金甲韓國料理 (已結業)

見有團購諗住一試，但加埋各項附加費真係一啲都唔抵食。。7:30入座要再另加$38.8，話會送虎蝦，攞到埋嚟只係蝦仔一隻又話任食Dreyers，點知係維記壽司非常少款，賣相又差，生果甜品不凍的，泡芙又林又暖d cream溶曬。。。服務態度又差有位朋友嚟唔倒，團購又話必須2人同行，寧願浪費一張券，我唔會再花錢落去！

見到團購以為好野，點知麻麻。今日和老公去左食這間B時段(7至10點)，用左每人$98團購價，加一服務費$50，原來B時段另加錢，埋單唔計之前團購比左錢，共比左$174現金，再計番佢本身正價價錢，每人平均平左$20，平咁少，總知唔去食啦～因為唔知原來食物質素咁差。講番環境先，入到去要同人搭台一齊食，可能冇二人桌吧！唔緊要啦！因為隔左個空位置。之後我出去攞野食先，見到Ｄ碟唔對路，好似有少少污穢，不過都仲接受到。因為團購時網上Ｄ食物相張張超靚，攪到我望過去有些呆了。三文魚刺身無味。。。甜點外表都算靚，夾肉地方多選擇，熟食野不予置評。有老火湯人滲湯，貌似紅豆沙（打開蓋但都唔確定，陣味無味）飲品任攞燒燒下已經唔想食。咁我就去試下甜品，去左拿左個微型泡芙＞好食，如果凍Ｄ會更佳；好似燉蛋既野＞還可以，但如果有焦糖會更好；同埋一杯白色固體（我最初以為係椰汁味），點知食落似牛奶但又似其他味，總知唔好味。整體很差。價錢完全唔值，食物麻麻，收得唔平，寧願加少少錢食第二間好過。食完這間，必定開ACC寫食評，因為太差，所以專登寫，不會再幫襯第二次，請我都唔會去，廢事去到一肚火。

肉唔算特別新鮮，也不是醃得特別好味！唯獨雞件比較好味！其他牛、豬肉、魷魚都係冇乜味！蛋糕唔滑，似隔夜！甜品種類多，但唔好食！唯獨西米杯好少少！水果得兩種，橙、西瓜！西瓜係暖的！頭盤小食：有十幾款，中華沙律、雞腎、雞腳、蘿蔔絲、提子幹、僑頭、青瓜、啫喱糖、涼粉等！中華沙律鹹到要即刻飲水！雪糕：有四個口味，團購寫明係 Dreyer's 雪糕，結果去到見到個蓋寫住維記雪糕！想講粗口#%$&@#%*¥€£ 飲品：五花茶得個甜字，芒果汁也如是！湯：兩款。人參雞湯：濃過清水少少！老火湯：青紅蘿蔔$&@#%^*¥€£ 重點來也：話說團購晚市成人$98/位 (3小時任食)  <--- 所謂的三小時係9:15pm後入座才有，否則係2小時only.星期五、六、日、公眾假期及前夕另加收$10晚市時段B(7:00pm-10:00pm)每位另加$38加一服務費 晚市 $48.8/位加完以上項目的費用$194.8/位，你還會選擇金甲嗎？漢和、漢陽苑、韓舍.....任何一間都比呢間好吧？無論食物質素還是價錢！26/6 食，25/6 book位都話有位，終於知道為甚麼！ps:團購券寫明須提早兩日預訂

見到網上團購, 就打去book位1830試食, 第2日想加位, 我又打去, 服務員回應我book既係2030唔係1830, 好彩我打去改位, 先更正返餐廳既錯誤, 然後當日亦沒收到餐廳既confirm電話, 1700左右我又打去confirm座位, 服務員回應有位呀, 嚟啦1820左右上到餐廳, 經理話搵唔到我既預約, 我打咗3次電話上嚟都會出錯, 混亂!! 黑衫經理態度係好我係食時段B入到去, 什麼花甲, 炒蝦冇...團購網菜單有列, 咁既價錢, 食普通韓瞥...相當貴大約1900多, 家人告知我有白衫服務員同我家人講夠鐘埋單, 我家人答我地食到2030喎, 1930左右白衫服務員又嚟催埋單, 令到我同我家人有尷尬, 我即刻俾張飛佢睇, 同講聲唔該搞清楚d好無, 我愈講佢就愈走, 呢d常見香港本地既服務業文化...食完夠鐘, 突然醒起果4隻7吋珍寶老虎蝦無上!! 唉, 乜唔係客人一坐低就應該上, 服務員完住當無呢回事, 食完一肚火混亂, 錯漏多, 貴價, 唔特別, 服務差, 我只可以同朋友講呢間同文字介紹好大出入

