金鶴拉麵 (閩街)

營業中

休息中

以前喺佐敦附近返學，都好少過依邊，原來依條橫街都有一兩間唔錯嘅餐廳，食晚飯時間人都幾多。廚房係半開放式，可以睇到師父整麵，睇落環境乾淨企理。就係衝住依碗招牌嘅拉麵而嚟嘅極濃雞白湯拉麵 ($138)睇openrice見到依碗拉麵超多人推薦，當然要試下。佢另外有一款係平d嘅雞白湯拉麵，但一場嚟到當然要食下濃郁版。先試一下雞湯，果然係超好味。奶白色好似牛奶。有少少雞湯嘅鮮甜味，唔會太鹹，而且好香濃，入口非常順滑，忍唔住多飲兩啖呀。拉麵嘅粗幼度ok，韌度適中，都幾可以掛湯。配料方面，有炸咗牛蒡絲，切到薄薄一片幾香口。中間嘅葱絲分量都幾多。流心蛋煮得啱啱好，流心又軟熟。拉麵入面有日式叉燒同雞肉，份量比出面某d拉麵店多，肉質又唔會好老。黑蒜醬油拉麵 $98朋友點嘅拉麵，試咗一啖佢個湯底，黑蒜味好香濃，但又唔會太鹹。除咗拉麵我哋另外再嗌咗一個明太子雞翼($48)。有兩隻，入面塞滿咗有少少辣嘅明太子，雞肉嫩滑，唔會太乾身。抹茶軟凍 ($33)雖然食拉麵都好夠飽，但甜品係另一個胃。本身睇個名以為係啫喱，原來係類似蕨餅嘅甜品，但比蕨餅煙韌。

呢間都真係可以話係香港拉麵界既名店之前已經品嚐過佢既好濃厚既雞白湯，令我再三回味今日再戰，食下Ｄ唔同野，果然都有水準位於佐敦既呢間分店，裝修都係非常高雅辛味拉麵天氣熱熱地，就自然會想食Ｄ辣野，食呢個就岩晒啦湯底辣得黎有層次，而且唔會過辣而令到你咩味都食唔出，夏天食真係最岩，開胃得黎又可以出一身汗舒服晒真不愧係以雞白湯自豪既拉麵店，佢地既雞肉係入味得黎超級嫩滑叉燒唔會乾，而且食到濃濃既肉香拉麵煮得剛好，麵身爽口糖心蛋更加係一絕，食落勁ＣＲＥＡＭＹ黑蒜醬油拉麵醬油湯底唔會過咸，而且會飲到濃而不膩既醬油香最重要係佢既黑蒜真係超級無敵香而且就算加左Ｄ黑蒜油都唔會話好油膩，食落都幾清爽既所以可以一食再食燒雞泡魚乾好推薦大家必點既一個小食食落咸咸地甜甜地，仲有好香既鮮味，用黎送酒既話真係一流食完之後先發現隔離台點左個北海道極濃蟹湯拉麵，點解會發現？因為真係好香，香到隔離台都聞到就再翻一翻ＭＥＮＵ先發現原來除左蟹湯仲有極濃龍蝦湯真係見到隻躺臥係拉麵上既龍蝦都已經流晒口水睇黎又有藉口再戰了！

聽講呢間拉麵店幾出名，我本身未食過雞白湯拉麵，今次一次過試咗史上極濃雞白湯拉麵同金鶴雞白湯拉麵，果然好味道，下次有機會都想帶屋企人嚟試吓。餐廳環境整潔，好有日式餐廳嘅感覺，另外有bar枱可以望到廚師即時煮拉麵同燒烤鰻魚等等。史上極濃雞白湯拉麵$138- 拉麵一上枱我哋立刻試吓個湯底，講真史上極濃同普通雞白湯味道唔係差太遠，可能雞味濃多5%左右，不過質感比較濃稠，飲落去覺得重骨膠原多啲，雖然雞湯睇落好似唔多油，不過飲得多都會膩左少少。每碗拉麵都有炸牛蒡、半隻流心蛋、木耳絲、兩塊慢煮雞胸肉同叉燒，分量都幾多。最吸引我嘅係炸牛蒡同雞胸，平時好少機會食拉麵嘅時候食到，炸牛蒡好香脆，味道濃郁，浸泡雞湯食又有另一番風味。雞胸好軟滑，一啲都唔鞋，感覺比一般脂肪比例較高嘅日式叉燒較為健康，亦配合雞白湯嘅主題。金鶴雞白湯拉麵$98- 呢款雞白湯感覺清爽啲，除咗湯底唔同之外，其他配料同史上極濃嘅一模一樣，所以性價比較高。另外我哋同店員提出淥熟少少日式叉燒，廚師都好好另上一塊叉燒俾我哋。順帶一提，女廁有部電視播韓國男團、女團MV，同日式餐廳風格有啲唔同。

