金滿閣茶餐廳 (已結業)

每次經過都心思思想知道有d職位上、社會地位上有d份量的人士會在此茶餐廳食什麽? 經過丈夫的介紹, 我知道通常都是一般市民叫的奶茶、蛋治、扒飯。 咁我今次叫咗茄汁荷包蛋雞扒飯及丈夫的蒜蓉汁牛柳紅腸飯, 我加$3飲罐裝可樂而他加$2飲凍奶茶。原來每位會送碗例湯今天是青紅蘿蔔豬骨湯, 味道普通, 沒有清甜潤肺的感覺, 應該說是煲得未夠火喉。弄破蛋後, 蛋汁再加幾滴美極已經全碟飯食完, 非常滿足！跟着便滿心滿意地食雞扒......點之......心情即跌落深谷地......件雞扒煎得乾爭爭, 重要係上粉煎.....OMG 粉遇熱變槳糊般黏在雞扒上, 好惡心阿！牛柳沒有「拿」過, 睇得出有刀鎚過的刀跡, 蒜蓉都出味。杯凍奶茶就真係正, 似係將原杯奶茶雪凍後再加幾粒冰咁味道, 醇得不得了

係佐敦返工，午飯同D同事去咗柯士甸道嘅金滿閣茶餐廳食飯，叫咗個芙蓉蛋飯午餐，都幾抵~~~ 芙蓉蛋飯午餐:包一個霸王花豬骨湯+一杯餐茶+芙蓉蛋飯個霸王花豬骨湯:清潤同埋個湯唔油又唔鹹，算幾淡口芙蓉蛋飯:裡面有D叉燒、韭黃、銀芽及洋蔥，芙蓉蛋煎得好熟同埋都幾有蛋香，只係叉燒就比較肥D餐茶:要咗個凍檸茶，檸檬好薄，篤極都唔救檸檬味，又過甜呢!

又是中午飯後要北上的一天, 而且呢次時間都幾趕下, 就比較求其, 找一家茶記快食快閃. 而今次, 就行出外街先算, 因為係童軍會對面, 就有一家規模唔細而且乾淨既茶餐廳.出面因為正在推銷新樓盤而搞到成街都係西裝友. 入到黎雖然都係人多多, 但感覺清靜十萬倍. 我坐在卡位上, 又是靠牆上大字報菜牌既茶餐廳. 他們有個粉麵常餐. 那就容易地, 點下這個雞絲炒麵.午餐包湯包飲品, 湯, 是非常老火, 煲到出哂膠既霸王花湯. 一向都喜歡飲霸王花湯, 滋潤之餘, 而我又喜歡吃花. 湯好多渣, 好多花. 合哂我心意.雞絲炒麵, 督是等同肉絲炒麵. 用上炸麵餅的方法顯得出正宗同好食. 而且亦真係要好有鑊氣 先至煎得出一個好既麵餅. 雞肉絲嫩滑, 味道又唔太咸. 雖然同酒樓既炒粉麵比起來差的, 但起碼味道可以.

上次去呢度食晚飯, 六時多到了.. 環境唔錯,不用等位和有卡位坐!叫左個海南雞飯, 叫左杯凍檸茶雞肉質都幾滑,又有雞味,係隻雞肥咗D囉至於雞油飯,係有雞油味唔係太油,不夠香,只是一般而已值得一讚是醬汁(薑蓉和辣椒醬)味道很好凍檸茶太多冰（下次試吓叫少冰）服務,環境,普普通通.三十餘元一客套餐已連飲品.不能太苛求

琴日中午去佐敦見客，因為無乜時間食午飯，諗住快快手搵間近近地既茶餐廳，見呢間茶餐廳唔算太多人又幫襯過幾次印象ok既，入到去同個呀姐order 凍咖啡同埋干炒牛河，隔左一陣個呀姐隊杯熱咖啡埋黎，係咁話我頭先係叫熱咖啡，我只係搖頭話係叫凍咖啡，佢隔左一陣換左杯凍咖啡同時隊埋碟干炒牛河，我放第一啖牛河入口已經咸到想噴翻出黎…我心諗會唔會係師傅落得重手左呢？但係嗒落竟然係有好明顯一粒粒既粗鹽…炒牛河點可能有粗鹽晌面？似比人整蠱多d！我即時拍檯，個老板都算ok話幫我換過佢，不過如果真係比佢d員工整蠱既話，我仲敢食佢d野？之後放低三十五蚊就走人，廢是比人以為我拿著數。不過條氣有少少頂住所以同客人改後個 meeting 一小時去左酒店食餐好d既。