因為係網上見到有團購，所以來到這間金甲韓燒。因為人也不算很多，加上一早book 了，所以不用等就可以入座。每位$188加一，可食2-2.5小時。食物種類也很多，有熟食，有壽司，甜品，炸物等等，飲品任飲。韓燒的話，我尤其喜愛其牛肉及牛仔骨，很好味！甜品的話，以自製棉花糖最特別。熟食則沒有特別，炸物通常都凍曬。環境尚算乾淨，惟服務差了一點。舉了很久手也沒有應理睬，應該是因為人手不足的原因。在吃了一個小時多後，竟然有侍應自動收走我未吃完的碟子，之後我跟他說，他才停下來。雖然明白很忙，但未問過客人卻擅自收走碟子真的令人感覺不佳。整體而言，我覺得這間韓燒與其他店沒什麼大分別，若然沒有團購優惠，他的價錢比一般貴。

見到yahoo團購呢間野好似好多野食咁，星期日晚去左食宵夜時段$163一位(已計加一)即刻出去攞野食，行完一個圈發覺好多團購上muen 上既海蝦、某啲甜品同小食都無，無左既呢幾樣野就係我最想食的 最特別既棉花糖機我見唔到係邊，只見到啲糖(可能宵夜無掛)啲甜品(涼粉,不知名CAKE仔見到唔會想食,燉蛋完全唔好食無味得小小甜味,木糠布甸個味勁奇怪完全唔係果回事)、三文魚刺身、生果、冷盤、飲品就咁攤哂係度，唔衞生兼唔夠凍。 其實今晚既宵夜時段計埋我地得三枱客，我11pm攞野食時除左燒既食物,其他甜品、熟食已經無哂咁濟，另外兩枱遲我地45-60分鐘先入嚟，有點替佢地可憐，因為上場仲有幾枱客係度攞野食的。除左晚市有任飲罐裝飲品，其他時段只有五花茶同芒果汁飲，成壺擺係度唔凍的,芒果汁係一般糖漿溝出黎,五花茶應該比侍應搞錯左溝左可樂落去有汽同少少可樂味，最後只好飲茶。 牛仔骨好食唔韌,但本身無咩味靠個豉油有味,金菇肥牛卷好香細細卷SIZE岩岩好,雪糕有雲呢拿同chocalate chip 應該係牛奶公司,南瓜幾甜好食,本人非常鐘意食三文魚鰭,佢有燒好的三文魚頭,骨,腩又係D好難唔好味既野,自己

27號食聖誕餐係遲左少少，我哋3個女仔同2位娘親大人決定食個痛快，韓燒！！其實係2位小妹妹係食肉獸，而且百吃不肥，佩服佩服。我哋冇團購，但真心慶幸冇，因為佢冇限時，而且都係198+1！！book 左6點早左到都冇問題，同埋服務態度好好，地方又大，一d都唔迫，十個like!! 講下野食，選擇唔少，大路既豬牛雞都有，海鮮方面有墨魚，魷魚，青口，龍利柳，如果蝦早少少攞出黎更好，蔬菜有菇，洋蔥，矮瓜等，而且甜品款式唔少，當然味道一般，不過不失，但黎食韓燒應該唔係為甜品，所以我冇所謂，值得一讚既係三文魚刺身不斷refill,而且刺身唔錯架，我都食左好多。韓式前菜唔少得，都幾好食，仲有少少燒物，好似多春魚，薯餅，薯條，係等燒既時候可以食下黎d。野飲有氣水，啤酒，五花茶，芒果汁，仲有湯，都算唔錯。對於是次韓燒其實我真係非常滿意，因為無論係地方，服務態度，衛生，食物款式都好好好好好好，打破左我對韓燒之前唔好既印象，如果再食，我都會揀番黎間，而且佢似乎冇因為團購而降低質素，真心覺得好滿足！！

