金鳳大餐廳 (D2 Place TWO)

營業中

休息中

最近帶我的小肥肥去荔枝角上playgroup，所以成日搵下附近有咩好野食。金鳳係繼深水埗文記之外，我應該會再encore的餐廳。 兩點不用等位點了一個午餐，粟米湯和蒜香洋蔥西冷牛扒配薯菜。餐包暖笠笠，粟米湯不會好水是我喜歡的濃湯，裡面都好足料有好多雞絲。自己本身好少食牛，亦較怕牛味勁濃的。牛扒似係炸亦無得揀生熟程度，牛扒和個蒜香洋蔥汁都幾好味，午餐來說$58都幾好，比大家樂鋸扒好好多！諗住自己係大食積，加點了一個黑椒蜜糖雞翼，$52都幾大碟好似有6隻，黑椒好香有點辣，勁多洋蔥配飯應該幾正！午餐應該無加一，但雞翼是單點有加一，餐飲叫檸水就差差地，有點苦澀，飲完先配起最近應該少飲有新鮮檸檬的飲品 😱😱 餐廳勁凍，問佢要杯水想食藥，今日天氣轉冷仲俾左杯冰水我 🤣🤣 不過會再去。

今天忙於工作。晚飯在公司附近的老牌金鳳大餐廳吃。點了50週年特別版貴族牛扒餐。雖然我不是貴族，但牛扒也不是貴族吃的高級貨。因此和我很搭配。牛扒是港式，肉比較鬆，入口不難嚼。薯格外脆內軟。夠味。羅宋湯夠熱。喝到一滴不剩。性價比幾好。

前幾日同呀媽去D2 Place行街，呀媽話好耐以前係太子食過呢間本地扒房，想試下呢間分店，於是就過黎据扒～～我地平日夜晚7點去，個場已經爆左，門口企左一些排隊既客人，足以證明呢間幾受食客歡迎！呀媽點左美國安格斯肉眼扒餐，而我就點左最經典既鐵板牛柳餐～套餐包括餐湯、餐包、主食同餐飲，好抵食！呀媽叫左扒餐好快就到，佢話個份量真係嚇襯佢，塊扒又大塊，而且有好多side dishes例如salad同薯格～呀媽叫左5成熟，佢大讚肉質鮮嫩，重牛味，好值得試！而我叫既牛柳餐係以鐵板上，熱辣辣，淋上黑椒汁，吱吱聲好治癒加左2蚊要蒜蓉，香氣撲鼻，成個層次昇華左，好食到停唔到口！餐飲方面我地叫左標榜無防腐既金蘋果汁，除左有益身心外，仲可以中和食扒既油膩感，真係一舉兩得！

今時今日鋸扒，選擇超多，不過講到吸引力，鐵板餐永遠有無可取代的地位。 上菜時，鐵板熱氣逼人，淋醬汁，咋一聲，趕快牽起餐巾遮擋……煙霧上升！今晚決定去重回這情懷！食鐵板當然要去「金鳳」也不錯啊！ 未到6點就去到荔枝角的分店，不過入面都已經有好多人，差不多滿座，時間早又或者唔介意等先好去食。餐湯羅宋湯多蔬菜，辣辣地，非常港式，很惹味！餐包暖又柔軟，搭餐湯一流！我點了「 美國安格斯肉眼扒」 ，肉味濃而質感嫩滑，無渣無筋， 亮點是+2港幣的蒜泥，成座山咁，超誇張！友人點了「 頂級西冷扒」，選用木板上，因他怕熱氣！也不錯啊！餐飲有別於原店的小小一杯，大大杯了！（忘記了拍照！）下次再來會試下金蘋果汁，因友人推介，但忘了點！

今日有事辦請左一個假加埋老公都放假就出去搵搵野食啦！經過見到依間金鳳茶餐廳, 裝修幾有風味, 就吸引左入去啦！牛魔王梗係叫左黑椒鑊仔牛柳, 我就沙拉忌廉豬扒, 見menu介紹金蘋果金好巿有心機,講到好處多多又一於試下啦, 等緊飯唻既時候再睇下四周圍裝修都幾有心思, 好多位好有下功夫, 午餐唻講價錢唔算太貴, 份量都好夠大份, 重點係金蘋果汁好意外, 本身抱住一試心態, 但估唔珧飲落係好唔錯, 首先唔好太甜, 都唔會耐化學味, 真正飲到生果既香甜, 值得一試！

金鳳名字歷史由久，牛扒一向是金鳳主打，經典中的經典，每每都大排人龍，今次lunch一場黎到都係等左15分鐘左右，午餐多選擇，而且相當經濟，必食推介當然係牛柳，肉質非常焾，意粉美味，一試再試！

