金門餐廳 (已結業)

幼稚園時期既我, 食野已經好有研究, 鍾意菠蘿包夾午餐肉同蛋. 這個配搭可算係極品.以前住既地方有個茶檔, 朝朝去金門買新鮮菠羅包番黎, 這個「餐蛋治」是我每日番學前既早餐.搬左之後, 樓下茶餐廳都可以要求佢咁整, 但味道完全係差天共地, 就因為個菠羅包出事.上年帶朋友到這裡吃餐蛋菠羅, 一年之後, 大家想到去香港仔食飯都異口同聲要到這裡.坐下即叫兩個, 要求太陽蛋唔要炒蛋, 菠蘿包雖然唔熱, 但仍然面脆內軟. 兩塊餐肉好大塊, 煎得好香岩岩好個邊仲有少少脆. 太陽蛋係由細食到大既經驗話我知好食過配炒蛋, 因為個包可以吸收埋黃既精華.但係金門既老伙計都走哂lu, 近幾年去親叫呢個包時都要解釋一輪係「菠羅包夾午餐肉同蛋」, 而且班伙計例牌會反駁太陽蛋唔夾得菠羅包因為個黃會流哂出黎(我就係想佢咁), 少左一份親切感.食完行一陣間準備番屋企時都係忍唔住要黎依到買蛋撻, 平時唔食蘇皮既我依到既蛋撻會係一個例外. 蘇皮好鬆化, 食時一定要搵野響底唔係周身都係. 蛋好香唔會過甜. 買完搭車番屋企慢慢嘆仲熱辣辣, 雖然之前個包未落格都一口氣食左兩個, 實在太正.不過堂食飲左佢杯熱菜蜜好好好好甜, 甜

自己由細到大都鍾意食呢度的麵包,尤其係雞尾包同白方包.雞尾包外面軟,裡面的餡又甜又香,而方包唔係好厚,但夠新鮮,放了一兩天都依然軟熟,正!雖然呢度的麵包係幾正,但絶對唔建議大家去食麵包以外的食品,之前曾食過一兩次,發覺除了奶茶咖啡外,其他食品分量係大,但多味精,仲要貴d(比一般茶餐廳貴兩三蚊),而d侍應就唔係個個都咁好招呼(緊張大師都係呢度侍應之一,但service叫ok啦),若要去茶餐廳食飯嘆奶茶,香港仔區依然有其他選擇,無需要去呢度.p.s.緊張大師返午班時,偶而收工後都會帶一些賣唔去的麵包回來,所以間唔中都會有免費包食,此乃員工'特別'福利,各位就唔恨得咁多喇! 嘻!另:味道同抵食評分只評麵包部分,其他的味道同抵食評分俱為1分,請editor留意!

我以前係住香港仔ge.每日放學都去食個蛋撻嫁~好咪ma~~又平~$2.5@咋!!抵~而且冇奶味~皮又好脆wor~e+我去親香港仔都會去打包番打蛋撻嫁!!

係度食過一次野,都唔記得點解會入去.....皆因只要你經過門口,就會有一陣勁難聞的味道攻向你的鼻！是一種類似味精湯加地毯’ｕｐ’左個的味道，係街坊就覺得無乜野，第一次聞到簡直想作嘔！我程願聞隔離藥材鋪的味道好過！而我曾係外賣麵飽到買過一件紙包蛋糕是霉的！<br>如果係旺區開這間茶餐廳一定執笠了九世！

我尋日去左香港仔金門做一個關於茶餐廳既project,咁我地問d伙記做左幾多年,點知問任何一個都話我做左無耐,咁我地六個人叫左一個波蘿油同一杯奶茶.我地諗住試下香港仔邊間茶餐廳d波蘿油最好食la,咁咪叫左一個六個分囉,點知有個阿叔行埋尼話呢到最低消費無個$10,嚇到我地即走.我覺得佢地d服務態度好唔掂,咁樣講野,唔知佢係咪講笑啦

呢度雖然係間望落比較舊o既茶餐廳,不過d o野食係唔錯呀!始終係茶餐廳,環境品流呢d 冇得咁講究o架啦,如果純粹睇d 食物,呢度真係又大碟又好味!茶餐廳奶茶好飲就唔駛講,而且d 包都好好味,直得一提呢度o既雞尾包,就算唔鍾意食都應該試一試~所有麵包都大大個兼唔貴; 晚餐份量多到好似為農夫而設咁....(即係體力勞動完之後好飢餓既狀態都唔會唔夠)

唔介意周圍都係煙民同粗口佬以及捽腳趾黨的話，不妨幫襯，典型舊式茶餐廳！

早咖啡 一流