金田家 (已結業)

一直都想試金田家拉麵, 但一直都未搵到機會。今日咁0岩要去開HUNGHOM呢邊, 終於都可以下呢間咁多人讚既金田家搵麵啦!!因為我時間都早, 所以唔洗排隊就有位。入面環境唔算大, 得十幾個位左右, 所以如果想試就最好閒日早少少黎。我同朋友叫左以下食物:-小食: 唐揚雞塊, 一客好似有4-5件, 但每一舊雞都幾大舊下, 佢既炸雞炸得好滑一D都唔乾, 調味亦適中, 又唔會好酒, 加少少檸檬汁同蛋黃醬食, 味道一流, 我好同朋友好快就食哂一碟。拉麵: 柚子辛口拉麵, 呢碗係我叫既, 出面好少會食到柚子味既拉麵, 初頭都會驚有D怪, 但係食落又幾好食喎。佢有D柚子清新既味道加上少少辣味, 配上濃厚杰身既豬骨湯, 拉麵內仲加左D紅洋蔥, 酸酸甜甜的, 令到成個湯既感覺冇咁漏, 帶點清新感。黑豚叉燒, 較簿身同淋身, 唔會好咸, 都幾合我口味。最後隻溏心蛋, 我覺得佢係呢碗而既主角, 無論佢既味度同佢既熟度都係恰到好處, 幫呢碗麵生色不少, 所以如果要黎金田家拉麵, 我建議一定要追加溏心蛋, 真係好食到唔捨得吞。黑松露拉麵, 佢亦都係用黑豚叉燒, 今次濃厚杰身既豬骨湯加上黑松露醬, 個人感覺佢好似

一路都知道黃埔有好多好嘢食尤其是地鐵通車之後更多人嚟呢度搵食呢日放工行開呢頭見到呢間鋪頭都有啲人排隊睇嚟應該口碑唔錯七點幾都坐滿同埋我都幾鍾意食拉麵好彩等左一陣就有得入去坐我就叫咗個炸雞小食上枱嘅時候夠晒熱啲炸粉唔會太多食落去香脆但入邊嘅雞肉都仲係juicy嘅！而且數量都幾多咁嘅價錢都幾抵跟住我同個朋友每人叫咗一碗拉麵個流心蛋真係做得好出色個蛋黃做的剛剛好而我叫這個有黑松露醬我第一次食黑松露味嘅拉麵感覺都幾有驚喜豬骨湯再加上黑松露原來個味道層次都幾豐富另外我都叫多咗碟叉燒用醬油調味過用來送拉麵真係好好味個湯底夠晒香濃而且啲拉麵彈牙啦而且啲豬肉片都幾入味飲品方面都好多選擇果汁梳打酒都有用來送拉麵都好正！

身為吃貨既一份子當然要去試下，今日就決定揀呢間拉麵做晚餐。黑松露拉麵($108) 我試左少少松露醬，份量少少但香味已經好強。白色一片片既係外加o既腩肉叉燒($20/4片但佢俾左5 片)，亦都可以叫以佢主既拉麵。佢自身既油份會高一d ，但不致於好肥膩，食落都唔錯激辛拉麵原本所配嘅係腩肉叉燒配合返佢個湯底冇咁濃烈，亦都係不失為一個好選擇！值得一讚嘅係佢依度啲糖心蛋真係好糖心，唔會好似某啲拉麵店咁比半隻熟蛋你交行貨。溏心蛋一入口濃郁滑溜的蛋香撲鼻，帶有溏心的甜美，流心的橘紅蛋液，彈牙的蛋白超級入味，是我最愛的溏心蛋形態！我們各自點了一杯特飲可爾必思，飲落小小酸，但又甜甜地，幾好飲！值得一讚既係落單後好快就有得食，肚餓既我地唔洗等好耐就有野落肚！

現在越開越多分店的"金田家"，其拉麵一向甚得人讚譽有加。若然不是這樣，也就不會開得如此多的分舖了。不過我一向對這裡的出品並沒留下很深印象，總覺其水平只是不過爾爾。在試過第一次後，就沒有太大衝動再吃第二次....今趟的重臨，純粹只是因利乘便。剛巧肚子餓，剛巧又路過此地。不想走進旁邊的老麥，也就又來了....這裡的拉麵有不少不同的口味，但對我來講，還是最基本的豚骨湯拉麵最吸引。連這基本嘢都做得不好的話，其他的就休談吧....呷一口湯，夠熱，甜度足亦蠻黏口。感覺比我第一次來食時好；可惜的是，麵仍是用上我最不喜歡的白色幼身麵條，吸湯能力不太強之餘又硬梆梆的，要扣分；灑面的木耳絲挺爽脆的；叉燒肉片得很薄，看起來很嚡很瘦但食落又頗軟淰的，但咬起來欠很強的脂香。始終太瘦的肉，向來並不是我那杯茶....吃過今趟後，小弟對這兒的印象仍是沒大改，總覺這兒是被過譽了....