師傅都有好一段時間冇黎呢間食店, 點解呢? 師傅真係不得而知, 但既然咁耐冇黎加上都幾夜未食飯, 所以就黎呢度食番餐啦!時間都唔算早, 入到去竟然高朋滿座, 不過一條友點都好易搵位; 一坐底就即刻柯打左碟黑椒雞扒煎蛋飯, 再加杯凍檸茶! 等左一陣餐湯先上, 係中湯, 味道清清甜甜, 冇味精, 唔錯; 而黑椒雞扒煎蛋飯就有雞扒一塊, 煎蛋兩隻, 煎蛋煎得好靚, 蛋黃冇穿, 幾好; 而雞扒就煎得好香, 皮脆肉滑, 加上肉身好鬆, 幾好味; 而黑椒汁就夠香夠辣, 送飯真係一流; 至於凍檸茶就不過不失, 可以啦!總括黎講食物質素唔錯, 水準依舊, 環境一般, 服務都係普普通通, 價錢就唔貴, 連埋凍飲埋單三十, 絕對食抵食之選; 冇黎一排除左人面全非之外, 水準質素依然, 絕對值得厲黎, 笑臉當然值得一比啦!

因為落雨關係唔想行咁遠食lunch~就揀左呢間~夠方便叫了煎蛋雞扒飯,熱華田同行同事岩岩落埋單我個餐湯同華田就送到勁快手.湯都幾好味,粉葛豬骨重有渣食,唔錯唔錯飯份量ok,揀左洋蔥汁,味道中上估唔到煎蛋會係雙蛋,不過雞扒唔算大件同埋台太細,可能因為咁佢用d圓既碟裝飯,比較冇用咁多位掛唔洗三十蚊埋單,呢區黎講都係咁上下啦~~一定會再黎

自從我間飯堂執左, 攪到我都唔知有邊間野可以食得下, 終於最近比我搵到呢度, 我試過都好幾次, 都真係可以架!講真, 呢度個特餐同快餐都幾底食! $25, 有湯有飯有餐飲, 炒野都唔差, 干炒牛河都好靚好好味架! 其實又真係冇咩心水推介, 不過呢度杯茶就唔夠以前飯堂好味喇!最重要係呢度比飯堂平, 而且d野食唔差, 都幾多款式!

今日去開佐敦，肚餓餓，但又唔想食牛什麵，於是求其幫襯間茶餐廳，入到去以發覺唔對路，店內的擺設話俾你知呢間野唔方乾淨得去邊，但既然來到，就叫個特餐「干炒魚菘河」加凍檸茶，先來的是一碟中湯(真係一碟)。我估應該是味精粉葛湯，因為味精味幾重，而個舊粉葛，見到都唔敢食，因為內裡夾集一層你解釋唔到O既紫色O係圈入面，遠望就好似個箭靶。咁碟主菜又點呢？其實如圖所示，今次只係將牛肉轉為魚菘而矣，基本上味道口感同干炒牛河無異，而該店可能好夠鑊氣，伴碟有很多油膩的鑊撈。食落怪怪兼好油膩。至於檸檬茶，一般茶餐廳貨色。沒有大驚喜。在我由入店、點菜到食飯埋單走人，總共有不下六七隻大少不一的小昆蟲在我身邊起舞。害我右手一邊食飯，左手一邊要好似患柏金遜症咁撥撥，好不繁忙。在望望前面張，抹的布居然可以求其放在上，冇人理。你食完野，要等好耐至有人會收，而O的員工又好自覺咁將滿佈湯汁O既食具放O係你正進食中的食物上，驚死你會投訴佢收O係你O的食具咁，結果....唉！

佢啲茶餐和常餐係用統一福字公仔麪，十分好味，值得推介﹗

身為附近一所制服團體的成員, 這茶餐廳常被我當作Canteen...... 這裡還的環境不好,但若有興趣, 可以試一試"牛根麵".

呢間九龍公園對面的茶餐廳,運動完行過來食個餐就最方便啦,其他就一般.