影片
更多
2015-01-12
10250 瀏覽
見到yahoo團購呢間野好似好多野食咁，星期日晚去左食宵夜時段$163一位(已計加一)即刻出去攞野食，行完一個圈發覺好多團購上muen 上既海蝦、某啲甜品同小食都無，無左既呢幾樣野就係我最想食的 最特別既棉花糖機我見唔到係邊，只見到啲糖(可能宵夜無掛)啲甜品(涼粉,不知名CAKE仔見到唔會想食,燉蛋完全唔好食無味得小小甜味,木糠布甸個味勁奇怪完全唔係果回事)、三文魚刺身、生果、冷盤、飲品就咁攤哂係度，唔衞生兼唔夠凍。 其實今晚既宵夜時段計埋我地得三枱客，我11pm攞野食時除左燒既食物,其他甜品、熟食已經無哂咁濟，另外兩枱遲我地45-60分鐘先入嚟，有點替佢地可憐，因為上場仲有幾枱客係度攞野食的。除左晚市有任飲罐裝飲品，其他時段只有五花茶同芒果汁飲，成壺擺係度唔凍的,芒果汁係一般糖漿溝出黎,五花茶應該比侍應搞錯左溝左可樂落去有汽同少少可樂味，最後只好飲茶。 牛仔骨好食唔韌,但本身無咩味靠個豉油有味,金菇肥牛卷好香細細卷SIZE岩岩好,雪糕有雲呢拿同chocalate chip 應該係牛奶公司,南瓜幾甜好食,本人非常鐘意食三文魚鰭,佢有燒好的三文魚頭,骨,腩又係D好難唔好味既野,自己
即刻出去攞野食，行完一個圈發覺好多團購上muen 上既海蝦、某啲甜品同小食都無，無左既呢幾樣野就係我最想食的 最特別既棉花糖機我見唔到係邊，只見到啲糖(可能宵夜無掛)
啲甜品(涼粉,不知名CAKE仔見到唔會想食,燉蛋完全唔好食無味得小小甜味,木糠布甸個味勁奇怪完全唔係果回事)、三文魚刺身、生果、冷盤、飲品就咁攤哂係度，唔衞生兼唔夠凍。
其實今晚既宵夜時段計埋我地得三枱客，我11pm攞野食時除左燒既食物,其他甜品、熟食已經無哂咁濟，另外兩枱遲我地45-60分鐘先入嚟，有點替佢地可憐，因為上場仲有幾枱客係度攞野食的。
除左晚市有任飲罐裝飲品，其他時段只有五花茶同芒果汁飲，成壺擺係度唔凍的,芒果汁係一般糖漿溝出黎,五花茶應該比侍應搞錯左溝左可樂落去有汽同少少可樂味，最後只好飲茶。
牛仔骨好食唔韌,但本身無咩味靠個豉油有味,金菇肥牛卷好香細細卷SIZE岩岩好,雪糕有雲呢拿同chocalate chip 應該係牛奶公司,南瓜幾甜好食,本人非常鐘意食三文魚鰭,佢有燒好的三文魚頭,骨,腩又係D好難唔好味既野,自己再燒反熱D,所以我食左好多.
另外豬扒個味OK好細薄但比較鞋,雞翼超級唔得,完全無味白哂哂,係D白雪雪好假既雞翼
食到12點15分侍應話要收野叫我地攞定野食，傳單寫的11-1:30am是錯的，侍應話係到1am,其實入去時已感覺成間野係收緊工，個個係度做緊清潔，經理就坐哂係度吹水等收工，成個地下係岩岩拖完地，成晚食到好趕咁，好無食野feel ,只係想快啲食飽走，12:20左右已經熄音樂熄冷氣，講句野大聲少少全場都聽到，不過啲枱都好大張，坐同食物都好過漢和既。
成晚我覺得好味既只係得牛仔骨、金菇肥牛卷、雪糕、火龍果、雞脾菇、南瓜、煎堆仔(大部份都係原本個味好食-_-")
總括-如果呢個價錢我淨係食到以上既野，我應該唔會再去，我食大滿喜一樣價錢開心好多。
題外話/補充資料：
已經收左加一，找錢時仲要找4個1蚊勁小家，真係好討厭呢啲
(以上食評乃用戶個人意見 , 並不代表OpenRice之觀點。)
張貼
