金田家 (已結業)

因為旅行後遺症既關係，友人話好想食返係九州既拉麵🍜，所以我哋嚟到銅鑼灣嘅拉麵街，但係星期六既關係，間間都大排長龍，見到依間未試過，又標榜自己係九州第一，就揀左依間金田家試試佢。餐牌選擇都多，我就選擇咗辛子黑蒜拉麵 ($88)，友人選擇咗豚骨Mix拉麵 ($78)。辛子黑蒜拉麵 ($88) 味道略濃，湯底較為杰身，較為失望嘅係配料較少，竟然無包溏心蛋，要自己額外加錢追加，麵條係幼身既拉麵，普普通通。豚骨Mix拉麵 ($78) 味道較淡，豬骨味唔突出，配料唔多，略嫌簡單，建議重口味既朋友可以試下其他湯底。總括而言，配料略嫌不足，驚喜不大，不過餐廳不設加一服務費，排隊時間唔長，建議大家可以其他味道。👅好味指數:5.5/10💸抵食指數:5.5/10🍽餐廳環境: 7/10👨🏻‍🍳服務質素: 7.5/10❤️呃like指數: 7/10💃🏻回頭率: 50%

又到了一週一次，要為試食對象而煩惱的時間「星期日拉麵時間」。單是銅鑼灣拉麵街「登龍街」的日本拉麵店，我現在還有四間拉麵店未曾嘗試過，要剩下四間內其中一間出來，都是很為難的問題。我之前已經食過「霸X拉麵」，我為免最近的觀點，會影響到對銅鑼灣「霸X拉麵」的最後評價，所以我估計在短期之內，應該不會幫襯「霸X拉麵」。至於「豚X」，我亦暫時不在今天試食，試食是遲早會做的事情，不過可能要等待一段長時間。「梅X軒」我剛剛食過，只是我積存下來的食評「大塞車」，短時間應該發佈不了。所以，今次我選擇了，幫襯「登龍街」另一檔拉麵店，有以很大個人頭肖像做標緻的拉麵店「金田家」。「金田家」顧名思義，即是某位已經退役的日本單車運動員，「金田和浩」。拿這位開拉麵店的「金田先生」跟香港的運動員比較的話，這大概應該可能是，如果「黃金寶」或「李慧詩」退役後選擇開日本拉麵餐廳的話，實際版本應該可能像「金田家」了。「金田家」在店前，還刻意用上大量新聞報導介紹，介紹「金田家」和「金田選手」之間的關係和獲得的獎項成績。例如日本內部曾經舉辦過有關日本拉麵店的選擇，結果「金田家」有幸在選舉中，取得獎項凱旋而歸。看「金田家」店前相關的

好奇怪既係男朋友碗拉麵係唔熱既我果碗就熱 同都夠辣 加錢嗌啲配料好大碗但服務態度比其他拉麵店都唔好 我地見枱面無紙巾 就拎左自己果包尼用再食食下個店員先突然掉兩張紙巾過尼

去到灣仔登龍街突然好想食拉麵所以去到搵咗間叫金田家既拉麵店食門面好易搵條街行到中間咁上下就見到等咗一分鐘就入得去啦因為有枱客走間鋪其實幾的色好細間容納好少人 係一間細鋪仔黎餐牌上有好幾款拉麵食最後我揀咗激辛本身都好少食辣 所以淚辛對我黎講太辣啦食唔到落去但佢其實都幾好食九洲拉麵FEEL但湯我有試咗啖 辣 都試唔出咩面但試咗朋友碗拉麵幾好食我只係少食辣仲有佢係比暖水既可能當日比較凍十幾度到啦對香港人黎講好凍架喇

雞白湯豚骨拉麵麵身：3分（一蘭果隻幼麵身，無特別，唔吸汁）湯底：2 - 3分（重口味愛好者不建議，要直接飲湯先品嘗到其鮮味）叉燒：4分（本身有醃製，肉身雖簿，但好香油脂味）糖心蛋：4分（蛋心尚有流心，醬油味濃郁）總分：3分重口味 + 湯底愛好者會失望，因為整個麵以配料為主打。湯以清淡為主，如果不是一啖麵一啖湯，你食不出湯的鮮味，比一蘭的雞湯麵情況更甚。相反，醃製叉燒和糖心蛋的味道過濃，蓋過湯的味道。換言之，這拉麵沒有應有的平衡。想湯底濃味啲或者可以試下黑松露拉麵。本人可能少食清淡的拉麵，所以作此評語。說到底，還是自己試食過最好。

