金鳳茶餐廳

營業中

休息中

書展最後一日，點都會去撐下場。一早過左灣仔，順便食過靚早餐先入場打書釘。金鳳條龍意外地短，咁就即管襯下熱鬧。店內真係人頭湧湧，行步路都要小心啲。排隊時，可以睇下餐牌，揀定野食。出晒名既雞批，菠蘿包，奶茶歡迎外賣。不過，廿蚊杯奶茶，感覺有啲貴。大大個既菠蘿包，陣間一定要食！叫左份豐富早餐B跟餐包或菠蘿包。當然揀菠蘿包啦加3蚊有鮮油跟，不過唔加都有少許牛油比你。菠蘿包由細食到大，食過唔知幾多個了。要做到好好食既，不外乎包要夠熱夠新鮮，口感鬆軟，皮脆，所以包既size要適中，唔可以太大或太細。唔知金鳳既菠蘿包會點呢？一啖咬落去，唔熱既😑不過仲食到好鬆軟，而且睇圖都知佢真材實料，最難得係佢上層既脆皮沒有散開。最衰timing 唔岩，不是菠蘿包出爐時間，食唔到熱辣辣既菠蘿包😩😩沙嗲牛肉烏冬。好後悔揀左食烏冬，完全同沙嗲牛肉唔夾。眼見其他食客都是吃沙嗲牛麵，為什麼我會揀烏冬呀🤦🤦🤦🤦其實除了個烏冬比較腍之外，個沙嗲湯底好濃好有味。而啲牛肉亦大大件，夠腍，冇筋，仲好入味添所以都唔差呀。朋友食既五香肉丁米粉，肉丁份量都很多。最後，當然要嘆返杯金鳳奶茶啦第一口覺得沒有特別。但多喝兩口，茶味開始在味蕾中

經過間鋪好多次，感覺好懷舊，但見到人多又迫夾，所以遲遲到唔想入去！今次第一次來，中午十二時，唔算多人，所以就即刻衝入來試試！餐牌上有幾款午餐，驟眼看餐牌見個個餐好似一樣，不過個名唔同，後來個女侍應主動解釋比我知個餐有咩分別，好細心。簡單來說，幾個午餐/常餐/乜餐物餐，主要分別係有蛋冇蛋，有包冇包之類，價錢約$40-46不等。麵包可以揀菠蘿包或餐包。腿蛋omelette 夠熱夠厚，沙爹牛通足料入味，檸茶夠清香茶底夠濃夠熱，但唯一美中不足係菠蘿包唔熱，但碟邊附上牛油夠細心。地方雖迫夾，但勝在侍應服務態度良好，且以老店來說地方也算乾淨！午餐食左$46，值得再試！

在灣仔讀書時已久仰大名，但十多年前的事，吃過也忘掉了。難得朋友來港指定任務是奶茶，就一次滿足彼此的願望好了。金鳳最出名是無冰凍奶茶，把奶茶放入大樽的牛奶膠樽再直接放入雪櫃冷凍，啖啖濃郁，茶香撲鼻，不會死甜。雖然很有名很忙，但伙記們個個親切有禮，笑容至可親，大大加分。蛋撻不時新鮮出爐，必定好吃。

已訪尋多時,但都未遇到啱自己又好食o既酥皮蛋撻。某日想食蛋撻指數爆燈,於是四出尋找,終於發現左灣仔有間個個都話必食蛋撻的茶餐廳。但淨食蛋撻又邊夠飽呢?我地叫左營養快餐D一份和特價午餐一份,之前已睇過食評話要食沙嗲牛麵,梗係兩份都叫沙嗲牛麵,一份選餐包一份選菠蘿包、奄列。其實排隊個陣都見D人不停咁買蛋撻,但我最想食就係新鮮熱騰騰的蛋撻,所以等.等.等......等佢個盤賣唒,出另一盤就即叫一個蛋撻試試先。蛋撻上得最快,之後接著營養快餐D一份和特價午餐一份,要相機先食又要趁熱,我食左蛋撻先,佢未必係最好,但係我心目中佢合格呀!蛋香滑,夠熱,酥皮唔會過油,食完冇漿住喉嚨喎!想叫多個,但有餐包,菠蘿包未食,放棄吧啦!沙嗲牛麵唔得囉,冇汁冇湯,乾爭爭又唔熱。餐包唔新鮮,菠蘿包唔新鮮,皮唔脆。"小心熱呀!"又一盤雞批出爐!個肚已經好飽,但都忍唔住叫一個試。真係正呀!焗得啱啱好,唔會燶,唔會乾,入面餡料好夠,皮又香又脆!但十幾蚊一個又好似唔值。如果餐包,菠蘿包都係新鮮出爐應該唔錯的。