D2 Place同D2 two係深水埗搵食好去處，有唔少新餐廳，環境唔錯，不過價錢唔便宜，一家人搵食，都係搵返性價比高嘅餐廳好啲。見金鳳門外排晒隊，價格算比較抵，一於去試試。暖暖牛油餐包配餐湯，最佳配搭！咖哩雞扒飯，份量好足，食唔晒要打包。我食雞扒鐵扒餐，兩件大大塊嘅雞扒，配合黑椒汁，雖然油膩咗少少，不過真係好滋味呀

金鳳大餐廳-係我中學嘅時候經常去食午餐嘅地方～以前去嗰間鋪頭面積唔大，而且位置逼夾但呢間就闊落好多！一入黎就聽到咋咋聲既鐵板聲令我想快d試吓，回味一下^_^一如以往有好多唔同嘅扒類比客人選擇～而且而家仲增加左好多唔同嘅新菜式，例如松露醬鮑魚帶子片扁意粉、鮑魚牛扒餐等等我哋兩個都鍾意飲紅湯，而且我就非常鍾意飲呢度嘅紅湯！因為佢嘅味道夠濃郁，夠酸而且有少少辣味，令到胃口大開！同埋蔬菜嘅份量都幾多👍🏻👍🏻👍🏻真係值得一讚！《美國安格斯肉眼扒餐》$155肉眼比我想像中薄切！但唔緊要，我今日係嚟食回憶嘅~ 開頭我叫五成熟，唔知係咪放得係塊鐵板上面太耐，入面有啲overcook...肉眼嘅牛味都叫有，而且有應有嘅肉眼咬口可能下次用木板上會好啲《貴族牛扒》$168呢塊牛扒嘅厚度有點誇張！佢有少少似石頭🤣🤣🤣呢塊相對於來講就係比較似5成熟！入面仲有鮮紅嘅血色。而且食落有少少血味，同埋佢啲肉味一齊食覺得好夾！因為佢係牛腱嘅位置，所以肉味係會比較突出！👍🏻👍🏻👍🏻而且我哋加咗錢要枝金蘋果汁 《$15》堅強宣傳單張上面寫都好似好勁咁就試吓啦，味道同一般蘋果汁冇咩唔同，可能比較清甜啲清淡啲～

今日同朋友嚟到呢個商場整蛋糕佢走嘅時候發現到呢間懷舊扒房所以朋友決定食下雖然時間尚早但係位子都差唔多坐滿估唔到呢間餐廳已經50周年真係老字號啊今次我哋就主要叫咗牛扒食呢度係上左扒之後先再淋汁已經好耐冇試過食扒嘅時候要放張紙巾係前面擋住啲油真係好有懷舊感覺餐湯方面我哋要咗羅宋湯同白湯羅宋湯嘅酸味剛好而且都好足料值得一提嘅係餐湯亦都非常足料就算飲到最後一啖都仍然係熱嘅好少餐廳可以做到呢個效果另外比較特別嘅係呢度可以加生蒜野菌西冷牛扒估唔到放係底既薯條都仍然好脆口呢個西冷牛扒好有牛味！正帶子牛扒餐配黑椒汁估唔到帶子有咁大粒而且好有口感讚呀！我地叫左9成熟不過切開嘅時候都覺得比較生好彩鐵板夠熱最後都可以整熟啲塊扒肉質好嫩而且好有牛味臨走嘅時候見到午餐餐牌價錢都唔算好貴而且免+1添喺附近返工嘅朋友不妨試吓！

以前細個冇咩錢去拍拖嘅時候會去太子間金鳳大餐廳鋸扒，諗住好耐冇去所以上網搵吓呢間餐廳仲喺唔喺度，點知原來係OpenRice見到已經開咗幾間分店，搵咗間就腳嘅喺荔枝角啲D2 place . 但原來而家都係好爆同埋好多人排隊，平日夜晚都要等左15分鐘枱，因為係新分店嘅原因所以裝修比起以前太子嗰間靚dd同感覺新d. 每個鐵板餐都有牛油餐包，餐湯及餐飲。我地分別叫左（美國安格斯肉眼扒餐$155），（美國牛小排餐$152），（香燒羊扒餐$132），（荷蘭豬扒餐$88）。果然同以前食嘅質素一樣，大大碟真材實料，特別想讚下個安格斯肉眼扒餐，155蚊真係算好抵食，因為牛味十分重，無好un既感覺，另外份量真係好多同好飽。如果唔食牛既人真係食幾十蚊就埋到單，仲抵過去大x樂個d食。

今日約左幾個fd食飯，佢地咁岩都係荔枝角番工，咁就去搵佢地食飯，平日真係好小黎到荔枝角，可以睇下d2 place有咩食，最多人仲要排隊既就係呢間好出名既金鳳，我因為未試過就捉佢地俾個機會我試下，因為d渣渣聲好鬼吸引見到價錢都好合理，套餐跟餐湯，餐包同飲品。紅湯同白湯都幾濃，幾足料，個包夠熱好軟熟，配牛油一流我同個食牛既fd就叫左美國牛小排餐同埋美國安格斯肉眼扒餐，份量好多，牛味都幾出同埋夠林，我食7成岩岩好，配埋黑椒汁同薯菜簡直絕配另外唔食牛既就叫左羊架同荷蘭豬排，又係份量好多，女士都真係要share d俾男士食，豬排鬆軟，羊架唔會太羶，有個羊既香味，中意既可以試下

