金華冰廳

營業中

休息中

尋晚去呢間茶餐廳食晚飯，朋友叫晚餐A+凍檸茶, 我叫雪菜肉絲湯麵，收銀員入機時大叫係咪唔叫嘢飲呀，我答「係，只要一杯凍檸茶」，侍應跟住話：「之後唔准再叫」，我話：「咁搞笑，之後唔俾叫嘢？」，突然收銀員態度奇差，面目可憎大叫：「而家叫你叫又唔叫，一陣再叫杯嘢飲變正價，你又嘈」，嘩，我本來想起身同佢講，第一，我唔知原來雪菜肉絲湯麵叫飲品也可以有優惠，第二，我真係無話會再叫，要唔要咁大聲講嘢。但朋友㩒住我，怕佢哋在食物吐口水。其實佢地應該同客人講「如果你而家唔叫埋飮品，一陣杯嘢飲會變正價」並不是大叫「之後唔准再叫」。頭先寫食評前，原來好多人都投訴佢哋服務真係好差，我明白幫襯茶餐廳唔應該期望有好服務，但至少唔應該俾人鬧。

對於粟米肉粒飯, 印象中嘅模樣跟味道, 好似已經食唔到了。印象中嘅肉粒, 係平日煲湯豬肉嘅顏色, 並不偏紅, 炒至差唔多熟, 連粟米及少少火腿粒, 炒到香口為止, 配上甜甜嘅芡汁加一碗白飯, 一碟簡單的碟頭飯就完成。路經金華冰廳, 見餐牌上有粟米肉粒飯, 好想知道佢係咪我揾嘅味道, 一於入內一試究竟。是日快餐 $41- 粟米肉粒飯 (少飯)- 花生眉豆雞腳湯- 熱檸檬茶見到呢碟粟米肉粒飯, 令我有點失落, 那不是我要搵嘅粟米肉粒飯。雖然係有點失落, 但金華出品係有保証嘅。肉粒鬆軟, 粟米粒加粟米蓉煮成的醬汁, 味道真係唔錯。是日餐湯為花生眉豆雞腳湯, 沒味精, 夠正氣。熱檸檬茶茶味濃郁, 係一餐完美嘅總結。

今日晨咁早就同經理上咗東莞見客談生意,基本上全個過程都可以話係冇啖好食,亦都冇乜機會食,所以完事之後大家都歸心似箭,奈何真係路途遙遠,車程勁長時間,番到嚟香港都已經係大家嘅收工時候喇。 因為實在肚餓難當,於是乎我就直接喺旺角火車站落車,一出行人天橋落地面就直奔呢間金華冰室去購買我至鍾意食嘅極級菠蘿油(餐牌上嘅名字叫做"馳名鮮油菠蘿包"),食咗兩年都仲係賣緊$10蚊一個,唔知佢哋會幾時加價呢?!呢個包想食嘅話真係要趁早,太夜嘅話或者週末假日,賣哂就冇架喇!!!本小姐都試過兩三次落空冇得食... 點解呢個菠蘿油咁深得我心呢?係因為呢一間個包真係夠香夠脆又夠大個,客人一點叫,職員就會即刻喺個烘機度拎個包出嚟切開口,再由雪櫃度拎塊鮮牛油攝入去,用個紙袋裝好就立即送上手度喇,有微微暖暖嘅溫度,一啖噬落去...菠蘿包個面脆卜卜,再加上佢塊鮮牛油夠哂厚,超級香濃,就算咬碎咗個面跌咗落個紙袋度都要倒番啲碎落個口度食!!!簡直係令人回味無窮,一諗起就已經又想再食喇

行過附近諗唔到食咩好，見到哩間生意唔錯打算入去試試，嘢食質素一般，但啲啊姐嘅服務態度真係好差！我同朋友坐卡位，可能咁啱撞正佢地放飯，喺我地坐低之後個啊姐竟然未問過我地就搭檯食嘢，唔問都算，佢仲邀請埋佢另外一位啊姐過嚟，話冇所謂㗎冇事嘅！你問都唔問下啲客就咁坐喺客人隔離開餐真係冇事？送餐嗰陣聲大夾惡！以後都唔會再嚟哩間！

