金鳳茶餐廳

營業中

休息中

以前係灣仔合和番工, 一定會經過金鳳。自從唔再係灣仔番工後, 就好耐無再去春園街, 偶爾都會掛念金鳳的奶茶、常餐、蛋撻等等。今日晚餐無著落, 而係九龍做野的我因出差係灣仔做到六點半, 就好自自然然黎到金鳳食「早餐」。好如常地, 食火腿奄列丁通熱奶茶, 好好好好可惜的是---「餐包賣晒了」. 差D想講粗口...山長水又遠黎到...哎, 只可以話自己黑仔。講番D 丁, 無錯, 佢係比長沙灣新華多丁, 而通粉都係果D啦, 至於個火腿奄列呢, 嗯, 我覺得有D 遜色, 因為佢偏薄, 作為奄列佢蛋汁唔係好夠, 邊亦唔夠新華「燶」,有D失望。至於杯奶茶, 都還可以, 算是上品, 不過早上來飲奶茶可能會滿足D :-)以43蚊黎講, 灣仔區, 算係接受到啦, 不過比起我以前黎食貴左好多了~~

特意很遠來到這家在灣仔享負盛名的茶餐廳。門口略有些人已經在排隊，也有些人是在等外賣。我們排了一會隊才能進去，可惜進去之後，地方非常擠逼，但抱著嘗試地道香港傳統早餐的我們，還是勉強擠進了一個小小的卡位，正對著共享同一桌的兩位大叔。我們叫了這裡最出名的早餐和一份凍奶茶，另加網上很推薦的菠蘿油。老實說，早餐真的不怎麼樣。可能吃過華星，澳牛，甚至紅磡冰室都比這家金鳳好吃。只有菠蘿油是比較新鮮，但是附近隨便一家灣仔的麵包店都能做得差不多。看來這家店來一次試試已經足夠了，感覺店員都像等退休的樣子，服務質素和環境，甚至最基本的食物都沒有一般其他的茶餐廳好，還不如去連鎖的算了。

讲起呢間茶餐廳，由第一次幫襯開始，就俾招牌嘅凍鴛鴦深深吸引，可以話係我飲過嘅最好味嘅鴛鴦第一次嚟應該係2012年了，以后每一次嚟香港基本上都会过嚟呢度食下嘢，食物嘅水准保持得好好，不过有可能係我点嘅嘢都冇么变化喎講翻2012年的初次來訪，點咗個早餐set，量好足，食到撐，午餐肉公仔面+菠蘿油+煎蛋+凍鴛鴦方一入口，絲滑的口感便叫人驚艷，而平衡得啱啱好的茶味和咖啡味，更是叫人回味最緊要嘅一點係呢間鋪嘅凍飲全部冇冰塊，而是將飲品放在雪櫃直接冷凍，保證飲品的味道不會因為融化的冰塊而變淡於是乎，每一次嚟香港，即使不住在灣仔的HOTEL，都會過來飲番杯嘢。2015年嚟食咗個簡單的午餐，菠蘿油的size依然是這麼大……主食是沙爹牛肉公仔面，拌一下，讓牛肉汁裹住麵條，更入味，最近一次過來係2016年12月，去看歌神演唱會之前趕時間解決了下晚餐，主食忘了……不變的依然是最愛的標配組合，請嗌我痴心长情劍至於店鋪的環境，就是很普通的茶餐廳，人多的時候肯定要搭枱嘅。唔想坐店里的話，可以直接打包，邊走邊飲都不失為一個好選擇