拉麵一般都係食開豚肉豬骨湯底今次試試白湯，即係雞湯奶白色湯底係好吸引唔似平時一般嘅濃味反而係淡淡清新嘅湯底面係普通拉麵，冇分細麵粗麵，亦唔似平時可以揀軟硬度，除咗玉子同叉燒呢度係配上兩塊雞肉可以一試。

-咁岩去佐敦抽血 又咁岩有fd收工過嚟lunch佢過以前喺第二間分店食過呢間拉麵又難得星期六唔洗排隊 就入左去啦menu拉麵款式唔算多（不過傳統拉麵係咁）我叫左個黑蒜醬油湯拉麵友人叫左個雞白湯拉麵🖤🧄黑蒜醬油湯拉麵黑蒜味好香 但個湯唔會好咸好漏可以一路食一路飲個湯配料有一塊叉燒、兩塊雞肉、半隻糖心蛋同埋黑木耳絲加少少蔥都算幾多野 食完勁飽$98算係咁啦🤍雞白湯拉麵朋友個拉麵個賣相好正係咪唔知上面一條條嘅係咩嚟架呢因為我食完都唔知😂之後上網睇先知原來係炸牛蒡 又幾薄脆幾得意雞白湯就唔算好濃雞湯味 但好滑好飲嘅🐔唐揚炸赤雞嚟到嘅時候真係好熱 真係岩岩炸起外脆內軟 又有啲雞油同肉汁喺入面不過不失咁啦 同埋個拉麵食係幾惹味我哋都坐咗喺度好耐談天說地都冇人催我哋走個fd仲話個廁所好靚好乾淨😂

星期六收工例牌要食返個lunch，咁岩有fd都出開黎就黎左佐敦金鶴拉麵，估唔到地點唔算方便都差d full house揀左例牌雞白湯拉麵配有炸牛蒡、溏心蛋，湯底發揮正常未算特濃，不過揀特濃就要138，唔知質素比唔比得上座銀，今次都係唔take risk平平地揀普通野算數，2片雞叉燒加1塊豬，叉燒份量算多，比起喺座銀碗拉麵138蚊都係得薄薄一片，依度真係好大方友人連炸牛蒡都未食過，正一大鄉里出城，仲要分俾佢食完都唔知係咩黎，蝕晒章再share埋個外脆內嫰嘅炸雞岩岩好總結今時今日香港食野愈黎愈貴，幾年前喺中環都食過金鶴，嗰陣仲有新開張優惠，要排隊入去食，依家黎返佐敦分店水準都係咁上下，但價錢就已經好似加左廿蚊，都唔知我份糧幾時先追得返加幅。

金鶴店子不大，十分整潔，有濃厚日本拉麵店風情。之前bookmark很久，這次有機會來試試了。一定要試最人氣的極濃雞白湯拉麵！‖ 極濃雞白湯拉麵 ($138) ‖立即舀湯試試，味道果然香濃至極，雞味鮮甜回甘，而湯頭口感非常順滑濃稠。拉麵軟硬恰到好處，帶點嚼勁而回彈，極能掛湯，拉麵四方八面都被雞湯包覆著，因此每口都感受到極為順滑而滿滿濃郁的雞湯味道。配菜方面，炸牛蒡非常出色，脆脆地浸入湯，味道鹹香惹味。而慢煮雞肉，真的十分嫩滑，口感很好而雞味突出。整碗拉麵吃得我很滿足☺️❤️，幾乎所有湯都給我喝光😋。要一讚是，湯底極濃，但一點油膩感也沒有，而且吃完之後的時間，一點口乾感也沒有。證明湯底非常純淨，是雞的精華❤️。開動不久，餐廳陸續有客人來到，填滿店子，金鶴果然滿受歡迎。‖ 黑蒜醬油拉麵 ($98) ‖這個我試了一兩口。黑蒜和醬油兩者味道都感受到，不過黑蒜味不濃，醬油味稍為突出一點。湯頭較稀，所以口感和味道都不及極濃雞白湯拉麵的好。‖ 唐揚炸雞 ($38) ‖我們還叫了小吃。唐揚炸雞即炸上枱，所以脆卜卜熱辣辣。炸雞色澤很美，金黃閃閃發光✨。雞肉嫩滑多汁，味道很好😋。極度推介極濃雞白湯拉麵😍👍🏽👍🏽，

