金鶴拉麵 (利民大廈)

營業中

休息中

無意中發現到嘅拉麵 超高質！夠濃郁又可以清碗～唔知大家有冇喺出邊食過其他拉麵係就好濃郁但個湯底嘅texture 實在係太膩太重味 飲幾啖湯就夠皮‣ 呢間主打極濃•雞白湯 啱啱好嘅口感 一啲都唔油膩！#空碗無問題 👍🏻➊ 北海道蟹湯拉麵🦀勁多蟹膏喺面 湯底非常香濃 好鮮味 ➋ 🌶️香辣豚骨湯拉麵辣油一啲都唔膩 配上豚骨湯 真係好正 飲完一啖又想再飲多啖嘅湯底!!!叉燒/雞肉非常嫩口亦唔肥 糖心蛋啱啱好完美流心🍳➌ 串燒 ( 黑椒牛舌 / 雞腎 ) 有少少對比下去 比較韌咗少少 同埋好薄身➍ #一番搾り #KIRIN 🍻新會員加$10就有得飲 draft beer!!! 旺角分店都開得比較夜到凌晨兩點夜晚去飲返個熱湯啤一啤好爽🍺下午茶14:30-1600同晚上20:30-02:00 仲有八折～大概有五間分店行會員制度，每次食都可以儲分，之後用嚟換返一啲小食或者飲品😋

好耐冇寫本地食評， 因為成日飛左今日旺角睇完醫生，行過先達見到呢間拉麵做緊午市特價， 就試下啦⋯⋯叫咗碗香辣豚骨拉麵，豚湯濃郁冇味精木耳絲夠爽口，拉麵夠粗夠掛湯兩塊叉燒都夠大嚿，淨係唔夠肥，乾左啲即刻下載加入成會員，送100分可以兌換糖心蛋， 免費都煮得咁靚， 值得一讚。另外，要多多讚嘅係服務態度！ 食得拉麵都預咗冇服務， 自己斟茶自己飲估唔到坐低即刻有熱茶飲，唔夠半杯，就已經再幫我refill，好細心。下次要試濃湯白雞拉麵！

第一次嚟依間 之前上網睇左好多食評因為我本人鍾意食麵多過食飯🤣 所以好多都係食麵網上啲評價都好壞參半 抱住開盲盒嘅心態去試 但又唔係差😂有驚喜我同朋友都係蟹湯 $138 我掙扎左好耐蟹定雞🫣🫣因為雞湯好飲真係好少但蟹就一定穩陣 少有伏😂經過之前一次雞湯嘅陰影 我都係揀左蟹😂😂😂😂 下次我會鼓起勇氣試雞湯😂一上枱 個湯好白🫣🫣一食好有驚喜 好滑又濃又唔會太咸 麵底算合格唔會太淋身 麵叫掛到湯但啲木耳真係多到傻😨食極都有 我都撩左半匙出嚟 真係太多 我頂唔順🫠🫠🫠個湯暖(◐‿◑)如果可以再熱啲就好啦啦啦～～本身個湯幾濃 所以會有啲漏 最好食完飲返杯茶小食叫左有牛舌，五花腩，明太子雞翼 無咩特別 正常嘢～😂錢都唔記得

今日到訪依家別緻嘅拉麵店。這家店位於旺中帶靜的通菜街。店的裝修滿有日本feel, 座位也不會好擠擁。雖然這間是拉麵店，但這裏也有鰻魚飯供應。拉麵嘅湯底除咗基本嘅醬油湯以外還有主打嘅雞白湯、龍蝦湯和蟹湯等等，價格由$138至$198。極濃龍蝦湯拉麵$138（不加配龍蝦尾）這拉麵的龍蝦湯真係幾正，湯汁味道濃郁，口感香滑，有濃濃的龍蝦鮮味，味道鮮甜。叉燒是薄切，肉質軟嫩，半肥瘦。而溏心旦是醬油漬的，口感creamy 帶醬油味；而那拉麵十分軟滑，掛湯力也不錯。朋友點的鳗魚飯幾正$238，但忘記拍照。雖然製作需時，但是物有所值。鰻魚是厚切，即點即燒的，鰻魚口感具彈性，加上甜度剛剛好的醬油，帶些焦香，配上鳗魚汁白飯，正！

😶星期日下午去食，冇乜人可以直入，叫咗雞白湯拉麵同蟹湯拉麵，嚟到冇驚喜，可能見食評咁多人話好食，期望高咗。🍜雞白湯拉麵（$98）食落就覺得冇乜特別，都係平時樓下拉麵咁，普通一碗拉麵，雞白湯比較稀，味道平淡，冇需要特登過嚟食。🍜蟹湯拉麵（$138）有凍嘅蟹肉碎，朋友話味道都係正常，湯底似合味道嘅味，所以冇乜評價。總括嚟講，正常拉麵，食過一次唔會再食，性價比低。。。呢個價錢喺旺角可以食到更好嘅午餐