買左晚市團購2張,5:00PM-7:30PM去到人不算多..可能因為時間尚早..2人座位不多..所以被安排了坐4人座位..但4人座張"木台"唔夠大...餐墊唔係放起爐前面..因為唔夠位感覺有點奇怪呢到既侍應生都只講普通話當燒到1半既時候會自動幫你換爐可以燒既生食款式唔多...值得1讚既係魷魚鬚同墨魚仔都有泡菜味..幾好味,而其他生食唔洗點鼓油都有味...同埋唔係款款都係一樣味而牛仔骨唔韌.所以食左好多...雖然火爐較到最大,火都唔算好大...但燒多春魚就1流...熟食有泡菜餅,雞翼,薯餅,燸米糍,韓式粉絲,燒魚(唔知咩魚)等等泡菜餅味道不錯,皮是頗香脆的,不過友人話冇乜泡菜味雞翼頗甜..不過因為凍左冇咁好味韓式粉絲好味,同漢和差唔多.但即使係新鮮出爐都好碎..燸米糍就麻麻..甜品款式不算好多有雞蛋布丁,抹茶CAKE,藍莓CAKE等等..雞蛋布丁只有很淡既雞蛋味抹茶CAKE有好香濃既抹茶味,不錯藍莓CAKE都OK的..正正常常啦仲有涼粉,可以自己MIX材料...雪糕有雲呢拿味同朱古力味朱古力味夾雜了朱古力碎,因為係雀巢牛奶公司出品.所以沒什麼期望另外仲有壽司同3文魚刺身友人話鰻魚壽司冇乜

在團購買了4 張, 今次book lunch 放題, 埋單加埋一, total $110 左右, 都好抵食由於間店應該係新開, 所以都唔多人. 服務生也很足夠, 因此出面攞野食既地方都唔會dirty.食物款式都有曬基本應有既, 都很滿意, 最好食係燒八找魚同老火湯其他還有很多熟食, 不過我無咩點食, 事關我都好勤力甘燒很可惜我竟然唔記得左玩個綿花糖機!!!!!已經提左自已要玩個機旦太飽所以唔記得左...@@ 

比起放題/打邊爐,我極少會選擇韓燒因為怕全身都是燒烤味,加上會常常都會燒焦但在無意中見團購有,menu很吸引!最後沒買到團購,只是普通電話book位算~book了10點,時間可食到1點?? 在樓下已經有人派單張,得知我們是食這間,都幫我們帶位一上去就可即入座,4個人安排了6人座位,座位之間比較寬闊,很舒服旁邊就是放食物的地方... 可惜的是,棉花糖機在旁,每次有人整棉花糖機時,那些棉花糖碎一直飛到我們的位置無奈我剛洗好頭髮一邊食一邊燒一邊看著棉花糖碎滿天飛應該是新開吧?擺設都很整齊和集中,只是果汁和汽水雪櫃相距較遠熟食種類不算多,眼見只有4款,我在網上看到MENU好很多款 而甜品都比想像中少,可能我們10點才到,都是近尾場刺身只有三文魚,雖然朋友不停食食食,沒有雪味,可我覺得不算新鮮壽司的飯比較乾身和偏硬冷麵就好像無味的...人參湯都是偏淡,但有陣陣人參味咖哩魚旦軟軟的,有點辣,可太重白籮白味 如果沒白籮白味我會很喜歡燒烤類都比較少,幸好油煙味較少青口,鴨胸,牛肉必點!!青口不用醬油調味,燒的時候都出水,應該是海水??鹹味剛剛好!! 可能因為朋友剛燒完辣辣的八爪魚,而我又剛好把

