金牛苑越南菜館 (已搬遷) 新店位置

同一個朋友星期六食Lunch, 叫左春卷, 蔗蝦, 蟹肉炒粉絲,同串燒牛.埋單300幾.一來吾底食, 又吾特別好味, 最差是服務. 我同朋友吃左前三樣食物都吾飽, 所以再order串燒牛. 牛都末到有個waiter問都吾問收起我對筷子,可能佢吾知我再落order,算啦. 隔左分幾鐘另一個waiter又問都吾問筷子連碟都收埋, 大佬阿有無禮貌!好,我任拒收當佢同我換碟. 當串燒牛到,waiter都吾發覺我無碟, 係吾係食串燒吾洗用碟, 有汁大佬!客人又吾多,一D服務水準都無, 請我都吾會去.

I used to be the clientele of this restaurant when it was at the Ocean Centre, even know the manager very well. I was told the food is not longer the same by friends. But I had a friend from Canada visiting so that we went there because of the harbour view last night. We order a set dinner for four, the chicken was less than half and cold, the skin of the spring roll was so thick. the tiger prawn was so overcooked and the friend rice was very hard.The food that used to good is no longer the same

其實而+去食飯要訂位都好平常...加上人地有個無敵海景.....自然多人爭啦~~~講返上次食d野...真係掂~!!!南乳燒雞--皮又脆卜卜...d南乳汁整得好好味...一定要試~沙叻蝦--隔離d炸香蕉超得呀~~個蝦都好味~!!南瓜蟹肉翅--好足料...不過好杰..炒粉絲--好多蟹肉...夠乾身...南瓜飯--大大個..不過汁好似多過飯...小朋友最愛甜甜地~仲有個waiter幫我地分埋...好服務~!!仲有其他食物都不錯...最緊要留拉耶羔...第二度食既都冇呢間咁好味..."""我地有成六個人...樣樣食到我地捧住個肚...正~!!!其實都唔係好貴...個景都值回票價~!!!main point~記得訂台..特別係假期....成日排長龍ga~!!有兩個小時free parking~~

上星期五晚諗緊食咩好之際，突然諗起呢間野好似好多人排隊好受歡迎咁，於是就決定試下啦。等左都差不多9個字先有位呀，好彩可以一路行街一路等。我地兩個人總共點左三道菜：手撕雞沙律雖然本身冇咩味，但係撈埋佢地o個D酸酸甜甜既醬汁一齊食就好醒胃好清新。牛肉酸鍋叫酸鍋係因為佢個湯底係酸酸地既，將D牛肉放入去涮一陣，再沾上甜酸醬，好好食ga。牛肉本身既牛味好香濃，帶D湯底既微酸味，肉質鬆化，就算唔沾醬食都好正！香橙鴨用燈烘住，保溫之餘亦都好讓鮮橙汁與鴨肉更加融和。又係酸酸甜甜咁，食落口感覺不油不膩，鴨肉腍腍地，都幾好。另外仲飲左好耐冇飲過既椰青，覺得特別好飲呀！全晚既菜式我都好滿意，而且侍應既服務又夠積極主動，價錢係貴左D，不過都算合理既。

一坐低睇到menu得套餐，又勁貴，二人餐份量太多，根本唔想食太多，想散嗌就一定要叫waiter其他menu，點知一就成4、5個牌。侍應態度一都唔誠懇，仲掛住傾偈，講其他客是非。食味道真係一般，又唔夠熱，絕對不值！收得咁價錢，好好食就話。講越南及泰國，九龍城大把好食過佢。埋單仲連多謝都冇句，實在影響客人對餐廳印象。一定唔會再去。

星期六同班大學同學出黎食LUNCH, 我地五個人叫佐個四人套餐, 另外仲叫佐樣什麼辣炒雞.因為我遲黎, 所以佢地已經叫晒野, 我就淨係食,唔清楚個套餐裏面既食物名堂.個湯OK好飲, 用料都幾足.黑椒牛柳炒雜菌-我唔食牛所以淨食雜菇, 但都覺得好好味好入味. 四式拼盤-串燒好一般, 春卷唔好食, 札肉普普通通, 蝦丸OK.南乳雞-隻雞好鬼肥, D肥膏黃色一舊舊, 好恐怖.炒檬粉-味道一般.辣炒雞-唔算好辣, 都算幾好食.仲有一碟係炸蕃薯同埋白色一舊應該係蝦球既物體, 上面有D蟹子, 我覺得呢個最好食.甜品-類似綠豆沙咁, 但唔啱我口味, 我唔鍾意食.雖然我地五個人叫四人餐, 但係都食唔晒(可能女仔細食), 個個都食得好飽. 但埋單就勁貴, 夾埋茶, 餐前果D呃錢既酸蘿蔔, 埋單要$1109.