上網見人推介，咁啱又想食拉面，就去咗試吓，將結果攞前面就係不可一，不可再，貼錢買難受。先講食物，嗌咗一碗濃厚雞白湯同辣豚骨湯。豚骨就普普通通冇咩特別。鋪頭主打既雞白湯就經典，一飲落口就係cream味，然後就沒然後了。再講服務，廚房2個大師傅想做又唔想做咁，樓面2個姐姐又唔知自己做緊咩。一入去已經嗌咗2碗面，等好耐都未來。之後入尼既情侶嗌既食物，串燒都來齊，我果2碗拉麵都未有影。問個姐姐我仲要等幾耐，點知佢叫第二個姐姐尼答我幾分鐘？？咁係咩意思？？仲要覺得係我有心玩野？？廚房2個大師傅又係，跟入單既次序煮野有幾困難？？成間鋪頭既感覺就係想做唔想做，不可一不可再！！

一直都未試金鶴拉麵，今日終於約埋老公出嚟撐枱腳。嚟到梗係要食佢最出名嘅招牌菜式，極濃龍蝦湯拉麵，湯底果然濃郁。其實加$60仲可以配有一隻龍蝦尾，見到隔籬枱啖啖肉食得津津有味，下次都要再加。北海道蟹湯拉麵湯底呈現奶白色，感覺特別暖笠笠。一大份嘅蟹膏蟹肉放在拉麵之上，真係非常香口。兩款拉麵都配有半隻流心蛋。仲有慢煮嘅叉燒，薄切嘅叉燒令口感更嫩滑。當然就唔少得紫菜，浸過湯底嘅紫菜，真係好似打邊爐嘅響鈴咁好味。另外我哋仲揀咗鹽燒五花腩，呢個價錢有兩串都唔錯。而且每塊都燒得甘香，近皮嘅位置仲燒得脆卜卜，食起上嚟唔覺油膩。

旺角返工真好，勁多美食。口痕想食日本嘅拉麵，喺門口就俾呢個雞白湯吸引咗入去🥢🔸金鶴 雞白湯拉麵 $98KaneTsuru Chicken White Soup Ramen我自己叫咗碗招牌🎖️雞白湯拉麵，低溫慢煮雞肉，超滑嫩，拉麵必配嘅豚肉叉燒，爽口湯底係骨膠原十足嘅雞湯🐔（ 聽講係用原隻雞烹煮8小時以上，健康養顏）🔸北海道蟹湯拉麵 $138Hokkaido Supreme Creamy Crab Soup Ramen 老公鍾意食蟹，叫咗碗超人氣🥇蟹湯拉麵啖啖蟹肉 🦀+ 北海道直送花咲蟹湯鮮香濃郁口感，每一口湯都食盡蟹嘅精華再加上爽口豚肉叉燒，食哂成碗飲哂湯，超滿足👍🏻即場下載佢哋餐廳嘅Apps📲登記做會員📝仲可以免費🆓換領糖心蛋🥚或者可樂🥤好抵啊！！

餐廳主要提供雞白湯拉麵、活燒蒲燒鰻魚飯及多款串燒。極濃雞白湯拉麵 賣相幾特別，牛蒡炸得微脆微甜。兩片慢煮雞肉及豚肉肉質腍軟。糖心蛋蛋黃呈半熟狀態。湯底奶白飲起來超濃郁，微微黏口。拉麵是曲麵，麵質彈牙且掛湯。香辣豚骨湯拉麵 豚骨長時間熬煮的湯底，入口先辛後辣，辣感層層慢慢提升，相當刺激。配料同樣有雞肉、豚肉及溏心蛋。照燒黑豚肉腸 肉腸慢火兩面煎香，皮脆肉嫩，肉汁滿滿。照燒免治雞肉 加入雞軟骨的免治雞肉，食起來有口感。

喜歡這 小店拉麵 ，因為價錢合理而且份量都夠飽有餘，湯底不油身。款式選擇不少仲有串燒，坐得都舒服，所以有時經開旺角想食拉麵，都是不二之選醬油拉麵醬油配鰹魚湯味道不會太濃但飲到魚的鮮甜味，朋友叫的是雞白湯拉麵，雞味濃而清新，口感不杰身剛好，配上炸牛蒡絲不多地方有，口感微脆不油身慢煮雞肉和豚肉义燒是我喜歡食這間其中一個原因，感覺比較瘦肥肉不多，但又不會硬身保持到軟熟，每碗各有2片份量都不少，沒有多餘醬汁反而食到食物本身味道和沾了湯味道剛好麵質都可以，不會太淋身有到少少彈牙感串燒叫了雞肝和豬頸肉，燒得剛好又不會太乾身，醬汁味都幾濃幾惹味

📍如果行開旺角想食拉麵 都會諗起金鶴🫣 不嬲都好鍾意佢嘅雞白湯湯頭 今日想試下其他 就揀咗蟹湯拉麵! 幾鍾意有全份及半份選擇 啱曬胃口細嘅女仔～🌀 北海道蟹湯🦀拉麵用上大量花咲蟹敖製出嘅湯頭鮮甜濃郁 散發濃烈嘅蟹香 湯頭打至起泡 口感上頗為Creamy 麵質較為粗身彈牙 撈上拆肉蟹肉 相當滋味!

