金鶴拉麵 (蜆殼街)

營業中

休息中

拉麵時間🍜•金鶴雞白湯叉燒拉麵濃濃清甜既白雞湯 好關注湯底既我直頭一飲再飲烤牛蒡好脆口 叉燒好嫩滑整碗拉麵都好滿意 好味絕對一食🧡🧡🧡🧡🧡🧡🧡🧡🧡🧡

🍜 #天后 #金鶴拉麵今晚又去咗炮台山做運動，之後朋友想食拉麵，我哋就即刻去咗呢間「金鶴拉麵」😚 我哋喺佐敦食過一次覺得好好味，終於想食😋！🐥 雞白湯拉麵 （$98）雞白湯拉麵有兩大塊慢煮雞肉，肉質比起其他日本餐廳算好嫩滑！ 加上雞湯超濃郁，唔覺唔覺就飲到勁飽😆 拉麵仲配有牛旁同溏心蛋添😚🦀 北海道極濃蟹湯拉麵 （$138）好多蟹肉！除咗面嗰座山嘅蟹肉，個湯入面都有㗎，而且仲鮮嫩可口😚 個湯勁濃郁勁鮮味，仲配有一大塊好味唔乾身嘅豚肉叉燒，同兩塊紫菜、溏心蛋🥳🍳 溏心蛋 （$15@1）我哋兩個勁鍾意食蛋，所以又加咗😆 溏心度啱啱好，超好食🥺💓💓

鹽味拉麵 $88 ，原來食個拉麵要加一，所以埋單$97湯好清無油，雞肉同叉燒都好瘦但唔韌，絕對係減肥人士之選！一啲肥膏都無，好難得有咁健康既拉麵！減肥唔等於咩都唔可以食嘛，有多個健康選擇比大家，依然可以出街覓食，同朋友食飯，唔錯呀。佢有個app可以儲積分，1蚊1分, 新會員登記就會送100分，已經可以換到汽水/溏心蛋一份。我見其實1000分已經換到碗拉麵，都唔係難。bar枱佢個小新日本屋模型，幾得意的~~

物有所值、一分錢一分貨、真係要自己去食才可領略啦~只想有一個二人靜局飯聚, 去炮台山附近尋覓就最好, 起碼唔會限時趕客。見餐牌第一頁, 介紹了北海道蟹湯拉麪$138, 好似索價偏高, 但再細看介紹, 原來係用咗北海道嘅花咲蟹, 此蟹肉不多, 但鮮甜無比, 既然又不能去日本, 就立即叫一碗來嚐嚐吧!嘩, 此麪出場, 香味飄揚, 一見濃稠奶白湯頭, 即刻忍唔住飲一啖, 真係鮮甜無比, 更難得係完全無腥味, 而且蟹肉多到可以夾起黎, 一口一口地食添, 每一啖麫都掛哂蟹湯汁, 滑溜非常, 哈哈, 🤣🤣只顧住不停食不停食, 完全無閒傾計呀!笑死人,,😍😍之後才一路傾計, 一路點些小食:明太子雞翼, 係我至愛, 明太子微辣, 雞翼燒得剛好, 金黃色的, 見到都心心眼👍🏻👍🏻燒一碟多春魚, 每條都係滿滿多春, 正😋仲有佢哋嘅醬燒黑豚肉腸燒得靚之餘仲好好味，有D似台灣腸嘅味道👍🏻最後就梗係要叫番個日式餃子才有圓滿感！不過，記得叫依款啤酒黎配燒物，絕配啊！順帶一提，燒物烤得好靚，價錢亦好抵食呢👌