果然無介紹錯途經紅磡區便想起老友介紹過既金田家。係餐牌見到呢碗黑豚拉麵既擺盤已經令我二話不説咁點菜。片刻後，真身端上桌前，賣相與相片相符，立時加分先呷一口湯底，嘩！濃郁而不嗆喉，麵質點選了硬身，吃來非常爽口。至於豚肉雖然薄切，但件數多而且入味。可能正合我口味，湯底濃而不咸，很快便食哂整碗拉麵，連湯底也飲光，錯覺份量有點不夠。呢碗拉麵性價比高👍🏻定會再來試其他口味另外，店員服務態度非常好，主動送紙巾給所有客人，非常窩心

最近食米線食到厭厭地，但大熱天時又想食啲有水份既野，路經金田家，先醒起仲有拉麵呢個選擇，相請不如偶遇，就入去坐坐食起豬骨湯底，都想有啲新意，所以揀左雞白湯豚骨拉麵 賣相以及湯底顏色也是美美的，附贈紫菜一夾起麵條，仲發覺所配之麵條係曲麵，質感略為硬身少少雞白湯比豬骨湯清，但仍味道濃郁朋友仔既黑豚拉麵~賣相超級吸引，黑豚肉有很多，圍住碗邊湯底聞落比我既雞香湯更為濃郁朋友仔既黑豚肉味較重，脂肪比例都較為健康而我果款既豚肉，脂肪比例較高，但正因為咁，肉質好滑，我個人都偏愛呢款多啲溏心蛋係食拉麵必需的追加!整顆蛋超入味，溏心效果睇圖就知有幾正，顏色係最靚既橙紅色，大滿足唐揚雞塊 仲加左個小食，色水幾好，而內裏雞肉肉質分明，濕潤，也是讚讚的，份量都好合理朋友仔試左梅乃宿果酒既柚子味，完勝鋁罐裝既果酒，入口有好香既柚子味，類似柚子蜜既味道，吞下後酒既回甘味出哂黎，值得一試

呢間拉麵店喺日本開到嚟香港，自稱自己做「九州第一拉麵店」，今日就嚟食下佢睇下係咪真係咁好味先。我嗌左雞白湯豚骨拉麵＋溏心蛋一隻（＋$14)呢隻拉麵係屬於曲麵，啫係粗身啲。個人嚟講鐘意食呢隻麵多啲，有咬口啲丫嗎。麵上面鋪左紫菜、豚肉同埋啲蔥絲。湯底唔算好濃，好似落得多水得濟溝稀左咁。麵連埋湯底一齊食，覺得無乜特別，因為所有野都一般般。唯獨是好味嘅係豚肉。豚肉半肥瘦，而且燒過，非常之香火灸味。朋友嗌左豚骨mix拉麵呢款拉麵係屬於幼麵，同頭先嘅曲麵質地唔同。而麵上面嘅配料就由蔥絲轉左木耳。但係呢碗就有啲失望，因為湯底飲落同出前一丁嘅豬骨湯底無乜大分別，價錢仲要貴咁多倍添😥成碗拉麵真係只得個幾塊豚肉好食，比80幾蚊食一碗無特別嘅拉麵真係好肉赤😫試完呢兩碗拉麵之後，覺得佢地自稱「九州第一拉麵店」有啲名過其實😥質素麻麻之餘仲要價錢唔平，下次應該會揀返其他出色啲嘅拉麵店幫襯😟

