金滿象正宗泰國菜

營業中

休息中

我們4大1小去午餐，小朋友3歳，服務員比了4人枱我哋坐，因太迫問佢比多一張枱我哋，服務員話你叫5個餐咪比多一張枱我哋，有冇佢錯，3歳小朋友點可以自己吃一個餐，太過份。尤其是帶眼鏡果個服務員黑口黑面對我哋，以後也不會幫襯.😤😤😤

我們4大1小去午餐，小朋友3歳，服務員比了4人枱我哋坐，因太迫問佢比多一張枱我哋，服務員話你叫5個餐咪比多一張枱我哋，有冇佢錯，3歳小朋友點可以自己吃一個餐，太過份。尤其是帶眼鏡果個服務員黑口黑面對我哋，以後也不會幫襯.😤😤😤

員工服務態度極差，問佢問題好似完全唔想答，連望都唔會望一下，極之唔禮貌，一係就求其答，叫多佢一次嚟落單好似好唔願意，眼神好不屑，唔知係唔係見我地係學生先咁，嚟過幾次都係咁，感覺非常唔舒服。

從未食過如此難食嘅海南雞飯已經叫咗雞髀，一啲都唔似雞髀雞肉又乾又粗，完全唔係海南雞衛生非常之差，侍應一路抹鼻一路攞碟飯，見到已經唔開胃好多人食淨野走以後唔會再幫襯

今晚同幾個舊同事聚會吓，大家都好耐冇食泰國菜，於是乎就揀咗呢間金滿象泰國餐館試一試佢！我地由於冇book位，加上星期六，所以都等咗半個鐘左右！入到來，大部分員工都係泰國人，職到佢地語音就知道了。。。個餐牌都幾多嘢選擇吖。。。泰式柚子蝦沙律蝦大大隻，柚子份量算多串燒沙爹，雞同豬肉質好軟，個沙爹汁味道超惦蒜蓉炒菜青咖哩雞，因為我係唔食辣，所以叫咗青咖哩，呢個青咖哩只係微微辣好少，我都食到，所以唔食辣嘅人，都可以叫呢薄餅係另加嘅蛋包炒飯，好大碟，我地四個女仔，最後都食淨少少蒜茸牛油雞翼，不夠牛油味，但勝在夠蒜茸味，又大隻，不過不失啦！總結，呢間泰國餐廳係有水準嘅，一定會再幫襯👏🏻

明明約左食越南野突然轉陣食泰國野嘅因為有個小朋友行唔郁喇🤣但又俾我地係食飯時間於旺角區搵到位😱既然個天都幫我地，就試下啦我地四個大人一個細路坐在係梳化都幾舒服因為瑜伽朋友剛去完孟加拉返嚟食咗好多咖喱所以我哋就為咗佢唔叫咖喱😅首先係袖子沙律，同埋個大拼盤頭盤都唔錯沙律好開胃，炸物恰到好處唔算話太熱氣然後叫咗個海南雞，雞肉夠嫰，我爭啲同小朋友爭食🤣叫咗一碟通菜一碟西蘭花兩碟菜都好新鮮又夠熱叫咗雞牛豬串燒各兩串仲有酸甜牛仔骨👍🏻唯一覺得麻麻地係唔夠人手我哋叫咗白飯叫左好耐多次，佢哋先出俾我地🙈不過講到食物質素都唔錯嘅

我成日同朋友黎呢間食，今次就係食佢個泰式魚，條魚唔係好夠大條，但兩個人食都還夠飽。不過個火熄左之後，侍應哥哥就話冇得再加返火，（之前另外一個都會主動幫我地㗎！）我都有啲無奈，不過見差唔多食飽就算啦，味道都還可以。之後仲試埋個海南雞飯。眾所周知，海南雞飯最緊要就係隻雞一定要浸夠冰水，咁先會夠爽口。係呢一方面，呢一間餐廳都做得唔錯，不過我覺得佢個雞油飯唔係好夠雞油，佢亦應該唔係用泰國米，所以會有少少扣分。

每一次都好珍惜得來不易的友誼, 特別是在職場上認識的各位。久不久就會有聚會的我們, 這個晚上選址旺角的「金滿象」。很少跟她們吃泰國菜, 數數手指, 最常吃的是日式烤肉! 所以, 這次真的很有新鮮感! 最後是, 我們點菜都花了很長一段時間, 幸好當時不是繁忙時段, 要不就真的超不好意思。先來前菜! 就是生蝦刺身。我自己是很喜歡吃生蝦刺身的人, 最重要是刺身一定要夠爽口彈牙。而且生蒜要大片, 辣椒要辣! 這家做到七分, 生蝦很彈牙, 好味!蒜片我揀了最大片的, 因為我喜歡重口味! 冬陰功湯大家都喜歡的湯, 都不用多說了。店員姨姨會幫我們一人分一碗, 剛剛好。我被分到有蝦的, 不過蝦肉沒有很好吃。湯就很好喝, 好濃郁又夠辣。柚子沙律這個要大推, 因為真的超好吃, 是超級好吃。因為柚肉好甜, 好新鮮, 十分多汁, 而且配上各種配料, 口感好豐富。白雲鳳爪沙律另外這個是專為T小姐而點的, 因為知道她喜歡嘛。鳳爪味道很好, 酸酸辣辣的, 很好吃。炒菜一碟, 忘了是甚麼菜, 但是份量有點少, 而且並沒有很好吃。豬頸肉炒西蘭花這個比上一個菜好吃很多, 因為有肉一起去炒, 味道固然不同。西蘭花吸收了所有