第一次黎到位於天后既金鶴拉麵，當然要試下佢既招牌啦。個招牌拉麵印喺set lunch menu 上，叫金鶴雞白湯拉麵。加少少錢就可以擁有其中幾款小食，但係我冇加到。由於做緊會員優惠，所以新登記嘅會員只要出示QR code就有免費一罐可樂。身邊嘅朋友反而叫咗一份炸雞，慶幸我都可以識到。熱辣辣嘅唐揚炸雞，浸落少少麵湯再食一啖，外脆內軟嘅雞有着雞湯嘅鮮味。咁既食法真係令人回味無窮。個拉麵等咗差唔多15分鐘就已經上枱。拉麵上面有大量加牛蒡做裝飾。脆卜卜既牛蒡浸落湯度比起齋食更加好味。麵中間有兩塊雞胸同埋好大塊嘅叉燒。我認為叉燒係肥瘦適中。比其他拉麵店嘅叉燒切得更加薄，但係好大塊。兩塊雞胸比較嫩滑，一咬落去係食到好淋嘅口感。麵中間有糖心蛋，一啖麵配一啖糖心蛋真係好正。雞湯其實比較濃稠，飲太多會覺得比較肥膩。總括嚟講，人均$100嘅拉麵店呢一間算係超高水準，值再三回味。

生日月份之飯聚太多，最後一彈約左個中意食拉麵既朋友gathering上網俾我見到呢間大家都推薦既濃湯拉麵店，好奇一於試試佢 📌期 間 限 定 -▪️ 北海道極濃蟹湯拉麵 - $138佢既蟹肉份量十足，湯底入口濃香幼滑，我仲覺得有少少蟹肉既甜味📌朋友就叫左▪️ 經典之作「金鶴·極濃雞白湯拉麵」 - $138雞肉鮮嫩入味，炸牛蒡絲幾有驚喜，爽口又甜甜地，中和左雞湯底既濃味重點湯底: 幾時都話食，最重要就係個湯底而佢D湯底已經唔係濃味咁簡單，直頭係超濃味。😝本身擔心拉麵湯底會太鹹太多味精，但我同朋友都完全唔覺。相反黎講個湯底濃郁得黎又唔會太咸，湯底都飲左好多。完全想像到師傅係材料淆制時既用心。👍🏽💯配菜:而溏心蛋流質狀態剛剛好，又入味口感相當滑溜，叉燒厚度適中，而麵配搭黑木耳,紫菜等等口感層次配搭得都好好食！麵條:非常有咬口，就算浸耐左相都唔會淋哂份量:加哂分，勁多麵，我同朋友都食唔哂，大胃口既人黎食都會夠飽 小食: $38叫左一份炸雞,我就覺得炸得中規中矩啦，不過雞肉好嫩滑juicy，還不錯啤酒: $58因為我唔中意苦既野，但好奇偷左朋友一啖雪松beer試，竟然都幾易入口拉麵店仲有外賣服務，

上次禁堂食前食過外賣😚，一直都想睇下堂食靚靚咁會唔會仲好食，今次終於的起心肝食。 鋪頭雖然唔大，但環境寧靜，燈光昏暗有feel😊職員服務都好好🤝極濃雞白湯拉麵 $138💁‍♀️雞湯底超級厚身、濃郁香甜，呢間真係湯底好正。堂食會有個好靚嘅牛蒡裝飾，之前外賣無得食，依家喺翻度，靚哂😂。雞肉同配料份量都夠多。 北海道極濃蟹湯拉麵🦀 $138呢個蟹湯都好濃稠，蟹味喺湯汁之間爆發出嚟，用嚟做湯底真係奢侈🤓入面仲有無限軟綿綿嘅蟹肉，鮮味同口感都十足💟。 麵條蛋味充滿，不過個人偏好再硬身少少🤏🏻。兩個湯底都好食，但唔知蟹湯會唔會係期間限定，所以都值得試。