跟據開飯喇評語，金鶴絕對是高評價嘅日式拉麵店之一，今次去到佐敦閩街分店，店外店内裝修別緻的！今次品嚐的是最人氣嘅極濃雞白湯拉麵！1. 極濃。雞白湯拉麵 - 一碗份量相當大，慢煮雞胸塊很嫩滑，而且配料十足，尤其炸牛蒡十分香脆可口，雞白湯底亦很濃稠，奶油味重，拉麵質地煙靭，整體來講是不錯，唯略嫌湯麵不夠熱，極濃雞白湯奶油味很重略為蓋過雞湯味，對我來說有點膩！（平時的我能K.O.一大碗拉麵的，這次吃不完，宣告投降🏳️！）🌟 店內另一人氣之選是黑蒜醬油拉麵，侍應送餐時黑蒜油味飄過，非常吸引👍🏼另外店內洗手間超乾淨衞生，而且有電視機播放K-pop music video! 如廁同時亦有視覺享受😎😆溫馨提示： OpenRice 可以9折購買金鶴$100現金卷，結帳時需用OpenRice Pay, 金額每過$100即可扣減$10，詳情請參閱OpenRice或向待應查詢！

朋友知道我係鰻魚控，推介我去《金鶴》試佢嘅鰻魚飯，我之前都喺佢中環嘅分店食過拉麵，印象唔錯，呢日朋友原本諗住食”北海道極濃蟹湯拉麵”，我就諗住食”活燒蒲燒鰻魚飯”，點知……Menu 貼住蟹湯拉麵售罄😫，我就因為嗰日嘅lunch食得太多油膩野，仲好飽結果，朋友揀咗同樣係海鮮系列嘅”極濃龍蝦湯拉麵”，我就揀咗”蒲燒生燒鰻魚”串燒，另外再加多兩款推介嘅串燒～”黑椒牛舌串” 同”明太子雞翼”～全部開心share🥂🔸極濃龍蝦湯拉麵🦞🍜拉麵同串燒差唔多時候上枱，選擇趁熱辣辣食咗啲串燒先，個麵放咗一陣間先食，溫度竟然仲保持得好好，可能因為個極濃湯底做到保溫嘅效果♨️！啲麵條無因為浸耐咗而過淋，麵質仍然保持微微煙靭！👍🏻 (唯一係塊紫菜淋咗少少，今次學精咗，下次叫佢先上串燒，後上拉麵，咁就可以唔使趕，喺食物最好嘅狀態品嚐佢哋喇～🤓）我哋冇選擇到加龍蝦尾，拉麵嘅配料有兩片紫菜、一大片薄切豚肉、半隻溫泉蛋，筍、木耳絲、極幼紅椒絲同埋日本蔥絲我鍾意豚肉夠瘦身，溫泉蛋是其中一樣我喺食日本拉麵嘅時候非選不可嘅配菜～木耳絲同筍夾雜係拉麵中多咗份口感，再加埋蔥香味豐嘅日本蔥絲～材料嘅配搭同比例都令人滿意！不得不提主角

來到佐敦拉好野食，行街累了去了「金鶴拉麵」，午餐的時候仲有午市套餐可選，有齊拉麵，小食同飲品，$128全包！店員推薦金鶴雞白湯拉麵，我地一人一碗，再要了點小食。湯底用上了赤雞煮了6小時，湯底十分濃濃，口感順滑。每碗都帶一片日式叉燒加2片雞肉，感覺份量比其他養廳多，叉燒肥瘦剛好加上湯汁好正！面條粗幼岩岩好，吸收了雞湯的精華好入味！小食叫了唐揚炸雞，皮脆肉滑，咬入去仲好juicy! $38有3大塊，抵食！另外仲有「炸暐式餃子」有4隻，水準正常，配上餃子汁都算開胃！餐廳環境不錯，不會太嘈吵，坐bar枱仲可以睇到廚師整拉麵過程，十分有趣。

這日專程帶拉麵控的小女兒來佐敦嘆高質地道拉麵，果然沒有令人失望！餐廳位置近柯士甸站，坐西鐵更方便。室內裝修頗有日本風情，座位不多，感覺更似日本地道小店！有多款拉麵選擇，揀啱自己口味。即場入會有迎新禮品，即時享用溏心蛋一隻。我至愛的辛辣拉麵$88 ~ 湯底香辣惹味，麵質爽口微彈；再配上慢煮日本赤雞的雞叉燒，嫩滑鮮味，口感豐富！金鶴雞白湯拉麵$98～ 湯頭濃郁順滑，以日本赤雞淆製六小時而成。最特別是以炸牛蒡絲為配菜，酥脆美味，沾上湯底更惹味！溏心蛋嫩滑有蛋味，多食也不膩！除了美味拉麵，還有多款燒物，即叫即燒，食材新鮮，抵食！燒雞泡魚乾$68～焦黃色的雞泡魚乾光澤誘人，乾硬度恰到好處，仍有膠質黏感，食落嫩滑唔韌！香港難得一見兼用心製作的地道拉麵，值得支持！

