金鳳茶餐廳

營業中

休息中

一直都知道灣仔呢間茶記好出名，終於有機會同老公去食番個下午茶。老公叫左份午餐set， 我就叫左個凍鮮奶同蛋撻。玻璃樽嘅維記牛奶呢件事係完完全全勾起童年回憶呀！見到一爐爐新鮮出爐嘅面包同蛋撻，每一次經過都好香呀，聞到流口水🤤蛋撻新鮮出爐，熱辣辣，好味！午餐：有菠蘿包同餐包選擇。我地選左菠蘿包，可惜嚟個陣唔係出爐時間，個皮唔脆，配火腿奄列都唔錯沙爹牛肉同公仔麵，永遠都係絕配。沙爹牛肉係好濃好好味嘅，不過個面有啲淋。茶餐廳食野當然要飲番杯奶茶先得嘅，的確香滑好飲。