環境好好, 對正中環海景, 應該係成個海港城最靚景既餐廳. 侍應服務唔錯.沙爹串燒雞-沙爹好味, 雞肉就燒得唔係好夠火喉咖哩蟹-好香咖哩味, D蟹好多膏, 首選.南乳吊燒雞-隻雞好滑, 皮好脆.香橙鴨-鴨比較鞋. 麻麻地~咸魚炒芥蘭-唔係好咸, 普通貨式羊肉(唔記得乜名)-個雀巢炸得好脆, 羊肉好夠味.

今日路經此區,第一次來這個商場.最吸引係中間個捐錢井,這個方法起毎個商場放一個,都幾易籌到錢呢,入正題,坐得幾舒服.最緊要張枱夠大,兩個人坐四人枱,食物方面,今次最好食為xo醬海鮮炒河,好足料.d蝦好大隻,帶子等.可能價錢貴先咁足料啦.118一碟,另外叫左蒜炒雜菜,芥蘭跟西蘭花,炒得又幾好味.另兩個為軟殼蟹卷,乾乾地,凍食,麻麻地.加點汁可能好食d.仲有個蒸粉皮,正常無乜特別.總括來講鐘恴佢既舒服環境多個食物.

自從搬嚟LCX是第一次幫襯,但大失所望,以前在海洋中心的舊舖好食好多,今次吃的:南乳吊燒雞,皮OK!幾脆,但雞肉就認真麻麻,又(鞋)又無乜雞味,(唯有碟南乳汁D味唔錯),所以一味靠點...香茅豬排,完全無香茅味道!!只是一份普通過普通的炸豬排,但完全唔鬆化,一碟仔幾個人食,都仲剩幾件...其他嘢都是不提也罷!!!份量又細咗,總之物不所值~~~本來個海景位都唔錯,但背住窗座的朋友就要對到實個男厠,D位set得太近太正厠所了(非常近距離接觸)!大殺風景!

10/1夜晚黎左依度食飯...叫左海底椰川具燉螺頭湯, 蒸粉卷, 半隻南乳吊燒雞, 咖哩蝦球, garlic bread, 上湯唐生菜海底椰川具燉螺頭湯咸左少少,但算足料...蒸粉卷ok啦...無咩特別半隻南乳吊燒雞,個皮夠脆..但係雞唔夠滑咖哩蝦球...蝦算大隻...味道不錯garlic bread好似番焗...個皮好硬...之後點左甜品..拉椰糕+黑糯米椰汁糕...2個都唔錯...但係幾貴...6個人飲埋野要$1310...都幾貴...依度既環境係唔錯...對住個維港...今晚睇左個激光匯演..覺得比一年幾之前差左好多

12月29日18:30約了遠方來渡假的同事在這店晚飯。18:15進店，客人不多，因早訂位，有無敵海景。19:00已滿座，門外已見人等位。要了下開：1. 雞肉串燒：雞肉一般，沙嗲味夠濃。2. 越南春卷：鬆脆，不肥膩。3. 原隻火焰菠蘿海鮮飯：先燃點碟底酒精，熄火後由侍應分配，料豐富，有蝦、鮮魷、帶子和魚肉，飯混有鮮菠蘿肉和蘑菇，好鮮味。4. 炒牛河：不夠乾身，稍油膩。5. 香橙鴨：用酒精燈保溫，鴨肉甘香，淋而有口感。整體服務不錯，到了激光表演結束，侍應請我們結賬，因晚飯分兩時段，18:00~20:15 和20:30開始。題外話1：天下孩子都有偏食壞習慣，小魔怪不吃菜，友人之子不吃紅肉和海產>m<'題外話2：這店幾前衛，用帶有bluetooth的pocket PC 落單。