襯住天氣好出去灣仔行下春園街～春園街餐廳選擇好多，今日主要想放縱一下食菠蘿油！本來經過一間新式冰室都想入去試試，但行前幾步比舊式冰室既伙計問句：「幾多位？埋便有卡位！」就吸引左入去。假日下午茶時間人流雖多，但茶餐快來快去都唔洗點等位。我地兩個人叫左一個菠蘿油 （$9）一個蛋撻（$6）一個凍奶茶（$22）。🌟菠蘿油：菠蘿包皮好脆好香，牛油份量岩岩好（試過係其他地方食牛油太大舊反而令到舊包好淋） 呢到既菠蘿油10分推介！酥皮蛋撻：比較細個，可以一試。🌟凍奶茶：香！滑！鐘意港式奶茶既要去試一試等埋單既時候見到格離枱食緊西多同鮮油餐包！睇落都好正，下次再去一定要試埋！另外不得不讚伙計們既友善。你可以有時間諗食乜同慢慢食，唔會好似想你拿拿聲食完咁👍🏻👍🏻👍🏻

係繁忙既灣仔竟然有一間街坊feel既茶餐廳，舖頭感覺有點人情味，即使叫餐個待應叔叔都有耐性比我慢慢睇叫左個菠蘿油、火腿奄烈、凍奶茶，真係好正！！特別係個菠蘿油，真材實料，不論係面包同個菠蘿皮都與別不同，凍奶茶好飲～～火腿奄列就真係用心做！成間舖都好有心，仲要食食下既時候有個司傅托住熱辣辣、新鮮出爐既菠蘿包！！我都feel到果種熱個感覺幾好笑😂😂真係食過就知佢同一般面包舖既包吾同！！比足100分

今日難得有時間可以嘆返個常餐，本來諗住去華星，但唔順路。行過春園街，見到有新開嘅廉記冰室，但11am已經轉了午餐，咁就行前D到老子號金鳯啦！印象中食過一次咁多,但已經忘記係食D乜，只是每次行過都大排長龍，其三大王牌雞批,蛋撻和奶茶賣至街知聞，但我今日就試佢嘅營養茶餐D💰$42。通粉軟硬度煮得剛好，火腿亦夠晒份量，但美中不足嘅係湯底唔熱，呢點真是有D扣分。菠蘿包唔係新鮮出爐，但包身有質感，唔似有啲菠蘿包好似食咗陣風咁。我相信如果係熱辣辣嘅時候一定更好味！熱好立克，茶餐廳必點item, 唔使加糖已經好香好立克味，茶餐廳沖嘅比屋企沖嘅係完全唔同的！雖然常常大排長龍，但食物質素也要keep得有水準。今日雖說唔需排隊等候，但食物卻有點強差人意。

係灣仔番左4年工，每日番工放工都會路經呢間茶記；知佢D雞批、蛋撻、奶茶等都幾出名，但一直都無試過。今次趁臨別灣仔在即，相約同事試下佢個LUNCH。呢間茶記既價錢唔算平，一杯飲品都要$20，但SET LUNCH就比較抵食，$46有個粉、包、奄列、餐飲。特價午餐 ($46)雪菜肉絲意粉雪菜肉絲少少鹹，但配清湯岩岩好，可以提味；但意粉好差，浸到脹哂而且好淋，淋到無牙都食到，加上烚意粉果陣無落鹽，意粉完全無味沙嗲牛肉意粉同事點既，沙嗲牛肉偏甜，同事話好味火腿奄列雞蛋雖然未算滑但好香蛋味，火腿分量好多，不過整體幾油下菠蘿包雖然唔係新鮮出焗，但都好香，重點係個包實心架!! 完全唔會覺得只係食左好多空氣落肚熱奶茶呢間D飲品整得耐D，成個餐食左8成先上奶茶；奶茶算滑，唔會覺得好鞋好澀，茶味都岩岩好整體都算唔錯，雖然LUNCH時間好多人排隊，但人流去得好快，服務都算唔錯；SET LUNCH既價錢係灣仔區黎過，都算係咁啦

今天同同事去咗呢間冰室食午飯，本身佢地就話呢到係專係食常餐，好啦諗都唔諗就叫咗常餐。常餐50蚊，有一份火腿奄列，一個餐包，我就揀咗菠蘿包，加牛油要另外加錢，仲有一碗沙嗲牛肉麵，同一杯餐飲。火腿奄列，識我都知我係火腿奄列死忠。味道一流，唔洗講。但係菠蘿油就令我有少少失望。首先佢上枱時已經凍，你知，菠蘿油塊牛油係用菠蘿包既熱力整溶，等牛油香入哂個包到。但佢個包就凍既，唔洗講，到食完果下啲牛油都未溶。沙嗲牛麵就幾正幾惹味。餐飲我叫咗熱奶茶。冰室一係飲奶茶一係試佢杯凍檸茶。最後埋單50蚊，食飽飽繼續努力工作食下一餐！