廣華街一到食飯時間，出現人龍既通常都系呢間泰國野，雖然價錢黎講真系一Ｄ都唔平，仲要只收現金，但真心覺得好味同份量ｏｋ既！佢有２個menu，一個系食湯粉／燒烤，另一個就系full menu～試過佢地既生蝦，冬蔭公湯，飛天通菜，馬拉盞椰菜苗，大蝦炒粉絲，芒果沙冰，龍眼冰等等，都覺得好好味！入面ｄ姐姐全部都系正宗泰國人～想食好野又唔想排隊就要早少少去啦～因為佢地好似無得ｂｏｏｋ架～

經過聞到好香好香既味道就入左去首先呢度既環境好好 暗黃既燈光好舒服好有氣氛 啲吊燈裝飾都好靚野食都不算很貴 今次叫左個半打串燒（雞牛豬） 金邊粉同飛天通菜 但佢份量好大 兩個人分一碟金邊粉同通菜已經飽了金邊粉係幾好食既 但友人好鍾意食花生 佢略嫌唔太重口味 不過就花生味唔夠出而我就反而覺得飛天通菜唔夠入味 食落去冇其他泰式餐廳既好味串燒就正正常常 啲肉唔鞋不過我就建議要上左菜趁早熱辣辣食我地食左其他兩樣最後先食 搞到凍左環境真係好好 好乾淨企理 又唔迫

今次第二次食呢間秦國菜，入到去比較迫，四人座坐入面既會比較迫。然後決定點餐，之後我朋友點既耶青水，店員拎左一杯耶汁西米露俾我地咩都冇講，到我地問先講冇耶青水所以轉左耶汁西米露俾我地。之後兩位女店員都好有禮貌，而且等我地食左一部分食物先再拎其他食物另外，我朋友點左一個辣蟹，後來店員到我地食左一半先話冇，希望下次如果冇可以係餐牌上表明食物方面全部都好唔錯，呢個價錢黎講算係中上，唯一一碟炒蝦比較淡。而青咖哩同上一次食一樣都係唔錯，比較想讚個炒牛肉烏冬同之前係泰國食既一樣都好入味飲品就中規中矩，嗌小冰真係有小冰既，不過味道正常整體方面覺得會再去既，不過會只叫某部分既食物

這間泰國餐廳上個月來過食，都覺得好好味，所以再來，今次有驚喜，夜晚加多左泰式串燒，不錯哦，食材好過好多食店，燒雞翼非常入味juicy又有泰國地道風味，泰式魚蛋無得頂，食落去就知不是普通貨式，真的100％值得推介，試梗（掛住食影得甘多相）

又係旺角搵午餐既時候。呢間泰國餐廳係性價比幾高既餐廳。四句總結晒：1. 價錢合理2. 食物好味3. 坐得舒服4. 服務都好我通常黎都係食午餐。佢有個lunch set係粉麵，有時候我都會㨂冬蔭功湯底，正！不過我今次就叫左牛仔骨飯。好搞笑咖，次次佢用既咖哩汁都唔同。有時青咖哩，有時黃咖哩。重點係佢個餐牌無寫咖哩嘛，哈哈～不過好味就算啦。價錢真係超抵！咁樣都唔五十蚊有找！服務都好，大部份都係識講廣東話既疑似泰國人，一般都好nice。所以我成日都都會黎食lunch⋯⋯

提起「冬蔭功」（Tom Yum Goong）三個字，腦中自動聯想起酸咪咪的味道，口水不自覺分泌旺盛!這是一道舉世聞名的的泰國酸辣湯，由南薑、酸子、香茅、青蔥、酸檸檬、辣椒和魚露調製而成。 英語音譯為Tom yum，其中，Tom表示湯，yum表示酸辣之意。其實對泰國人而言，冬蔭功不僅是酸辣蝦湯，更是一種有歷史、有感情的國民comfort food , 非常有代表性呢 這個湯煲得很夠味, 充滿酸辣之餘, 亦充斥蝦的香味, 很開胃！還有炸蝦餅， 香炸食物最啱我的味蕾， 雖然怕熱氣，但也絕不能放過

泰國菜是香港人常食了，今晚就來到旺角金滿象，因為時間尚早6點未夠，客人唔多，呢間店細細間，環境舒適，兩個人就叫了一個泰式金邊粉，冬蔭功湯飯，泰式炸蝦餅，咖啡同洛神花茶。其實泰國菜大家都食過，無咩突別，菜色款式間間都差不多，最重要既係廚師煮出來既味道~泰式金邊粉炒得夠乾身，夠惹味冬陰功味道剛好，湯濃不太辣要特別推介既泰式炸蝦餅，肉質彈牙最後兩人埋單都係$180，一餐晚飯咁既價錢絕對合埋泰式炸蝦餅脆口彈牙，值得推介