好久沒去銅鑼灣現在才知道登龍街進駐了那麼多食店拉麵店/製麵所也有好幾家隨意的走進了金田家，見其主打九州拉麵呢～我點了黑豚拉麵，並追加溏沁蛋(1隻) ($14)老公則選黑松露拉麵，追加腩肉叉燒(4片)黑豚拉麵，配料有黑豚肉﹑木耳絲及紫菜拉麵一上桌時，有點吃驚，因未試過吃拉麵有那麼多的豚肉呢湯底較為淡薄，而且為何會那麼多泡呢？麵是幼麵，點餐時，硬度選了普通，但入口較稔，不太掛湯黑豚肉肉質軟熟整碗麵最好吃的是追加的溏沁蛋！！！　溏沁蛋好入味>w<而且蛋黃真的夠溏沁！！正！整碗麵雖不會過濃過鹹，但我還是未能完食呢～黑松露拉麵，黑松露約有一茶匙份量黑松露是精華所在，確實帶為湯底帶出香氣！追加的腩肉叉燒，不會太薄，而且肥瘦適中，味道很香雖不及黑豚肉軟熟，但較好吃啊！老公點的這碗拉麵是完食的！整體來說，金田家的食物有其可取之處卻也有進步的空間啊！

每次來到銅鑼灣，飢腸轆轆之際，雙腳總不自覺地走進登龍街，心裡期盼著一碗超濃郁拉麵填滿心坎初嚐金田家的拉麵，名氣早有耳聞，原來下午茶時段單點拉麵，可以免費升級至套餐，飲品或小食任選其一，我當然要喝汽水!沒想到無糖可樂也有玻璃枝裝!可以說是一大驚喜，可知道枝裝汽水的味道絕非汽水機或鋁罐包裝可比擬，一口喝下濃密氣泡才是汽水的精髓所在拉麵上桌!超級期待的豚骨Mix，原來是豚骨湯加雞湯的組合，本以為是濃+濃=超濃的配方，怎料清甜的雞湯反而帶出一絲輕盈感，恰到好處麵條和叉燒都沒有讓人失望，白色的太麵選了超硬質感，師傅亦做到了那種夾起來挺身掛湯的硬度；叉燒肥瘦適中，層次分布平均，切得薄身，一口吃下也不覺油膩，肉香油香飽和，非常滿意!店舖雖小，但牆壁上貼滿了小海報，介紹拉麵知識和金田家拉麵的特別之處，等待食物時不會無聊之餘，還感受到店家製作拉麵用心又講究，大大加分已經急不及待再來一次試試其他湯底了!

諗起銅鑼灣時代廣場旁有條街好多野食，所以經過依頭就過黎食飯啦。 我地都經過好幾間依門口靚啲所以就黎依間。個蛋好正，係依輪食過最好啲。真流心，我仲加多一次。大家黎一定要加蛋，強烈推薦！！！其實湯底真係好一般，比較鹹，我翻到去好口渴。Mix會好啲，因為淡啲，普通味太重。 塊肉不差，口感幾好。麵份量不少，其實望落去普通同MIX 差唔遠。主要分別係個渴，推薦大家点mix ，個味淡啲。門口望落幾吸引，亦都企理，整潔。個紅燈籠好搶眼。可能因為咁耐入去！？拉麵店一向都比較迫，金田家同其他一樣，都係位細細。但個杯有啲細，飲一口就無咁仔。如果大啲就會更好。價錢都合理嘅80一碗拉麵，我地叫左一個mix ，一個普通豚肉拉麵 。另外我加左個蛋。

難得嚟到銅鑼灣，咁多嘢食揀下，決定左食拉麵，去到燈籠街，勁多拉麵店揀雲雲拉麵店當中，揀中喺日本都有分店既金田家正想講店的logo 好熟面口，原來yoho 都有分店都係好像香港其他既拉麵店，要自己揀麵質。好多選擇，我最後揀左店家推薦的柚子辛口拉麵，而就揀左辛子黑蒜拉麵選舉困難的朋友，要慢慢揀哦😂入到去，有人做緊interview ,令我對依間拉麵店的期望增加左首先嚟既係，男爵薯餅，熱辣辣，仲有港女至愛，紫薯加BB salad 醬，入面仲mix 左栗子，成件事，無得輸的黑蒜拉麵，湯底好香，隻蛋，望到都知正，叉燒脂方分明，麵都算多，我係食5哂既，就話剛剛好我嗰碗柚子辛口拉麵，估5到個湯底本身就有柚子味，好清新，又5油，5食得辣既我，mix 埋嗰個小小既醬，都無食到變左angelina jolie 總括而言，I will be back !