舊冰室係香港真係買少見少, 今朝去咗灣仔合和下面個間金鳳冰室,近年少去咗, 因為長期外面排哂隊, 今日同朋友去行山所以係灣仔集合所以博一博,好彩咁啱有位, 坐底叫咗個沙爹牛米, 菠蘿油+雙蛋, 咖啡走, 伙記係粗粗老老問你食乜, 但係同佢笑下講下笑佢地又幾FRIENDLY黎到碟沙爹牛米基本上係無乜湯, 好似撈米咁, 錯有錯著, 反而勁濃味~ 好仲意~ 個人好仲意咸甜撈埋一齊食, 菠蘿油夾雙蛋, 牛油香, 蛋汁滑, 菠蘿皮酥, 哩種爆炸味度同口感係傳統冰室先搵到,再飲一啖啡走(即咖啡走糖落煉奶) 完全感覺翻返小學時同老豆係茶記學飲咖啡既感覺返哂黎~都食到8成飽, 伙記拎住一大盤雞批係你頭頂經過~ 新鮮出焗當然不要錯過啦~月巴~ 完~

灣仔春園街金鳳茶餐廳是我在區內吃早餐的長期首選之一。雖然地方狹窄坐得不舒適，但老牌茶記的包餅部做得出色，個人就十分喜愛這裡的雞尾包，漲卜卜得來鬆軟有彈性，椰絲夠多甜度適中又惹味，煎蛋夠香有燶邊，麥皮煮得滑溜，奶茶就更是當然賣點茶底香濃滑兼備，以冰鎮凍奶茶馳名。

同事住港島區，介紹呢間舊式茶餐廳既奶茶好掂，經過開灣仔即入去試試平日四點半去到，店內已經坐滿人，咁啱有客走，好好彩唔洗排隊一坐低，叫左一個套餐有一碗牛肉面，火腿奄列，菠蘿包，一杯凍奶茶份量係算大份，但味道未見好突出菠蘿包個皮唔脆，唔熱辣辣既，好一般奶茶好飲茶味好足，無冰既，所以食完個面再飲，味道都無變淡食嘢既位置好窄，要迫住對手咁食，而且好多人排隊，遊客佔左大部分。所以要好快咁食完就埋單走人可能出左名，呢個餐係$45 ，其實價錢都幾貴下外賣單叫一杯凍奶茶都$22，而且都幾細杯真係試過就算

每次喺灣仔，都好想食金鳳，好可惜每一次都見到好長人龍，所以有時都去唔到食。今日咁岩我同朋友兩個人，去到唔太長龍，所以就成功食到！呢一種舊式茶餐廳喺香港已經買少見少，我叫左常餐嘅沙嗲牛肉公仔麵加火腿奄列，再要多一杯熱奶茶，沙嗲牛肉非常濃味，加埋公仔麵呢一個配搭就係我嘅最愛！仲有火腿奄列非常厚身，加埋個餐包，一個常餐份量已經非常之夠！佢嘅熱奶茶奶同茶嘅比例適中，茶味唔會太澀，同時奶亦夠滑！至於茶餐廳伙記嘅態度，我又覺得冇乜嘢！有時佢哋仲係好細心見到你差唔多食晒啲嘢，先放杯嘢飲過嚟，免得你成枱都係食物放唔晒啲嘢而食得太狼狽！

假日同屋企人行完山，跟住行到落灣仔，大家個肚都有啲餓，所以就想去搵啲野醫下肚。大家都不約而同都唸起春園街既金鳳茶餐廳，佢除左食物出名好食，最重要係富有香港味同埋人情味。 去到金鳳，好多人都係度排緊隊，有啲人就索性外賣。不過外賣既隊都唔短，所以我地就決定係度等入去食。大概等左30分鐘就鍾意可以入到去食。入得金鳳，叫菠蘿油食係常識是吧。我另外再叫左一杯熱華田。 菠蘿油熱辣辣，個酥皮超香超脆，包內既牛油已經溶左一半，牛油味融入左個包。真係超級好味。熱華田就不過不失。

灣仔成為小編近排 覓食地方 尤其春園街好多好野食😋令到小編食到唔願走✌🏻常餐包囇麵，菠蘿包，奄列 認真豐富 😃沙嗲牛麵 頗有沙嗲醬汁既香味 不過似乎係面頭個浸 🤣如果可以多d d兼且均勻d就好拉想講呢奄列d牛油1d都唔吝嗇 半pat牛油係碟 正呀 其實奄列唔洗點加牛油都好好味 因為夠囇蛋香只係略嫌火腿有d鹹 提大家浸洛個麵個效果會好d 😂at least沖淡d鹹味 👍🏻奶茶必點 已是小編既習慣 噢😯又被佢沖得幾好 首先奶同茶比例一半半 飲落係有d澀味 整體奶茶口感尚可接受既💗