黃埔睇完戲後同男友喺附近覓食😋見到呢度金田家，雖然舖仔細細，但間格舒服，仲感覺好日式地道~黑豚拉麵，一黎到見到份量超足！一片片嘅黑豚肉圍著碗邊~湯底有濃濃豚肉香，但味道又唔會過重到飲完會好口乾，我鐘意一啖麵加一羹湯加少少木耳一齊食，好有口感👍🏻男朋友嘅黑松露拉麵未放到枱已經有陣陣嘅黑松露香傳來，連隔離位都忍唔住講左句："好香呀！" 😂 原來匙羹上放咗一大羹黑松露，配上清淡嘅豚肉湯底唔單止無被濃郁嘅黑松露香味搶走，仲令到湯味更出👍🏻追加嘅蛋軟滑流心， 蒲燒腩肉強黑豚燒肉嘅肉脂分佈亦非常平均，而且表面經火槍輕輕燒左燒後更見惹味😋男爵薯餅有兩款口味：紫薯味同牛肉味， 薯仔蓉同牛肉混和得超軟滑，紫薯味甜度啱啱好，食落唔會膩👏🏻總括而言，食物水準相當唔錯，而且價錢唔算貴！環境亦好有日式風味，可以再試😎

又來到金田家食拉麵！雖然下個月就去九州，但食拉麵嘅癮不能等呢。已經唔係第一次食，但感覺比起上一次更加好食，叫返上次食過嘅辛子黑蒜拉麵，豬骨湯底依然keep住好濃厚好creamy，而且黑蒜味真係好出，甜得來又唔會好辛辣，食完個口個陣蒜頭餘韻真係會停留好耐，證明真材實料。上次食唔到嘅柚子辛口拉麵，呢款口味確實出人意表，雖然湯底本身好濃，但係柚子嘅清幽同樣好突出，而且食落最特別嘅係柚子味反而輕輕去油膩，唔會食兩啖就濟了，一個唔覺意兩三啖就食晒成碗麵！追加嘅兩款豚肉都好重油香，本身碗面已經有四款，個人覺得下次追加一款都已經夠食。上次來的時候炸爐壞咗，今次終於食到炸物。紫薯薯餅睇住職員即場炸，來到新鮮熱辣辣，裡頭有原粒栗子，可樂餅真係好簡單就可以好好食！

依日約左朋友喺黃埔，行完Aeon想喺附近搵地方醫肚食晚餐~ 突然想食拉麵就搵openrice search下，見金田家喺呢頭，一於去試下先！我地去到咁岩剩番兩個位乍，再遲一點已經要等位了～睇餐牌，原來佢地係來自福崗。我自己偏好食豬骨湯拉麵，所以一翻就番左去黑豚拉麵依頁，點左好少見有黑松露的拉麵！！同其他的拉麵店相似的地方是可以選麵的軟硬度同要唔要葱，我仲追加左流心蛋！因為太肚餓我地加多左客男爵薯餅Lalala~~ 有野食lu~ 黑色果啲就係黑松露！其實我喺店員放碗麵落黎果下已經聞到個香味！黑松露同拉麵原來好夾~~ 我選硬麵恰恰是我想要的口感~~ 塊豚肉幾香幾滑，有三塊薄薄的，食完仲有點意猶未盡~~~ 果然來自日本味道是有保證的哈哈！ 除左碗麵，原來個薯餅仲有驚喜~~上桌時仲熱辣辣岩岩炸起！兩件個樣好似一樣，但實情係一件甜薯，一件牛肉薯餅！我個人覺得牛肉薯餅弄得好出色，伴著拉麵吃真係正！這頓飯吃得好滿足喔！

有人話係香港食拉麵要食到高質，其實唔係好多間。喜歡食拉麵的朋友，有時為了唔去幫襯果 幾間連鎖店，會周圍去搵D小店。今日我和朋友路過黃埔，途經呢間店無心插柳之下撞左入 去。點解入去?店仔細細，有麵香，坐滿人，仲要排隊，我就知應該有D料到!入去啦!原來呢間係日本都有好幾間分店，不過係香港就只係得3 間。張 menu 紙好簡單，8 款湯底，我和朋友各點了辛柚子湯底同黑松露湯底，貪佢夠特別。食拉 麵我會堅持叫餃子，因為當一間拉麵店成功，佢既餃子都必定唔野小。朋友叫了果汁酒，而我 叫了綠茶。我地再追加了少少topping , 開心D ^o^上台啦!兩個湯麵都好有驚喜，黑松露湯唔單止個湯滲出陣陣黑松露味，而且麵裡仲有一匙黑松露醬。先飮一啖湯，好香好濃滑!麵身有咬囗，叉焼在湯中浸完，入囗鬆化半溶。至於朋友個辛柚子湯都好特別，咸中帶柚子撲鼻甘甜香味，湯底飲完會散番柚子甜味，煮得好出色。叉燒同我果碗一樣。餃子看似平平無奇，其實我睇到佢心機:佢只煎一面，而保留另一面餃子形態。餃子好鮮甜，菜同肉埋一齊沒有渣，只是食到肉味同菜味，但又唔會覺得粉，正!不得不提佢個果酒，濃濃甜甜的蘋果果香，完全唔覺飮緊酒，飲完之