每次去親旺角附近都一定會行過黎太子食金華～ 有時會買個包一路行一路食，有時又會坐入去食～呢一日落大雨，都係坐入去慢慢嘆！叫左個菠蘿鹹牛肉蛋包～脆卜卜既「菠蘿」皮一咬落去食到成枱都係碎包住熱辣辣既鹹牛肉炒蛋，鹹牛肉鹹度適中，唔會太鹹，至於雞蛋就充滿蛋香另外叫左雞翼同蛋撻，雞翼就冇乜特別，酥皮蛋撻雖然唔係新鮮出爐，但層層既酥皮咬落去覺得好幸福平時食開菠蘿油，今次試左新野都覺得好好食打打下又想食個菠蘿油！

網絡上大大好評的金華冰廳，尤其系大陸的網絡，對此冰廳贊不絕口，難道整間鋪里塞滿了旅客，的確，我也覺得呢間店好有香港特色，味道好好，尤其系新鮮出爐菠蘿包，皮酥包軟，大大咬上一口一定開心一整天。今天經過就打算試下菠蘿豬扒包，所謂菠蘿豬扒包就系在菠羅包里夾豬扒。菠蘿包皮有甜味，豬扒糸咸味，夾在一齊食，別有一番風味，好大份，食得好滿足。凍奶茶好滑，好香，唔怪得咁多人喜愛！的確不錯。不過可惜，服務好差，侍應黑口黑面，叫極不理，講野好寸。

係呢頭睇完中醫，又未到食飯時間，咁啱撞到朋友，朋友捉咗我黎金華。我都好耐無嚟啦，上一次已經好幾年lu。食小小嘢，又唔想飽，叫咗個雞批食，10元都幾抵。佢外表鬆軟，芝麻爆多，好夠香，啲料好足，由叉開，每啖都好豐富，而且係好好味。唔好睇小呢個雞批，我本身係好肚餓，只係想食小食，點知堅飽，可能夠滿足。叫埋杯奶茶，平時唔會影，但上枱個刻忍唔住，一層層睇得好清楚，茶底，奶係頂，慢慢跌落去。茶味夠，奶比例都ok，我叫咗少冰走甜，奶滑，唔會好澀。

吃午飯，本想吃完個快餐再點個波蘿油，點知我碟野都未食完，個樓面鄉音阿姐已經大大聲同我地講，吃個飯都食咁耐，我仲有客人傢! 要服務就咪黎呢度食啦！學咩人黎茶餐廳啊？！怇以上大喝的內容可以問當日在場食客為證。雖然我知呢個係好多做飲食的心聲，但我真係唔相信我聽到有樓面可以大大聲咁樣趕客，茶記都係咁話。呢個鄉音大媽，香港茶記之恥!其實，一個午餐50蚊連茶都冇杯，再加杯野飲都十幾蚊，我唔係食唔起，係唔需要黎呢度食。

經過太子金華餐廳就見好多人排隊，這間雞批好好食，外賣兩個做下午茶好大块雞批，價錢合理厚度十足，雞肉粒多配有火腿肉，又香又好味大大個，一個就食到飽啦菠蘿麵包，蛋撻等等都好好味啊

話晒我都去開金魚街,縱橫多年,一d老牌餐廳當然幫趁過唔止一次,講到金華,最出面當然唔係堂食既野啦,都知道佢不嬲門口都多行李,咁大家都知咩事,堂食我覺得唔算係香港人既水平,唔係難食,不過不失囉,但有留意開既都知道,每逢麵包出爐,金華門口一定大排出龍,我自己都係佢既fans,蛋撻又平又好食,雞批足料又夠熱,而我通常食完飯唔夠飽,都會去買多個菠蘿包,買呢到既菠蘿包,因為佢街知巷聞,貪阿姐夠爽快,一隻手找錢,一隻手比包👍🏻另外貪佢菠蘿皮夠脆,跌左落紙袋都可以成塊食👍🏻再另外貪佢夠大個,唔似連鎖包店食d空氣包,食完真係會飽,咁多年都個味都無變