知道荔枝角D2 place2有金鳳，印象中金鳳係大件夾抵食！同埋一路食不停聽到隔離枱炸炸聲！T骨牛扒餐$128+$2蒜蓉而家真係唔係度度有T骨選擇。order 6成熟+黑椒汁+蒜蓉。上枱極速快，份T骨真係大得誇張。店員會即時淋汁，鐵板好夠熱。切開大約8成，但都好易切開唔鞋唔靭，有粉紅色，肉味濃同juicy。黑椒汁唔夠辣，但配蒜蓉好味！牛扒底其實有薯條及蔬菜，因為被壓著薯條唔脆淋哂。芝士肉醬焗扁意粉$65+$20加套餐好足料，蕃茄醬濃郁juicy，勁多芝士仲有拉絲效果，意粉靭度ok冇過乾，份量其實都好多。黑椒蜜糖雞翼 $52雞翼都大隻，仲有6隻添，沾左蜜糖味，甜甜都幾好味，黑椒味就唔夠重。餐湯係羅宋湯，都有d辣😅凍飲唔駛加錢👍🏻👍🏻👍🏻個T骨真係好大份，2個share都好ok。我地係食唔哂家😅😅

是日來到D2 Place逛街，血拼了幾個小時，決定多吃一點補充體力🤫🤫這間金鳳餐廳走懷舊風，每次經過都幾乎滿座😮餐牌上單是鐵板扒餐🥩已經有不少選擇，入座後看見鄰桌的食客在吃一份看起來甚有看頭的扒餐🐂一問原來是在"廚師推介"Menu上的貴族牛扒，同時它亦是餐廳50週年呈獻的特別菜式，一於試試吧😃✨貴族牛扒$168這個價錢已經包了餐包、餐湯和飲品，算是很划算😛可選配黑椒汁或蒜蓉汁，亦可選用鐵板或木板上，食材採用了來自美國的牛肩扒🐂要保持肉質鮮嫩具彈性，店家建議五成熟🙂🙂雖然牛扒偏厚，但切起來毫不費勁，而且肉汁充分被鎖住在牛扒中，好juicy~ 薯格作為配角但亦不遜色，既香脆又熱辣辣😍✨咖哩香燒羊扒 (可選配飯或扁意粉)朋友不吃牛，又怕鐵板熱氣，就叫了這個咖哩羊扒扁意粉($78)，另加了$20轉套餐，意粉和咖哩羊扒分成兩碟上菜，咖哩羊扒亦有配薯仔，很足料🐑羊扒肉嫩而不羶，咖哩香而不辣，意粉都煮得剛剛好，是真正的al dente!!😍🤗🤗雖然店裡有部分員工看得出較新手😂對菜式不太熟悉，而且人多時亦顯得手忙腳亂，但人均消費才約$150，考慮到食物質素和份量，我們都認為CP值挺高的👍👍吃完我們都飽

✿ 金鳳貴族牛扒餐$168原來金鳳大餐廳 已經開業五十年😳😳😳 但我第一次試原本用木板上 不過店員話可以用鐵板當然要鐵板 比較有港式扒餐感覺 最重要係可以保持溫度 熱辣辣咁食😚牛扒選用美國安格斯牛肩扒😋😋牛肉味濃 肉質有咬口點左五成熟食得出唔太多鬆肉粉😇✿ 牛柳餐$99肉質有d奇怪 過分地軟不過幾厚身😛😛提一提 記得加錢 額外要新鮮蒜蓉😈香好多🤓
-
Yum：👅👅👅/5
Revisit:💃🏼💃🏼/5
Price: $350/head
————————————————
🌈金鳳大餐廳 (荔枝角)荔枝角長順街15號D2 Place二期3樓312號舖————————————————

鐵板上既扒餐😍😍套餐包餐湯餐包同野飲😋忌廉湯大大碗個人鐘意將個餐包沾湯食好正🤣加$2可以加生蒜係扒上面撈埋個汁正好多‼️-美國德州頂級西冷扒餐 $148西冷扒比肉眼硬d但都唔錯👍但肥膏比較多🧐肉質都嫩七成熟程度唔錯唔會煎到過硬😉呢個揀左普通碟上就會配薯格😋-美國安格斯肉眼扒餐 $155肉眼扒用鐵板上比普通碟香好多但就只配薯菜🍟建議鐵板上Jar Jar聲正好多‼️肉眼比較林入口即溶d😋個人比較鐘意肉眼👍