前日收工同朋友去咗黃埔附近，行到必嘉街由於餓鬼表示非常肚餓嘅關係，見到金田家日式拉麵店就入咗去試啦👆🏽店面摩登簡約，加了細紅燈籠點綴由於真係好飢餓嘅關係，我哋分別叫咗兩碗麵，每人要多兩個追加，再加一碟side dish大食mode啓動！👆🏽等食期間係到數有幾多車行過先無咁餓咋！(🙇🏽‍♀️感恩店員俾咗個窗口位我地😭)👆🏽黑豚肉拉麵，賣相非常出色👍🏽姐流哂口水🤤有5塊叉燒啊！係5塊咁多啊！個豬骨湯底好濃厚，飲落feel到食咗好多骨膠原😘👆🏽留心蛋蛋白滲入醬油味、微咸，蛋黃runny、溫度微暖，夾雜麵條食係絕配😍👆🏽麵條揀咗普通軟硬度，食落去姐認為條條分明，爽身得嚟唔硬，一咬即斷，very nice👆🏽朋友個黑松露拉麵，黑松露多到爆，我試咗佢一啖湯底，黑松露味道非常香，完美地滲咗落個湯底度👆🏽追加咗浦燒腩肉同黑豚燒肉，油脂同肉分布均勻，食落唔肥膩，豬肉味重，原汁原味👆🏽大將餃子，煎得好香，餡料豐富，送麵一流食完之後，姐同友人捧住個肚走，好滿足啊！

今晚心血來潮想食拉麵，決定與朋友再試金田家。雞白湯豚骨拉麵(溏心蛋)特意tick「硬」底既拉麵，想試下掛汁能力🤔。當然！！不出意料，非常爽脆彈牙之餘，掛汁能力能力都算中上。🤩🤩🤤😆叉燒薄，食落肥而不膩。最抵讚既係湯底非常濃厚，淡淡的雞香味令人回味。黑豚拉麵 朋友選擇了「普通」硬度的拉麵，掛汁能力與「硬」底拉麵不相伯仲。👍👍 若想令拉麵稍微爽脆些少，建議令加芽菜。大將餃子非常多肉！！且肉汁濃郁。適合食肉獸們 😆😆

食開拉麵有條癮，亦唔服氣前一日竟然中左拉麵伏，一定要搵番碗好食既補數。有朋友介紹呢間金田家，於是就拉另一個friend黎開麵餐。Menu上面有唔同湯底口味可以揀，柚子辛口唔係度度有，而且寫住推介，所以我就揀左呢個。朋友就揀黑松露。碗麵本身無糖沁蛋，所以都各自追加一粒。金田家既拉麵係直麵，唔會有梘水味，最啱我，而且揀左要煮軟，食落真係好軟熟。 塊豬肥瘦適中夠肉味，配埋清香得黎又刺激既柚子辛辣湯，yummy yummy。食左一半，個friend試左我碗麵既湯，佢話柚子味幾清新。我試左佢個碗黑松露麵既湯，覺得好香松露味，最後我地決定交換食 😂 兩種口味都試晒，我地真係太聰明。黑松露拉麵既松露味非常濃郁，啖啖麵都係松露。鐘意松露既人唔應該錯過，值得一試。另外仲嗌左餃子。新鮮煎熱辣辣。Overall 成餐都好滿意，好開心終於可以搵到好食既拉麵 🍜😋 雖然地方比較細，但幾有日本風味，亦方便同朋友傾計。

平時食日本野都係食壽司or直接去食放題，好少會突登去食拉麵，今次黎係朋友想食先黎，估唔到真係好唔錯！值得一黎！叫左個柚子辛口拉麵，唔算太辣，唔食得辣既都可以一試！柚子味好香，唔會奇怪同辣味好夾朋友叫左個黑松露拉麵，真係好surprise，d黑松露味超重，個湯勁好味！入面有黑豚叉燒，好正，入口即融，好後悔冇再追加！追加左腩肉叉燒，唔係入口即融，但油脂分佈平均，不錯！要左個炸雞，好大件，雞肉嫩滑，juicy!飲品就叫左個綠茶，如果呢度多d飲品選擇會好d😂