🌟同朋友來到旺角行行吓街想食拉麵，決定去「金鶴拉麵」呢間我去過銅鑼灣好正，呢次試吓旺角分店。甫進入店內，日式嘅裝修，日文歌嘅背景，好有風味。***** ***** ***** ***** ***** 極濃雞白湯拉麵$138湯底順滑濃郁，雞湯呈奶白色澤，入口清甜不油膩，叉燒肥瘦適中，咬下去肉質柔軟，仲有兩片慢煮雞肉，非常軟腍有驚喜；清甜雞湯混合叉燒和雞肉嘅油脂甘香，最後要清曬碗湯先收手，仲有炸牛蒡好味又健康。黑蒜醬油拉麵$98🍜聞到濃郁黑蒜油香味，麵質幼身彈牙，浸泡濃湯入口香濃，層次豐富；糖心蛋🍳煮得剛剛好，蛋黃是流心超正😋仲有兩大片紫菜伴碟，超正。最後食埋🥟日式餃子$38，完美的一餐。

好多年前佢岩岩開果排食過之後都覺得佢既雞白湯幾吾錯，隔左幾年再訪，質素都依然保持倒🙂旺角店比佐敦店大，仲有卡位，幾闊落.👁‍🗨極濃雞白湯拉麵(7.5/10)💲138 (全份).➰叫左先發現有全份同細份揀，全份份量都真係幾多，飽到食吾哂😂佢既雞白湯同個名一樣咁濃郁，好creamy，但係又吾會覺得膩，感覺滿滿骨膠原🥹隻溏心蛋夠哂溏心，配有既炸牛蒡絲亦都炸得好脆🤤仲有大大塊既雞肉同豚肉叉燒，兩者整得嫩滑腍身，拉麵掛湯.👁‍🗨黑蒜醬油拉麵(7.5/10) 💲98 (全份). ➰黑蒜醬油比較重口味啲，黑蒜既味道好突出，拉麵份量一樣麵係咁多，同樣有一隻溏心蛋，雞肉同埋豚肉叉燒，不過就多左塊紫菜，少左啲炸牛蒡絲咁，同樣出色.👁‍🗨日式餃子(7/10) 💲38. ➰餃子有四隻，煎得夠香脆，入面滿滿餡料，食落都吾太油膩係重點啊😃.🔛 整體評分（7.5/10）

一向對拉麵都情有獨鍾，啱啱去完日本九州旅行✈️，好掛住當地嘅拉麵🍜，所以最近返香港都成日食唔同嘅拉麵。 嚟到金鶴拉麵一定要試佢哋嘅招牌雞白湯拉麵🐔，首先講下個賣相，拉麵上擺放炸過嘅牛蒡，望落成碗拉麵好似好澎湃咁🌊。湯底就真係無得頂，湯底呈乳白色，以日本赤雞熬製 6 小時而成，湯上更有一層細緻泡沬，綿密濃厚嘅湯底，不但令每一啖拉麵都鮮味十足，而且更令麵條質感更幼滑。食完個拉麵都真係忍唔住要飲晒成個湯底。 除咗湯底，拉麵中嘅雞肉，亦絕不馬虎！雞肉以慢煮嘅方式烹調，不但令雞肉嘅肉質超級嫩滑，而且肉汁豐盈，配上拉麵及湯底，真係無得輸。 朋友揀咗黑蒜醬油拉麵，賣相都相當之吸引，有2塊鹹脆紫菜🧂、嫩滑溏心蛋🥚、木耳絲、京葱同大量蒜片和黑蒜油🧄，味道香濃。除咗叉燒之外，亦可以品嚐下佢哋嘅雞肉。  除咗拉麵，大家不妨試下佢哋啲串燒🍢，鹽燒五花腩肥瘦適中，嫩滑多汁，加少少檸檬汁，真係滋味十足！ 雞皮燒得乾身又香脆，食落脆卜卜，比起日本更加好食。

隨意走入這間拉麵店，店內裝修舒服整齊，店員亦都非常殷勤，服務非常好！叫了主打的極濃龍蝦拉麵，龍蝦先甜，湯底濃郁，拉麵軟硬適中！另外也叫了極濃雞白湯拉麵，雞白湯拉麵令我們非常意外，雞湯非常鮮甜，雞肉非常鮮嫩滑，拉麵的軟硬度適中，叉燒也非常美味，叉燒肉非常嫩滑，比起一般其他拉麵店的嫩滑十倍！整個拉麵都十分滿意！湯很好渴，整個湯都喝完！兩個拉麵的溫泉蛋都令我們感到10分意外，溫泉蛋非常好吃，半熟蛋黃配合濃郁的湯，簡直是絕配！