮味.得個鹹字.食完之後好口乾, 要不停飲水.仲有個蟹粉魚翅.上枱個時好似被人食完嘔番出黎咁.有幾碗有少少起泡.我食個碗仲勁, 入面有蟹殼.果然係蟹粉魚翅...個炒飯d 飯好難食.咬落去軟中有硬, 不過係唔熟個隻硬...食物唔好食都算, 但服務真係好差:1.條魚佢上完就算, 放低條魚就走左去.見到我地自己起身分魚都唔幫手, 一d 意識都無. 2.上菜勁慢.3.分糖水分到成塊轉盤都係糖水4.最大問題係. 一個房入面可以有大半時間係一個人都無.衣間野, 無論食物同服務都唔值衣個價錢...

26/9於此店享用一個"龍躉乳豬宴"半席,起初冇咩問題,食到一半就開始不停聽到有人用粗口罵D待應同部長,起初仲以為係有部份食客唔滿意出菜慢而對D待應同部長開口大罵後來先知道開口罵個位係此店經理.初初不以為意,因為其實佢地上菜速度都唔算慢,但係話口未完我個圍同隔離個都開始停上菜,當我地追菜個時,呢位粗口經理就過黎話幫我地跟(禮貌已經係唔好). 點知佢呢頭話跟個頭就走去serve另一客啦,唔緊要啦,鬼叫個叫d貴d咩,於是咪叫個路過部長跟,個路過部長係有跟,d亦都開始上(其實食剩2個之嘛)點知黎就黎左個乾燒伊麵. 1. 菜單上冇呢樣, 2.菜單上寫應該係"三文魚石窩湯麵"喎,咁路過個位部長又行過咁當然問佢係咪上錯菜啦,個部長睇下張單再睇下碟麵就同我地講話上錯,而家同我地換,點知咁個粗口經理行過就截停佢,跟住又返個碟乾燒伊麵俾我地,話d三文魚變左又話呢樣個樣,要我地要左碟麵.我地個同隔離個當然唔高興啦,有部長見到我地2都係咁就拉左個經理細細聲咁唔知講左d咩,最後只係個經理又爆粗咁講怕咩投訴,唔"x"鐘意咪炒我囉.嘩....聽到佢講呢句,以後都唔去金龍X食飯,以為呢d只會出現係d部長同待應口中者

今日有個同事last day，老細好好人咁訂左4圍，在午膳時同果位同事farewell。成餐飯主要分開點心、小菜同埋炒粉麪飯。先講點心：唔係好得，隻唔知乜野餃都唔知係唔係用漿糊做，痴埋一舊一舊，搞到個個放落個碗度既時候都唔係一隻餃；燒賣上面唔知係鮑魚定係鮑魚菇，我地研究左好耐都唔可以肯定，只係知道無乜味道，好似舊擦膠咁。其他點心都無乜特出既地方，食完都無印象。反而小菜有d驚喜：炸子雞炸得恰到好處，皮脆而肉滑，唔錯！金銀蛋莧菜用煲仔上，份量唔算小，夠味，菜夠甜夠嫩；有一個竹笙唔知乜野瓜，夠鮮甜，連我平時唔多食瓜既食左好幾舊。不過果度d服務真係超唔得！好似同我地有仇咁！d侍應上菜時係咁隊上張枱就算數，d野食就飛哂出黎，收碟既時候又將d汁滴到四圍都係！最差就係沖水唔出聲，一野就從你身旁隊個壺埋黎，有幾次差d淥到人......炒粉麪飯都唔錯既，整體d食物都ok 既，不過俾d服務質素拖低哂。今餐平均每人：多謝老細！

之前試過幾次午市~ 價錢係呢區算係幾貴~ 點心唔得~ 表姐食左舊小龍包之後吐左出黎~所以都再無去飲茶~之前父親節~ 就下婆婆公公~ 去近少少~ 試下佢地既晚市~ 叫左個25頭鮑魚撈飯套餐~ d野食都幾好~ 鮑魚都憫得幾夠時間~ 魚都好新鮮! 爸爸連頭同骨都吮埋~ 蟹王翅都有好多翅~ 幾爽~ 樣樣都好大分~ 大蝦沙律都幾多蝦~ ^^ 我地唔鐘意食木瓜湯水~佢肯轉楊枝金露比我地~ 不過我食到有廁紙-_-" 同個侍應講佢竟然一手拎走左張廁紙~ 然後即刻換個碗比我~但係可能當晚太多人~ 出菜有d慢~ 同埋有人擺酒~ d台要坐到出商場~ 加上唔係好夠凳~ 要坐商場提供既凳~ 唔係好舒服~6個人埋單$1200~ 都ok~

the worst attitude ever met in the HK restaurant... the captain kept selling the dinner set & seafood dishes & seemed to be disappointed & frustrated after we decided to order a la carte without seafood dishes !!We waited for more than 45 mins for the dishes to come out (it seemed to be some kind of punishment for not ordering the expensive dishes) & all the dishes were tasted soso, & the soup tasted like water ...

男友有張果d奶凍券，本來限期係2006年12月31日，咁因為佢d餅店，得翻無幾多間，咁金龍船，從善如流，可以讓客人係酒樓用。咁我地決定用黎飲茶。平日黎，都我係太多人，呢度都幾好坐，勝在樓底高。我地點了午市$98套餐，包三個點心(有約十款任選)，另可選一樣粉麵飯，其實我地想食生炒(米需)米飯，所以揀呢個套餐，另外套餐包一個菜，我地點了金銀蛋浸spinach。三個點心，我地點了雪山叉燒包，排骨同上素粉果。雪山叉燒包，非常好味，包面的一層脆脆的，叉燒餐包非常軟熟，美味。上素粉果亦很好，餡料切得非常幼細，皮亦薄，好味。金銀蛋浸spinach，黎時嘩一聲，用鍋仔上，幾好。生炒(米需)米飯，呢度係我地近來食到的比較有水準的(米需)米飯，飯身唔太硬，又唔痴埋一齊，幾好，又有口感，又好味。完來張奶凍券值$56. 幾好喎!

呢度既食物唔算突出, 要評既話只可以講句唔太差!不過我最唔鐘意呢度既裝修,太多白色, 又無咩特別既擺設,就咁睇上去都幾細,單調得黎, 好似擺緊解穢酒咁, 所以我勁唔鐘意呢度!!坐係度會好悶果d ,其他酒樓都好熱鬧, 呢度空間樓底雖高, 不過地方細!!食物點都好, 咁恐怖既地方, 我唔會再黎!!!

自從母親節食過飯後,都有幾個月冇去過西環果間金龍船酒家啦，可能個次去太爆總係覺得服務同出品只係一般, 但剛巧上星期我老細生日請哂成班同事去食飯本來不抱住任何期望純粹諗住捧老細場俾面派對, 真係估唔到竟然有意外驚喜, 今次去仲識埋個位女經理, 嘩佢熱情同專業既服務態度簡直一流,呢樣都未算呀, 我個人最為食最注重都係D野食, 我地食左個近排新出果個價值2180 (12人用) 既火朣鮑翅餐, 嘩樣樣都好好味真係超水準剩係個火朣雞燉鮑翅已經值回票價, 計落就算搭棚仔一人200蚊都有找呀, 就連一向最口刃麻煩既秘書小姐都贊口不絕簡直奇景呀, 有咁筍既野無理由唔醒下大家既。