過咗嚟港島返工差唔多成兩個月, 工作開始順暢好多, 放工有心情搵吓美食.女友小熊今日係太古收工, 之後連放四日大假, 佢就更加有心情去搵美食.佢問我過北角方唔方便, 因為佢想去金鶴, 佢話掛住個濃湯. 話時話, 都有一段時間無落去金鶴嘆吓個濃湯, 於是決定今晚落金鶴開餐, 先發現原先打算去嘅北角店已經無做, 好彩行過兩條街嘅天后店仍然營業.行到入店舖, 環境極有日劇 "深夜食堂" feel. 而且播放一首極冷門嘅日劇 "Over time 三十拉警報" 主題曲, 突然間好似身處日本D後巷街頭.上一次幫襯, 期間限定嘅炸軟殼蟹拉麵已經下架, 換嚟嘅係鯛魚拉麵, 小熊話點哩款, 而我都係點翻極濃蟹湯拉麵.鯛魚魚肉嫩滑無骨, 魚肉鮮甜, 相信材料新鮮先咁鮮甜.好驚D蟹肉放湯後會沖散到無影, 所以嗱嗱聲食哂D蟹肉, 蟹肉份量唔算少無偷工減料, 味道同樣鮮甜, 拉麵麵身彈牙之餘口感比較硬.對我哩講, 成碗拉麵, 湯先係主角, 拉麵掛滿濃到不可再濃嘅湯, 每次都飲哂D湯為止, 濃郁得離唔會太咸, 唔係食家都飲得出顏色偏白嘅湯頭花上唔少心機時間同材料淆制, 一飲難忘.講完拉麵, 轉為講吓碟炸雞, 炸

呢日鰻魚癮發作，諗起喺《金鶴》食過番尋味嘅鰻魚串燒，今次一於試吓佢個”活燒蒲燒鰻魚飯”先嚟到拉麵店，落單前都望一望個拉麵menu，睇吓呢期有乜期間限定款式，限定款式暫時仲係：”北海道極濃蟹湯拉麵” & “鯛魚·雞白湯拉麵”，呢2款之前都試過，於是我就疊埋心水order鰻魚飯，再加多個”活燒鰻魚肝照燒”而鍾情拉麵嘅友人今次就揀咗”黑蒜醬油湯拉麵”🔸活燒蒲燒鰻魚飯鰻魚外層焦香，肥美肉厚，肉質緊緻鰻魚汁嘅調味恰到好處鰻魚飯嘅鰻魚份量係鰻魚串嘅3倍😍😍😍《金鶴》嘅鰻魚出色之餘，水準亦非常穩定呢次再度令我～大大大🈵足～🔸活鰻魚肝照燒鵝肝、雞肝串燒就食過，鰻魚肝第一次食內臟味都幾重，算係幾特別，鍾意食內臟嘅朋友可以一試🔸黑蒜醬油湯拉麵上枱時已傳來香蒜醬油嘅濃郁香味拉麵水準穩定配料豐富：叉燒、溫泉蛋、紫菜、筍絲、蔥鰻魚控非常滿意呢晚嘅晚餐～ 💕💕

實在太過多拉麵🍜選擇，終於終於有機會食到呢一間久仰大名嘅白雞湯拉麵店。由於太夜收工近22:00，人潮已經散去，唔駛等位，就咁被安排坐在bar枱位置☺️———————————————————————————.🥢極濃白雞湯拉麵🍜💬首嘗一定要試呢碗招牌拉麵🍜，炸牛蒡絕對係浮誇嘅吸睛位，香脆又多份口感；湯底經過多小時用赤雞熬製，再用攪拌器打至杰身達至濃郁效果，保證唔油膩；兩塊慢煮滑雞柳加一塊豚肉，有別於其他一貫嘅作風☺️.🥢黑蒜醬油湯拉麵🍜💬醬油配上黑蒜油香而濃郁，同白雞湯拉麵一樣，配料同樣有溏心蛋、紫菜、慢煮雞柳同叉燒，有另一番風味☺️

金鶴拉麵嘅雞白湯就岀晒名喇，但最後新推岀期間限定嘅拉麵，所以今日就特登嚟試下喇。新推岀嘅有蟹湯同鯛魚湯拉麵，當然classic嘅麵同小食都仲有喇～鯛魚雞白湯拉麵（$138）- 雞白湯加上鯛魚原來好夾，湯底更帶鮮甜，忍唔住飲晒個湯鯛魚嫩滑鮮甜，份量都唔少。個拉麵仲係煮得煙韌彈牙，碗麵仲有一大片叉燒同溏心蛋，認真唔錯。辛味拉麵 ($88) - 呢碗麵叉燒又有雞肉，配上煙韌彈牙嘅拉麵同香辣惹味嘅湯底，再加上半隻溏心蛋，好味飽肚滿足🍜。依加仲有得外賣，下次食lunch又有選擇喇。