個日行harbour city先知佢replace左ruby Tuesday, 於是同個fd去食下啦, 一入到去, 見到佢個d超簡陋的menu, 係用A4紙電腦打完再過膠, 以為佢係新開張, 但waiter話都開左好幾個月啦, 唔係啊, 開左幾個月, 連一本正正經經的menu都無? 望見menu又無咩choice , 如果唔係餓到腳仔軟, 我一定會抗議離場無奈之下唯有order啦, 叫左個越南豬扒檬、越南春卷、金桔檸蜜同串燒，豬扒檬唔平架$68，檬粉食落係好滑又唔會痴住一舊舊，醬汁太淡，落多多都唔夠，豬扒又少又un，唔掂，點值$68蚊啊!! 金桔檸蜜，越南春卷就一般水準，不過不失啦! 豬牛雞串燒各2串, 收我$78, 好un, 燒到un晒, 個汁又唔係沙爹味, 只有咸味, 好唔掂….街邊都好過佢.Service又差，伙記又叫極都唔理, 食物咁咸好口渴, 又唔自動加水, 除左有個view外, 真係一無事處, 一定唔會再去.

自搬來LCX 之後, 今次係第2次來. 上一次覺得地方好左好多, 冇咁隔涉, 有海景有對岸燈飾, 人亦多左, 食物依舊唔錯. 不過今次就覺得食物好像退步了, 有點先失望.同姨甥仔睇完聖誕裝飾過來, 媽咪已點了菜. 5大1小, 叫了一個4人套餐, 另加了2個海底椰川具燉螺頭湯, 一碟香茅豬扒, 2碗生熟牛肉河. 唔知點解食越南菜會點個螺頭湯, 家姐話金華火腿令個湯咸了少許. 套餐中的蟹肉豆茸湯就唔錯, 好香牛油味, 蟹肉都係拆出來放於湯面比人睇下唔係求求其其混埋個湯就算. 拼盆只屬一般. 香茅豬扒幾硬; 另外咖哩牛腩唔辣亦可以香d, 蒜茸包就太輕飄飄, 感覺唔實在, 牛油比蒜味多.全晚最喜歡的是黃金蝦. 蝦肉大大啖, 味有點辣, 似咖哩蝦多於咸蛋黃, 但已是全晚最喜歡的菜式, 食左3隻所以好漏. 雖然呢次食物算一般, 但屋企人係幾鍾意來的, 希望下次會有改善啦.

今日難得約左阿FLO同阿FA食飯,見金牛苑搬左新鋪,裝修幾靚,所以BOOK左張枱食LUNCH,估唔到BOOK左枱都要坐走廊位,呢間野D坐位安排唔係太好,幾迫而且坐走廊位好唔舒服,而且D WAITER好似"拼風"咁企晒係我地張枱前面真係好唔習慣!難得見到窗口位有吉位,想轉枱,點知個經理話2:30之後會收市,所以唔可以轉,點知隔左一陣就有人坐個張枱,真係火都來呀! 不過最唔滿意都係個"埃及妖后"女侍應,佢塊面真係黑過包公,估唔到尖沙咀區都算中上食俯竟然比D咁既服務客人,就算野食幾吸引都唔會再去!講番D野食,質素OK, 個牛串燒好味,肉好淋好香,反而南乳燒雞一般,冇咩味道,咖哩牛腩一般,唔夠香,蒜蓉飽幾好食,三色冰好香椰汁味,不過料唔夠多由於呢間野又貴服務又唔好,我決定以後都唔會再去!

一行九人...食左: 南瓜海鮮羹...蒸粉卷X9...羊架X9...黃金軟殼蟹...炸龍利柳...荔芋牛仔肉...咖喱牛筋腩煲+ 蒜蓉飽...椰盅焗飯...札肉湯河X4...薑汁芥蘭...椒絲腐乳生菜...椰汁糕X9食物味道全部都可以拎B++.....可以拎A 既有南瓜羹(超好味)...軟殼蟹...龍利柳...& 芥蘭....所有食物都清哂碟...個個捧住個肚走....P.S. 我個人覺得呢間好味過新世紀果間....