金龍船海鮮酒家 (已結業)

令人失望的金龍船(寶翠園西寶城分店)投拆：(1)明明訂了枱8點，準時去到仲要等9個字。(2)8點9終於有枱，點了菜後，成$1800一圍菜，又要等成半個鐘才有第一道菜上。(3)9點3了，第一道菜"乳豬全體"是只有豬頭加12片乳豬件，沒有手手腳腳，豈是全體嗎?(4)第二道菜又等了半個鐘，是9點9了。但這個海鮮沙拉卷是用兩隻細碟上菜，個待應十分鑑介地話方便夾，根本就無人洗碗，因為四處的吉枱無人收碟。(5)之後每遁菜上的次序是亂上的：第三道上的竟是尾升的炸子雞。(6)上到雞湯翅時己是10點半，但個雞湯是無味，一飲就知係溝咗水。(7)食到11點，仲要吹先有抄飯及抄麵。(8)埋到單已是11點半了......唉

其實去過幾次飲茶, 因近就腳無計. 星期日算好彩唔使點等位, 如果要等位既時候真係要加倍小心事關佢地d帶位小姐會俾左d位一d佢地既所謂熟客仔先.其實此店d點心都ok, 特別係昨天我食既炸鯪魚球, 碟蜆蚧超大碟又好味; 鯪魚球粒粒都好大好正.價錢都唔貴, 算抵食架. 不過真係好希望佢地d服務有所改善.

上星期三晚同屋企人0黎食閑日夜晚的特價自選4人小菜套餐。原價$459,特價$321個套餐包5小菜+1個魚翅羹當晚點了的東西如下1) 蟹皇翅(4位用)這個翅非常出色!份量差唔多有6碗。好味!有好多魚翅同埋蟹肉!(2) 士多卑利骨酸酸甜甜幾醒胃口﹐不過有少少"un"(3) 黃金海圍蝦用鹹蛋王炒﹐好香口。D蝦唔係0甘大隻(4) 日式雜菜煲算足料﹐不過味道稍淡。清清地(5) 清蒸海斑條魚幾鮮味﹐幾滑(6) 雙菇蝦仁帶子這個味道中規中矩整體來講﹐味道OK﹐份量中等﹐4個人食一定飽。唯一美中不足0既係D小菜唔係0甘夠熱﹐這個扣了少少分。套餐+白飯1晚+茶介+10%+TIPS = $410

尋日同幾個同學落0左去飲lunch 茶.第二次0黎, 發覺d 點心非常麻麻. 味道好一般, 份量好細. 小菜反而好d, 金銀蛋莧菜幾好食.環境都係一般酒樓咁啦, 唯一好少少的係d 茶客generally 都係斯文的上班一族, 唔會bi-li-ba-la 嘈冤巴閉-_-Service ok, d staff 幾responsive, 有禮貌的.平平庸庸咁都唔係壞事0既, 相信佢0既target audience 都唔大, 要做得住, 相信唔係太困難.

價錢唔算平但係服務唔好, 侍應唔禮貌.

05年12月的事:同朋友& 佢family + relatives total十幾人食lunch. 食物都ok. 但埋單埋左半個鐘, wasted our time! 之後睇返原來佢地計少左幾碟, 收少左百幾, 咁都冇咁慶

今個聖誕,盡在工作中度過,係正日當日,去左飲餐滿月酒, 地點在西環西寶城金龍船.基本上飲宴萬變不離其宗,乳豬蒸魚美點雙輝唔少得,今次最驚喜,就係有籠仔糯米蒸蟹.個飯好入味,蟹肉好新鮮,只係肉質唔夠肥美.耳邊傳來名曲滿天星,伍姑娘老翻Wham 經典作Last christmas.雖然唔係George Michael,但一樣感覺到窩心盅然的聖誕氣氛.聖誕節理應大團圓,不是嗎?

今日四人行, lunch 去飲茶, 點o左幾籠點心:1. 叉燒包: 肉香多汁2. 鮮竹卷: 有上湯浸住, 不過冇人飲o個d 湯, 咸淡適中, 又唔會有太多肥豬肉。3. 蝦米腸: 淋o左豉油都仲係覺得好淡, 但係d 蝦米都幾大粒。4. 油菜: 一般, d 菜唔係太老。5. 金錢肚: 一般, 唔會太un。6. 蒸素餃: 因為冇肉, 加上蒸ge 關係, 結果d 餃淡戊戊。7. 雞粥: 好大碗, 好夠料; 有冬菇、大概十件雞。最後, 叫o左個鮮蝦荷葉飯。個荷葉飯比d 荷葉包住, 掲開荷葉, 喜見五六隻大蝦同蛋絲舖在肉粒炒飯上面。d 蝦好爽口, d 飯咸淡適中, 讚!埋單$260 左右

同屋企食晚飯多數都會幫親，平均二三個星期去一次，都算係家庭食堂。服務一流(睇你識唔識做)，地方都幾好。菜式無論貴賤都見得下人，金牌食品就有"蟹皇翅"，色香味齊，我婆婆最鐘意食，每次都係首選，散叫或套餐都抵食，去親唔食就等於無去。燒味就千祈唔好order，，一碟得五塊6 個人都唔夠分，已經叫併盤，成廿幾蚊一塊，街市十蚊有一條呀，好味過。海解叫大蝦就ok，中蝦時不時都叫人失望，其他海鮮水準都合格。時不時推出低食套餐，千二三蚊樣樣都有d ，6個人食。<br />家住簿扶林，聽到寶翠園開左間金龍船都唔知幾開心，但好可惜佢地d 服務比較差，有d 菜要早幾日訂定，試過order 左到時都冇得食，貴菜改平菜，一早又唔講，上菜時就搵個部長黎上跟尾就講唔好意思，好似畀佢呃左咁，結賑時銀碼仲唔改。所以畀佢呃左幾次就發誓，以後唔幫親寶翠園分店，都係上環分店有水準。