最後一日係灣仔上堂 專登搵左間茶記食 見佢咁多人排隊就等下試食下入到去一行四人叫左普通常餐同個煎蛋叉燒飯個飯都正正常常 但叉燒超肥 肥到有啲過分個蛋都幾流心 味道ok 呢個火腿通真係經典 完全無味 以為食緊用滾水煮既通粉 啲火腿係「鞋」既 幾咁難得🤭一見到就知個公仔麵熟過啲熟女😰 煮到啲曲線無哂個五香肉丁令人感覺到個廚房已經厭倦了每日重複既工作😫個菠蘿包加炒蛋 見啲人話呢度菠蘿包最出名 我咬左一啖 覺得好厚實 實到我覺得比較適合做軍糧😂一啲都唔無人地所謂既impressive口感🤦🏻‍♀️呢杯凍鴛鴦 全場最正常 無冰花但都夠冰感

下午茶時段嚟到灣仔第一次嘗試呢間餐廳 。 兩個人嗌咗兩個特價午餐， 試一試老字號茶餐廳究竟嘅水準有幾高。當個餐來到嘅時候真係俾佢嚇一跳， 五香肉丁公仔麵居然變咗五香肉丁撈麵， 我面完全冇湯食落亦都冇味。 馳名菠蘿油， 個菠蘿包除咗燶味之外完全食唔到任何味道， 個包又硬又凍。 煎雙蛋， 個蛋黃爛曬以為佢由地下執返上嚟一樣。嗰度嘅環境直頭係窄到好似籠屋一樣， 就搵個女人嘅態度差到無倫。總結是好難得搵到一間差得咁全面嘅茶餐廳。

係灣仔十幾年. 第一次黎應該都接近十年前. 當年比我的感覺係呢度勁趕客. 食客食完就好快d走. 伙計都會大大聲講野. 所以黎完後每次路過見條人龍都唔會再黎.十年後有新同事話好想黎試下. 所以今日就再戰金鳳, 係外面排隊時個心就諗會唔會一入座就要諗好食咩呢? 所以快快趣望定要食咩. 咪一陣比人"喝"點算...係就快入座前. 排到前頭位. 發現今日的餐包到lunch time時段已經賣晒. 除此之外重點係店員十分有禮.一直同我地講好快有位.. 重要笑笑口... 呢一刻令我覺得安樂左.到坐落時. 我地好快就叫野食. 亦發覺伙計十分好人. 又有笑容. 完全唔係我之前遇到的感覺. 鬆一口氣. 無耐野食到.貪小便宜的人就會叫特價午餐, 因為有一個粉, 一個奄列或蛋. 再配波蘿包或餐包(但是日已售罄), 重有杯飲品.一向唔多食牛的我. 今日破例叫左沙嗲牛. 完全無選擇錯. 因為個粉, 無論意粉定米粉好. 全部個湯都好似熱水咁. 味道係要靠你個"餸", 叫左沙嗲牛. 所以我覺得夠味, 同事叫左個午香肉丁, 佢話只感到辣味. 個湯完全無味. 不過個烏冬有點林. 入口即溶個隻. 無左個種un度. 奄列配波

蛋撻 $6 @ 金鳳茶餐廳金鳳茶餐廳既蛋撻同奶茶一向都幾出名，今次先講佢既蛋撻😂。比平時既蛋撻size較細🖑，酥皮牛油香幾重，蛋漿偏甜，結論係又未算話好食到不得了果種🙈🙈。

未食過咁難食既茶餐廳，唔明點解仲咁多人排隊！食左一個雞絲米粉、蛋火腿奄列同餐包，屋企人叫左個菠蘿油。雞絲米粉：雞絲係鞋既，湯無味蛋火腿奄列：好乾，仲要係凍既餐包:凍既菠蘿油:凍冰冰，又濕又淋除左奶茶係ok之外，其他完全唔得，貴夾唔好食，侍應既態度仲要好差！