之前經過金鶴拉麵，發現唔洗排隊，所以就同朋友久違地食返一次拉麵❤️～店內座位十餘個，位置不多，充滿住種典型日本餐廳既氛圍。🍜<雞白湯拉麵> $98拉麵共有兩大塊慢煮雞胸肉同一塊薄叉燒，配上脆嘅炸牛蒡，成碗拉麵即刻變得好打卡able🥳雞白湯鮮味濃厚，呈奶白色，夠哂creamy🤤仲帶雞湯特有嘅濃郁味道，最欣賞的地方就係湯底唔會過於死鹹，因爲之前試過好多拉麵嘅湯底都非常之鹹，完全食唔落😢😢而且雞胸肉幾嫩滑，叉燒薄身但食落好腍，難怪大家都推介呢款✨<黑蒜醬油拉麵> $98黑蒜香味十足， 配料與雞白湯拉麵大致相同，而且加上很多洋蔥絲，增加成碗嘅蔥香味~估唔到呢款味道都唔錯😆

跟媽媽拍拖行街街撐枱腳❤️今晚帶佢嘗試金鶴拉麵，之前一直都好想食濃湯拉麵，而唔係豬骨濃湯😚呢間拉麵啱哂👍🏻有好多唔同款嘅濃湯湯底揀。有蟹湯、龍蝦濃湯，仲有我最鍾意嘅鯛魚魚湯。我哋揀咗鯛魚雞白湯同埋北海道蟹味濃湯。湯底濃稠，但不會好油膩👍🏻兩款都係海鮮類，但只有鮮，一d都唔腥😍蟹味濃湯上面有好多嘅蟹肉😚😚並唔係蟹柳係蟹肉啊！鯛魚就有幾塊鮮魚肉。再加兩塊薄薄入口即溶的叉燒，肥瘦剛好，唔會太肥膩亦唔會太鞋身！拉麵嘅軟硬度適中兼彈牙👍🏻👍🏻母親大人表示非常滿意🤭🤭🤭

放工與舊同事相聚，佢仲記得我好鍾意食拉麵，帶咗我嚟呢間雞湯出名的拉麵店🇯🇵🍜，店內裝修充滿日式拉麵店氣氛感，還播着日文音樂🎼，座位分為bar枱及晚餐枱，我哋坐晚餐枱。先嚟個「枝豆$38」，剛剛燙起嘅枝豆，灑上幼鹽，簡單好味，一邊食一邊等我哋嘅拉麵。我點咗：🐔金鶴招牌雞白湯拉麵$98賣相十分吸引，配以人見人愛的糖心蛋、慢煮雞肉、日式叉燒、炸得脆卜卜嘅牛蒡彷如藝術品✨，已令我垂涎三尺。奶白色嘅雞湯十分濃厚，一上枱，已聞到淡淡的鮮雞味，幼身嘅拉麵好掛湯好彈牙🍜，平時我食拉麵唔會飲湯，但食這個拉麵都忍唔住飲晒，滿滿的骨膠原🤩，味道清甜。朋友就選咗：🐟鯛魚雞白湯拉麵$138這個是期間限定的，舊同事說她來過數次，也沒有吃過，雞湯底再加入鯛魚一起熬製，湯底入口順滑，味道清甜帶鮮味🤤，配以炙燒鯛魚肉🐟，口感十分鮮嫩，還有糖心蛋、日式叉燒及紫菜，令味道及口感更有層次。舊同事十分推薦我下次試這個拉麵👍。店員勤快有禮，食緊期間，見到店員忙於安排外賣嘅同時也不忘為我地添加熱茶。

Nothing special, tried 2 different ramens. Chefs have some good ideas, but lack the basics in making dashi, tare and aromatics, which are the foundation of a ramen.Their idea of a soft boiled eggs is laughable. Yoke is hard and obviously has not been marinated for any period of time.