金祥排骨麵 (已結業)

呢度的菜吞骨面真係好味,豬扒香脆.仲有好多配搭如:冬菇,雞塊,竹笙環境方面,西環斜路的鋪比北角及對面的舊鋪好, 水準多年仍然保持到

昨天晚上山長水遠來。中間的時間空檔要搵啖食。用得排骨麵做招牌，緊係叫下啦。一碗排骨+紫菜腐皮卷+菜膽粗麵。$23一碗草菇雲吞幼麵。$22湯底ok，但草菇雲吞果碗唔得，草菇無質感，細粒的，雲吞則又淋又霉，無菜的鮮香味。要各式飲品的話，凍熱都係加5元。呢度配料選擇都算多，亦可自由配搭。可以跟飯o添，唔一定要食麵o架。餐牌上有些紅色字的，就是傳媒推介喎。

於小小的水街內，就有兩間分店，可想言之它的麵一定有特別之處︰湯麵湯麵，當然是以湯為主，但它的湯卻是清清的，反而這樣便對它的肉襯托出來。不論是它的招牌炸排骨(即炸豬扒)，或是雞球，都帶有好豐富的口感，而炸粉是薄薄的，也不會很油。至於愛吃素的朋友們亦可一試它的菜膽，冬菇及竹苼，它們雖是菜，但一眼便看出，它們並不只是伴菜而已，相信在其他麵店裏也很難再找到。

平時聽d同學講呢間野有幾好食有幾好食, 上星期終於去試左, 食左個排骨麵。我以為同出面d排骨麵差唔多, 都係好多骨, 點知1舊都冇喎, 真係同豬扒差唔多, 我鍾意食XD其實都真係幾平, 加多5蚊就有野飲, 都幾大杯的, 我嗌左個凍檸茶, 我個friend嗌左個酸梅湯。本來我對呢間野既整體印象都好好, 就係衰左係個酸梅湯度, 有藥水味既唔知點解?.?d阿姐的服務都好好, 因為我同2個fd諗左好耐都唔知食咩, 佢會樣樣都介紹下, 我個fd轉左3次佢都冇黑面, 算係好架喇。總的來說, 我會再去食的, 值得推介=]

隔左好多年冇再食過呢度o既排骨麵，上個星期六放工後專登走黎呢度再食過，睇下有冇咩唔同。我叫左一碗時菜排骨wantong麵。唉，舊排骨真係令我好失望，炸得唔通透，唔似係'炸'咁...不過，d菜肉wantong同埋上海麵就好好食，同埋碗麵好大碗，都食唔晒。anyway，$23都ok o既。

行完山落番市區,喱帶星期日真係乜都唔開,成幾條街得喱間食店係比較好.叫個豬扒麵,豬扒炸得唔錯,肉質幾腍,有蔥及蒜蓉味,而且仲幾入味添.麵為上海拉麵,較硬身而爽口,唔錯.湯底較清,冇搶到豬扒o既味道,唔錯o既配合.

今晚一個人黎食野, 叫左牛腩云吞排骨粗湯麵, 28蚊跟一杯野飲. 菜肉云吞有4大粒, 牛腩牛筋都有好多, 排骨糸分開上, 吾會比D湯浸淋哂. 但D排骨好干, 好似糸番炸咁, D粗麵都有咬口. 味道都ok. 叫左杯凍好立克, 阿姐吾記得落糖水... 哈哈, 都會再去食野既.

今晚七點幾黎食, 因為肚餓, 而且少食飯, 又因為鍾意食蕃茄, 就叫咗鮮茄排骨飯($20). 個汁甜甜地但杰咗d, 都有幾舊蕃茄幾甜, 個排骨皮幾脆幾鬆, 但無論係汁定排骨定飯都唔夠熱! 加飲品涷檸賓只係$5, 好抵, 都夠味, 再叫個蒜香炸雞翼($5), 有三隻當然只係細雞中翼, 都有蒜香, 但就好油下, 下次都係跟番食評食排骨麵穩陣d.

晚上不知吃什麼,回家時經過金祥排骨麵,又見咁耐都無食過,睇吓佢有無失水準?因為我係學生,叫一碗$23三餸麵(北菇菜膽雞球麵) ,學生可加$1便飲到一杯清涼O架飲品,已經飽飽地Lu!

my friend brought me there for the pork chop shanghai noodle 10 yr agonow i live in saiwanbut i just visit there abt 3 times a yr...honestly, the tasty thing is only thr deep-fried pork chop.the taste of veg. wanton is average-average...nothing else.....noodle is usually boiled too long and too soft..the deco...too old..service ...no service in fact

呢間野真係幾好味，我諗諗下又去多左一次西環店。我重神心到去埋屯門既分店(咩上海珍珍排骨麵)，不過就真係冇咁好食喇，失望.....

今晚黎左呢度自己一個食碗麵，叫左菜膽雲吞排骨麵。排骨即炸豬排(幾好，外脆內軟)，雲吞有好多種(我試左菜肉)，菜膽真係只見菜中間果部份，麵ok有口感。加杯野飲五蚊。經濟抵食

我相信大部份人的午餐多在公司附近的食店享用. 而且經常會幫襯. 我打算一一把公司附近(西區)的食店作一個簡評.這食店在西區有一點名氣, 好像有好多食評推介. 我偶然也會去吃東西.我多數叫雲吞排骨麵+菊花茶. 雲吞是菜肉雲吞. 排骨是炸豬扒. 味道不錯, 值得推介. 唯一不好的地方是空調不足. 每次都食到成頭汗.

我吃排骨雲吞面.雲吞大大粒炸排骨, 很香很脆. 只是肉質老了點.整體不錯的

星期六下午又來呢頭搵食，見呢間舖頭雖然其貌不揚，但有好多報紙雜誌的食評貼出來，加上仲有幾篇係架文添，而坐低食野的人又不少，佢直頭要開多幾檯出舖外，係米咁勁呀？叫了時菜排骨麵，要20蚊一碗，在這環頭地方來說絕對唔平。碗麵都算幾大碗，有炸豬扒一塊同菜，整体來說都幾有份量；粗粗的上海麵還不錯，炸豬扒亦醃得入味，亦炸得香口，有水準。同檯有人叫米粉，看樣子是普通貨色，亦有叫魚卷，反而這個賣相唔錯，再吃要試這個。<br />