之前BOOK咗位，所以不用等！衛生環境： - 餐具、爐頭、地面都幾衛生，枱面地面不會油淋淋！自助食物擺放也很整齊，很乾淨！食物種類：OK - 有沙律、壽司、三文魚刺身、糖水、人參湯、肉類，蔬菜、生果、棉花糖、汽水、各項熟食等。燒烤食品種類不算多，尤其肉類款式。價值：合理，但如果有少少折扣會好啲，因為漢X苑都有9折啦！不過BOOK位時都R到95折，總好過無啦~ 食物味道：1. 炒粉絲：奇怪地很甜！ 2. 人參湯：很淡 3. 三文魚刺身：OK，可以一試4. 前菜-白菜、波菜、青瓜：幾好味，可減鹹一點！5. 醃肉類：偏鹹了，燒烤肉類味道一般，醃汁無咩特別，如果有黑椒味、蒜茸味就好叮~6. 燉蛋、燉蛋白：必食！甜度適中7. 多春魚：大多數都完整，唔會爛溶溶俾人夾8. 蝦：雪藏蝦，預咗不會新鮮，但可接受9. 青口：無醃，但原味燒又幾好味呀！10. 棉花糖：好玩好食！11. 飲品：有可口可樂、各式罐裝汽水，五花茶，lemonade，我飲咗lemonade，唔會淡味！朋友就不斷添五花茶服務：侍應阿姐都可有交帶，細心，因有一個爐有少少問題熄了火，佢同另一男同事即時跟進，其他男侍應都好有禮貌。

今日同朋友食生日飯，行過旺角得知有間新開韓燒，價錢合理，於是上去試一試！ 入到門口像入了酒店食自助餐的感覺，有甜品吧，雪糕櫃，任飲氣水同樂天特飲雪櫃，沙津吧，中湯部，熟食吧，韓燒吧！ 坐下後感覺舍服，座位與座位之間相距很遠！ 跟四五知己聊天也不怕被人聽見！也不會感覺太嘈雜！ 食物：棉花糖機： 自已整花花棉花糖，好好玩！ 拾回不少童真！刺身三文魚鮮甜美，仲不停供應不用爭食！ 壽司有很多選擇也不錯，不像雪到硬實實！ 熟食： 豬腳薑很入味，蛋不至像出面那般白曬曬唔入味，胡椒豬肚好味道，極推介抄粉絲，勁好味！ 沙津吧：有提子乾，菠蘿，車里茄，原條香蕉，雜果沙津，螺肉，海帶，魚乾，拍青瓜，蘿白絲等等！湯： 有人參湯- 勁好飲甜品： 奶凍 用柸裝的好好味木康布丁，朱古力泡夫，奶凍，西米粟米糕！雪糕加上涼粉加上菠蘿又成了一款甜品！韓燒吧：推介彈牙鮮蝦(不莓好味) ，雞翼，牛仔骨不韌，燒青口，金菇肥牛卷，魚柳，雞比菇，火雞腎，鴨胸，！飲品： 汽水，咖啡，明治果汁任飲！生果： 火龍果同西瓜都好甜！

今日同朋友食生日飯，行過旺角得知有間新開韓燒，價錢合理，於是上去試一試！ 入到門口像入了酒店食自助餐的感覺，有甜品吧，雪糕櫃，任飲氣水同樂天特飲雪櫃，沙津吧，中湯部，熟食吧，韓燒吧！ 坐下後感覺舍服，座位與座位之間相距很遠！ 跟四五知己聊天也不怕被人聽見！也不會感覺太嘈雜！食物：棉花糖機： 自已整花花棉花糖，好好玩！ 拾回不少童真！刺身三文魚鮮甜美，仲不停供應不用爭食！ 壽司有很多選擇也不錯，不像雪到硬實實！熟食： 豬腳薑很入味，蛋不至像出面那般白曬曬唔入味，胡椒豬肚好味道，極推介抄粉絲，勁好味！沙津吧：有提子乾，菠蘿，車里茄，原條香蕉，雜果沙津，螺肉，海帶，魚乾，拍青瓜，蘿白絲等等！湯： 有人參湯甜品： 木康布丁，朱古力泡夫，奶凍，西米粟米糕！雪糕加上涼粉加上菠蘿又成了一款甜品！韓燒吧：推介彈牙鮮蝦(不莓好味) ，雞翼，牛仔骨不韌，燒青口，金菇肥牛卷，魚柳，雞比菇，火雞腎，鴨胸，！飲品： 汽水，咖啡，明治果汁任飲！生果： 火龍果同西瓜都好甜！總括來說會再去的一間值得推介的韓燒餐廳！