突然之間好想食沾麵，又開始有一個食沾麵之旅😆😆😆食完今次又會諗下次食邊一間嘅沾麵😝因為我真係好鍾意食沾麵或者撈麵🥰今次叫咗一個沾麵，一個拉麵同一個小食😌原先想叫北海道極濃蟹湯拉麵，但係由於期間限定要五月尾先有。可惜可惜～但建議可以喺餐牌上寫明可提供嘅日子，唔係會好失望餐廳即叫即整件廚師喺度煮緊麵😋另外， 我見外賣自取都有優惠，如果自己一個人食外賣都唔錯但如果同朋友我覺得糖食會開心啲終於上菜啦😍😍😍雞白湯沾麵（$138）金鶴拉麵主打雞湯拉麵，而唯一一款沾麵就係雞白湯沾麵，雞湯底好濃郁好香，鹹味唔會太重所以可以令人一口接一口。麵嘅粗幼度適中，容易可以掛汁，同時配有兩塊豚肉同兩塊雞肉，口感軟滑。跟餐亦會有一隻糖心蛋🥰my favourite 😻 黑蒜醬油湯拉麵 （$98）湯底香濃黑蒜油味但飲落唔會搶左本身嘅醬油味麵身軟硬適中，有雞肉同豚肉，唔係好似一般拉麵咁得豚肉，肉質嫩滑，唔係好韌，可以啖啖肉日式餃子四隻 （$38）餃子就一般，不過不失，食落去有空氣嘅口感，不過係幾脆既

我同老婆都很久很久沒有食過拉麵，在佐敦搵到間隱世拉麵店，在官涌市政大廈附近，在地鐵站徰去又不算好遠。去到門口，門面真係好有氣派，室內用上鶴既裝飾，不錯。表面上外型極濃同金鶴雞白湯沒有分別，但飲到個湯底就飲得出，兩者覺有特色。【極濃雞白湯拉麵-人氣NO.1】一來到點都要試下個濃郁既湯底，極濃的雞白湯口感勁濃同好creamy，拉麵上有炸牛蒡、木耳絲、慢煮雞肉、叉燒、溏心蛋，各方面的材料都非常出色，炸牛蒡比想像中出色，至少唔會食落有燶燶的味道。麵方面好有彈牙，之前我地會說明麵要硬一點，所以食到最尾都不會過淋。【金鶴雞白湯拉麵】這個雞白湯湯底都不錯，比極濃稍為清一點，不想太濃的朋友可以試這個。雞肉同叉燒肉質嫩滑，整體上兩者都值得推介。【日式唐揚炸雞】脆脆的表面，炸完內裡都不會乾，內裡的肉汁非常多，又夠厚身，不夠味的話旁邊仲有話梅粉可點少少令炸雞再提升味道。

今天特意光顧這家朋友推介的日式拉麵店，聞說以雞白湯底出名，一向未太醉心拉麵的我無太大預期🤗🤗午飯尾段時間到達不用等位，我點了本店主打，極濃雞白湯拉麵👏， 上桌時餐具食物放在雅緻盛盤上，十分貴氣，雞白湯底濃鮮滑，加上配菜中的炸牛蒡絲，脆香味佳，拉麵爽口😋😋太座欣賞沾麵於是選了雞白湯沾麵， 佈置同樣吸睛，太座亦讚湯底鮮味滑口👏👏再跟了串燒，蒲燒活鰻魚串及餐前小食，芥辣八爪魚，亦水準之作😋鳗魚肉爽口有嚼感，魚味足👏芥辣八爪魚味道醒胃，肉質有咬口😋😋朋友又一好介绍👏

朋友知道我鍾意食拉麵🍜，呢日同佢喺佐敦，佢話想我帶佢去食高質素日本🇯🇵拉麵🍜，咁我都冇乜考慮，近近哋就帶咗佢嚟呢間我幾鍾意嘅拉麵店😆- 我叫咗 $138嘅「伊勢海老らーめん 極濃龍蝦湯拉麵🍜」：一嚟到嘅時候見到龍蝦湯🦞非常 foamy 😋，飲一啖湯先，味道好濃郁，真係有龍蝦香味🤗，仲幾輕身，一啲都唔膩😋，呢個龍蝦湯底好正😋；我食拉麵🍜鍾意用 slurping 嘅方法連空氣連湯連麵條一齊啜入口，咁就最正😆- 朋友叫咗 $98嘅「金鶴・鷄白湯らーめん　金鶴・雞白湯拉麵」：餐牌咁樣形容「湯底是用赤雞熬製六個小時而成的，其口感濃而不膩，口感順滑，及飲後不會有口乾或黏口的感覺」。我黐咗朋友兩啖湯飲😆，真係濃郁好味😋；我之前食過「極濃・雞白湯」，今次第一次飲「金鶴・雞白湯」，依然好味，朋友都讚話 正😋- 仲叫咗 $38嘅「枝豆」share 嚟食，簡單幾好吃😆