每次到香港都会食一次菠萝油，不是金华，就是金凤，这次在港岛，继续金凤，虽然来之前刚食完瑞记咖啡，所以来到也不是很饿。下午三点几来到，照例排队10分钟，依旧各国游客云集，其中有好多本地人带外国人过来。我哋又坐翻上次嘅双人卡座，点翻上次嘅菠萝油、蛋挞、鸡批、奶茶和柠茶。可能是不饿，抑或是东西不够热，感觉没有上次好食。但鸡批依然赢广州九条街，毕竟真材实料。菠萝油也很OK，虽然也是不够热。奶茶是当日下午第二杯，有点麻木了。蛋挞就比较普通了。因为下午已经吃过西多士，就冇再点。虽然冇上次好，仲係比广州嘅茶记好好多。

同朋友食飯，叫左個扒餐，提佢餐包未黎佢話黎緊，點知要食完提多佢一次先比，個阿姐仲要唔出聲啤住我地，好似係地我求佢比咁，埋單仲要收我地加一服務費，有鬼服務咩！！！

灣仔做野咁耐，成日聽到同事介紹金鳳雞批&蛋撻。不過一來唔係成日行過，二來總係有人排隊，總係無咩緣份試到。見到真身喇~~~其實外型真係幾好。其實知佢奶茶都出名，但$21／杯，真係太貴了。最後都只係買左兩個雞批&蛋撻試下。well~~~佢人多買，流轉快，熱辣辣新鮮，其實又點會唔好食呢？係正常好食既~~不過你問我，佢係咪特別好食，我又唔覺得。我覺得同泰昌差不多。價錢唔貴既可以試下，如果要排隊 我就覺得無需要喇。

金鳳茶餐廳，未試過的可能也聽過其餐廳名。今天有朋友來找我午飯，所以帶了朋友來這裡。面積細小，坐德較迫，所以當然也需要排隊。我點了個普通午餐 ($43)，有沙嗲牛肉麵，但沙嗲汁過多，整體超鹹。而火腿奄列則了不錯，份量夠大火腿又多。餐包只是普通的冷麵包，不太新鮮，質感也不軟熟，還有點梗身。最後茶餐廳必叫的是熱奶茶，也只屬不過不失的質素。茶味不算香濃。質素只屬一般茶記，價錢也不算便宜，但為什麼這麼岀名呢？

放假行開灣仔，行行吓有點肚餓，原來係三點三下午茶時間，正當諗想食乜的時間，發現有間餐廳門面絕不漂亮、仲帶點傳統，抬頭一看這間叫，最特別係門口有多人排隊，我便好奇地又排隊等一試，等了大約20分鐘終於輪到我了，入到去坐低後，便叫了蛋撻及椰撻各一個加杯凍啡，正當品嚐出名的蛋撻時，感覺到後邊有一股熱氣，原來正抬出一盤新鮮熱辣的蛋撻，原來還有他們的菠蘿油都很出名，下次行開再試吓。出名新鮮蛋撻，蛋味夠濃酥皮鬆脆椰撻肉質鬆軟皮脆冇冰凍咖啡使咖啡味更濃門口還展示其他的傳統蛋糕

今日去灣仔睇醫生，終於有機會試下。長期有人排隊，好彩我一個人，等咗幾分鐘就入到去。啱啱過咗早餐時間，又戒緊蛋同牛肉，惟有試營養餐，餐包加火腿通粉，餐包可惜唔係熱，但幾香，火腿通好食，通粉夠爽，火腿絲均勻，最期待無冰奶茶，茶味夠濃，飲完回味無窮。

在灣仔區工作，雖然吃的選擇種類多，但是中午找到位坐低吃真的很難，經常都要等等等！！今天中午早了落去食飯，就走左去金鳳食。這家餐廳真的不惹少，雖然地方沒附近的華星和龍鳳冰室那麼大，但是食物質素絕對在他們之上。附近既華星和龍鳳冰室雖然野食種類較多，但是就是沒有這裡那麼有懷舊的味道。今日依舊都係叫左個常餐(菠蘿包配五香肉丁烏冬加庵列)跟杯凍檸茶。菠蘿包口感鬆軟，肉丁烏冬十分惹味，而且又不太油膩！麵質煮的剛好，再配上超滑火腿庵列，超飽！