阿sir又搵我做白老鼠陪佢試拉麵，今次試嘅係銅鑼灣金田家，果條街有一半鋪頭都係賣拉麵，點解偏偏揀咗間no good嘅嚟試架！濃豚骨拉麵先飲一口湯，好唔濃嘅湯底！再食一啖叉燒，又肥又唔入味嘅肉！然後再食一啖麵，突然嗅到濃烈嘅廁所味！實在太唔掂，環境衞生令人作嘔反胃，我係坐師傅對住嘅bar枱位，就算碗麵幾好味都係咁話，何況真係唔好味！黑豚拉麵阿sir就係為咗佢而嚟，湯底不錯但唔濃，肉也不錯肥瘦均勻，仲有5塊咁多，但麵質地就好麻麻，我個人鍾意一蘭個麵，葱似本地葱，而溏心蛋算係整餐最好味嘅(真心覺得)。大將餃子味道唔錯，餡料有肉又有菜，唯獨皮厚咗dd，但都可以一試。後記：衛生真係好重要，人客品嚐美食同時又品嚐埋附送嘅廁所味，嘔心！二人共消費：$230

點左柚子辛口拉麵，覺得幾有心思除左柚子味湯出面未食過，仲加左醃過酸甜既紫洋蔥，同個柚子未幾夾，亦都可以解豬骨湯既油膩感麵質係超幼既拉麵，可以硬d更好食。食過香港好多間拉麵，個人鍾意香濃口感的拉麵，所以覺得好食過隔離米芝蓮如果食厭左普通味，絕對推介呢隻柚子味拉麵。佢個餃子唔知係唔係自己包，但肯定唔係普通街買個d，肉餡比出面日式餃子多d，入面d菜仲食到甜味。整體黎講係有心思既味道，要細心品嘗享受！！！

星期六約咗朋友去銅鑼灣行街，緊係要醫咗肚先搏殺，食拉麵就最快最醫到肚，於是行入嚟登龍街，大把選擇！12點幾嚟到，見到金田家好似幾出名，又冇乜人排隊，就入去試下，叫咗個叉燒拉麵，同埋餃子。食拉麵第一件事緊係要試湯底啦，拉麵嘅湯底都幾濃郁，又唔會太漏，都幾好，叉燒就普普通通，不過都夠林身，麵係幼麵，可能我有私心鍾意食幼麵同呢隻湯底，所以覺得幾好味！另外再叫咗碟餃子，餃子都唔錯，熱辣辣，皮都夠脆，唔錯！

登龍街真係好多野食 想食咩都有 今次就試下日式拉麵😸----------經典拉麵 ( $78 )無論係麵嘅硬度 加咩配料 至走唔走蔥都有得揀😬叉燒都切得幾薄 肥瘦適中 湯底幾杰但唔算好濃同油膩 飲完都唔會話好口渴😂不過如果要溏心蛋要加錢先有🙁整體黎講中規中矩啦👍🏻

星期五果晚本來約咗朋友去銅鑼灣食餐好嘅.....點知其中有兩個朋友甩底....咁4個變2個.....行嚟行去都唔知食乜好所以求其搵間拉麵店填下肚就算因為食飽之後又可以去Time Square行下睇下有冇野買其實食拉麵我都想有好多選擇不過好似食一碗拉麵唔係好夠喉.....我決定要叫多個餃子嚟食份量都唔錯我同老友一人兩隻呢個豬肉餃都OK我老友食呢個辛子黑蒜拉麵....佢話味道一般般嗰啲豚肉肥咗少少我自己就揀咗呢個鹿兒島黑豚拉麵肉質尚算唔錯不過我自己揀錯左早知我要啲拉麵淋身少少會好食啲古吾到細隻妙竟然可以坐喺兩碗面嘅中間仲要坐到咁定添佢而家成日都同我周圍去食嘢

收夜的這天, 有點肚餓又想吃好一點. 經過下班附近的登龍街想起這條街除了豚王外, 就只欠這家拉麵未吃過. 又幸好這裡10點仍有營業. 按照一向的習慣, 光顧一家新的拉麵店, 還是點最基本的拉麵試試. 黑蒜及激辛怕會嚐不出基本湯頭的味道. 落單紙上, 可選麵的硬度及要不要蔥. 枱面上沒有任何調味料, 小菜等, 這簡單的場面只曾在旺角的醬家看過. 上桌的這碗最基本拉麵, 除了麵之外只有紫菜, 蔥, 木耳, 還有4,5塊薄豬肉. 麵條是較幼的直身麵, 口感普通. 湯底則是純豬骨湯, 面層雖浮著少許油, 但湯的感覺不濃厚又不複雜. 薄薄的豬肉沒太多調味, 吃起來沒什麼感覺. 整碗麵的份量合適, 但吃完後沒有滿足感, 湯跟麵條太薄弱. 拉麵的水平, 只有50分僅僅合格. $78的價格, 與同街的幾間拉麵相比算是便宜. 但若朋友光顧的話, 我會建議點雞白湯豚骨或其他拉麵. 翻食指數: 0分.   價格中等, 服務可以, 味道不過不失, 但周邊的拉麵店有4,5家, 綜合味道及價格來看, 應不會再光顧.  (此指數平衡店舖交通, 味道, 環境, 價格... 等等, 個人作出的評價.)