晏晝冇乜胃口，所以都^_^去咗金華冰室諗住買麵包食，金華最出名嘅就係菠蘿包傳統老店有一種古舊嘅麵包舖嘅風味，其實佢係冰室外面嘅一個小角落，但係都好似以前細細個麵包舖嘅設計我去到咁啱菠蘿包出爐冇耐～ 所以香噴噴，見佢既菠蘿包大大個而且超級平所以忍唔住叫埋同事一齊幫襯 佢好快手，一早pack好一堆，所以見我地要買，就拎俾我哋，2秒既事拎上手，菠蘿包好香，而且係暖手嘅！我好耐冇食過菠蘿包，所以超級期待。咬落口，麵包好鬆軟，上面嘅脆脆唔會散晒出嚟！獨立食都覺得唔錯而且都大大個，雖然就不至於飽肚，但係填肚係佳選

沙爹牛肉麵+奶茶係一個絕配。這裏的奶茶是用傳統Ke Ceylon black tea 做茶膽，茶味偏濃，非常好飲 。沙爹牛肉麵的而麵質煮得剛剛好，好有彈性，而牛肉亦好有口感，不像權頭貨。但這裏擁擠，你需要在繁忙時間與陌生人分享桌子。值得推介

行完旺角金魚街，又未到晚飯時間，但係又有少少肚餓喎！一於入去金華冰廳嘆返杯熱奶茶和菠蘿包， 今次仲試咗佢哋嘅鹹牛肉三文治。 好多人都會鍾意金華冰廳嘅菠蘿包， 因為真係好好食， 新鮮出爐熱辣辣仲要皮脆內香， 熱奶茶都唔錯，茶未夠濃！茶味和奶未融合得好好，反而佢哋嘅鹹牛肉三文治就冇乜特別， 三文治入面嘅餡唔係太多， 可能本身又唔記得叫麵包烘底， 食落就唔係太香。 佢哋唔止菠蘿包，仲有各式各樣嘅麵包都唔錯㗎， 之前都有試過佢哋嘅蛋撻和墨西哥包， 熱辣辣好好味。推介大家可以嚟試下呢度嘅菠蘿包， 或者菠蘿油都係必食之選！

今日行過旺角東果頭,見到金華既新鮮出爐菠蘿包,秒速引黎一大班人排隊,4個菠蘿⋯1打蛋tart,2個豬仔,不斷都有人一批一批包咁賣走,我再伸個頭入去望望,又真係好似好新鮮喎🙈,話口未完又有一底包新鮮滾熱辣咁出爐了！好啦,見佢咁多報紙雜誌做專訪,咁就試下佢個菠蘿油～一個油,order唔夠3秒鐘,阿姐拎起個菠蘿包手起刀落一切,錢都未收好就要拎個包😂睇住個牛油慢慢係個熱辣辣既菠蘿包到溶真係好自愈😂估唔到咁大個,咬落去第一啖未咬到牛油,但feel到菠蘿包皮好脆,到第二啖冷熱交替,真心正👍🏻好少食到咁脆皮既菠蘿包,以牛油既厚薄適中,會比包既熱力溶到大概8成,仲有少少咬口,難怪咁多人排隊😆

早上食完早餐，撞到同事，就陪咗佢去買包食我推薦咗佢食太子好岀名既金華菠蘿包～ 呢間餐廳本身係茶餐廳，但由於菠蘿包出名得滯，所以好多人過黎朝聖，都係想買菠蘿包食我地去到既時候，啱啱墨西哥包出爐，超級香👍🏻👍🏻 我朋友叫咗菠蘿包，佢就好快咁pack俾我地一拎上手，仲喺熱架 仲要好大個，都幾扺，$6就有一個，真係會食完好飽~ 我朋友急住試下，佢話好好味，麵包好鬆軟 上面既脆脆唔會好散，仲要好多，唔會咬兩啖就冇哂 仲想買多個食🤣🤣 我本身唔太好菠蘿包，但係我同事就好鍾意食🤣