金門餐廳 (已結業)

上次和男友去食,叫左兩個菠蘿包和蛋撻,覺得好味未叫多個給婆婆,回家去~

十九文包了熱奶茶一杯和腿蛋治烘底一份。奶茶先來，茶味略淡，有點像茶包奶茶。納悶之際，腿蛋治駕到，賣相不俗，蛋的份量不少，看起來，是很豐盛的樣子。多士不是烘成平時脆口的那種，難道是金門特產？不過，總體來説，那件腿蛋治是不錯的。

大大個雞尾包，包內充足的椰蓉，又香又有咬口，食番兩個至夠喉，令外兩款本人的至愛，淨沙翁＆墨西哥包，香軟之餘size又夠大，堪稱香港仔包霸，價錢又低，返黎香港仔我必到此一遊買包食的

開始更艱辛的操練，教練每次也不忘叮囑我們「要吃定東西先」，今次就吃個下午茶先。這裡有自家製的麵包，坐低前先去望一望，見盤菠蘿包新鮮熱辣，就簡簡單單的要了個菠蘿包及熱咖啡一杯。落單的伙記也問「不要餐？」「是菠蘿油嗎？」，可能真的少人這樣叫，也是的，下午茶餐都只是差幾蚊，已經有麵吃了。菠蘿包新鮮熱辣，味道口感都加分不少。椰蓉面脆脆的，麵包不夠鬆軟，而味道亦一般，不過都算是交了功課；咖啡都幾香，以地道茶記來說，已有水準。有一點要提，就是冷氣幾凍，熱啡不到半晌已變冷啡。埋單12個半，非常經濟，難怪是日是平日下午都差不多客滿的。

細個住香港仔讀書又一路都o係香港仔食足咁多年而家時間許可o既話都要去一去香港仔先再番屋企為的就是金門蛋撻讀中學時經常朝早出爐時買無論即食定等到凍左都一樣好味當然凍左會油少少啦個皮好正, D 蛋無吉士粉味又幾香$2.5 咁正o既蛋撻去邊搵好味過中環$3.8 港督都去食果間多多聲順帶一提金門雞尾飽都好好味$2.5 又多餡入面餐廳就真係從未食過由細到大望入去都覺得環境麻麻而家室內禁煙可能可以去試下

我最喜愛吃麵飽，這間舊式茶餐廳的麵飽正合我口味，全部是自家製的麵飽和蛋糕，很新鮮好味，唯其叉燒餡和豆沙餡就麻麻。其他的粉麵飯及飲品類，就是一般茶餐廳的水準，環境及衛生很麻麻，愛清潔的人仕最好避之則吉，麵飽fans不防一試。

幫襯過幾次!早午晚餐都試勻,奶茶超多奶,凍寧茶/凍奶茶好似「高濃度糖水」,常餐特餐咩餐都唔得!又試過佢d燒春雞外賣,佢地廚房好好技術,真係佩服到五體投地,能夠整到雞唔似雞,「一d雞味都無」!!!!

未食過其他野，淨係講早餐咋：真係好差。車，茶餐廳早餐咪又係果ｄ野，差得去邊呀？本來我都係0甘諗，但係食完呢門從此改觀。餐包改多士要加三蚊，算啦，照畀，等足三個字，點知多士完全唔脆，上面又無搽牛油，真激死。炒蛋又老又０農，完全唔滑。米粉連味精湯都無，淨係滾水。其他客人若無其事，不過見佢地主要係食煙，都唔係真係來吃野。

放假入去香港仔行下兼搵食，之前係OR做過功課，個個都讚自家製麵包不錯。坐落後才發覺簡直是一個煙竇，無論客人同伙計不停煲煙，伙計一路煲煙一路落單，真係過份，不過呢D舊式的茶記可以要求點呀!蛋治-麵包又厚又軟熟，雞蛋又多又滑，真是可媲美牛奶公司。滑蛋牛肉飯-牛肉幾韌，亦有一陣勁醃過鬆肉粉味，所謂滑蛋亦加了好多芡汁，反而白飯最好食，唔會腍pat pat，幾有飯未喎。而奶茶都唔太掂，不是傳統茶記味道，似是普通茶包沖的奶茶。

又要落地盤，當然要跟足地盤的文化三點三去飲茶。聽班工友話金門好抵食，尤其係蛋撻和飽，咁就同幾個工程師去食。又係一間好舊式既茶記，唔多起眼，平時成日經過但都留意唔到。直至今次刻意去搵才發覺。唔係話好肚餓，只是叫一個雞尾飽和一杯凍檸茶。好耐冇食過雞尾飽，熱哄哄軟淋淋，裡面仲有好多糖和椰溶，味道很不錯。杯凍檸茶就勁甜，連我這個甜怪都覺得有點過火，下次一定要叫佢小甜先得。老實講，呢間舊式既茶記，食物是有番一定水準，可是衛生情況真係奇差，好多舊式茶記都唔係咁。

托家姐o既鴻福, 令到我呢個好日都唔會去香港仔o既人有得食呢間老字號茶餐廳o既出品. 佢地o既瑞士卷好軟,好香蛋味, 好好食!

每逢跑馬日子，媽子都會來這裡買二十元八個雞尾飽。媽子買完回家，那些飽還是熱的。熱的雞尾飽，軟淋淋，底部就油淋淋的。裡面飽餡亦都是溶的糖加椰蓉，幾好味的，不過餡料就少些，味道都不錯。但是我的喜好是將飽放入雪櫃，雪它一晚。當第日早上取來食時，嘩，哪些椰蓉糖好好味的，而且還是成個飽內都好似有好多餡料咁，正。

香港仔半日遊,食完河粉食蛋撻.$2.5一個新鮮出爐酥皮蛋撻,去邊度搵?酥皮極鬆化,一咬即刻爆開咁,蛋味極農,微甜,熱辣辣,完全係一流水準,山長水遠到香港仔必食!!!

可以話係香港仔老字號。以前日日返學經過都一定買佢\d雞尾包(3蚊)or波羅包(2個半),抵到爆!水準是徇港茶餐\廳風味!我至愛佢\0既早餐\a餐\,火腿通粉餐\包,煎雙旦,凍飲,只是20蚊。

香港仔老牌餐廳,幾十年歷史,自製麵包蛋糕,由細食到大,新鮮熱辣,好好食.特別喜愛雞蛋蛋糕,$6個,蛋味濃濃的,蛋糕軟綿綿......